اوان الي مقدمين على الــــــــــsiv

[علي الحلي]

السلام عليكم

اخوان الي مقدمين على الـــــــــــsiv اني اخوكم اريد اقدم على البرنامج بس ما اعرف من اي موقع احصل على استمارة التقديم  وشنو اسمه او رقمه  ارجو  من الي يعرف الرابط يجاوبني وشكرآ

[angie-dawood]

اخي العزيز اكو موضوع الاخ شبح بغداد بالمواضيع المهمة بيه كل المعلومات المطلوبة تكدر تشوف كل الي تريده وهو باعلى الصفحة   تحياتي

[علي الحلي]

اخي اني قريت المواضيع المثبته وما كدرت احصل على الرابطه  ورقم الاستماره المطلوبه  ارجو الي يعرف  يساعني وشكرآ

[angie-dawood]

هسى اشوف بالارشيف

[shaklawe]

اخوية

اول خطوة يريدون استمارةD157
http://www.state.gov/documents/organization/79964.pdf

مع بقية ملاعيب العيد و كلها موجود بالويب سايت مال المنتدى و السفارة

http://travel.state.gov/visa/immigrants/info/info_4172.html

تحياتي

شقلاوي

[angie-dawood]

تسلم اخي شقلاوي خلصتني من البحث بارك اللة بك

[علي الحلي]

شقلاوي اخويه العزيز الف شكر واتمنالك كل الخير

علي الحلي

[alusha1]

أخي العزيز آني مثلك اريد اقدم على ال s i v
وقريت هواية بلمنتدى وشفت موضوع شبح بغداد بلمواضيع المهمة وايضا اي شي يخص ال s i v
بصراحة حتى اريد اكتب موضوع بهذا الشي لان كل التوضيحات الموجودة تفيد الناس اللي يعرفون تفاصيل ال siv وال iom
لكن بلنسبة للأشخاص اللي مثلك ومثلي منعرف اي خطوة ولا اي موقع ولا استمارات ولا اي شي يعني مثلا الكة مختصرات بلأنكليزي ما افهم شنو المقصود بيهة والاحظ ردود عليهة والكل ديعرفوهة بس اني ما اعرفهة فياريت يوضحولنياهة بلتفصيل الممل
فآني لأن مستعجلة وكلت وين متصير خل تصير ولو العجلة غلط المفروض ادرس الموضوع احسن فدزيت هستوني ايميل الى  siv
وكتبت بيه مختصر مفيد عن وضعي انه زوجي وين كان يعمل وشنو الاثباتات اللي عندة
الايميل ما يتجاوز ال 8 اسطر من كتبتة
حتى اشوف جواب منهم شيريدون وشنو الطريقة وهذا الايميل وهم ما متأكدة صح لو لا دزيتلهم واذا اجاني جواب اكتبلك وخل نبلش سوة والله كريم

IraqSIVapplication@state.gov

تحياتي علوشة

[shaklawe]

اختي علوشة

راح يجاوبوج بعد 2 اسبوع الى شهر

ويكولولج هذا الينك مالتنا
Please submit the required documents and/or information via email at IraqSIVApplication@state.gov.
Sincerely,
HTD
SIV Unit
National Visa Center
Serco Inc
Support Contractor
Email: IraqSIVApplication@state.gov
Web: http://iraq.usembassy.gov/special_immigrant_visas.html

وترة ميجاوبون عربي يعني يريدون تكتبيلهم انكولوزو

تحياتي
والرب يوفقج

[alusha1]

شكرا أخ شقلاوة على ردك لكن ممكن افهم نقطة هو الايميل من دزيتة الهم هم جنت اريد استفسر هل  ينقبل بلبرنامج او لا
لان هو ماعندة ايميل رسمي لواحد من الضباط او الجنرالات او اي تلفون الهم فقط اسم شخص وسيرتفيكيت وباجات 2 وصورة وحدة فما ادري ينشمل بلبرنامج لو لا ويشتغل عدهم كان بلحلاقة فأذا عندك معلومة ياريت توضحلي شكرا جزيلا
تحياتي علوشة

[علي الحلي]

السلام عليكم

اختي علوشه انتي قدمي والباقي على الله انتي ما راح اتخسرين شي عسى ان يقتنعون بقضيتك اني راح اقدم ومأكد راح انرفض لأن عندي مشكله قديمه ويا جندي امريكي بس مثل ما كتلج قدمي عسى وان الله يسهله واني من اقدم راح اتواصل وياج وانطيج مواعيد التقديم واجوبتهم


تحياتي
علاوي

[silver_d]

حلوو وخووش  موضوع ممتاز بس اكو شغله  بالنسبه للهجره الخاصه بس للي  امكمل سنه مع الجيش المريكي  والي  ممخلص  ميحقله يقدم بس اكو غير برنامج IOM بهذا يكدر يقدم اي شخص للي  عنده ارتباط مع القواة الامريكيه

[BaghdadGhost]

