كندااااااااا.....في كندااااااااااا

[كندا]

تحيه طيبه الى كل الاخوه والاخوات.......

اني اختكم كندا عايشه في كندا.....احب اقدم لكم اي اجابه عن اي استفسار يخص الحياة في كندا

بحدود معرفتي المتواضعه...متمنيه للجميع الفرج القريب....

[اهلي ياعراقين]

الله يبارك بيج

[الخالدي الاصيل]

خير الناس من نفع الناس
دعائي للجميع بالموفقيه
اخوكم الخالدي الاصيل

[عمادخطاب سلمان]

شكرا جزيلا الاءخت العزيزه وسؤالي لو تم تحويلي الى كندا عن طريق اليو ان هل باءمكان اخي المقيم هناك الذي يحمل الجنسيه الكنديه ان يساعدني بتسريع الاءجراءت للوصول الى هناك ام لالا ولكي مني كل الاءحترام والتقدير اخوكم من مصر ابو اياد

[عراقيةوافتخر]

يسلمووو خيتووو

مشكورة ومتقصريين وان شاءالله الموفقية لكل الاخوان الي ينتظرون السفر لكندا


اختك عراقيةوافتخر
 

[القرش الاسود]

الاخت كندا
                 مشكورة وبارك الله بيك بس ادع لنا تفرج علينا احنه المرفوضين من امريكا

[اينشتاين العراقي]

الف شكر اختي على هاي الروح الطيبه
بس حبيت اسألج انتي رايحه لكندا على اساس اللجوء لو بطريقه ثانيه واذا عن طريق اللجوء احجينه الخطوات الي مريتي بيه بأختصار اذا امكن
وثاني شي بس حبيت اسألج على اسعار تأجير الشقق بحدود 3غرف نوم بمنطقه وسط وشقه شوي زينه شكد تكلف بعموم كندا وخصوصا ببرتش كولمبيا
ويا ريت همين تحجينه على فرص العمل للشباب متوفره وشكد الحد الادنى للرواتب بالساعه؟؟
وشكرا لسعة صدرج ولو كثرت عليج بالأسئله هههههه
وشكرا الج اختي على هالموضوع المفيد وعلى روحج الجميله

[كندا]

الى الاخ عماد,,,بالنسبه للجوء الى كندا هو عن طريق المفوضيه للاجئين...والذي يفيدك به اخوك هو كون المنظمه تسعى دائما الى لم شمل العائله ...وهذه نقطه ايجابيه...ويارب يكون الجمع قريب

[كندا]

                       
                           شكر لكل الاخوان الي رحبوا بيه....
واكول الله يقدرنا على فعل الخير والعون والمساعده ......وذوله العراقين وين مايروحون

                          ( مشكوررررررررررررررررررررين)
                   
                         

[كندا]

اخ انشتاين اني رايحه بطريقه ثانيه غير اللجوء بس عندي معلومات عنه....
عند وصولك كندا يعطوك في المطار اقامه لمدة خمس سنوات وتتكفل بعدها دائره الهجره الكنديه بتوصيلك الى سكن مؤقت لحين اكمال معاملات الصحه وغيرها بعدها يخصص لك راتب لمدة سنه تبدا به حياتك مع تعلم اللغه.................اللغه يااخوان جدا جدا ضروريه
اما الاجارات فتختلف من منطقه الى اخرى بالسعر ..ويوجد شقق وبيوت وبيسمنت(قبو)وكل بسعر
اما العمل فليس بالسهل وخاصه اذا لم يوجد لغه جيده..وخلال السنه اذاوجدت شغل عليك ان تشتغل بنصف الراتب الى حددته لك دائرة الهجره..والا يقطع  الراتب  ..والعمل هنا كله بشيكات تدفع نهاية الشهر والاجر اليومي قليل او معدوم ..

اتمنى ان اكون وفيت الموضوع...

[احمد الغريب]

الاخت العزيزة كندا .. اهلا وسهلابك في هذه المشاركة وحبذا أن يكون موضوعك في عرض مساعدتك للاخوة والاخوات المحولين الى كندا لمساعدتهم في الاسئلة أن يتم طرح هذا الموضوع في موضوع رئيسي وهو (جمعية االمحولين الى كندا ) لغرض ان تكون الفائدة أعم وأشمل لأن موضوع كندا محصور في هذا العنوان وحتى لايتشتت جهدك وجهد الاخت ناردين والاخوة والاخوات اقترح عليك أختي العزيزة ان يعاد طرح الموضوع ضمن عنوان جمعية المتحولين الى كندا واني اشكرج لمساعدة اخوانج واخواتج والله يبارك بيج . أحمد الغريب

[ابو نخوة]

الاخت العزيزة كندا  اهلا وسهلابك في هذه المشاركة وجزاك الف خير بما تقدميه لاخوتك المتحولين على كندا ولو راح نتعبك بالاسئلة  ههههههههههههه  وكل عام وانتم بالف خير عيد سعيد للجميع انشاء الله والفرج القريب                   اخوك ابو نخوة من مصر                                       منتظر موعد سفر الى كندا

[angie-dawood]

FDJpv7  ytcfuktojsas, nizmprmkptad, [link=http://ebsaigtniawg.com/]ebsaigtniawg[/link], http://adfnmueudavu.com/

[dado2006]

مشكور على الموضوع
عندي كم اسئلة  لو سمعتي
اني هسه بل عراق و اريد اجي على كندا يعنى شلون الجو و فرص العمل و اى منطقة احسن يعني نريدك ان تحدثين لنا عن كندا اذا سمعتي
و للعلم  اني اقدر ان احصل على الفزا سياحية
اذا اجيت اقدر اقدم على الاقامة الدائمة يعني يمكن احصل على الاقامة و شلون الترتيبات و كيفية الطلب؟
و اذا حصلت عله ممكن ان ينطوني معاش و البيت ؟ او بس ينطوني الاقامة و بس
و ارجو المعضرة على كثرة الاسئلة و شكرا على كل شيء .

[كندا]

     
                        تحيه للاخوان\\احمد الغريب \\ابوالنخوه\\انجي

                    والله  يبارك بكل الطيبين....وانتوا اولهم

[كندا]

الاخ او الاخت dado
الدخول الى كندا يكون اما عن طريق اللجوء او الهجره او من قبل المنظمات الانسانيه او الفيزه
وهذه الاخيره ليست بالسهله...والفيزه يعني وقت معين وتغادر كندا
اما بالنسبه للراتب يختلف بالنسبه للمهاجر عن اللجئ...
اما الجو في كندا معتدل قي الصيف وبارد جدا جدا في الشتاء(انجماد)

[ابو الحظ]

اختي العزيزه كندا
مشكوره على الايجابات السريعه والمريحه يكون الله بعون كلمن دينتظر السفر والمساعده
اختي العزيزه انتي من اي مقاطعه

[اينشتاين العراقي]

الف شكر اختي على الاجابات الوافيه واني كلش ممنون الج
بس ممكن سؤال لاخ نسيته
بس اريد اعرف هل ممكن ان اعادل شهادة الثانويه وبكل التخصصات لو اكو تخصصات ما تتعادل
وثاني شي هل اكدر اقدم على الجامعات واكو قروض مخصصه لهذا الشي لو لازم على حسابي؟؟
وشكرا اختي مره ثانيه 

[كندا]

اخي ابو الحظ اني ساكنه في مقاطعة انتاريو......برامتون

[كندا]

الاخ اينشتاين ..بأختصار موضوع معادلة الشهادات لا يتم الاستفاده منه الا اذا كنت تتقن الانكليزيه..يعني سوف يتم اختبارك وعلى ضوء نتيجة الاختبار تؤهل الى الدخول الى الجامعه(امتحان التوفل)الذى يعادل (الهاي سكول)
وفي حالة انتسابك للجامعه تستطيع الحصول على قرض للدراسه..وهذا يشمل كل المقيمين والكندين...
والله يوفقك

[lenatelecom]

الاخت كندا
جزاك الله الف خير على مساعدتك وتقديمك المشورة
وتفاعلك مع الاعضاء
اتمنا لك الموفقية والنجاح

تحيات اخوك

[dodo micheal]

اهلا وسهلا اختنا كندا
وشكرا الك على كل معلومة تفيدي بيها اعضاء المنتدى وخاصة المقدمين على كندا

اختك
دودو
عمان

[شكوماكو]

بارك الله فيك يااصيلة وياطيبة اتمنى من الله لك كل الخير والموفقية لانك فاعلة خير.


