الحمد لله والشكر على كل حال

[platini]

تحية طيبة لكل اعضاء المنتدى الطيبون

البارحة جنت دا اقرا المواضيع مال المنتدى مال سنه 2007 وقد هالني ما وجدت فيه من مشاكل وابواب موصدة بوجه اللاجئون في حينها وقد استوقفتني معاناه اخواننا المسحيون كانت فيها معاناة انسانية صادرة من قلوب صادقة ولله ااعتقد تولستوي او مارك توين او ديكنز لا يمكنه ان يعبر عن صدق واحاسيس اناس يتعرضون للخطر وانا اتذكر امرأة اسمها سوزان كانت كلماتها جدا مؤثرة.
هسه من اقرأ المواضيع مال المنتدى الحمد لله ادها اغلبها ايجابية والناس اغلبها الله ديسهل امورها ودتهاجر ابشكل قانوني لامريكا وعليه اقول الحمد لله على كل حال

[نودي]

اخ بلاتيني الظاهر ما سمعت بجمعية قيد الدراسة او انتظار الامنية او المحلفين
كل هذولة ديعانون سواء كانو مسلمين ام مسيحيين
صحيح هواية ديسافرون بس اكو هواية ديعانون وينتظرون ومتعرف الانتظار شيسوي وخصوصا انت ببلد غريب وفلوس ماكو وهم العيشة صعبة وشغل ماكو وشلون عايشين بس الله يعلم 
والحمد لله الشكوى لله

[platini]

اخي نودي كلامك كله صحيح والله يعينكم بس هذولة قصدي المسيحيين سنه 2007 بالاضافة للدتكولة جانو ينقتلون يعني اتصور ماكو افضع من هيجي شي يعني هسة من تقرا بالمنتدى يعني اكو هواية دسافرون بس سنه 2007 سودة ومصخمة كلشي ماكو بس القهر
وانشاء الله ايسهل امورك وامور الناس جميعا امين يا رب العالمين

[اهلي ياعراقين]

اخويا العزيز

الي جرى وصار , جرى وصار على كل العراقيين وبعدة جاري وصاير

الله يحفظ العراق والشرفاء الطيبيين من اهله

[العربيد الأزرق]

يابا اني اكول ان شاء الله الأمور نحو الأحسن بعدين جمعيات انتضار المحلفين و الموافقة الأمنية  اكو ناس صارلهم هواية ينتظرون المحلفين و قابلو و اكو ناس هواية ينتظرون الموافقة المنية و بالأخير اني قريت مواضيعهم و معظمهم حصلوا على الموافقة الأمنية و بعدين اكو ناس احتمال مدسوسين بالمنتدى و يطلعون اشاعات غير صحيحة فلازم تتوخون الحذر

[شجرة الدر]

اخونا العربيد الله يعين كل العراقيين عالعيشه في بلد الغربه مثل ما كالت الاخت نودي كلهم يعانون وكلمن على طريقته اللي يعاني من المرض وارتفاع اسعار الدواء واللي يعاني من ضياع المدارس على اولادهم بسبب غلاء المعيشه واللي 00واللي  من كل هذا لاتظلم احد الله يساعد الجميع والف رحمه على والديك اخت نودي اختكم شجرة الدر