ارجو التوضيح من لديه معلومات

[دهوكي]

السلام عليكم جميعا
ماذا تعني استشارة توطين 
وما هي المراحل التي تمر بها هذه الاستشارة
حسب معلوماتي تطلب هذه الاستشارة في كفر سوسة هنا في سورية
لكن كيف ومن اللذين يطلبون الاستشارة وفوائدها لا اعلم
ارجو من لديه معلومات الكتابة
مع الشكر

[WRONGED]

اخي العزيز اني اشرحلك شويه لان اني يمكن فد 5 مرات  رحت استشاره توطين
كل يوم ثلاثاء بكفر سوسه اكو استشاره توطين وهي للناس الي مقدمين على اليو ان وممتحولين توطين
يروح الشخص لازم من 6 الصبح حتى يحصل على رقم للدخول
وفد وره 4 ساعات رح يدخل ويسال على ملفه شنو القصه شبيه مابيه  وليش ممتحول على التوطين لهسه  رح يكون الجواب  اما روتيني يكلك ماكو شي على ملفك راجعنه وره 6 اشهر
او يكولولك لاسمح الله انو انت قضيتك ضعيفه وماعندك توطين
او يكلولك شغلتك قريبه انتضر تلفون
او  انت عندك اي اضافه تريد تضيفهه
هاي هيه وتطلع
الحجي مالتهم اكثر الاحيان يكون روتيني مو صحيح مثلا اني اخر مره كالولي ماكو شي وراجع بعد 6 اشهر  ثاني يوم خابروني توطين ومشت اموري وهسه انتضر الفيزا
المعم والمفيد بالموضوع انو كلما تروح للاستشاره تسجل بملفك انو انت سالت وهاي تفيد بحيث يعرفون انت متابع وتريد توطين

[دهوكي]

شكرا اخوية wronged على هذا التوضيح
اخي العزيز وباقي الاخوة الاعضاء
اني مقابل توطين وكان ملفي على المانيا وهسة اتصلو بي وبلغوني ان ملفي تحول على امريكا واني ما وافقت هل استشارة توطين تفيدني لو لا وهل توجد طريقة ان يتحول ملفي لغير امريكا
وشكرا للجميع