 اخوك
 شكوماكو

[كندا]

شكر لجميع الاخوان..........
شكو ماكو
dodo
lenatelecom

ولاشكر على واجب.....وهنياله فاعل الخير

اتمنى للجميع راحه البال يارب

[lenatelecom]

الاخت كندا اتمنا لك الموفقية
واذا تتوفر لديك معلومات عن الاجرائات بعد الوصول والمعاملات وبماذا تنصحين القادمين الجدد قبل الوصول

تحياتي

[ناردين]

اهلا وسهلا اخت كندا واسفة تاخرت بالترحيب بحضرتج
اختي كندا ممكن سوال هل صحيح في كندا وبحالة الاجوء لايعطون فود ستامب مثل امريكا يعني انتي تشترين الاكل من مواد غذائية وخضروات والحم من الراتب الي يخصصو الج
اختك ناردين
مصر

[كندا]

الاخت ناردين بالنسبه للاجئ العراقي وكما اعلم من بعض الاصدقاء بأن الدوله تعطي الراتب وتؤثث البيت لكل عائله او حتى اذا كان الشخص لوحده(سنكل)
وتشمل الاثاث..
الاسره ومستلزماتها من فرش وشراشف ومخاد
وميز تواليت لكل شخص وميز طعام وكراسي على العدد
وقنفات للصاله على العدد ايضا..اما الكنتور ففي كل شقه وبيت يوجد الكنتور في الحائط

هذا ماتقدمه الحكومه مع الراتب وهو بمثابة هديه لبدء الحياة للجئ..
اما البيت فأنت تستأجره من الراتب
والاكل والشرب كله عليك....اي لايوجد (فود ستامب)

[العاشق لكندا]

السلام عليكم
اختي العزيزه اني مقدم على هجره (سكلد وركر) العماله الماهره وعندي فايل نمبر من سنة 2006 حبيت اعرف شنو المميزات الي احصل عليه لان حضرتج كتلي واصله الى كندا مو عن طريق اللجوء فحبيت اعرف شنو الي احصله من المميزات الي احصل عليها عند وصولي الى كندا ان شاء الله وتقبلي فائق احترامي

[ابو نخوة]

السلام عليكم اخت كندا  انشاء الله  بخير سوالي بخصوص  الستلايت  وقمر نايل سات  اني عندي رسيفر  يعمل بفولتية 110 واكدر استفاد منه بكندا يعني القصد يطلع قمر نايل سات لان  بيه اكثر القنوات العربية ارجو توضيح ذالك واذا اكو بدائل  وماهو المعمول به بكندا بخصوص القنوات العربية    ولك جزيل الشكر والتقدير                    اخوكم ابو نخوة

[كندا]

الاخ العاشق لكندا
 ليس لي علم عن موضوعك واسألك عليه وارد عليك بأذن الله

[كندا]

الى الاخ ابو النخوه
احتمال كبير ان الريسيفر الى عندك يشتغل في كندا اذا كان فولتيه 110 .....ولكن لايمكن استقبال القنوات من القمر نايل سات لانها مغلقه هنا ..
الا عن طريق شركات مختصه بذلك ولقاء مبلغ معين...ويكون ربطه عن طريق النت

[كندا]

اخواني حبيت اذكر الاخوه الى حيوصلون الى كندا قريبا ان شاء الله
بالنسبه للملابس الشتويه وخاصتا القماصل او الترواكات...فهيه تختلف هنا في كندا لان البرد قارص وهناك نوع معين من القماصل يجب شرائها من كندا لتقيكم البرد والثلج..فلا تكثروا منها  لانكم محددين بالوزن كما علمت من الاخوان
اجلبوا معكم( اللفافات والكلاو والكفوف) والملابس القطنيه

مع تحياتي كندا..

[كندا]

عذرا للاخ lenatelecom بالرد على سؤاله حول ما يقدم  عند الوصول الى كندا
يقدم الى المهاجر واللاجئ الضمان الصحي او التامين الصحي اما المساعدات فتختلف
حتى الكفاله الخماسيه تختلف من حيث المساعده الماليه من الدوله...
اللاجئ يقدم له كل التسهيلات والمساعدات بالتنسيق مع المنظمه التى طلب منها اللجوء مع تخصيص راتب له ولعائلته
اما نصيحتي للقادمين الجدد ان يتوكلوا على الله ولايترددوا في المجئ الى كندا

[lenatelecom]

شكرا لك اختنا العزيزة
لان ماتقدميه من معلومات عامة تفيد كل الاعضاء المهتمين
تمنياتي لك بالموفقية

[العاشق لكندا]

السلام عليكم..... الاخت كندا ان شاء الله تكوني بحصه جيده وخير
حبيت اذكرك بالسوال عن وضعي وخصوصا انا مقدم على هجره الى كندا عن طريق برنامج سكلد وركر العماله الماهره فحبيت اعرف ما هاي المميزات التي تمنح لي من شقه ومساعدات ماليه والخ  ان شاء الله احتاج منك ات تسالي لي عن هاي الحاله ولك مني جزيل الشكر والاحترام

[ابو نخوة]

السلام عليكم اخت كندا بس حبيت استفسر منك بخصوص مدارس الاولاد اني بالنسبة الي عايش حاليا بمصر ولدي ثلاثة اطفال ومسجلين بمصر والان اني منتظر موعد سفر الى كندا فحبيت اعرف لازم اجيب ويايه شهادات دراسة اولادي والمراحل الي همة بيها ويايه لكندا لو اصلا كندا ما  تستند عليها فارجو التوضيح بهذا الموضوع ولك جزيل الشكر والتقدير                   اخوك ابو نخوة

[كندا]

الاخ العاشق لكندا..اسفه على التأخير
بألنسبه لسؤالك حول (سكلد وركر ) العماله الماهره ومايقدم من قبل كندا بهذا الخصوص
اخي..تقدم لك الحكومه بعد الموافقه عليك فيزا لدخول كندا...وبعد ستة اشهر يصرف لك راتب من الخدمه الاجتماعيه ..وهذا يشمل كل الكندين والذين يدخلون كندا وليس لهم دخل جيد

[كندا]

الاخ ابو النخوه يارب السفر القريب والعاجل بأذن الله
اخي كندا لم تستند على الشهادات المقدمه من العراق او من الدول العربيه وهذا بألنسبه لجميع المراحل الدراسيه
ولكن يخضع الطالب الى امتحان بسيط شفهي وتحريري وبعدها يوضع في المرحله العمريه لكل صف وهذا بالنسبه للمرحله الابتدائيه وحتى الثانويه(الهاي سكول).
اما التقديم الى الجامعه فيكون بأجراء الطالب امتحان اللغه (التوفل)واذا نجح سيقدم  الى اي جامعه يرغب فيها...
اخي ارجو  ان يكون الامر قد وضح لديك..

[اينشتاين العراقي]

السلام عليكم اختي
بس حبيت اسألج على اسعار الملابس والاجهزه الكهربائيه مقارنه بالاردن اغلى لو ارخص
وشنو نصيحتك اخذ شنو اكثر شي الملابس لو الاجهزه الكهربائيه من اسافر
وبالنسبه للابتوب وين اغلى بالاردن لو بكندا
وشكرا الج اختي لان تعبتج اني ويايه
اخوج اينشتاين

[كندا]

الاخ اينشتاين...
اولا الاجهزه الكهربائيه في كندا تشتغل على فولتيه110 اي لاتنفع كل الاجهزه للعمل هنا...
وثانيا ان الملابس وكما ذكرت سابقا لاتكثر منها لان الجو يختلف وستضطر لشراء بعض الملابس من هنا..والاسعار كما اظن بنفس التكلفه لعلمي ان عمان غاليه بعض الشئ..
وثالثا اللابتوب هنا في كندا يختلف بالسعر من حيث المواصفات فيوجد بسعر  200 دولار ويصل الى 1000  دولار
وانا افضل ان تجلب معك اللابتوب لان به  اللغه العربيه (للمحادثه مع الاهل )لان الكيبورد هنا بالانكليزي

[العاشق لكندا]

السلام عليكم
شكرا جزيلا لاهتمامكي بالموضع والسوال  لي عن وضع المهاجر حين وصوله الى كندا وعندي كم سوال ايضا.......
 كم سنه انت مقيمه في كندا؟ ومتى يستطيع الشخص ان يتقدم بطلب الجنسيه؟وانت باي مقاطعه ساكنه وفي اي مدينه؟ وهل تنصحينني بالذاهاب الى مقاطعه معينه او مدينه معينه  والسبب؟ وهل ممكن ان تتكلمي لنا عن كندا وعن شعبها وعن انواع العمل وخصوصا انه انت ساكنه فيها؟ واني جدا شاكر جهودج ويانه وان شاء الله يوفقج ويحقق كل احلامك والفففففففففف شكررررر
اخوج العاشق لكندا

[كندا]

الاخ العاشق لكندا
الحصول على الجنسيه في كندا هو افضل من غيرها من الدول ......فبعد 3 سنوات من دخولك كندا يمكنك ان تقدم على الجنسيه الكنديه وبعداجراء امتحان بسيط تحصل عليها
المقاطعات في كندا تختلف من حيث الجو ...والمساعدات ..وكل ما ابتعدت عن اوتاوا العاصمه او تورنتو سيكون لك فرص العمل اكثر بسبب كثره المهاجرين والاجئين فيها
شعب كندا شعب يتكون من فئات مختلفه من كل الجنسيات في العالم وهو شعب يحترم النظام ويحترم حريه الاخر وكل شخص في حاله....شعب عملي جدا
وفرص العمل كثيره ولكن اكثرها تعتمد على اللغه
انا في مقاطعة انتاريو

[lenatelecom]

شكرا لك الاخت كندا على المعلومات المفيدة

تحيات اخوك

[dado2006]

شكرا لك  الاخت كندا على  المعلومات المفيدة
بس  عندي كم استفسار اذا  سمعتي
اذا اجيت الى كندا هل من الممكن ان احصل على اللجوء او الاقامة او لا ؟
و اذا ما كدرت ان احصل على الاقامة هل من الممكن ان يرجعونى الى العراق ام ماذا ؟
و بنسبة للجنسية  مثل ما قرأته ان يمكن تقديم على الجنسية بعد 3 سنوات من دخول الى كندا او بعد ما احصل على الاقامة او اللجوء ؟
و اتاسف على كثرة الاسئلة بس ما عندنا ال حل
و شكرا مررة ثانية و ثالثة و.......................
   

