عاجل جدا جدا للي بتركيا يطب بسرعة

[mark_kirkuki]

اخوان اليوم نزل تحديث وهل مرة مكتوب من مرفوض او مقبول اذا مكمل المقابلة الثالثة او داخل تحقيق

http://results.unhcr.org.tr/index.php
هذا موقع النتائج وانشالله خير

وابشركم اني كتبولي تم قبول الملف

[mark_kirkuki]

شكرا اخويا

[شذى العراقية]

  الف   مبروك   
وان  شاء  الله  السفر  القريب     


اختك 

شذى  العراقية

[الاريج]

 اخي العزيز اشكرك على هذا الموضوع الجميل لكن انا من بغداد فهل يمكن ادخل رقم الكيس بمير مالتي مع العلم الكيس نمبر مالتب بالااف مثلا 1920 كيف يتم ادخاله تحياتي لك ياورده

[وردة بغداد]

الف مبروك للي انطوهم قبول
بس الي انرفضوا متعرفون شنو سبب الرفض؟ لان احنا بمحافظتنا هم انرفضوا كم عائلة

[ابو روزا]

مبروك اخويه مارك وانشالله بالتوفيق

 الآخ او الآخت  الآريج   هذا يخص مكتب اليو-ان في تركيا


  تحياتي اخوكم زونا

[help]

زين يكتبون مقبول او مرفوض قبل المقابله الثالثه او يعني داخل تحقيق قبل المقابله

[mark_kirkuki]

اخوان النتيجة يكولون تقريبا 90 عائلة مرفوضة بعموم التركيا.
اشكركم جمعين على الرد
والله منايم البارحة من الحزن لان بيت اقاربي هم رفضوهم
حبيبي helpاذا مسوي مقابلة 3 يكون مكتوب تم قبول الملف او تم رفض الملف او تم تقديم الملف لاعادة الاستيطان في بلد الاستيطان

[كرم كوكو]

                                           السلام عليكم مرحبا اخوان
الف مبروك اخوية العزيز mark وان شاء اللة السفر القريب  شنو الخبر الخبر المؤسف اللة الساتر    واللة يصبر الجميع بس الرفض اكثر محافظة منو هي حتي تصير معلومة         

[الشمرية]

الف مبروك اخي العزيز وبالتوفيق ان شاء الله

[القرش الاسود]

اخي مارك الف مبروك وشايف الف خير


اخوك

القرش الاسود

[mark_kirkuki]

شكرا اخت شمرية والقرش الاسود وكل الاخوان والاخوات وانشالله يوم الي الكم ونفرح باخباركم
والله يساعد الي موافقهم الحظ

[angie-dawood]

الف مبروك اخي مارك انشاءاللة السفر القريب والتوفيق بكل مراحل حياتي الجديدة

[fady azir]

   
الف مبروك اخونا مارك وبالموفقيه

بس والله والله صدمه هزت جميع الاجئين في تركيا وحالتهم يرثا لها اكو ناس ماعدها اكل تاكل معتمده على مساعدات الحكومه التركيا ومساعدات اخوانا الاتراك  الله ايخليهم بس مع الاسف محد ديحس بالناس الفقره وحالتهم النفسيه الصعبه ليش احنا العراقين مضلومين  يعني انا اعرف عوائل من سمعت الخبر مرفوضه نقلوهم الى المستشفيات ماعدا هذا جميع العراقين فيما بينهم واحد يواسي الاخر في المحافظات يعني اتخيلو (عزاء بدون ميت ) اصمله على كل العراقين 

يارب ندعي لجميع المرفوضين في تركيا ان تعاد النظر في ملفاتهم  مرتا ثانيه لانهم مساكين  ورحمة رب العالمين واسعه

ونطلب من له معرفه بهذا الموضوع  الاستأناف ام حل ثاني يرد علينا باسرع وقت

  وشكرا لاهتمامكم في الموضوع

       مضلوم ياعراقي بس انشالله  تبقى مرفوع الراس
                                   اخوكم فادي

[mark_kirkuki]

الله يساعدهم اخويا فادي صدكني كارثة اكو عوائل ماعدها اي شي بعد بالعراق وكل شي الي عدها هنا صرفوا وينتظرون الفرج.
بس كل  مانع خير وانشالله يروحون مكان احسن من امريكا الف قاط.
اكواخبار بانوا دولة كا المانيا ونرويج وبلجيكيا وكم دولة من دول اوربا الشرقية راح تبدي تقبل لاجئ العراق بتركيا بداية سنة 2010.
وانشالله خير

[fady azir]

  بسم الاب والابن والروح القدس الاله الواحد ...........امين
  يارب  الله ايفرح كل المرفوضين في تركيا وخاصتا عائلة نبيل قاقو او هلال معروف او عائلة عماد القوشي ابو يوسف الاعزاء او عماد ابو سيف والجميع اعزاء على قلوبنا انشالله  الجميع  محضوضين بالاحسن  من هاي

 انشالله من نسمع اخبار عن الرفوضات راح  انفرحكم
 
             المخلصين دائما احبائكم في سان دياكو

                           الرب يحفظكم ويسهل امركم   

[زيد]

مرحبا انا اخوكم زيد انا لاجئ في تركيا صارلي سنة دخولي كان يوم 8/8/2008 وقابلت اخر مقابلة الثالثة يوم 27/5/2009 واجاني كتاب تأخير وراها بشهرين ولي حد هسة ماكو نتيجة اني والدتي وياي وهي قبلوها طبعا الملف مالتها مكتوب عليه تم قبول الملف واني ما نطوني جواب طبعا عندي عسكرية عشر سنين وماجنت مخالف بيها وما ادري علمودها لو لا اذا تعرفون شي او سمعتم كلولي لان راح اموت من القهر والله دمرونا دمرونا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ رد الي يعرف بحالتي رجاءا رجاءا

[رشا بنت بغداد]

الف الف مبروك اخ مارك وشايفين كل الخير وان شاء الله التوفيق والتوطين مرة اخرى للعوائل المرفوضة