موضوع مهم ملف خاص عن ( السكن في الولايات)

[ginger]

 السلام عليكم ان شاء الله الجميع بخير  اعرف انه الموضوع يمكن قاري قبل لكن االفكره ان شاء الله هنا هي انه نجعل  هذا الملف خاص فقط  بلمعلومات اللي اتمنى انه الاعضاء اللي ساكنين في جميع الولايات ولو منريد انثكل  عليهم  يرفدونا بالمعومات الخاصه بهذا الموضوع يعني المقصود مثلا احد الاعضاء ساكن مثلا في تكساس واعرف انه ولايه بكد العراق لكن خلي يذكرلنا معلومه تخص المنطقه اللي هو بيه مثلا اسعار الايجارات هل التدفئه والتبريد على صاحب البيه لو على الشخص المستاءجر وشلون المنطقه من ناحيه الهدؤ مناسبه للعوائل لو لا يعني هيجي معلومات   ويارب الفائده تعم الجميع     اختكم ام يوسف

[hopeforall]

السلام عليكم

بارك الله فيك يا اخت ام يوسف طرحك هواية حلو ياريت الاخوة يفيدونه بالمناطق الزينه كل حسب ولايته حتى تعم الفائدة على الجميع



مع تحياتي

[اهلي ياعراقين]

الله يبارك بهذه الجهود الطيبة

( كان الله في عون العبد مادام العبد في عون اخيه )

وفقكم الله ودمتم سالميين

[أبن خير]

الأخ جنجر

شكرا لك على هذا الموضوع وياريت أخوانا في أمريكا يكونون خير عون لنا جميعا
تحياتي لك ولهم ..

أبن خير

[ginger]

شكرا لك اخي ابن خيرويارب يكون الموضوع ذو فائده للجميع خصوصا انه هذه المعلومات مهمه للي على وجه سفر او اصلا هو مسافر ومثلا يريد يغير ولايته والله يسهل للجميع  اختكم ام يوسف




 

[ginger]

شكرا اخي hopeforallعلى سرعه الرد ويارب يشارك الاعضاء الكرام اللي همه في الخارج بهاي المعلومات لكي يستفاد اخوانهم جميعا اختكم ام يوسف

[ginger]

شكرا جزيلا اخي اهلي ياعراقيين  ويارب يستفاد الجميع وتكون هاي المعومات خزين معلومات من يحتاجه يكون موجود اختكم ام يوسف

[القرش]

                              السلام عليكم

اخواني خواتي  احجيلكم عن شيكاغو .

اخوان طبعآ شيكاغو تعتبر اكبر ثالث ولايه في اميركا ... وانا مثلآ اسكن منطقة  devon وهي منطقه جميله وهادئه وبيها كثير من اخواننا العراقيين القدماء وهي تشبه جدآ الكراده داخل وهي مقسمه من ناحية المحلات قسم عراقيين وقسم هنود وباكستان ومن باقي الملل وكل واحد وعمله .يعني تتخيلون نفسكم تتمشون بالكراده داخل ..اسعار الشقق تبدي من 700لشقه غرفه وصاله ..800 غرفتين وصاله ...900 وصاعد ثلاث غرف وصاله وتكون كبيره ...والخدمات مثل التدفئه وهي حسب الاتفاق عليكم او على صاحب العماره ...والبيوت تبدي من 1300وانت صاعد بس البيوت لاتنفعنا لان كل الخدمات براسك حتى تنظيف الشارع يعني مكلفه .. وهناك مناطق كثيره وبها عراقيين في شيكاغو بس منطقتنا تعتبر مفضله لدى الكثيرين لانك تجد بها كل ماتشتهيه نفسك يعني كل شي موجود وماتحير بأي شي حتى محلات الصمون العراقي ومطاعم الكباب ومحلات كثيره عراقيه وسوبر ماركتات عراقيه وكل المعلبات بيها مثل معلبات الشورجه ومكتوب عليها عربي تتخيلون نفسكم بالشورجه ههههههههههههههه ولايوجد بها مشاكل ولا لغاوي وتمشي بالشارع وانت مرتاح  وهناك المدارس ايظآ موجوده  وانا انصح كل اخواني ان يأتوا الى هده المنطقه لانها متكامله من كل النواحي .....بس المشكله الكبرى ان كل المحلات تغلق ابوابها بعد الساعه 9مساءآ وهذا حال كل الولايات تقريبآ اما وسط البلد يبقى مفتوح الى الساعه 12 تقريبآ . وتتدللون اخواني الكرام .

ابو انس
شيكاغو

[ginger]

شكرا اخي ابو انس على تعبك وجزاك الله خير اختكم ام يوسف

[ginger]

السلام عليكم ان شاء  الله الجميع بخير  والجميع  يسافر ويستقر باقرب فرصه  ان شاء   الله الاعضاء الاعزاء اللي في الخارج  وادري مشاغل الحياة الا ن بالنسبه لهم كبيرة والله يكون بعونهم بكل خطوه بس ياريت  مينسونه في هذا الموضوع اي موضوع االسكن من حيث الايجار والمنطقه بالنسبه لهم جيده ام لا مع معرفة الجميع ان كل الولايات تختلف واحده عن الاخرى والولايات يمكن بكد العراق بس لو يكدرون يذكرولنه كل واحد حسب منطقته مع شكرنا الكبير لهم مسبقا اختكم ام يوسف