[بغدادي76]

أخت كندا ممكن تسأليلي عن حال طالب اللجوء العراقي اللي يدخل الأراضي الكندية بشكل غير قنانوني ؟
شنو مصيره ؟ يحصل على الإقامة لو لا ؟ شكد تطول ؟ هل يتم دراسة القضايا بجدية وبدقة ؟ شنية المساعدات اللي يتلقاها أثناء فترة دراسة طلبه ؟
علما انو آني جنت بالسويد وأكو جماعة انهزموا لكندا من ضمنهم واحد اعرفه , بس ماتحصلين منهم لاحق ولاباطل وجذبهم من صدكهم ماينعرف
لذلك ياريت لو تساعديني بالمعلومات

[alneemi]

اختي كندا ... ممكن اعرف اذا قدمت عالهجره من سوريا الى كندا كم من الوقت لازم ابقى بسوريا ؟
و آني حلاق و عندي شهاده حلاقه مترجمه هل استفيد منها بكندا ؟

[كندا]

الاخ LENATELECOM 
لا شكر على واجب ....... وشكرا لذوقك


الاخ او الاخت DADO
اذا وصلتي الى كندا عن طريق دراسه او طلب زياره من المقربين من الدرجه الاولى ...اي حصلتي على فيزة الدخول الى كندا تستطيعين ان تبقي وبعد فتره تقدمين الى دائره الهجره بطلب اللجوء وتنتظرين الموافقه وبعد ذلك يحق لك التقديم لطلب الجنسيه بعد مرور 3الى4 سنوات............ولاتخافين ان شاء الله( ميرجعوج) للعراق

[dado2006]

شكرا لك  الاخت كندا على  المعلومات المفيدة
و ان شاء الله  ان يجعله فى  ميزان  حسناتك
و شكرا مررة ثانية و ثالثة ووووو ................

[كندا]

الاخ alneemi
التقديم على اللجوء من سوريه يتراوح بين سنه الى ثلاث سنوات على ما اعتقد اذا طلعت الموافقه وحصلت على اللجوء
اما اختصاصك فمرغوب به في كندا كون الاعمال والحرف اليدويه تدر بربح على صاحبها (الحلاقه فى كندا للرجال بين 10---25 دولار للشخص)

[كندا]

الاخ بغدادي76
الطريقه الغير شرعيه ليس لي علم بها ....اسال واجيبك باذن الله
ولكن لى معرفه بشخص دخل الى كندا عن طريق ايفاد وهو من احدى الدول العربيه...وبعد انتهاء مدة الايفاد لم يرجع الى بلده وطلب اللجوء( وقبل) وبقى الى اليوم في كندا

[اريد وطن]

اختي كندا شاكر لطفي وتقديم المساعده

اني ارسد وطن مقدم من عمان والحمد لله قابلت في السفاره قبل شهر وسويت الفحص الطبي طبعا انتضار اجراءات وهي حسب علمي سفاره الصبر وطبع والحمد لله ماعدي غير الصبر والانتضار والدعء

ممكن اغلبج بسؤال اني في عمان ماخذ اي مساعدات هل هذا يوثر عندما اصل الى كندا طبعن في طلب كاتب اريد تورتنو اونتاريو  يعني ممكن الشخص الي ماعنده هنا ماف في iom يمن يوصل هناك يطنشوا ويكلول من اول يوم اعتمد على نفسك

شنو رايج مجالات العمل هناك واحد اول مايوصل اني ممكن اذهب الى مسكاكا لانه اختي هناك
بالنسبه معادل شهاده اني خريج من عمان من 2000 بكلوريوس مختبرات طبيه ممكن عندج فكره واحد شلون يعادل الشهاده ويكدر يشتغل بيها لو لا

ومشكوره اختي كندا

اخوج اريد وطن

[كندا]

الاخ العزيز اريد وطن
بأذن الله ستصل الى كندا قريبا وخاصتا انك متمم كل الاجراءات بالسفاره .......
(ولكن لم افهم عبارة الى ما مسجل في iom )
بالنسبه لمجيئك عند اختك في( مسساكا) فحتما ستطلب مقاطعه انتاريو....
اما للشهاده فمعادلتها تكون هنا بامتحان( لغه ) كما ذكرت سابقا ........
اما الشغل فلن تستطيع العمل اول ماتصل الى كندا حتى تضبط اللغه وتعادل الشهاده وهذا يطول سنه او اكثر ولكن خلال هذه الفتره ستتلقى المساعده الماليه من الدوله

اتمنى ان تكون قد وصلتك الفكره.....

[اينشتاين العراقي]

السلام عليكم
اختي العزيزه متعرفين اذا اني حددت مقاطعة برتش كولمبيا هل راح يودوني هناك لو راح يحطوني بالولايه الي همه يريدوه واكدر اغير مكان السكن من اوصل ؟؟
وبالنسبه للشغل اكدر احصل رأسا اذا جان عندي لغه(محادثه) حتى لو بمطعم او اي شغل لان كلش اكره الكعده بالبيت
وطبعا اختي اشكرج واعرف اني ثكلت عليج بالاسئله بس مثل ميكولون انت (ضحية نجاحج ) ههههه
اخوج اينشتاين

[اريد وطن]

مشكوره اختي على ردج السريع

اختي اني غير مسجل يعني في عمان هنا انا لم اطلب اي مساعدات ماليه او اي شي من iom وحدث اتصال قبل اسبوع سئلتني وحده عراقيه متطوعه تاخذ راتب ار بحاجه الى اجراءات طبيه معينه وكلتلي سوف نتصل بيك بعد 2 اسبوع نزورك للبيت

اخاف اكلها اني هسا اعمل ويطنشوني في كندا على اساس انس اعمل ولديه دخل ارجو ان وصلت لكي الفكره
يعني حقيقتا هنا في عمان ليس لي حاجه بس عند الوصول الى كندا اكيد احتاج لانه مثل متفضلتي بحاجه الى لغه واصور اقل شي احتاج 4-6 اشهر واحد يمن يكدر شويه يمشي اموره فاذا اول يوم يطنشوني وروح دبر امرك او اسكن مع اختك يعني اضل بعمان احسن اروح اكدي بالشارع طبعن اشاقا

شكرا اختي كندا وادعيلنا ربنا يسهل وسفاره الصبر تحجي ودكول يله سلمو الجوازات هاي السفاره تغيب تغيب وبعدين مشوفيهم يتصلوا بعدد جبير الله كريم

[ابو عبدالله العراقي]

السلام عليكم

اختي كندا شلونج بس اريد اسئل على موضوع الدراسة بكندا اذا الواحد متخرج من الكلية لغة انكليزي وقوي بالانكليزي واريد اكمل دراسة بكندا اذا الله راد فاني شنو يحتاج اجيب شهادة السادس مصدقة لو بس شهادة الكلية مصدقة وسؤال ثاني هل لديك علم على ان كندا شكد راح تقبل بسنة 2010 من الاجئين العراقيين

[alneemi]

مشــكوره اختي العزيزه على الرد


واذا ممكن سؤال ثاني...اذا سافرت على سوريا آخذ زوجتي وياي من الاول و الا عادي بعدين تجي عالمقابله؟

واذا ممكن بدون زحمة تبعثيلي الخطوات اش اسوي بسوريا من الاول.

ارجو  انو ما ثقلت عليج

تحياتي و شكري

[كندا]

الى الاخ اينيشتاين العراقي
انا اعتقد ان المقاطعه تكون حسب طالب اللجوء وهذه المقاطعه غرب كندا.......
.اذا كان الاجئ ليس له علم بالمقاطعات او المدن الكنديه  جيدا ..فيكون السكن بالمنطقه التي تحدد من قبل المنظمه المتقدم عليها بتنسيق مع الدوله طبعا
اما بالنسبه للشغل .....الرزق بيد الله ربما تشتغل اول ماتصل كندا وربما تنتظر لفتره(على فكره هم يفضلون الناس التي تعمل لانه بلد يحب العمل)وربما تجد عمل بسيط لايحتاج الى لغه عاليه الجوده...ههههههههه

[كندا]

الى الاخ اريد وطن

اذا انت كنت من المسجلين لدى الامم المتحده بصفة لاجئ وقد وافقت عليك السفاره الكنديه واخذت فيزة الدخول الى كندا سيكون لك صفه الاجئ........وسيكون لك حقوق على الدوله منها الراتب لحين ايجاد عمل مع اقامه لمده 4 او 5 سنوات لحين حصولك على الجنسيه.....
لن تسأل ان كنت تشتغل في بلدك او تأخذ مساعدات اوغيرها...(هاي بس دولنا العربيه اتسويها)
هههههههههههههههههه

[كندا]

الاخ alneemi
حسب معرفتي المتواضعه من الاخوان هنا ان التسجيل في الامم المتحده un يمر بعدة مراحل وكل مرحله تطول اشهر.....اذا كنت قادر ان تذهب الى سوريه مع زوجتك وتسكن بها لتكون قريب من  un سيكون افضل ..اما المراحل بالتفصيل يفيدك بها الاخوه في المتدى حسب تجاربهم الخاصه

[lenatelecom]

الاخت العزبزة كندا  تستحقين كل الشكر والاحترام على تقديمك المساعدة لجميع الاخوة

واطلب من الادارة المحترمة تثبيت هذا الموضوع حتا يكون مرجع لكل من يهمه الامر

وذلك لتواصلك  وتواصل الاعضاء في الاسئلة والاجوبة

وامنياتي لك بالموفقية

تحياتي

[اريد وطن]

الاخت العزيزه كندا

شاكر ردك السريع وتعاونك مع اخوانك

سؤالي عندج معلومات حول الدراسه في كندا وفي تورنتو معادل شهاده مختبرات طبيه انا متخرج من عمان
هل ممكن معادل او دراسه من جديد وماهي تكاليف يعني واحد بس يتم اللغه يكدر يبدي معادل وماهي الخطوات

وحسب علمج مختبرات الطبيه مطلوبه في كندا لو لا طبعا اني دراستي 5 سنوات بكلوريوس

اخوج اريد وطن

[ابو عبدالله العراقي]

السلام عليكم

اختي كندا شلونج بس اريد اسئل على موضوع الدراسة بكندا اذا الواحد متخرج من الكلية لغة انكليزي وقوي بالانكليزي واريد اكمل دراسة بكندا اذا الله راد فاني شنو يحتاج اجيب شهادة السادس مصدقة لو بس شهادة الكلية مصدقة وسؤال ثاني هل لديك علم على ان كندا شكد راح تقبل بسنة 2010 من الاجئين العراقيين وسؤال اخير اذا واحد يجيب شهادة مصدقة مال حرفة حلاقة يعترفون بيها بكندا لو لا

[كندا]

شكرا للاخ lenatelecom

هذا الشعور الطيب ....وبارك الله فيك

بأذن الله نسمع بموعد سفرك القريب......ونهنئك

[كندا]

الى الاخ اريد وطن ...
اسفه للتاخير بألرد لانشغالي...........
بالنسه لاختصاصك فمرغوب هنا في كندا...اما بالنسبه لمعادله الشهاده فتخضع الى ثلاث امتحانات تقريبا ....
اما بخصوص الدراسه واكمالها الى الماجستير او ماشابه فتتقدم بطلب قرض لمصاريف الجامعه وهذا كله بعد وصولك الى كندا واجتياز امتحان اللغه...

