تقديم الى لبنان

[فيلسوف الحب]

احبائي الاعزاء اسمي زيد
واحب ان اقدم للهجرة والعيش الى امريكا
واريد اقدم عن طريق اليو ان في لبنان شون وكيف
يعني شسوي وشون اروح واشون اقدم وشنو الادلة والمستمسكات واشكد اتاخر واريد اعرف
كل التفاصيل والي يحب يساعدني اكون ممنون تحياتي
 

[باسل بلالو]

اخى العزيز زيد اهلا وسهلا بيك فى لبنان باب التقديم على امريكا مفتوح من لبنان عن طريق الامم المتحدة والمطلوب منك مستمسكاتك اللى تثبت عراقيتك ودفتر الخدمة مهم ان وجد والقصة مالتك واوراقك الرسمية اللى تثبت تعرضك للتهديد او الخطر وما الى ذلك والفترة ليست اقل من سنه حسب اللجنه والقصة مالتك والحظ ايضا وانى حاضر لمساعدتك باى شى اخوك باسل من لبنان

[فيلسوف الحب]

اهلا بيك اخي العزيز باسل انا مسوي قصة بس المستمسكات الرسمية مال تهديد ماعندي واشون اسويها وانا شكد المصاريف تكلف الي ابقى بيها بلبنان واكدر احصل شغل او لا  والاحسن شنو اذا وحدي او مزوج؟
تحياتي

[العربيد الأزرق]

اغاتي فيلسون الحب اهلا و سهلا بيك بين اخوتك بس ممكن اعرف اذا سبق و ان عملت مع قوات التحالف لو لا؟ اذا انت عامل مع قوات التحالف لازم تظهر بعض الوثاق و اذا انت معملت مع قوات التحالف فلازم اتسويلك قصة تثبتلهم انه انت متكدر بعد ترجع الى العراق و اذا رجعت للعراق يصير عليك شيء لاسامح الله

[الفهد السباح]

اخي العزيز بعد التحية

مثل مكال اخي باسل تكدر اتقدم للامم المتحدة في لبنان  ولازم اتجيب وياك كل المستمسكات والقصة مالتك وبالنسبة للشغل بلبنان فاكو شغل بس لبنان اشوية غالية واذا اكو اكثر من واحد يشتغل فتسيطرون على الوضع المادي لان هم ايجار الشقة الية نسبيا . واي سؤال اني بالخدمة

[powerless]

اخ باسل فيلسوف الحب انت الان في لبنان ممكن اساعد احد الاشخاص الي حابون ايدرسون ماستر في جامعة بيروت العربية لمدة 2 سنه يعني يسالون عن كيفية القبول بالجامعة اكو سكن رخيص ام لا ونكون ممنونين

[باسل بلالو]

اخى العزيز اذا عندك مستمسكات خير على خير واذا ماكو مو مشكلة المهم اقناعهم بانك لا تستطيع العودة الى العراق ومستقبلك فى خطر وبالنسبة للشغل موجود ويعتمد على العلاقات ولكن الاجور قليلة ولبنان بلد غالى تكدر اتطلع ايجارك ومصروفك بالحد الادنى السكن موجود كلشى بسعره اكو غالى واكو وسط واكو رخيص وانصحك ان يكون سكنك قريب من عمالك لتوفير اجور النقل اولا ولانك اكيد بعد فترة رح تكون متجاوز على الاقامة يعنى من الشغل للبيت وانى حاضر لاى مساعدة

[powerless]

اشكرك استاذ باسل والله بس لو تسالنا عن جامعة بيروت العربية بيها ماستر هندسة مدني واشكد التكاليف وشنو شروط القبول  واكو سكن داخل الجامعة واذا ماكو اشكد اليجارات قريبة على الجامعة  واذا بيها مجال والله اني اريد اسوي سفرة الى لبنان كم يوم اكدر اسن يمك على ما اكمل اجراءات التسجيل بالجامعة اكون مشكور

[باسل بلالو]

اخى العزيز حاليا ما عندى معلومات عن جامعة بيروت العربية وانا اسكن بعيد عنها بس اتكلم عن نفسى السنه الماضية انا سجلت بالجامعه اللبنانية اختصاص قانون وبصراحة سجلت ليس علمود الدراسة علمود الاقامة الاجرائات ليست صعبة ولازم تجيب شهادتك وتعادلها هنا وتصدقها من السفارة العراقية بالحازمية ووزارة الخارجية اللبنانية وتدفع اجور الدراسة وتدرس ورح احاول ان اسال الك عن الجامعه العربية بس اكيد بعد العيد وبالنسبة الى السكن انى اخليك فوك راسى بس انا اسكن مع عائلتى وزوجتى واولادى واكدر اساعدك بموضوع سكن مناسب وتحياتى

[powerless]

اشكرك والله استاذ باسل بالنسبة لشهادتي اني مال الجامعة مصدقها من وزراة الخارجية العراقية هنا ابغداد لو لازم اصدقها هناك نفس ما كلت هاي وحدة وثاني اشي اني اقدر فضللك والله وا تقصر اني مهندس مدني وعندي امل اكمل ماستر بالهندسة المدنية قسم الستركجر ويا ريت تسالي والله اشكد تكاليف الجامعة والسكن ويا ريت اذا الجامعة توفر سكن وكذللك روف المعيشة بلبنان اشكد يعني اتكلفني  وهم يحتاجون توفل يعني امتحان انكليزي واني معدل البكلوريوس مالتي مقبول بس لا يردون نفس جامعاتنا 65 يعني هاي التفاصيل واكون ممنون واني ايميلusa_young2000على الياهو طبعا واشكرك شكر جزيل والله وبالنسبة للسكن الي توفرلي اياه يا ريت ايكون اشوية رخيص واشوكت يبدا الدوام بالجامعة جزااك الله خير

[powerless]

استاذي لا تنسى اعتمد عليك بشغلة جامعة بيروت العربية