[angie-dawood]

حبيبتي ام يوسف اني راح احجي عن ولاية ديترويت  مشكن

الايجارات
البيوت بيت طابقين اربع غرف نوم وصالتين وحمامين بسعر 1200 دولار بمنطقة جيدة
وبيت ثلاث غرف نوم وصالة بسعر 750 دولار بمنطقة هم جيدة
الشقة بمنطقة جيدة 600 دولار غرفتين وصالة وحمام واحد
شقة بمنطقة وسط 450 دولار غرفة وصالة وحمام واحد اكو مناطق زينة ومناطق اغلبها يعيشها السود هناك تكون الايجارات رخيصة والمناطق الي تكون اغلبها عراقيين واغلب المحلات العربية تكون اسعارها شوي اغلى
المساعدات 8 اشهر واذا ما شاف صاحب العائلة عمل يكدر يقدم مرة اخرى للمساعدات الى ان يشوف شغل
الاعمل الاكثر متوفرة حاليا هي الاعمال الحرة مثل محل تصليح تلاجات او محل ميكانيك او محل خياطة يطلبون عامل ومحل النجارة ومحل البيزا ومحل بيع المواد الغذائية ومحل الحلاقة ومحل لصبغ البيوت ومحل لتركيب الدش ومحل لتصليح الكمبيوتر ومحل لكوي وغسل الملابس ومطعم لوجبات السريعة وكثير من هذة الاعمال هي حاليا متوفرة ولكنها تطلب شخص معرفة او واسطة مثل ما نكول مشكن رائع لانه اغلب العرب فيها واغلب المحلات العربية موجودة هنا شئ مزعج بيها الثلوج والجو دائما مزعج هنا وقلت الاعمال شي الوحيد الحلوة بيها انه الاجئ مايحس بالغربة هنا الكل يساعده حتى لو ما نعرفة كل واحد يهدية هدية والكل يساعده بكل شي والمنظمات هنا هم كلش زينة هواية تساعد الاجئ هاي كل المعلومات عن مشكن واي سوال اخر اني بالخدمة  تحياتي

[رهف00]

السلام عليكم

الاخت العزيزه وام قلب الطيب انجي....
اختي اني حددولي ولاية اريغون مقاطعة بورتلاند
ومااعرف عنها اي شئ اني اعرفك انك متقصرين فارجوا مساعدتي
بان تزوديني باي شئ عنها مثل جوها المساعدات واني عندي 6اطفال
الله يبارك بيك

          اختك رهـــــف\مصر

[ginger]

شكرا اختي انجي والله شما اكول مااوفي حقج لان دوم تساعدين وماتقصرين شكرا جزيلا اختك ام يوسف

[ginger]

وهاي معلومات منقوله عن العضو الكريم فحامي مع الشكر الكبير له و يارب الموفقيه للجميع(هاي اسعار الشقق بالنسبة للمجمع الي ساكن بي حاليا وهو مجمع متواضع بس زين وقريب على كل شي تقريبا وطبعا اكوة اغلة واكو ارخص بس مو ارخص بهواية
اسعار الشقق مهمة لان من تخلص المساعدات راح العراقي يدفع كل اليجار والكهرباء والمي
اني حنطي المعلومات بالقدم المربع مو بالمتر مثل ممكتوبة
1 شقة بـ  535$  مكونة من صالة و غرفة نوم و حمام و مطبخ وبالكونة وبيهة مخزن واحد مساحة الشقة 576قدم

2 شقة بـ 595$ مكونة من صالة  و غرفة نوم و حمام و مطبخ و بالكونة وبيهة مخزنين مساحة الشقة 670 قدم مربع

3 شقة بـ 715$ صالة وغرفتين و حمام و مطبخ ومخزنين وبالكونة مساحة الشقة 876 قدم

4 شقة بـ 795$ صالة و غرفتين نوم وحمامين ومخزنين وبيهة ممرات عريضة بين الغرف المساحة 976 قدم

5 شقة بـ 915$ صالة وتلث غرف وحمامين وتلث مخازن ومطبخ وبالكونة جبيرة المساحة 1138 قدم مربع

هاي الاسعار بدون ضريبة وميطلبون من عندك ضريبة يعني الضريبة همة خاليهة بالسعر
ويضيفون ويها 25$ تكلفة المي ويضيفون الكهرباء حسب استخدامك طبعا  تطلع بالميت دولار اقل او اكثر


بالنسبة للشقة كلهة واسعة حتة لو جانت مساحتهة صغيرة وبيهة
ثلاجة
ماكيرويف
غسالة مواعين
طباخ كهربائي طبعا ويا فرن (اهم شي الطباخ   
الشقة بيهة تبريد (مكيفة)

المخازن الي كلتلكم عليهة هية متر بمتر صغير ينحط بيهة غراض والمخزن الثاني ينحط بي ملابس وطبعا غراض همينة لان واسع

الشقق طابق ارضي و طابق اول وبيهة موقف سيارات مال مجمع

هاي باجر ان شاء الله اضيف شروط العقد بنفس هذا الموضوع
فحامي
 
 
 

[فصولي]

[               



                شكراااا لك يا أخت أنجي على هاي المعلومات القيمه..بارك الله بيك



                                            تحباتي لك // فصولي