[كندا]

الى الاخ ابو عبد الله العراقي....
اسفه على التاخير بالرد .....
اولا وكما قلت للاخ اريد وطن هنا في كندا يجرى امتحان لكل لاجئ او مهاجر من اصول غير كنديه للتأكد اولا من اللغه وبعدها تتم معادلة الشهاده...وكما علمت مؤخرا ومن احدى المنظمات هنا المختصه بشؤون المهاجرين والاجئين ان الشهادات الصادره من العراق غير معترف بها اى لاتصديق نافع ولاشئ وهذا حصرا من سنة 90 والى هذا اليوم....
واذا رغبت ان تصدق الشهاده الجامعيه وتأتي بها ربما يتغير الحال...الله اعلم
اما شهاده الحلاقه وكما ذكرت سابقا هي مرغوبه واي عمل يدوي مثل الخياطه التطريز الرسم ...يدر  ربح على صاحبه(ابشر هههههههههههه)
اما مسأله عدد المقبولين من العراقين المهاجرين الى كندا........... فلا علم لى بها حاليا....

[lenatelecom]

الاخت العزيزة كندا
الشكر لك مقدما لكل المعلومات المفيدة
ممكن ان تتكلمي ولو بشكل مبسط عن  كلفة الايجارات في مدينتكم
وماهي الايجابيات في اختياركم للمدينة
ولماذا لم تختارو مدينة مسيساجا علما انها تتواجد بها جالية عربية كبيرة جدا

اتمنا لكم اقامة دائمة

[كندا]

الاخ lenatelecom

تكلفه الايجار تختلف من مدينه الى اخرى ومن مقاطعه الى اخرى...وسعر الشقه يختلف عن سعر البيت وهكذا ...اي لايمكن تحديد السعر ...ولكن بما انك تعرف منطقة مسساكا....اقول لك ان الشقه التى تستأجر في هذه المنطقه وبنفس المواصفات ترتفع بالسعر حوالى 500 دولار عن منطقه( دون ملز) او(اوكفل)او (اوتوبيكو) مع العلم ان بها تجمعات من العوائل العراقيه....اي ان المنطقه تحدد السعر ...
ويبقى الاختيار شئ شخصي..............

[lenatelecom]

شكرا على المعلومات الجيدة

تقبلي تحياتي

[كندا]

           
          لا شكر على واجب اخ  lenatelecom

انتوا تسألون  واني اجاوب حسب معرفتي المتواضعه ويارب تكونوا مستفادين من هذه الردود....

وتدللون.............

[lenatelecom]

شكرا لك على تفاعلك المستمر مع الاعضاء
واتمنا ان تستمري بتقديم كل ماهو مفيد ومطلوب من القادمين الجدد

تحيات اخوك

[كندا]

الى كل الاخوه الاعزاء
اليوم اتكلم معكم عن الاجازه الدوليه للسياقه .....
هذه الاجازه يعترف بها في كندا لمده سته اشهر من دخولك...وهذا شئ جيد اذا كان لك اقارب ولديهم سياره يعطوها لك كهديه او طلب...
لكن اذا حبيت ان تستأجر سياره فالسعر عالي جدا يصل الى 300 _400 دولار في الاسبوع........
والسبب انك لاتستطيع شراء سياره الا ان تخضع للامتحان النظري وتجتازه ويسمى G1 ........وهذا الامتحان لايؤهلك بالسياقه لحالك الا اذا...كان بجانبك شخص يحمل اجازه G2 اجازه العملي......


وبسبب الاظراب الحاصل منذ شهرين ولحد الان من قبل الموظفين لهذه الدائره فكثير من الناس تعطلت طلباتهم بالحصول على الاجازه....واولهم العراقين...ادعوا لهم بالفرج القريب...
ان السياره من الاشياء الضروريه في كندا وخاصتا اذا كانت العائله كبيره بسبب غلاء بطاقة الباص التي تصل الى 3دولارات للشخص.......

اتمنى ان يكون الموضوع قد افاد الجميع مع التحيه.....

[lenatelecom]

شكرا لك على المعلومات المفيدة جدا

واتمنا الاستمرار بتقديم المساعدة للجميع

امنياتي لك بالنجاح والموفقية

[الفريدو]

اخت كندا طبعا شكرا الك مقدما على المعلومات المفيده

بس سؤالي عن اجازة السوق للي عنده اجازه دوليه كم المده وياخذ اجازه كنديه ويسوق براحته ؟؟؟






اخوك : الفريدو

[عبسي]

حبيبي الفريدو اعذرني من التقصير انتة وبقية اعضاء المنتدى بس اكيد انتم تقدرون الظروف

بالنسبة لاجازة السوق الدولية كلشي ما تفيدك سوى انه تسوق اول 3 اشهر بيها اما اجازة السوق الكندية تنقسم 3 اقسام (جي 1)وهو امتحان نظري ثم وهذا المهم لكي تدخل الامتحان العملي (جي 2)لازم يكون عندك اجازة سوق  عراقية او اردنية نافذة واوكد نافذة وليست دولية وفي حالة عدم توفرها يجب ان تنظر سنة كاملة وتدخل مدرسة سياقة حتى تكدر تدخل الامتحان

اخوك عبسي

[اينشتاين العراقي]

والله نور المنتدى باخونا عبسي
بس هاي وين انكطعت عنه فد كطعه ههههه نريد بعد تفاصيل اخونا العزيز ترى هسه احنه مثل العميان بليله ضلمه نريد نفتهم شنو السالفه ههههه
فيا ريت تكتبنه كل شي تكدر علي
اخوك اينشتاين
 

[عبسي]

اخي العزيز اينشتاين العراقي المنتدى منور بيكم

ومن رخصة اختنا كندا لان دخلت على موضعها بدون احم او دستور استاذنها بالاجابة واكوللها ترة احنة هم جيران لان اني هم ساكن مسيساكا

اخواني بالنسبة لاخر اخباري فاني هسة مشغول ب استأجار شقة لي ولاهلي حيث ان الشقة الحالية صغيرة نوعا ما وهنا لكي توجر شقة بعض الموجرين يريدون منك تثبتلهم دخلك السنوي وبما انه احنة في الاشهر الاولى حدايق بدون شغل فراح تلاكي صعوبة نوعا ما في الاستاجار

ثاني مشكلة هنا مثل ما كالت الاخت كندا انه صعوبة وغلاء المواصلات العامة انطيكم مثال بطاقة الباص في مسيساكا ب 3 دولارات وصلاحيتها ساعتين بس تخلص الساعتين لازم تشتري وحدة ثانية فاذا انتة عندك مدرسة او دورة ينرادلك بس مواصلات 6 دولارات فلازم تشتري سيارة وتطلع اجازة

وهسة المحروسين من عين البشر جماعة الاجازات مسوين اضراب صارلهم 3 اشهر و واكفة كل المعاملات ليش ما يسوون اضراب اذا راتبهم ماشي وكلشي ما يشتغلون اني لو منهم هم اسوي اضراب

زين مشكلتي ما اعرف ازور وجايب اجازتي العراقية اللي تنتهي صلاحيتها ب2004 ومالها اي قيمة فلازم اذا بقيت متمسك بالمبادى (حلوة هاي مال المبادى)انتظر سنة يلة اكدر اقدم على الامتحان
صديقي جاب اجازته هم منتهية الصلاحية وخلاها على المي الفاير وفتح الكبس مالتها وسواها صالحة لل2016 وترجمها وراح تمشي اموره بس لو اعرف ليش ما يجددون الاجازات بالعراق جان ارتاحيت واظاهر مالنة غير درب المي الفاير

اخوكم عبسي

[اينشتاين العراقي]

والله يا خويه عبسي صدك مترهمله الا المي الفاير ههههههه
بس اني الحمد لله متجاوز هاي الشغله لان عندي اجازه اردنيه تنتهي صلاحيته ب2016 فمشايل هم لهاي الشغله
وتسلم اخويه على التواصل
وكل الشكر الك ولصاحبه الموضوع الرائعه الاخت (كندا)
اخوك اينشتاين

[اريد وطن]

مشكورا اختنى كندا على المعلومات

اخونه عبسي وين لين بس نعرفك اصيل انشاء الله وماتنسى المنتدى بس ضل بالنه عليك

اخونه انشاء الله احنى وياك جيران بس الله يسهل ونسافر ويخابونا سفاراه الصبر احنى هم رايحين الى مسكاكا

بس حسب علمك شقه غرفه نوم وحده يعني لعائله طفل وزوجه وزوج في منطقه زينه يعني مو  عمارات قديمه شكد الأجار  والواحد شلون يعرف المنطقه الزينه من غيرها يعني امينه وماكو مخدرات او جرائم حسب معلوماتك .


