ايو ان عمان غلقه هاتفها بوجه الاجئين الصابرين

[سمير1966]

مرحبا
اخوني وخوتي  تبين ان يو ان عمان غالقه ابسط طريقه لتصال بهم وهي هاتفهم وبسط طريقه لمعرفت مصيرنا 5502141
اين نذهب نستفسر حتى ايملهم لايجاوبون
لنا الله يصبرنا على هذه المذله

[اهلي ياعراقين]

الله كريم متضيق الا تفرج

[الجنابية]

صحيح اخ سمير اني داتصل بيهم صار سنة تقريبا وماكو كلة المقصد مشغول بس اريد اعرف اذا هما ميجاوبون على اي احد بيمن مشغول   والجديد هسة دزيتلهم مناشدة عالاميل شسوي كلت بالكة يجاوبون واللة ماكو بعد يومين وافتح اميلي واشوف جاني جواب فرحت ومن اقراة اثاري ايكلي معلوماتكم سرية واحنة ممنوع نداولها عن طريق البريد الالكتروني ماطول عليك ماعدنا غير بس الصبر ونكول اللة كريم

[يوجد امل]

ان شاء الله الجميع يسمع اخبار طيبة قريبا
وبنعمة الله يكون خير للجميع
سلام الله معكم
اخوكم يوجد امل

[بغداد بقلبي]

السلام عليكم اخواني الاعزاء بالنسبه للمفوضيه  تلفوناتها مفتوحه واني دائما اخابرهم بس اله ينشلع كلبي من الاتصال بيهم مليون مره يله احصل وكونو على ثقه   انه اذا اكو اي شيء جديد او همه ايريدوكم ايطلعوكم من جوه الكاع والله يرحمنا برحمته

[نخله عراقية]

والله يا اخوان انا هم حاولت اتصل عليهم عدة مرات وراح الرصيد كله وماكو فايده...باقيه على الانتظار وبعدين السيستم يكلي سأضطر لاغلاق الخط ...بعدين قررت اروحلهم بنفسي ...ومن وصلت لهناك وسألت الحارس على شغلة الكارت الازرق لانه صار اكسباير قال .."اجيتي عالفاضي ليش ما اتصلتي احسن" كتله انو الانسر مشين مالتكم دمرتني اشو محد يرد علي...سكت وابتسم وما اخذت لا حق ولا باطل...وانا قفلت راجعة...
الله يفرج هم كل مهموم يـــــــــــــــــــــــــــا الله
نخله عراقية
عمــــــــــــــــــــــــــــان

[سمير1966]

lمرحبا
هس لو نعرف اكو دوله دتقابل عدهم لو نسونا مو طكت روحنه شنو احن مو بشر هم زمان غضب علينه وهم ديذلون هم
ليش ماعرررررررررررررررررررررررررررررررف ليش

[وين اروح]

  سلام
والله اني صارلي ربع اشهر دا احاول احصلهم على التلفون وماكو نتيجه وقبل شهر حنو عليه وشالو السماعه
يمكن جان الانسر ماشين عاطل وكالتلي الموظفه انطيني رقم الملف واسم الوالده والاسم والتلفون
واني اتابع الملف وهذاك الوجي يفلان    ماكو احد اتصل ولا احد عبرني 

[القرش الاسود]

الاخ سمير

             استهدي بالرحمن لا تنسى انت بشهر رمضان هذا شهر فضيل  وان شاء الله الفرج قريب باذن الله
الحمد لله على كل شي اخوك مرفوض من امريكا وكاعد انتظر بس بالنسبة الى الاتصال اني هريتم من الاتصال واخر شي هم خبروني بعد ما اتصل بيهم هم يتصلون بيه عن قريب وكنت دائما اترك رسالة صوتية اذا ما حصل وكل خميس هم يتصلون بيه ونفس الحجي وهذا الشهر لحد الان لم اتصل هم وعدوني ب21 بشهر راح يتصلون ما ادري صدك لو جذب والله كريم


اخوك

القرش الاسود/  عمان

[اينشتاين العراقي]

اي والله اني همين نفس الحاله
قبل فتره جنت اتصل عليهم
لانهم حولوني للسفاره الكنديه وردت اعرف منهم معلومات
بس ما ردو علما رحتلهم للمقر بدير غبار وجان احجي ويه الموضفه من التلفون الي موجود بالباب مالتهم
بس الحمد لله انحلت شغلتي وهسه على موعد الدوره التثقيفيه بالأي او ام وموعد السفر
وانشالله تنحل لكل المقدمين وكلكم تسافرون بعون الله

[القرش الاسود]

الاخ اينشتاين العراقي
                             ممكن سؤال انت هم مرفوض من امريكا لو لا ومتى اتصلو بيك علمود كندا .


