استفسار ارجو التوضيح لو سمحتم

[الصابرة]

السلام عليكم جميعا طبعا اني من الاشخاص الي تقريبا يوميا ادخل بي الى هذا المنتدى وشكر جزيل الى كل من يساهم فيه ويقدم المعلومة والمساعدة الي تفيد الجميع......... طبعا اني احب استفسر عن شغلة وهي انو احنا مقدمين في اليمن واكيد الي قاري مواضيعي السابقة على علم بهذا الشي ومنتضرين اللجنة الامريكيية الي كالت عليها ال icmc وهية تحدد القبول او الرفض وهنا شوية الوضع مو زين اكو عدهم حرب بشمال اليمن  وليهسة ماكو شي لا لجنة ولا شي كلما نخابر يكولون حسب الوضع الامني ومندري شوكت تجي اللجنة ويوم امس اتصلنا وكالو عدنا حالة طوارئ ويمكن  علمود الوضع هنا في اليمن واحنا اساسا من قابلنا لجنة icmc كالونا ممكن تجي اللجنة الامريكية وممكن تتاخر حسب الوضع هنا في اليمن  فسؤالي يصير هسة احنا نطلع من اليمن ونقدم من الاردن مثلا   بس هل انو اذا رحنا للاردن نبدء من الصفر لو وين مواصلين اي مرحلة يكملون ويانة.....وشكرا الكم جميعا ................ اختكم ام محمد

[ethan texas]

السلام عليكم اختي  رمضان كريم

اني حسب معلوماتي انو والدتي طلعت من سوريا راحت للا اردن وقدمت من جديد بس والدتي عادولها كل المقابلات من جديد لان هية ممقابلة المحلفيين مجرد مقابلات


فة هية اصير اتحوليين للا اردن وتقدمين مناك بس ما اعرف اذا اتعيدين او تبقيين نفس مرحلتج وتكمليين واكيد الاعضاء رح ايفيدوج اكثر مني

واسف على التقصير

اخوج جوزيف

[lisaa]

اختي الصابرة اهلا و سهلا بيكي ممكن تخابرين اي او ام مصر و تساليهم على قضيتك و همة يكللولك يصير او لا

تحياتي

[شجرة الدر]

اختي العزيزة ابقي انتظري احسن الك لان لو انتقلتي اي بلد ترجعين للصفر وهذا رد اليو ان من سألناهم بخصوص احد الاصدقاء مع تمنياتنا للجميع بالفرج السريع

[ذاكر ابو فابيان]

اختي العزيزة الافضل لكي ان تسالي المفوضيه بهذا الشيئ واذا اخذتي منهم موافقة خطية يكون افضل

                 تحياتي ابو فابيان

[سوسن كليانه]

اختي الصابره اذا غيرتي الدوله وتقدمين مره ثانيه اكيد راح يعدولج كل المقابلات هذا اذا انقبلتي للتوطين لان انتي رحتي لبلاد الثالث وهذا لايمكن لان يعتبروك ساحه مو لجوء وهذا الكلام اني داكتيه ومتاكده منه,,,فانصحج لو تنظرين احسن الج ,,,وكل تاخيريه بيها خيره,,,مع تحياتي الج ياورده

[الصابرة]

السلام عليكم جميعا اخواني واشكركم الشكر الجزيل على الردود وشكرا يا اختي سوسن حضرتج الوردة  والله يبارك فيكم ياربي وتسهل اموركم ويفرج همكم و يسافرون كل العراقيين

[بغداد بقلبي]

السلام عليكم اختي العزيزه ما انصحك بمغادرة اليمن لان لمن اتروحين على اي بلد اخر واتسجلين بالمفوضيه راح ايعيدون كل المقابللات من جده وجديد ولو تنقبلين ولو لاء ارجوكي اصبري احسن متروحين على بلد اخر والله يمكن تنتظرين مده سنوات علمود توصلين المرحله الي انتي هسه بيها والله ولي التوفيق