وكلي واحد ياخذ مساعدات من منضمات يكدر يشتري سياراه يعني يقبلون وشلون هل يطون قرض لشراء السياراه

مشكور اخونا

اخوك اريد وطن /عمان

[عبسي]

اخي العزيز اريد وطن اهلا وسهلا بيك ان شاء الله في مسيساكا ونخليك بعيوننا

فيما يتعلق بميسيساكا فهي منطقة جميلة و راقية واقل مستوى للجريمة والمخدرات في كندا والتي هي على العموم قليلة في عموم كندا حسب مشاهدتي

بالنسبة للشقة ام غرفة حوالي فوك الالف دولار بشوية في مسيساكا بالمواصفات اللي كلت عليها وقد تصل الى 1200 دولار وللمعلومات هنا في كندا الفروق بالسعر بين الشقة ام الغرفة عن ام الغرفتين عن ام التلاثة قليلة بحدود 100 دولار الى 200 دولار

اي شي تريد تشتريه محد يكولك بحدود المعقول وهنا ماكو منظمة تتابعك بالصورة اللي صايرة باميركا حيث يجيك شيك الراتب من الحكومة الفدرالية بالبريد وطبعا محد ينطيك قرض حاليا لان المجتمع راسمالي يريدون عندك شغل او ضمان حتى يقرضوك لكي يتاكدون من قدرتك على التسديد

احوك عبسي

[كندا]

اهلا وسهلا  بك اخ عبسي ....
والموضوع ليس محصورا بشخصي ولكن انا ارحب بكل شخص يفيد  الاخوه الاعضاء ويرد على اسألتهم....
وبأذن الله تعم الفائده للجميع...


اخواني يوم غدا الاثنين يوم مهم في كندا و سيكون عطله  ....هذا اليوم يسمى (thanksgiving)يوم الشكر لاكتشاف كندا ومجيئ المهاجرين اليها من جميع انحاء العالم ..وازدهار الزراعه والاقتصاد فيها وهذا الاحتفال يكون في (الاثنين) الاسبوع الثاني من شهر اكتوبر من كل عام...وتجتمع العائله مع الاصدقاء وهناك اكله معينه تطبخ في هذا اليوم وهي (turkey and pumpkin)وهي الديك الرومي مع حلويات القرع


اما في امريكا فيكون الاحتفال على نفس النحو ولكن بتوقيت يختلف وهو الثلاثاء الاخير من شهر نوفمبر...

[اريد وطن]

مشكور اخويه عبسي ومشكوره اخت كندا

شاكر ردكم ومساعدتكم لاخوانكم المنتظرين حقا انتم وكل الاعضاء في المنتدى لكم شكر وامتنان من معلومات مفيد وقيمه تفيد الاشخاص المنتضرين والمقدمين الى شي مجهول

ربنا يسهل علينا النتضرين السفر وفتره الانتضار ويبارك لاخوانا الموجودين في كندا ويحقق امانيهم جميعا


اخوكم اريد وطن / عمان

[lenatelecom]

شكر لك من يساهم في هذا الموضوع
وشكر  لكل من يقدم معلومة مفيدة
واتمنا ان يكون هذا الموضوع مفيد لكل المهتمين بكندا

تحيات اخوكم

[كندا]

مشكورين اخواني.........

اريد وطن

lenatelecom


يارب نسمع بموعد سفركم القريب .........وكل المنتظرين بأذن الله

[مأسي]

الاخت كندا.. الاخوة الاخوات سلام عليكم جميعاً
اخوتي الاعزاء كما تعلمون انا متحوله على كندا بنهاية الشهر العاشر من سنة 2008 وبعدها بالشهر الثالث مليت فورمات.........
 ويوم 4\8\2009 عملت مقابلة بيوم 2\9/2009 خابروني على مود نقص اوراق ومستمسكات وبعدها بسبوع كملت الاوراق ودزيتهن للسفارة وسئلت الموضفة فقالت لي ملفكم مقبول ونتظروا الموافقة الامنيه ...
فهل صحيح كلام الموضفة حسب رأيكم وهل صحيح الفحص بعد الموافقه الامنيه..وليش لحد الان ما فاحصة وصار اكثر من شهرين من قابلت وملفي مقبول حسب ما كًالت وليش مأخرين اوراق الفحص ما ادري  وهل يوجد شخص مقارب الى حاتي حسب ما تعرفون ارجو المشاركة والرد من الجميع واكون شاكرة لكم

[كندا]

مراحب يااخت مأسي...

اعذريني فمعلوماتي قليله بهذا الشأن ...ولكن اتمنى ان لاتطول مده الانتظار  طويلا....

واطلب من الاخ عبسي.....او الاخ lenatelecom

او من مرت عليه هذه الاجراءات مساعده الاخت مأسي بموضوعها....

وسأكون شاكره تعاونه

[عبسي]

اختي ماسي
انتي بيا دولة؟؟؟؟؟؟؟؟؟

[اريد وطن]

اختي اماسي بعد التحيه

انا عبيت فورمات في يو ان وتحولت اوراق الى سفاره الكنديه وب 2/9/2009 عملت مقابه في سفاره كنديه طبعن في عمان

السؤال هيه شنو المستمسكات ناقصه لانه بالنسبه الي كانت الجوازات وجناسي وهويه احوال اخذوها وعند المقابله يعني كله نفس اليوم قابلنا موضفه كنديه ومقابله سهله ماكو اي تعقيد بعد مخلصنا ابلغنتا انا مقتنعه بسسب طلبكم اللجوء واعطتنا ورقه وقعنا عليها هي على ان نرجع فلوس الطساراه والفحص كقرض واعطتنا اوراق الفحص الطبي وطبعا ورقه حسن السيره والسلوك كانت غير جاهزه اعطتنا عنوان سفاره في سوري وكالت ابعثوها الى سوريا هذا ماحدث وهاي الاجراءات كانت يوم 30/8+31/8+1/9+2/9+3/9 تقريبا 20 عائله ويوجد ناس في عمان التقي بهم وتعرفنا على بعض وتقريبا نفس الاجراء بس تعبه الفورم فيهم ناس من 11/2008 وبعدها او قبل ماعرف وحاليا  لغايه اليوم 14/9 ماكو اي اتصال وحسب خبرتي من المنتدى اقل شي بعد عمل الفحوصات هو شهرين يبدون يتصلون بس اني كاعد اشوف اسه في المنتدى مثل اخونا فريدو سلم الجواز ب 30-9 ومقابلته بنهايه شهر 4 وهو بانتضار الدوره وبعد محد متصل بيه

يعني اختي الموضوع حظ اول واجراءات واتصور اكو هويه ناس بالانتضار بس مو كلها مشتركه في هذا المنتدى علمود نعرف موضوعها

اختي ماطول عملتي الفحص يعني موافقين عليج بس شخلت وقت ممكن خلال 6 اشهر بعد الفحص لازم اتسافري وهي ترى ماكو شي اكيد يعني كله موضوع جانص وحظ والله يس امرك ويطمنج

اخوج اريد وطن / عمان

[كندا]

الاخت مأسي....
الي عرفته من بعض الاخوان الاجئين هنا في كندا ان عمليه التوطين تختلف من بلد الى بلد... بالوقت والاجراءات ..وانت لم تخبرينا بمكان اقامتك الحاليه حتى يكون الرد  اسهل على الاخوان .......

وعلمت ايضا ان الموافقه الامنيه تسبق الفحوصات الطبيه........
وتأتي مع  الفحوصات اوراق توقع من قبل الاجئ وهي اوراق القرض.....وعند التوقيع سيكون السفر اكيد 100%.........ويبقى موعد انتظار السفر....هذا مااستطيع ان افيدك به يااختي


شكر الى الاخ عبسي وللاخ اريد وطن لتعاونهم

[الفريدو]

احب ارد على الاخت ماسي من خلال موضوع اختنا العزيزه كندا ( واشكر موضوعك وحبك لفائدة اخوانك )

اخت ماسي انا سبق ورديت على اسئلتك والاخوان ماقصرو بالرد ولكن سؤال واحد محيرني 

ليش ماتكولين انتي من اي بلد ؟؟؟؟

انا فتشت على اسئلتك بكل المواضيع التي تخص كندا وهوايه اعضاء طلبو منك ان تكولين انتي من اي بلد حتى يكدرون يجاوبون على اسئلتك بس انتي لحد الان ما رديتي على اي شخص ولا اعرف ماهو السبب ؟؟

اتمنى ان يكون المرء واضح مع اخوته كي تعم الفائده للجميع ونحن هنا نفيد ونستفيد من اخوتنا والفائده تعم للجميع لاننا في بيتنا الثاني نتعامل مثل الاخوه  ( حب لاخيك ماتحب لنفسك )


اخوك : الفريدو

[dodo micheal]

اخت مأسي من سوريا اعتقد يعني
ويارب ترد علينا  اخت ماسي
 والاجراءات بسوريا تختلف عن الاردن
وتقبلوا مروري

[lenatelecom]

الاخت ماسي
 انتم مقبولين مبدئيا وعند استكمال ملفكم  ستوقعون على القرض ويعطوكم اوراق الفحص الطبي
وبعدها تنتضرون التجيك الامني

تحياتي

[كندا]

         
           شكر للاخوه......

الفريدو

اريد وطن

dodo

lenatelecom

 الذين ساهموا في موضوع الاخت ماسي.....وننتظر المزيد من المشاركه لتعم الفائده الجميع ....

