كيف تقوم بتركيب النت والهاتف الارضي ببيتك في امريكا

[القرش]

                                   السلام عليكم

اخواني خواتي اليوم اشرح لكم طريقة تركيب النت والهاتف الارضي وقنواةالتلفزيون في بيتكم الجديد .

فبل اسبوع اتصلت بعدة شركات لتركيب النت والهاتف وكل الشركات تقريبآ نفس الشي ..وانا اختاريت شركة comcast وهي من الشركات العريقه في امريكا ..وطلبوا مني رقم السوشيل سكيورتي ورقم هوية الولايه وانتم ستحصلون عليها من تجون وكان الاشتراك نصب النت والهاتف وقنوات امريكيه 120 قناة ب 110$مع الضريبه... وتأمينات 150$ ...واجور تركيب 100$... وانطوني موعد بيوم محدد واجوا الجماعه للنصب ووياهم جهازين واحد للهاتف الارضي والنت وواحد للتلفزيون وكلها مشتركه ببعض والنصب مايطول اكثر من نص ساعه وسرعة النت 12ميغا ..يعني بعد النصب تدفعون كل شهر 110$ والتلفون الارضي يحصل على الموبايل واشكد ماتريدون تخابرون ممكن لان تجيكم الفاتوره مقطوعة وتشمل الكل ب110$... ..اخواني اذا احد يريد يركب راوتر وايرلس من الاحسن ان هو يبرمجه ويركبه لان اذا كلتوا للشركه عندي راوتر راح ياخذون منكم 100$للتركيب ..واني اشتريت راوتر وايرلس وابني انس ركبه  واشتغل مثل الورد وسعره 67$ واكوا نوع ثاني ب42$ ... اخواني واذا الواحد يريد يركب بس نت هم ممكن وحسب الرغبه .وجهاز التلفزيون بعد مايركبوه تكدرون انتوا تسحبون منه واير وتقسموه على الغرف ويبث بكل البيت .
ان شاء الله استفاديتوا من هاي المعلومات واي سؤال اني برسم الخدمه .

ابو انس
شيكاغو

[العربيد الأزرق]

شكرا جزيلا يا اخونا الكبير القرش الله يبارك بيك و بجهودك البناءة انت علم من اعلام المنتدى

[Vet2009]

ابو انس ..... السلام عليكم

  شكرا لك على هذه المعلومات القيمة ، كما وعدتنا قبل سفرك بانك لان تنقطع عن اخوانك و اخواتك في المنتدى ، ها انت كفيت و وفيت و لازلت معطاء ، فليبارك بك الله ، و نساله ان يوفقك  و يحفظك لعائلتك.

vet2009

[marwan.aqrawi]

عاشت ايدك

[ShadowMan]

عاشت الايادي وانت مبدع دائما بكل مواضيعك......

[سيزر]

شكراً اخي ابو انس على هذه المعلومه المفيده ..

[محمد زيونه]

مشكووووووووور  وعاشت أيدك

دائما  تجيبلنا  اخبار  تازة  هستوها  طالعه  من الفرن 


بارك الله  بيك والله  يكثر  من أمثالك

وفي  انتظار  منك  كل  ماهو  جديد

اسبوع  الجاي  نزلنا  موضوع  عن  الدراسه  بشيكاغو 

[storm2]

دائما مبدع عاشت ايدك

[salmostagbal]

اخي العزيز ابو انس اني ايضا اشتركت وية شركة Comcast بس بدون تلفزين لانه جيكت غير شركة لكيتها ارخص وعدهم بالاضافة للقنوات والافلام الاجنبية باقة قنوات عربية اشتراكها بالشهر 60$ مع جهاز DVR اشتراكه بالشهر 5$ والشركة اسمها Dish Network ... اما بالنسبة للانترنيت انته اشتراكك كلش غالي اني صار بالشهر علية 26$ سرعة النت عندي 13.1 ميغا ومااخذو مني اي تامينات لانه خليت المنظمة هية تحجي وياهم وبالنسبة لجهاز الوايرلس اشتريته ب 39$ نوع Net Gear واني نصبته بايدي لانه اني مهندس حاسبات وعندي خبرة بهذا المجال والشركة طلبت على تنصيبة 50$ فاني مقبلت ... مع تحياتي

اخوكم سالم

[Ross son of iraq]

اتعيش ابو انس معلومة حلوة ومهمة جدا

[tanea iraq]

معلومات جميلة جدا عاشت الايادي

[angie-dawood]

وهم يطلبون منك الكرد كارت مو بس رقم الشوسل نمبر  والهوية اخي ابو انس بمشكن يطلبون اولا الكرد كارت ورقم الشوسل والهوية مال ولاية اذا ما عندك ايجازة سياقة مااعرف بشيكاغوا نفس الحالة لو لا

[عكعك التطوى]

