صارلي من يوم 21/9/2008 قابلت ولحد هسه كلشي ماكو

[فارس الظلام]

مرحبا شباب اني مشترك جديد وعجبني هذا الموقع الجميل وكلش حبيتة اني قصتي قصة صارلي كل هل فترة كاعد وشيبت ومليت من ورة هل شغلة  اني صارلي تقريبا مقدم ع اليو ان 3 سنوات وقابلت مقابلة وحدة وهيه مع امريكية واخذت 4 صور ولمستمسكات وهذا الحجي قبل 10 اشهر  وراها اخابره يوم يكلولي ملفلك تحول للطوطين ويوم اخابرهم ويكلولي عندك موافقة لازم تجي ويوم كلولي جتي لموافقة هسه بل دراسة ولعبوة نفسي ولحد هسه اكو هيجي شي بعد برئيكم ارجو ان تحجولي لان مدا اعرف بعد شسوي واكو مثل حالتي هاي لان كلش تعبت مع شكري وتقديري الكم . اخوكم فارس الظلام من عمان           

[ايات]

اهلا وسهلا بيك اخونا بالمنتدى والله يساعدك على الانتظار بس اخي ابقى اتصل بيهم لان الموظفين مهملين وينسون وهي تطول هذه المعاملات بس ان شاء الله يتصلون بيك قريبا ....اختك ايات

[يوجد امل]

اخي فارس
الله يكون بعونك ويقويك ويصبرك
وان شاء الله كل امورك تمشي بسهولة ويارب يفتح الابواب المغلقة امامك
سلام الله معك
اخوك يوجد امل

[فارس الظلام]

تسلمولي يا ورود اختي ايات واخوية يوجد امل  وانشالله تنفتح الابواب على الكل امين ربي 

[سمير1966]

مرحبا
مادري اخوي حضرتك اين واي تاريخ بضبط اتصلت بهم
واعطينا تفاصيل افضل علمود انطيك جواب من شيخ لاجئين عمان

[alfaras]

اخي العزيز فارس الضلام اهلا وسهلا  فيك بين اخوتك اعضاء المنتدى بس انا ماافتهمت موضوعك انته اتصلو فيك ال un وقابلت بعدها كالولك طلعلك توطين طيب المفروض ملفك يتحول لل iom وتباشر الاجرائات مال المقابلات حتى تحديد موعد مقابلت المحلفين اما اذا لم يتحول ملفك فهذا بحث اخر وانا برئي ان تروح تستفسر منهم احسن من التلفون حتى تعرف النتيجه الاخيره في موضوعك ماكو ملف يدرس عشرة اشهر بعد المقابله مع un تقبل اعتزازي.....

اخوكم

alfaras
 

[محمد زيونه]

الله  يعينك ويصبرك

وربي  يفرجها  عليك 

بس  ارجو منك  ان تكتبلنا  تفاصيل  اكثر  حتى  نفتهم  قصتك

وأن  شاء الله  بعون الله  يخابروك  عن  قريب  وينطوك  موعد  سفر

[بغداد بقلبي]

السلام عليكم  اخي فارس الظلام اخوك بعمان هم بجبل اللويبيده طبعا عليك ان تكتب مناشده بالموضوع ورتوح للمفوضيه واتحطهاى بالبريد ووره شهر اذا ما اتصلوا بيك حط وحده لخ وهم شهر اذا ماكو ظل حط مناشده ومن بعد المناشده تتصل بمنظمه الهجره العالميه وتسالهم اتكلهم هل ملفي اجه يمكم همه ياخذون رقم ملفك بالمفوضيه وايشوفون لان اكو بعض الحالات والتي حصلت منها حاله مع ناس اقربائي انه الملف متحول بس رقم هاتف الاجي غير موجود فنته اتصل طيب وره ما قابلت توطين اتصلوا بيك علمود اتوقع عله الكارت الازرق لو لاء اذا لا يعني انه ملفك رجع للحمايه واحتمال كبير انه يرجع للتوطين واذا ايه يعني امورك ماشيه واكو احتمال اخر انه ملفك لم يتم تحويله للولايات المتحده وان شاء الله يتحول للدول الاوربيه والله ولي التوفيق

[فارس الظلام]