[مأسي]

سلام عليكم اخوتي الاعزاء
في البدايه انا اعتذر عن التأخير والتأخير هو ... لا يوجد عندي نت في البيت وكما تعرفون انا اذهب للمقهى مال النت ومكاتب الانترنيت بعيده عن بيتي وبنفس الوقت انحرج ما اكدر ادخل للنت يوميه فكل اسبوع ادخل مرة ... هاي اولاً
وثانياً سبق وان وضحت للاخوة وخاصه الاخ الفريدوا وعبسي وحسب ما اتذكر حتى دازة الهم رسائل شخصيه بخصوص موضوعي والله لا يكذبني اكثر تسائؤلتي وردودي اكتب بيهن انا من سوريا
فعلى كل حال انا شاكرة لكم وشاكرة لكل شخص مد يد المساعدة لي واسفه عن الاطالة وارجع واككر الى الاخوة والاخوات انا من سوريا

[كندا]

الى الاخت مأسي مع التحيه

الله يسهل عليك ونسمع بموعد سفرك القريب بأذن الله...

وتخبرينا اول بأول حتى نباركلك ونشاركك الفرحه...

[الفريدو]

اختي ماسي طبعا احنا تراسلنا على الخاص وبصراحه تقريبا كل المقبولين على كندا تراسلو ويايه ع الخاص والحمدلله ماقصرت ويه احد .. وانا اسف لاني ناسي انك من سوريا بس انا دائما احب اوضح لكل واحد يسال يكتب من اي بلد هو حاليا للفائده العامه وللاخوه الجدد .. المهم اختي العزيزه بالنسبه الك انتي مقبوله
100%100 والدليل السفاره الكنديه ما رفضت احد لحد الان واما عن المستمسكات فلا تخافين وراح افهمك ع الخاص بكل التفاصيل حتى يطمئن قلبك .. والف مبروك مقدما ولكن الصبر هو المتعب

اشكر اختي كندا لفتح هذا الموضوع لفائدة الاعضاء والله يبارك بك اخت عزيزه وبالتوفيق يارب




اخوكم : الفريدو

[كندا]

مشكور اخ الفريدو .......ماقصرت

ومن هنا اهنيك بموعد الدوره التثقيفيه.....وبأذن الله سفرك سيكون قريب.....

[كندا]

الى الاخوان في كندا .....

علمت من بعض الاصدقاء ان الاضراب الخاص بامتحان اجازه السوق قد فتح جزئيا في تورنتو عن طريق وزاره النقل.....

الى عنده معلومه اكيده للموضوع او مخالفه له يخبرنا للفائده....

علما....
اني لم اسمع شئ رسمي بذلك من نشرة الاخبار او الصحف اليوميه...

[اريد وطن]

اخت كندا بس سؤال رحمه لوالديج

ممكن طالب للجوء يشتري سياراه وشنو اسعار السيارات يعني موديل 2002 تقريبا من خبرتج زين اليشتري سياراه مثل بعد 3 اشهر منضمات التي راتب اذا عرفت ميقطعون الراتب او واحد يكدر يبلغهم واذا واحد ماعنده فلوس شلون يكدر ياخذ قرض مثل حسب مابلغوني الاخوان في المنتدى قرض البنوك بعد 1.5 سنه يعني عند حدوث ثقه بين العميل والبنك هي الثقه مين تجي مبين راتب مساعدات يعني مو دخل عمل شنو الطريقه الواحد يشتري سياراه خاصه اسمع المواصلات غاليه وغير البرد الي هو من هسه تحت الصفر مثل بي مونتريال اني ذاهب الى مسساكا اذا الله راد

اعرف كاعد اتعبج بالاسئله مشكوره اختنا الغاليه كندا على مساعتج وتواصلك مع اخوانك


اريد وطن / عمان

[ام اماني]

السلام عليكم اخواتي واخواني الاعزاء بلبدايه اشكركم على جهودكم الطيبه في المنتدى واتمنى تساعدوني احنه مقبولين في كندا عن طريق الunفي الاردن وفحصنه وننتظراتصالهم وطالبين تورنتواذا وصلناكندا انشاءالله وزوجي حصل على شغل بمونتريال يكدريبقينه بتورنتو وهو يروح يسمحوله بلشغل بغير ولايه لولا

[عبسي]

اختي ام اماني كندا اول ما تدخليها يكولولج احنة بلد حر باي مقاطعة تريدين تسكنين اسكني وباي مقاطعة تشتغلين اشتغلي انتي براحتج وحسب ظروفج

عبسي

[كندا]

الاخت ام اماني..

انا اؤيد كلام الاخ عبسي..

والمهم في الموضوع ان يكون هناك عنوان ثابت للسكن معلوم لدى دائرة الهجره حتى تستطيع المراسله والمخاطبه معكم وايصال الراتب....هنا في كندا كل شئ بالبريد.....
وعند وصولك كندا سيكون كل شئ سهل بأذن الله ....ولاتنسينا بالدعاء

[كندا]

الاخ اريد وطن......
اسألتك غير واضحه ومتشابكه ولكني استطعت ان احل بعض من شفراتها
اخي...
اولا...السيارات وثمنها يحدد بنوع السياره ومديلها وهنا السيارات رخيصه نوعا ما ولكن الضربه هي المشكله كلما كان موديل السياره حديث زاد عليها (الانشورنس)اي الضربه وتوجد سيارات من سعر 500$الى5000$

ثانيا...ممكن للاجئ شراء سياره بعد فتره قصيره من المدخرات الموجوده عنده....اي عند دخولك تسأل عن المبلغ الذي معك وهذه هي المدخرات....وهذا المبلغ للعلم لايؤثر سلبا على قيمة الراتب

ثالثا...لايقطع الراتب الا في حالة اشتغال الشخص بمبلغ الراتب كله او يزيد عليه.......
اما اذا اشتغل بنصف الراتب فلا يقطع عنه ....وانا متأكده

رابعا...اما بالنسبه للقرض شئ طبيعي لايعطيك البنك قرض الا اذا تاكد من وجود شيكات اجور عملك تدخل الحساب وهذا يعني انك تعمل ومنها ستسدد قيمة القرض للبنك...وهذا الحال متعارف عليه في كندا على العموم


خامسا..((ينراد ذبيحه لما توصل كندا ونصها اليه طبعا واني انطيك العنوان علمود ماكو حجه..شتكول))

[اريد وطن]

خيه بارك الله بيج بس مو عل جواب على فتح كلمات متكاطعه وعرفتي نفسرين الرساله السريه

خيه بس اوصل باب المطار ذبيحه والذبيحه كلها اليج والله تستاهلين احسن ذبيحه ومشكوره خيه على تفاعلج السريع والاجوبه الوافيه


اخوج / اريد وطن

[امارات]

اختى العزيزة ...عندى استفسار وجزاك الله خيرا عل المساعدة...انت مثال الكرم فى العراقيين
انا مقيم فى الامارات وقدمت عن طريق دائرة الهجرة الكندية ...الهجرة الى كندا تقريبا صار لى سنتين
ولكن اجرارات معقدة ....ويطلبون شروط تعجيزية.....
سوالى هل انت سامعة ناس ماخذين اقامة واللجوء عن طريق شى اسمه استثمار ...اقصد اذا عندك مبلغ من المال ينطوك اللجوء ...اذا عنك معلومات ياريت تفيدينى وشكرا جزيلا؟؟؟؟؟؟؟؟؟؟؟؟؟؟؟

[احمد الغريب]

الأخت كندا ... تحية طيبة من فضلك أن تنورينا بأجوبتك الشافية ان شاء الله . أني مقيم في مصر وتم تحويلي على السفارة الكندية في شهر 2 من هذه السنة وتم اجراء المقابلة في شهر 4 من هذه السنة على ان يتم استلام اوراق الفحص الطبي خلال اسبوعين الا ان السفارة لم تتصل بي لحد الان علما اني قدمت طلب حول الاستفسار عن مصير ملفي هل هو منسي ام تم رفضه حتى نكون بالصورة وهذا الطلب في شهر 6 من هذه السنة واتصلوا بي قبل شهرين وقالوا لي انهم لم يأتي شيء عني من كندا وفي حالة ورود اي شيء سنعلمك
. هل هذه الفترة هي طبيعية لغرض اجراء الفحص علما ان الذين قابلوا بعد تأريخي تم فحصهم قبل اشهر وينتظرون اتصال السفارة بهم لغرض ادخالهم الدورة التثقيفية وتسليم الجوازات . شاكرا تعاونك مع اخوانك في المنتدى. أخوك أحمد الغريب

[كندا]

الاخ العزيز اريد وطن...

ان شاء الله توصل الى كندا بالسلامه وتحقق احلامك وتجتمع بالاهل وهذا هو المهم

((ومسألة الذبيحه نخليها على التساهيل))

ومشكور ماتقصر.....

[كندا]

الى الاخ امارات.....
هناك اقامه تعطى للمستثمرين فى كندا عند ايداع حوالى 100,000 دولار كندي في البنك....
اما الاجراءات من الامارات الى كندا بهذاالخصوص ليس لي علم بتفاصيلها........
وبأذن الله سأسأل عن الموضوع واخبرك باي شي جديد .....

[كندا]

الى الاخ احمد الغريب...
حسب معلوماتي من الاخوه اللاجئين العراقين ان مصر ابطئ دوله عربيه في مسألة اللجوء...
وبما انه لم يكن هناك رفض لحد الان ....اذا الامور تسير بألاتجاه الصحيح وما عيك الا الصبر..
وانا اتوقع ان يحدث تحرك لموضوعك بدايه العام القادم بأذن الله...

وانا اطلب ممن مر بنفس حالة الاخ احمد يسعفنا بأجابه وله الشكر مقدما

[كمال الشاطيء]

يارب وفق الجميع لما هوه خير لهم

[كندا]

الى الاخ كمال الشاطئ مع التحيه.....

بارك الله فيك اخي.....وشكرا على  مرورك نورت الصفحه

[كندا]

اخوتي الاعزاء ....
قبل ايام قرات موضوع في المنتدى حول تعلم اللغه في امريكا وكان بعض الاخوه مغتاظين كون المدرسه بمبلغ معين...وقد استوقفني هذا الموضوع لانه متشابه هنا في كندا ...