الاخ علي الحلي و الاخت علوشه ,,,,,

اسف للتاخر بارد ,,,,, و مشكوره الاخت انجي لجوابها و مشكورين بقيه الاخوان الكرام ,,,, بالنسبه لموضوع الارشيف ,,,,, بي عدد كبير من الاخوه و الاخوات الطيبين الي كرسوا الكثير من وقتهم لمساعده الجدد من المقدمين على ال اس اي في ,,,,, انتوا بس اسالوا اي سوال تريدو  شوفوا الاجوبه شون راح تتطافر عليكم ,,,,, ههههههه ,,,, بس بنفس الوقت المنتدى ترة غني بالمواضيع الي شرحت التقديم خطوه بخطوه ,,, ف الي مطلوب منكم ان تقرون الخطوات و تبدون تطبقون الي مكتوب ,,, و من توكفون او متفتهمون اي شي ,,, مراح لا اني ولا اعضاء المنتدى نقصر وياكم ,,,,,

ان شاء الله الموفقيه للجميع ,,,,,,

[اوراس اورو]

اخواني الاعزاء يعني هي مسئلة جواب بسيط رحمه لوالديكم ؟؟؟؟اول خطوة هي ملئ هذا الd157 لو اكو شي نكتبه قبلها ؟ يعني اول مانراسلهم على الIraqSIVApplication@state.gov. هو ارسال هذا الطلب الd157 ؟ ورجاءً الي مقدم عن قريب بلكي يكولنا شسوه ترة الارشيف اكثر الاجوبة مالته هي من بعد مرحلة الموافقة مال ال com .....ورجاءً شوية طولوا بالكم ويانه بالشرح لان احنا مانعرف شي عن الموضوع وشكراً لتعاونكم مقدماً.

[اوراس اورو]

الاخ ماجلان الوردة
اشكرك وبالنيابة عن جميع الاشخاص الجدد و نورتني بأجابتك الرائعة ...
اخوك اوراس اورو.

[vincenzo]

اخي شقلاوي احييك جدا على توقيعك مال "ACHMED THE TERRORIST" يمكن يومية اشوفه واخرب ضحك

اللي عنده اي سؤال عالاس اي في يراجع هاية التعليمات
http://travel.state.gov/visa/immigrants/info/info_4172.html

والمراسلة منهم واليهم كلهه بالانكليزي

[alusha1]

شكرا الى الأخ شبح بغداد على ردة وأكيد انتو ما تقصرون وحمد لله على سلامة وصولك وان شاء الله كان التعب يسوة الروحة لهناك
والكل كان مفتقدك بلمنتدى وشكرا مرة ثانية
تحياتي علوشة

[اوراس اورو]

الاخوة الاعزاء
طبعاً اني هم بعدني مامقدم على الاس اي في لسبب سأذكره لاحقاً و اما الان اشكر ردود الاخوة والاخوات جميعاً واحب اضيف الملف المرفق بهذه الرسالة والي يجب قراءته بتركيز رجاءً....اما سبب عدم تقديمي لحد الان لانه مااعرف منين ادبر رسالة الHR والي هي مال الموارد البشرية والتي تشرح بأنك شخص حسن السلوك في عملك ولا تشكل خطر على الامن القومي والخ... فالي عنده اي فكرة عن طريقة عن اي شي يعوض عنها رجاء يساعدني علماً بأني تركت العمل مع الامريكان والمكان اصبح للجيش العراقي فشلون ادبرها لهاي ال HR!!!!!!

[emad alsalam]

السلام عليكم
بدون زحمة اريد اعرف شلون ابدي وية الاس اي في   وشنو اسوي بالبداية وشلون اقدم

[vincenzo]

صديقي عمودي صار اكثر من مره جاوبناك على سؤالك وهنا هم تكدر تراجع اللنك اللي نزلته بردي الاول بهالموضوع او الفايل الملحق بالرد اللي قلك مالة اوراس

اما اخي اوراس فكلامك جدا عجيب
لان شنو انت جنت تشتغل وية الكاع لو وية الحياطين!!!
غير وية شركة امريكية؟؟؟
وهاي الشركة الامريكية غير عدهه مقر على كوكب الارض؟؟
واكيد ويب سايت
وتكدر تراسلهم وتنطيهم رقم باجك وهمه يدزولك الاثبات

[علي الحلي]

اخوان اكو ملاحظه  صغيره هو اني كنت مترجم ويا شركة تايتن وشركة تايتن راحت واجت بمكانها الـــــــGLS  وهاي الشركه من راجعنالهه كلشي منطتنه  يعني من اجيب تايتن بهيج حاله او منين اجيب هيج تقرير  بس عندي تزكيه من مقدم امريكي ذاكر بيه مدة العمل والتفاصيل الباقيه يعني تفي با الغرض

[vincenzo]

راجع ارشيف الاس اي في بالمواضيع المثبته وموضوع تقديمي وراح تلكه بيهه هواي حالات مشابهه وحلول وتفاصيل