جماعة لبنان الدخول

[غريب عن الوطن]

السلام عليكم اخواني اعضاء منتدانا الجميل
عندي كم سؤال الى اخواتنا المقيمين في لبنان خلي ادخلي بالمفيد احسن مما اطولها عليكم
اخواني اني ناوي اجي الى لبنان واني حاليا بالعراق اشلون الطلعة الى لبنان واذا اجي اقدم على الامم المتحدة ينطوني كارت حماية يعني عدم تعرض وشلونها الكيسات كاعد تمشي زين لو اطول ولو اني طولتها عليكم اذا امكن يشرحنا احد اشلون احوال المعيشة في لبنان من سكن وغذاء والى اخره
ودمتم سالمين والله ايوفق الجميع

[الفهد السباح]

اهلا وسهلا بيك اخي الغريب


اول شي انت تريد تجي لبنان لازم تحجز بالطيارة ووياه حجز فندقي من اي شركة ببغداد للسفر والسياحة ولازم يكون عندك وياك اقل شي 2000 دولار وتروح للامم المتحدة نقدم على طلب لجؤء وينطوك موعد اقل شي من 2 الى 3 اشهر والمعاملات اتطول حسب حظ الواحد يعني اقل شي سنة الى امريكا واذا مفكر غير دولة فهي اكثر ولازم اتجيب وياك كل المستمسكات الرسمية وتقدمه للامم المتحدة
وبالنسبة للمعيشة بلبنان فهي اشوية غالية وايجار الشقه اقل شي 200 الى 300 دولار وطبعا اكو اغلى حسب الشقة وموقعها وبالنسبة للاكل فهو تقريبا بسعر بغداد او شوية اغلى مع تحياتي  لك بالموفقية واني حاضر لااي سؤال

[غريب عن الوطن]

مشكور اخي الفهد السباح جزيل الشكر واني حيل ممنون منك والله ايوفقك ويفتحه ابوجهك واتمنا باقي الاخوان ايشاركون حتى اجمع معلومات كاملة عن لبنان بس للتوضيح ليش المقابلة الاولى اطول من 2 الى 3 اشهر اني سمعت المقابلة الاولى اكثر شي ينطوك موعد شهر هذا الحجي ابتركيا بس بعد ما اعرف بلبنان يعني اكو ناس امقدمة بلبنان ومنطيه شهر او اكثر
ومشكورين وجزاكم الله خير الجزاء والله ايوفقكم امين رب العالمين

[غريب عن الوطن]

بالمناسبة نسيت سؤال مهم واطرحة على الاخ الفهد السباح ولو راح ازاحمة بالنسبة للاقامة اذا اجاوزته الامم المتحدة راح تنطيك كارت عدم تعرض لو الاقامة غير شكل واني جداً غجلن لأن حيل كاعد الح 
وشكراَ مرة ثانية والله ايوفق جميع العراقيين في ديار الغربة ويرتاح بالهم ويسافرون ويستقرون بعون الله الواحد الاحد

[باسل بلالو]

اخى العزيز اهلا وسهلا بيك فى لبنان بالنسبة الى ورقة اللجوء اللى تمنحك اياها الامم المتحدة لا تعتبر اقامة وغير معترف بها من قبل السلطات اللبنانية ومن توصل مثل ما تفضل الاخ الفهد بالمطار تاخذ شهر واحد وتجدده شهرين ووراها رح تتجاوز على الاقامة وهناك اعداد كبيرة من العراقيين بهذا الشكل واذا ناوى تجى حاليا الموسم السياحى انتهى وممكن تحصل على شقة سعرها مناسب وبالنسبة للمعيشة لبنان بلد غالى بس انت تكدر تكيف نفسك والكيسات فى الامم المتحدة ليست اقل من سنه وحسب القصة وكذلك حسب حظك والله يوفقك وانى حاضلر لاى شى اخوك باسل من لبنان

[غريب عن الوطن]

اشكرك اخي باسل واني منون منك على الرد والله ايوفقك ان شاء الله
زين اذا بيه مجال سؤال يكدر واحد ايسوي اقامة غير الدراسة يعني اقامة عادية لأن اني حيل متخوف من التجاوز لأن بصراحة قبل ثلاثة سنوات اخي ذهب الى لبنان وانسجن 10 اشهر والتعامل في السجن كأنه امن صدام سابق على لسان اخي يعني بيهة خطوره وبعده رجع خالي الوفاض

[باسل بلالو]

نعم اخى العزيز ممكن تسوى اقامة بعدة طرق اولا تودع مبلغ فى البنك وقيمته 100مليون ليرة اى ما يعادل 70000دولار تاخذ اقامة سنوية قابلة للتجديد وكل من حسب امكانياته المادية وثانى طريقة ان تلكى كفيل لبنانى يتكفلك بالامن العام وتكلفك بعض الرسوم للدولة حوالى 1500دولار والشغلة الثالثة هية ان تفتح شركة صغيرة وتكلفك حوالى 2000دولار وبالنسبة للدراسة هية اسهل وحدة او تكدر تطلع وترجع للعراق او اربيل كل 3 اشهر هاى كل انواع الاقامات فى لبنان