اخوتي اللاجئين الجدد...
يوجد نوعين من المدارس لتعليم اللغه الاولى تسمى(اللنك) (Link) وهي مجانيه
والنوع الثاني يسمى(ESL)(انكلش سكند لانكوج) وهي غير مجانيه ويدفع لها مبلغ بسيط هو  30  دولاركندي كل عشرة اسابيع...
والاثنان يتم التسجيل بها بعد مراجعه مراكز استقبال القادمين الجدد وعمل اختبار لهم وتحديد ال(Level) اي المستوى...
ومن وجهت نظري ان التعليم (ببلاش) يكون اقل جوده ...... ومبلغ  30 دولار في كندا يكاد يكون لاشئ .......ولكن الموضوع متروك للشخص نفسه...
ووفق الله الجميع......

اختكم من كنداااااااااااااااا

[كندا]

اخواني......
نسيت ان اخبركم ان مدارس اللغه تشمل الاشخاص من اعمار  (19 سنه فما فوق)


اما الاعمار من (18 سنه فما دون)يدخلوا المدارس الحكوميه ويخصص لهم باص اذا كان السكن بعيد.....
وللعلم يوجد مدارس خاصه( بفلوس) وكل شخص ومايعجبه....

تحياتي من كندااااااااا

[احمد الغريب]

الله يبارك بك أخت كندا على هذه المعلومات والايضاحات ربي يوفق الجميع بما فيه خيرا لأخواننا واخواتنا في المنتدى واكرر شكري اختي العزيزة . أحمد الغريب من مصر

[lenatelecom]

يسلمووو ياوردة على المعلومات القليلة ذات الفائدة الكثيرة

تقبلي تحياتي

[iraq-usa]

السلام عليكم

بالبدايه اثني على جهود الاخت كندا لمساعدة الكل وبدون تقصير

الحقيقه عندي سوال هل اكدر اقدم على IOM من الدول المجاورة للعراق طالبا كندا متجاوز امريكا حيث اني كنت اعمل مع شركه امريكيه زلدي اقارب في كندا ؟ وشنو اسرع الدول المجاورة الى كندا عمان لو تركيا وتقريبا شكد اتطول ؟

مع جزيل الشكر

[الفريدو]

اخي العزيز ارد على سؤالك وطبعا من رخصة الاخت كندا لانها صاحبة الموضوع

اذا تريد تقدم على اليو ان فالاردن اسرع بالمعاملات حسب معلوماتي واما عن كندا فليس الامر بيدك المفوضيه تقدر هل انته تنقبل على امريكا او كندا

اما اذا قدمت من الاردن وطلعلك كندا فخلي في بالك انه تبقى اقل شي سنه على السفر وهاي كلها اجراءات واجراءات كندا جدا دقيقه وبطيئه وكلمن وحظه ولاحظ مواضيع كندا وراح تشوف ماكو اي تقارب بين ملف واخر 



اخوك : الفريدو

[iraq-usa]

مشكور الك حبي على الجواب الوافي وشكرا للاخت كندا لان فتحت هذا الحوار المفيد

[يمتى الفرج]

شكرا للاخت كندا عالموضوع القيم

[كندا]

الاخ احمد الغريب....
لاشكر على واجب ....وبأذن الله نسمع بموعد سفرك القريب


الاخ Lenatelecom شكرا لمرورك الجميل ...منور الصفحه دائما



الاخ Irag-usa  اعتقد ان الاخ الفريدو جاوب على سؤالك وماقصر وهو اكثر مني خبره بهذه المواضيع....

[كندا]

الاخ الفريدو....

مشكور على التداخل مع الاخوان في طرح مواضيعهم ....

وانا فرحانه وبصدق لان الجميع مهتم ويشارك في ايجاد حلول لاخوانهم...

وليكن شعارنا يا اخوان ((حب لأإخيك ما تحبه لنفسك))...وهذا الباب مفتوح للجميع

((وان الله في عون العبد مادام العبد في عون اخيه))....



شكري للجميع...
اختكم كندااااااااا








 

[الفريدو]

اشكرك اختي كندا على حب المساعده لاخواننا مع العلم انتي لستي في انتظار معامله او مقابله ولكن انتي موجوده في كندا وتعطين وقت لمساعدة الاخرين  واشكر اهتمامك للمساعده وشعارنا
 ( حب لاخيك ماتحب لنفسك ) هو اجمل شعار لانه روح التعاون موجوده بين العراقيين والحمدلله لسه الدنيا بعدها بخير والله يكثر من امثالك وربي يوفقك بكل مراحل الحياة






اخوك : الفريدو

[ام ادم]

السلام عليكم اخواني واخواتي  الاعزاء نشكركم جزيل الشكر على مساعدتكم وجهودكم الطيبه ويانه
وانشالله تحقيق الاماني والخيرللجميع بلعيش بهناء وسعاده بكندا وبدء حياة جديدة انشاءالله
سؤالي يااعزائي وياوردتنا الحلوة الست كندا احنه طبعا مقدمين على اللجوء من عمان والحمدلله بعداربع سنوات تحولنا للتوطين وطلبنا كندا وبمشيئة الله وافقوا علينه قابلنه وفحصنه ومعاملتنه مع السفارة من المقابله لحدالان راح يصيرسنه اليوم اتفاجئنه باتصال من الun يريدونه مقابله بقسم التوطين شنو السبب منعرف خايفين ليكون صاررفض اوعرقله واحنه بس نريدنخلص ونطلع اذا احديكدريفيدنه بشي اومعرفة السبب ياريت تجاوبوني واكون ممنونه جدا منكم

[اينشتاين العراقي]

اهلا بيج اختنا العزيزه ام ادم
ونورتي المنتدى
والله يا اختي ما اعرف شنو سبب طلب التوطين الكم
بس انتي من رحتي للسفاره ما كلتلج الموضفه الي قابلتج مبروك انقبلتو (بالأنكليزي)؟؟؟
لان مينطون اوراق الفحص الطبي الا للي موافقين عليهم موافقه مبدأيه
وهل وقعتو اوراق القرض مال الطياره لو لا؟؟
لان اذا فاحصين وموقعين معناها مقبولين 100%100 بس تبقى بعد التجييك الامني والخلو من الامراض الساريه والمعديه
والامراض الي ممكن تسبب تزاحم على النضام الصحي بكندا (هذا الي مكتوب بأوراق الفحص الطبي)
بس بغير هالحالتين ما ممكن يرفضوكم اذا منطيكم اوراق الفحص وموقعيكم على القرض
على العموم اختي روحي  روحي للتوطين وافتهمي
وبشرينه اخي لان انت اول وحده اسمع صاير بيه هيج؟؟
اخوج اينشتاين

[الفريدو]

اخت ام ادم اولا اهلا وسهلا بيك اخت جديده بين اخوانك
انتي مع الفحص وقعتي على القرض الكندي واستلمتي الفايل نمبر ؟؟؟
طبعا السفاره الكنديه مارفضت احد من بعد الفحص الطبي واستلام الفايل نمبر والتوقيع على القرض الكندي

وانتي تكدرين تتاكدين من الدخول على هذا الرابط وتشوفين هل ملف عند السفاره وهل انتي تحت الدراسه او لا !!!  https://services3.cic.gc.ca/ecas/authenticate.do?app=ecas
 ادخلي وبلغينه شو صار معك وانشالله تكون المفوضيه غلطانه



اخوك : الفريدو

[حنان عبد الاحد]

مرحبا 
ارجو من كلالييعرف ايجاوبنيهذا السوال

ما الفرق بين معاملة اليو ان  ومعاملة الهجرة  الى كندا  وهل يمكن ان نعمل  المعاملتين  سوى


مع جزيل الشكر

[كندا]

شكر لمشاعرك الطيبه اختي ام ادم...

وانا اتفق مع الاخوان انيشتاين العراقي والفريدو في مسألة التوقيع على اوراق القرض التي تكون مع اوراق الفحص الطبي وهذه تدل على قبول التوطين الى كندا .........ولكن الاتصال ربما يكون في شئ خطئ بالفحص الطبي او اوراق ناقصه...
على اي حال اطمئني وان شاء الله خير...ادخلي على الرابط الذي اعطاه لك الاخ الفريدو مشكور واذا لم تتوصلي لحل فنصيحتي الذهاب الى un مباشرتا للعلم بألامر (والى كاتبه الله هو الي يصير) وننتظر الاخبار الحلوه منك

[كندا]

اخي الفريدو .....
مشكور  على هذه الكلمات الحلوه...
 وتأكد يااخي ان اسعد اللحظات عندي هي عندما ارد على اي شخص يطلب المساعده ...
وهذا موجود عند الكثيرين والدليل هو (((منتدى عينكاوا))
الذي يضم مجموعه طيبه وخيره امثالك وامثال الاخوه الباقين بدون ذكر الاسماء
الله يوفق الجميع ويحقق امانيهم ...

[كندا]

الاخت حنان عبد الاحد...
حسب معرفتي المتواضعه ان اللجوء يختلف عن الهجره ولايمكن التقديم عليها بنفس الوقت على نفس الدوله ولنفس الشخص...
اللجوء عن طريق un للاشخاص المتضررين في بلدهم من جراء الحروب وما شابه ذلك ويطلبوا السفر الى بلد ثاني غير بلدهم الام... فتقوم هذه المنظمه بمخاطبة بعض الدول التى من ضمن دستورها قبول اللاجئين وحسب الاعداد المسموح بها سنويا...
وبعد الموافقه واكمال الاجراءات تتكفل المنظمه بايصال الاجئ الى بلد التوطين تحت رعايتها والعمل على تسهيل اجراءات  السفر وتخفيض مصاريف الطيران واسترجاعها بعد فتره على شكل اقساط......من قبل منظمه IOM المتعاونه مع UN بعد تخصيص راتب له من قبل دولة النوطين


اما الهجره فيقوم الشخص بنفسه بتقديم اوراقه والسيفي الشخصي لسفارة البلد الراغب الذهاب اليه ومن ثم ينتظر مده ليست بالقصيره لحين اظهار الموافقه او الرفض.....
واذا جاء الرد بالموافقه واعطائه الفيزه عليه حجز تذاكر السفر على حسابه الخاص بدون مساعد من UN  او غيرها من المنظمات

هذا ما اعرفه واذا كان احد من الاخوان له راي مخالف فليتفضل لكي تعم الفائده الجميع....