مرحبا اخوتي كل عام وانتم بألف خير  حبيبي بغداد بقلبي . ابد متصلو بية ورة هاي المقابلة ولا وقعت ع الكارت الازرق زين وين اكدر اتصل بمنظمه الهجرة العالمية واكون مشكور الك ؟  واخوية  محمد زيونة اني كلت صارلي 3 سنوات مقدم ومرة خابروني وكلولي عندك مقابلة بل يو ان يوم 21/9/2008 ورحت لدير غبار وقابلت وية امريكية وجان وياها مترجمة وره المقابلة اخذت مني 4 صور واستنسخت الجواز والجنسية واحوال المدنية وراها تعيش بعد مخابروني وكمت وراها اخابرهم كلولي ملفك تحول للتوطين هذا لحجي 9/11/2008 وضليت اخابر  كام يكلولي عندك موافقة لازم تجي وضليت انتضر وخابرتهم مرة يوم 12/4/2009   هاي بعد شلعان الكلب كلولي اجتي موافقتك انتضر تلفون احنة نخابرك وهاي ليهسه كاعد . واخوية alfaras  شفت قصتي متحول لا iom ولا اتصلو بية وهاي حالتي وادز ايميلات واخابر وماكو نتيجة ومليت . واخوية سمير هاي التفاصيل صارت واضحة وارجو منكم المساعدة مع شكري وتقديري الكم يا ورود

[بغداد بقلبي]

اخي العزيز تكدر تستفسر من منظمه الهجره الدوليه على هاتف 065625080 او الايميل ammaninfocenter@iom.int واني اسف جدا جدا على التاخير

[القرش الاسود]

اخويه فارس الظلام   مثل ماكالوا الاخوان اتصل بيهم على اليوان  كل احد واذا ماحصلت اترك رسالة صوتية وراح يتصلون بيك يوم الخميس واعمل ورقة مناشدة   واحنه ان شاء الله راح ندعيلك الله يفرجه عليك وسهل امرك


اخوك

القرش الاسود

[باسل بلالو]

اخى العزيز فارس الظلام اهلا وسهلا بيك الله يساعدك ويكون بعونك وان شاء الله تفرج عن قريب اشعر بنفس معاناتك لانى امر بنفس ظروفك تقريبا ولكنى فى لبنان قابلت المقابلة الثانية مع امريكية واخذت منى صور ونسخ الجوازات لى ولاهلى واستبشرتنى خيرا واخبرتنى انها سوف تتصل بى خلال 10 ايام من تاريخ الشهر 12-2008 ولحد الان ماكو اى شى وكل ما اتصل يكولون ملفك قيد الدراسة فى لجنه التوطين ارجو منك الصبر وان لا تياس وان تظل تتابع ملفك مرة بالاسبوع على الاقل وبعد كل شدة فرج ان شاء الله اتمنى لك كل الخير والتوفيق

[فارس الظلام]

تسلمولي اخوتي الورود انشالله مراح ائيس وليريدة الله يصير وتفرج ع كل بأدن الله وما قصرت اخوية بغداد بقلبي ومشكور الك هواية وشراح يصير وياية ابشركم بي انشالله وتحياتي للجميع    اخوكم فارس الظلام

[lover4ever]

اخي العزيز فارس الضلام الله يسهلك امرك .
اخوية اني هم 3 سنوات  او ورة سنتين يلا انقبلت وطلعلي موعد فحص  ورحت وكالو انلغة او ورة سنة يلا سولي فحص والحمد لله انطوني موعد سفر وان شاء الله هل سبوع اسافر  الي حبيت اكولة انو مينسوك ولا اتصور نسو احد هذا اجراء روتيني وان شاء الله يجيك الرد باقرب وكت  وتسافر لامريكا
وعلما اني بتركيا

اتمنى لحضرتك  الموفقية

[rafid82]

ممكن بس توضح اكثر شنو معناه قالوا لك اجتي الموافقه ؟؟؟؟
تقصد الموافقة الامنيه  لان  الموافقه بس موجوده من تتحول هجرة و تاخذ بصمات ووراها محلفين يله تجي الموافقه فشنو يقصدون الامم اجتي الموافقه ؟؟؟؟؟
اكو شغله هم هل ذكرت بالمقابله انه انت مشارك باحداث الكويت او الانفال الخ من اعمال الاباده او عندك احد عسكري يعني بس بهاي الحاله احتمال اصلا ماتتحول توطين  لان اني قابلت مقابله اولى التوطين 15\7\2009  وراها بأسبوعين قابلت هجرة و هسة بانتظار المحلفين

[فارس الظلام]

اخوية rafid82 اني ورة المقابلة الي قابلتة ذكرت وراها تحول لتوطين هذا حجي ال يو ان كل ما اخابرهم وراها كلولي عندك موافقة لازم تجي وراها يكولي اجتي الموافقة ومتفتهم منهم شي واخر شي يكلولي بلدراسة وهذا حجيهم كلة على تلفون من اخابرهم بعد ما اعرف صدكهم من حذبهم ومذكرت اي شي من الي كلتة بلمقابلة  وكاعد كل هل مدة انتضر وامري ال الله . واخوية  lover4ever    الف مبروك وانشالله توصل بسلامة وانشالله الموفقية بحياتك وتسلملي على ردك الي خليتني اتمسك بموضوعي ولو مليت بس اكو الله ويفرجة