سؤال عن أعادة الموافقه الامنيه

[ابو منصور]

السلام عليكم اخوان
لدي سؤال ارجو من لديه خبره بالموضوع يفيدني.اني مستلم الظرف بشهر السابع 2008 وكملت كلشي من فحص طبي الى دوره تثقيفيه وتوقيع الكفيل وباقي بس الموافقه الامنيه جانت جايه لعائلتي وباقيه بس مالتي
ولمن اجت موافقتي صارت موافقه زوجتي اكسباير فنعادت بتاريخ 30\7
وحسب ما كالو انو الاعاده متتأخر .زين صار هسه شهر ونص ولي هسه ماكو واني صدك تعبت من الانتظار .اكو احد يعرف شكد ممكن اطول الاعاده لو هاي هم احتمال اجرلها اشهر؟؟؟؟؟؟؟
 والله يوفق الجميع

[ابو محمود]

ابني ابو منصور المحترم

السلام وعليكم ورحمة الله
الف مبروك على وصول موافقتك الامنية .... اما بالنسبة لاعادة الامنية لزوجتك فلا يضل بالك مطول هوايه لان هي اصلا محصلتها ومه كان عدهه بيها مشكله .... يعني الاجراءات هسة بس روتينية ..وان شاء الله تسمع اخبار حلوه بين ليلة وضحاها .

ابو محمود

[ابو منصور]

شكرا عمي ابو محمود والله يطمن قلبك بس تعرف الانتظار شكد صعب وخاصه من تعبر السنه الواحد يوميه يتأمل يسمع خبر يفرحه . الله يفرجها عليك وعلى الجميع بجاه ليلة القدر امين يا رب العالمين

[ابو ريم]

السلام عليكم
اخوان اولا احب ان اقول لكم كل عام وانتم بالف خير وهذه ايام مباركه وفيها يقضى امر كل شئ فان الانتظار صعب وانا اقدم منكم جميعا انا استلمت موافقة المحلفين15-12-2007 يعني هيصير سنتان الله كريم وانا كذالكاتصلت امس بالمنظمه عمان وقال لي الموظف بان الامنيه مال زوجتي وابني وابنتي صارت اكسباير لانها مضت عليها سنه وقلت له اشكد تتاخر قال لي مو مثل المره الاولى وقال لي هذا نظامهم ولا نعرف متى وانشاء الله لا تتاخر  وذكر لي انه انطلبت بتاريخ 28-8-2009 الله كريم وانشاء الله تفرج على الجميع وشكرا

[العربيد الأزرق]

ابو ريم الله يساعدك هل سبق و ان عملت مع قوات التحالف لو انت مقدم على الأمم و محوليك توطين شكرا جزيلا لو مرات مالها الشغلة علاقة بالمشتغل مع قوات التحالف التاخير ممكن يصير للمشتغل و الي ممشتغل؟؟؟ يا ريت اتجاوبني رحمة لوالديك

[ستروبري]

الله يعينك اخوية
بس ممكن سؤال انت جانو متصلين بالكفيل مالتكم وادا متصلين فشوكت اتصلو بالكفيل والسؤال الثاني شكد صارله موافقة عالتك طالعة يعني بمعنى اصح شكد الفترة بين ما بلغوك انو موافقة عاءلتك طالعه وبين ما جتك الامنية وهل في هدا الوقت جانو متصلين بالكفيل وموقع اوراق الكفالة


ههههههه ادري لصته عليك لان اني انلاصت عليبة اخوية انشاء اله تفرج عليك وعلينة

[اينشتاين العراقي]

الله يسهل عليك اخويه وتنحل قضيتك وتسافر باسرع وقت
بس ممكن سؤال الموافقه الأمنيه تشمل بس الي يسافرون لامريكا
لو كل الدول تحتاج موافقه امنيه
واني محول لكندا فهل احتاج موافقه امنيه او لا؟؟؟
واني اشكرك اخويه

[ابو ريم]

الاخوه الاعزاء
انني لم اعمل مع قوات التحالف ومتحول من اليو ان من عمان لظروف الاحداث في العراق ولي ظروف انسانيه خاصه ولم اعمل مع القوات العراقيه انني مواطن عادي وشكرا

[ابو منصور]

والله يا خويه ابو ريم الله يكون بعونك المسأله جدا صعبه بس شبدينا منكول غير ان شاء الله رب العالمين يقدم الي بي الخير للجميع.