كم سؤال

[roziraq]

اخوان كم سؤال واطلب بي نصيحه فدوة

اخذ فيزا شنغن لو اخذ فيزا مباشره للدوله الي اريد اروح الها اني اكدر احصل الاثنين بس شنو الافضل ومن اوصل عندي جواز نوع اس انطي لو لا ما انطي

وهل اغير اسمي لو راح يعرفون اني من وين جاي رجاءا فيدوني

[roziraq]

شنو ماكو جواب فدووووووة يمعودين

[الخالدي الاصيل]

اخي العزيز سؤالك غير واضح فارجوا ان توضح لنا ماذا تريد هل تريد ان تطلب لجوء ام ماذا؟ والى اي دوله انت ذاهب؟
دعائي للجميع بالموفقيه
اخوكم الخالدي الاصيل

[roziraq]

اي اخي اكيد لجوء

اني عندي خياراين مام اخذ فيزا لفرنسا مباشره او فيزا شنغن واني اريد اقدم بفرنسا وراح اخذ الفيزا بجواز جي فهل انطي جوازي الاس حتى اخلص من المسائلع على الجواز لو ما انطي شي لو شنو اسوي لو هم راح يعرفون اني منين جاي من اي دوله للعلم اني ما راح انطي بصمات على الفيزا ابدا

[بت بطوطة]

اخي مانصحك تقدملهم اي جواز لان خاف يرجعوك بس تكدر تكوللهم انه المهرب نطاك جواز اوربي ومن وصلت اخذه منك وراح ...

بس عندي نصيحة للامانة اكولها خلي ببالك اسوأ الاحتمالات لان اوربا حاليا متشددين هواية بمسألة اللجوء  ويرادلك صبر وانتظار فلازم تحسب حسابك قبل ماتروح خصوصا اذا حضرتك مرتبط وصاحب عائلة ...

اتمنالك الموفقية .. تحياتي

[roziraq]

شكرا اختي على جوابج يعني الاقضل ما انطي اي جواز

[hussein5582]

اختى اعتقد المشرف تايكر يكدر يفيدج لانو هو باوربا

[lisaa]

 حسب ما اعرفة انوا ميصير تقدمين لجوء على البلد الى انت ماخذة الفيزا مالتها لانوا  بنسبة كبيرة راح يعرفون انتي مينين جاية بس يجوز يصير اذا تغيرين اسمك اذا انت مباصمة اي مكان قصدي البصمة الالكترونية يعني على سكنر .و ما انصحك تقدم  الجواز  بس قدم  فقط الهوية الاحوال و الجنسية  اي وثيقة عراقية  اصلية تفيدك  و بالمناسبة اللججوء بأوروبا حظ و حسب قناعة المحقق يجوز ورا كم شهر ينطون و يجوز فوق السنة محد ميعرف على يا مبدأ يعتمدون من ينطون اللجوء الى الشخص
تحياتي

[العربيد الأزرق]

اخي العزيز اخذ فيزة شنغن احسلك لأن اذا مرهمت امورك في بلد معين ممكن اتروح الى غير دولة

[AbU.SaRa]

 من الأفضل أخذ فيزا شنكن لأن أحتمال كبير يرفوض أبلد فتكدر تطفر الغيره ودير بالك ترة اللجوء بأوربا جدا صعب صاير يعني ما جاي يقبلون هواي ناس حتى جماعة الجايين عن طريق المنظمات مصعبيها عليهم شوية.....



              تحياتــــــــــــــــــــــــــــــــــــــــــــــــــــــــــــــــــــي

[roziraq]

شكرا الكم يعني الافضل فيزا شنغن وما انطي اي جواز فقط الجنسيه