حبيبي ابو انس مبدع دائما الله يبارك بيك وشكر للاخ salmostagbal  على الاضافه

تحياتي وتمنياتي لكم بالتوفيق

[العربيد الأزرق]

الله يساعدهم بس ممكن طلب صغير شنو معناة عكعك و شكرا

[اهلي ياعراقين]

تسلم وعيش يامبدع

مشكور اخويا salmostagbal 

الله يحفظكم ويوفقكم

[bro]

مشكور

[كمال الشاطيء]

بارك الله بيك ابو انس على المعلومات

[غريب اني]

اخي ابو انس المحترم تسلم ايدك على هذه المعلومات التي راح يستفيد منها اخوتنة اموجودين بااميركا

واحنة الي بعدنة بعمان


مشكور والله يرضى عليك وينور طريقك ويسهل كل امورك


اخوك غريب اني عمان

[همر]

سلمت يداك ابو انس والله انته ورده وتريد الخير للكل الله يوفقك ويسهل امرك





  اخوك همر مصر

[السومري]

عاشت ايدك على هل معلومات القيمة  

[ابو عبد الله التكساسي]

عمي ابو انس لغالي
الله يساعدك بس اخويه يمكن لجماعه خامطيك
لان التقفيص مو بس بالعراق , اهنا عدنا واحد خلصنا من كل هاي السوالف هو اخونا بلاك واتر خلاهم ميندلون راسهم من حجى وياهم
اخويه الخجمه ويه شركت at&t  هوايه ارخص

اخوك ابو عبد الله التكساسي

[القرش]

                                 السلام عليكم

والله يااخواني ماجلان وابو عبد الله اني هم اتصلت بهوايه شركات بس جانت هاي الشركه ارخصهم هذا بالنسبه لشيكاغو تدرون كل ولايه تفرق عن الثانيه واذا بالمستقبل شفت شي احسن الغي الاشتراك وياهم واحول على غير شركه ..واني طلعت من بالي اتصل بالمنظمه واخليهم يكفلوني ..الله كريم تهون وكل يوم نتعلم شي جديد هنا ...اشكركم جزيل الشكر واشكر كل اخواني المشاركين بالموضوع والله ينور دربكم ويرزقكم .

ابو انس
شيكاغو

[BaghdadGhost]

شكرا اخي العزيز ابو انس على المعلومات و الشرح ,,,,, اني حاليا لا مشترك ولا اي شي بس مقرر ان شاء الله عن قريب هم اشترك ويه كومكاست ,,,, بس خالهه وره العيد حته استلم عيديات الاول 

[عاشق تراب العراق]

تسلم ابو انس العزيز اللة يبارك بيك على كل معلومة تقدمهة و شكر لكل والحد ساهم بالموضوع فعلا معلومات مفيدة جدا
بس سؤال هو الواحد يصير يركب ستلايت مو على اساس ممنوع يعني حتى لو ادفع بالبداية 400 $ هم احسن من اظل ادفع اشتراك للقنوات العربية

[vincenzo]

مشكور شريكي العزيز على الاستمرار بالعطاء
وتقبل اسفي الشديد على التقفيصة المو حلوة

[hussein5582]

"""""والله يااخواني ماجلان وابو عبد الله اني هم اتصلت بهوايه شركات بس جانت هاي الشركه ارخصهم هذا بالنسبه لشيكاغو تدرون كل ولايه تفرق عن الثانيه واذا بالمستقبل شفت شي احسن الغي الاشتراك وياهم واحول على غير شركه ..واني طلعت من بالي اتصل بالمنظمه واخليهم يكفلوني ..الله كريم تهون وكل يوم نتعلم شي جديد هنا ...اشكركم جزيل الشكر واشكر كل اخواني المشاركين بالموضوع والله ينور دربكم ويرزقكم .

ابو انس
شيكاغو"""""


اخي تره لا تقفيصه ولا شي تره هي تقريبا هاي اسعارهم

اني صحيح ممشترك بكومكاست بس اتصلت بيهم اكثر من مره لم اجييت علمود اشتراك بس مصارت الشغله لانوا لازم قنوات ويا الانترنيت وانى مردت بس انترنيت وما اعرف ليش بولايتنا ماكو بس الاثنين سوا

المهم انته ماخذ الباقه الكامله مال القنوات يعني وياها الشوتايم و hbo وهذوله غاليه شويه
وعندك الخط الارضي شامل يعني تغطيه كامله ارضي موبايل وكل اولايات يعني لو تحسبه كل اشتراك  ب 33 دولار بالشهر يعني شي معقول جدا وتكدر تححد القنوات الى 20 قناة رئيسيه تصير تقيربا اقل ب 30 دولار

ولا تنسى انو الانترنيت 12 ميغا هم يعني 30 دولار هم زين عليه


اخو انته السعر الي ماخذه مناسب