اخوك

القرش الاسود

[اينشتاين العراقي]

الاخ اينشتاين العراقي
                             ممكن سؤال انت هم مرفوض من امريكا لو لا ومتى اتصلو بيك علمود كندا .


اخوك

القرش الاسود

حبي القرش الاسود
لا اني ممرفوض من اي دوله بس اني كلولي امريكا ومقبلنا لان كرايبنه الجانو هناك يكولون الوضع مو زين ورجعو
وبعد شهر خابرونه كلونه تقبلون تروحون لكندا فكنالهم ميخالف
فحولو ملفنا لكندا
واستلمنا الفورمات ومليناه بشهر 10\2008
وقابلنا بالسفاره بشهر 6\2009
ومقابله ثانيه بشهر9\2009
وفحص طبي ورى يومين وهسه دننتضر الدوره وموعد السفر
وانشالله يوم للجميع انشالله
وتقبل تحياتي
اخوك اينشتاين العراقي 

[poko]

مرحبا
اخوني وخوتي  تبين ان يو ان عمان غالقه ابسط طريقه لتصال بهم وهي هاتفهم وبسط طريقه لمعرفت مصيرنا 5502141
اين نذهب نستفسر حتى ايملهم لايجاوبون
لنا الله يصبرنا على هذه المذله

   

اخي سمير صحيح انه لا يوجد من يرد على المكالمات في عمان ولكن ابعث لهم ايميل وسوف يردون عليك بعد عده ايام او يتصلون بك فانا ايضا اتصلت بهم ولم يردو على مكالماتي وعندما بعثت لهم ايميل اتصلو بي بعد عده ايام.فانا من مستلمي الموافقه في تاريخ 4_7 _2009 والى الان لم يتصلو بي من اجل موعد السفر
  وهذة الايميل اذا لم يكن لديك
IOM Amman <ammaninfocenter@iom.int


  اتمنى ان اكون قد افدتك
لك تحياتي

[سمير1966]

اخي العزيز
انا مرفوض من اي او ام انا اقصد مفوضية شوون الاجئين ولااقصد اي او ام
انا رجعت الى مفوضيه وانا بنتظار انا اعرف اي دوله تم توطيني عليها بعد ان تم اجراء لي مقابلة توطين مره ثالثه
وفجعت بما مكتوب في قصتي مانزاله الله بها من سلطان وطلبت مني موظفة التوطين ان تدمج ملف والدتي معي ولاادري ماالسبب وحذفت المعلومات الخاطئه من قصتي الله لاينطيها العافيه التي قابلتني اول مقابله توطينه وكانت اجنبيه لااعرف من اي بلد كاتبه اشياء لااعرف من اين جلبتها وعلى اثرها رفضت من استراليا وامريكا والان انا لااعرف اي دوله تنظرني

[abo_ayman]

 اخوية العزيز سمير

اني قبل يومين حصلت ال يو ان وحجيت ويا موظفة التوطين وكالت ملفك عدنا واستلمنا الرفض وسالتني اذا حاب اتقدم استئناف لو لا  وكلتلها  لا لا لا

اني مرفوض من امريكا 13-7   وما قدمت استئناف

بس صدقني احنا بس دنصبر نفسنا بهاي المكالمات لان الشغلة مو يم الموظفين الشغلة هي من تكمل يتصلون وكلنا دننتظر الأمل بالاتصال بس انا على يقين مستحيل يصير اي شئ قبل بداية السنة الجديدة

تمنياتي للجميع بالموفقية

اخوكم

أبو أيمن - عمان

[سمير1966]

بشرك الله بخير ابو ايمن يعني اتريد مني اصبر لسنه جديد ظاهر يمكن يدخلوني بجنه
اني مرفوض امريكا منذ 2009/4/8 وفرضت عليه مفوضيه عمل استناف واجاني جواب رفض الاستناف بعد 3 اشهر احسن شي واحد ابد ميفكر بيهم لان هذوله ميبقون مرض ميصبك من وراءهم
عسى ان تكرهو شياء وهو خير لكم وعسى ان تحب شياء وهو شر لكم

[abo_ayman]

 عمي دكول الله  والفرج ما تدري باي لحظة يجي 

والله اني لا بالبال ولا بالحال  من خابروني على امريكا  وللعلم اني بالضبط  سبعة اشهر ونص من تقديمي لليو ان  اتحول ملفي توطين

وللاسف اكو ناس خطية صارلها سنين ويمكن ملفاتها ما متحولة لحد الان ولا احد داز عليهم

كلها حظوظ وقسمة ونصيب     بس لانه احنا دننتظر ولهذا نشعر انه اتاخرت او ما اتلصو ومن هكذا امور

تمنياتي للجميع بالموفقية

[الضايع]

حجيك ذهب ياابو ايمان ماكان لك لايكون لغيرك وماكان لغيرك لايكون لك الحمدلله