موضوع الغرامات بالاردن ، والمنع ارجوا المساعدة

[osama5477]

عندي سؤال صديقي ايسافر يوم 24 الى امريكا ان شاء الله من عمان وهوة تقديم مباشر يعني مو عن طريق ال UN هوة سئل ال IOM عن الغرامات كالوله منكدر انساعدك لازم لو تدفع الغرامات لو تسوي منع وسؤالي ، هوة متجاوز 6 اشهر وهمة 3 نفرات يعني لازم يدفع مبلغ هواية زين اذا ما دفع لازم شيسوي ، يعني قصدي المنع شلون ايسويه بالمطار لو بره المطار حتى لا يتورط ، ارجوا ان تساعدوني

[العربيد الأزرق]

اخي العزيز المشكلة محلولة بإذن الله هو كدامه وحدة من ثنين اما يدفع او منع دخلي يسوي منع و حشاك ميفتهم الي يرجع الهم و يسافر بأمان الله و رعايته

[الفريدو]

 اخويه العزيز  السلام عليكم

لما ياخذ الفيزه خلي يروح للداخليه الاردنيه ويسال من عدهم المنع لو من المطار لان الاردن كل يوم تعليمات شكل واحسن مايتورط ويروح للمطار ويرجعوه واذا المنع من الداخليه خلي يجيك ويضعه راح ينطوه من بعد المنع 48 ساعه وبعدها هم راح يدفع غرامات يعني قبل سفرته بيومين خلي يروح يسوي المنع




اخوك : الفريدو

[osama5477]

اخي العزيز حسب متعرفون انه السفر عن طريق ال IOM مينطوه فيزا يعني معناه لازم من يحددوله موعد سفر يروح يسوي منع ؟ وين ايراجع اكو دائرة معينة وخاف يرحلوه كوه ويرجعوه للعراق هوة حيل خايف من هاي الشغلة

[الخالدي الاصيل]

اخي العزيز نصحتي لصديقك ان يدفع الغرامات ويرتاح حتى لو ماعنده يستدين المبلغ وبعدين يرجعه لانه متعرف شنو الضروف وذلك لان المنع من دخول الاردن هو خمس سنوات وحتى من تخلص فترة المنع فسوف يكون دخوله الى الاردن صعب وبي مشاكل وقد يحتاج في يوم من الايام ان يذهب للاردن لاي سبب كان وهذا هو رأيي والتوفيق من الله لك وللجميع
اخوكم الخالدي الاصيل

[eng_ammar]

اخي العزيز السلام عليكم
اولا اذا يريد يدفع الغرامات يروح على دائرة الاقامه والحدود ب خلدا رح تطلع تقريبا اقل من ١٠٠٠ $ للنفر الواحد
بس
حتى لو دفع الغرامات ماطول عليه يوم واحد تجاوز بعد مينطوه فيزا للاردن
يعني ليش ديدفعها خلي يروح وهوا خمس سنوات واول تالي يرجع بجواز اجنبي بعد محد يكدر يحجي وياه

ملاحظه: لا يتورط ويكلوله ادفع الغرامات لو سوي منع  بالمطار ترا صارت ب ناس ورجعوهم بيوم السفر.خلي يروح ل خلدا ويدفها لو يسوي منع ترا بالمطار حتى موظف اي او ام ميكدر يسويله شي.

[alwismy]

اخي ماحد يسفره كوة لان هو تحت حماية الامم المتحدة وبعدين لازم الامم المتحدة يدزون رسالة للداخلية الاردنية باعفاء فلان بن فلان كونه لاجيء لدى الامم المتحدة والداخلية تنظر بهالامور اللي تخص حقوق الانسان والامم المتحدة

وربي يسهل امور الجميع ان شاءالله

[hussein5582]

اخي العزيز
بالمطار يكدر يدفع الغرامات او المنع الشرطي يخيره اما منع او غرامات !!

يعني 6 اشهر * 45 دينار بالشهر =270 دينار * 3 اشخاص = 810 دينار يعني 1000 دولار وكسور

اخي نصيحه يدفع المبلغ احسن من المنع ,, حتى لو كاره الاردن متعرف شيصير بالمستقبل وخصوصا ان الاردن حدود ويا العراق يعني اهل اقرباء ميكدرون يمكن يلتقون الا بالاردن و هكذا فالافضل يدفعها

[Hotel California]

عزيزي اذا صديقك يريد يدفع الغرامات فمن المطار عادي
اما اذا ما يريد يدفع الغرامات فيروح قبل يوم السفر باربع ابام الى دائره الاقامه والحدود بتلاع العلي وكل اهل التكسيات يعرفوها و هناك يعمل منع وراح ينطوه اسبوع حتى يغادر الاردن وابوك الله يرحمه و يخليه اذا كان عايش
اما اليو ان فما الهم علاقه بالغرامات لانه اذا صديقك تقديم مباشر و مثل ما كالو الاخوان لا يتورط ويسوي منع بالمطار لانه راح يأخروه حتى يجبروه يدفع الغرامه
رأي الشخصي انه اذا صديقك الله موفقه فخلي يدفع الغرامه اما اذا اموره على كده ففلوس الغرامه هو وعائلته اولى بيها و يستفاد منها بغربته فخلي يسوي المنع لانه مو بس الاردن عنده حدود مع العراق ويقدر يرجع العراق او يلتقي باهله واصدقائه باي دوله من دول الجوار

تحياتي و امنياتي

[osama5477]

اني راح اخليه ايراجع دائرة الحدود والاقامة ، ومشكورين على مساعدتكم ، وبما انه تقديم مباشر فاليوان ما اله علاقة بيه ، ويسوي منع احسن اله لان هوة بكل الاحوال اهلة اذا يردون يجون للاردن فميكدرون ايحصلون فيزا ، وبكل الاحوال هوة من يحصل الجواز الامريكي بعد ميهمة المنع ويكدر يروح ويرجع للعراق براحتة

اشكر اخواني الاعزاء على المعلومات القيمة