اختكم كنداااااااااااااا

[كندا]

اخواني الاعزاء....
وينكم .....
خلصت الاسأله؟؟؟
على اي حال انا في انتظاركم........

اليوم جمعه والجو بارد جدا وامطار من يوم امس ولحد الان ودرجه الحراره( 5 ) وهسه الساعه عشره الصبح الله يستر من الليل ..لاني سمعت النشره الجويه(الوذر) ومحتمل يكون في الليل عاصفه(وندي)

تحياتي من كندااااااااااا

[dodo micheal]

شلونج اخت كندا
اريد اعرف المدارس المسيحية الخاصة في كندا يعني الي تخلي الطفل عندها طول الاسبوع وترجعها على نهاية الاسبوع تعرفين عنا شي انا اعرف انها غالية صحيح ياريت اذا تكدرين تسألين اسألي عن اماكنهم في تورنتو وشكد اسعارهم واذا ما تكدرين عادي حياتي لا تعبين نفسج اوكي

تحياتي الج حبي ويارب يحميج ويباركك

اختك
دودو مايكل - عمان

[اينشتاين العراقي]

السلام عليكم اختي العزيزه (كندا)
بس حبيت اسألك على نقطه
اني عندي شهاده ثانويه (قسم شرعي) من العراق ومكمل وراها اداب عربي من الاردن
زين شنو المطلوب مني حتى اكدر اعادل شهاده الثانويه هاي اذا ممكن ان تتعادل؟؟
واني عندي شهاده الكليه اصليه ومصدقه كل التصديقات
بس شهاده السادس اعدادي ما عندي الاصليه بس مستنسخه
وهم مصدقه كل التصديقات
يعني لازم اجيبهه اصليه لو تمشي المستنسخه
وشنو المطلوب ويه الشهاده حتى اكدر اعادلهه
واذا متتعادل ممكن امتحن امتحان يعادل الثانويه العامه بكندا وشيسمو هذا الامتحان؟؟
وبالنهايه تسلمين اختي العزيزه
اخوك اينشتاين

[ashourobalit]

اخواني اعضاء منتدى الهجرة واللاجئين المحترمين
اني اخوكم قابلت بالكندية ومعاملتي هي كفالة خماسية يوم 25-7-2009 وطلبو من عندي بغض المستمسكات وجبتها بعد 21 يوم وبعد 16 يوم دزو وراية وكالولي انت مقبول مبدئيا وانطوني الفحوصات ووقعت على قرض الطيارة منيوم 25-8-2008
لحد الان ماكو شي وفتت بالستين يوم !!!
اريد اعرف رأيكم شنو....

مع جزيل الشكر والاحترام

[ashourobalit]

اخواني اعضاء المنتدى الكرام
اريد اسأل عن الكفالة الكنسية وشكد توطل وشنو الاجراءات
ارجو التفصيل

شكرا

[كندا]

الاخت dodo .....

انتظري مني الرد بعد ايام للتأكيد ....وتدللين

[كندا]

اخي اينشتاين العراقي.....

اعتقد اني جاوبت على سؤالك من خلال ردي على الاخوان...
قبل كل شئ تخضع لامتحان (التوفل)وهو امتحان للغه ويجب ان تكون الدرجات لاتقل عن 7من 8 او 8 من 8
وهذا بالقول سهل ولكن الفعل صعب ....ولذلك يضطر كل اللاجئين الى دخول مدارس اللغه ESL او LINK وهذه بها LEVEL ومن خلاله تستطيع ان تصل اى امتحان TOVEL
وبعدها تعادل الشهاده الاردنيه المصدقه ومن ثم تدخل الى الجامعه

اما في حاله اخذ شهادة الثانويه من كندا يجب ان تدخل مدرسه( الهاي سكول)ويجب ان يكون عمرك لايتجاوز 19 سنه ويرجعوك سنتين اي تكون بالحادي عشر..... وكل هذا لاتقان اللغه قبل الدخول للجامعه

[كندا]

 الاخ ashourobalit
اولا التاريخ الثاني اعتقد فيه خطأ...
والشئ الثاني انت واصل الى النهايه لانك مخلص كل الاجراءات وموقع على اوراق اجور الطياره...... وكل ما في الامر مسألة وقت بسيط ليس الا....وان شاء الله سيكون السفر قريب

الكفاله الكنيسيه وكما علمت من بعض الاخوان...
هي ايداع مبلغ 12000 دولار كندي لدى الكنيسه من قبل الشخص الذي يضمنك وهذا الضمان يعادل كفالة خمسة اشخاص كندين ذوات رواتب عاليه وما يسمى (الكفاله الخماسيه)
والكنيسه تعيد هذا المبلغ للاجئ على شكل راتب لان الدوله لاتعطيه راتب .....اما المده فتعتمد على المخاطبه بين الكنيسه والمنظمات لتحديد موعد السفر

[ميدوالعاني]

السلام عليكم اختي العزيزة عندي سؤال وارجو منج المساعدة اني تحولت من قسم التوطين الى كندا ولي عم في كندا ولدية الجنسية الكندية ويقول لاتذكرو اسمي لاني لم اذكر اسم اي احد من العائلةفي ملفي لو ذكرتم اسمي سوف يسحبون مني الجنسية هل هاذا صحيح ارجو  المساعدة في هذا الموضوع

[الفريدو]

اخويه ميدو اني اجاوبك بالنيابه عن اختنا كندا

ماكو هيج حجي وحتى اذا جان ماذاكر اسمك بالقصه مالته لان السفاره الكنديه تجيك اسمك مع اسمه فقط وتتاكد انه تربطكم صلة قرابه ولما يتصلون عليه راح يسالوه هل توافق على دخول فلان الى كندا وهل هو ابن اخيك ؟؟ المفروض يكول نعم وانتهى كل شي

لان اني صارت معي وصدكني اذا عمك يريدك توصل جان ما كال هذا الكلام



اخوك : الفريدو

[اينشتاين العراقي]

حبيبي الورد ميدو العاني (كرايبي )
ترى مثل ما كال اخونه الفريدو ماكو اي مسائله على عمك
بس اخاف عمك خايف انو هوه الي راح يتولات ويسكنك يمه ويتعب وياك
فعلمود هيج ميريدك تروحله فانت فهمه كله انو انت كفيل بس بالاسم يعني راح يخابرو ويسألو تقبل تستقبله بكندا فهو يكللهم نعم وابوك الله يرحمه هذا كل دوره
بس يا اخويه اذا هو عمك من هسه مديريدك فنصيحه الك لتكول عندي كفيل بالمقابله كول عندي عم بكندا بس ميكدر يكفلني لانه مشغول واني هم دا انتضر موعد سفر وما عندي كفيل بكندا
وانت بعد بكيفك
اخوك اينشتاين

[كندا]

الاخ ميدو العاني...
بعد التحيه اقول ان كندا ليس بها هذا القانون على الأطلاق وهيه ترحب بلم شمل العائله ...
وعلى فكره عندي صديقه اتت الى كندا وليس لديها احد من الاقرباء....وعند سؤالها في UNقالت ان لي صديقه اعرف عوانها وهيه الان خارج كندا....واعطت التوطين واتت الى كندا ولم يؤثر عليها اي شئ......
الفكره يااخي...عمك لايؤثر عليه شئ اذا صرح  عنكم ابدا ابدا ابدا...
واذا كنت من المسجلين على اليو ان فأنه لايصرف عليكم سنت واحد لان الدوله ستعطيك من اول يوم توصل  به كندا حتى اجره الباص ....
خبر عمك ان يعطيك العنوان فقط وقل له لانطلب منك المزيد......والله يقدم ما به الخير

[كندا]

 اخواني لكثره الاستفسارات عن الهجرة إلى كندا من بعض الاخوان جئت بموضوع اتمنى الاستفاده منه ان شاء الله .......
تتوزع  الهجره الى كنداعلى الفئات التالية

فئة المهنيين و المؤهلين –

خفضت الحكومة الكندية درجة قبول طلبات الهجرة ضمن هذه الفئة من 75 إلى 67 نقطة ابتداء من 18 سبتمبر 2003 والى الان
تستحوذ فئة العمالة الماهرة على نصيب الأسد من أعداد المهاجرين إلى كندا في كل عام :يتم تقييم طلبات الهجرة ضمن هذه الفئة وفقا لـنظام نقطي. وهناك عوامل يتم على أساسها منح النقاط
عمر الشخص
عدد سنوات الخبرة
إجادة اللغة الفرنسية أو الإنجليزية
مؤهل الزوجة
وجود قريب بكندا
وجود عرض عمل

فئة رجال الأعمال -
ترحب كندا برجال الأعمال و المستثمرين و تحرص على توفير كافة فرص النجاح لهم وتنقسم هذه الفئة إلى ثلاثة أنواع:
المستثمرون

حتى يقبل الشخص بصفته مستثمراً يجب أن تتوفر لديه الخبرة بإدارة الأعمال وأن يبرهن بأنه يملك أعمالاً يديرها في بلده، وأن يستثمر في مشروع موافق عليه بقرار من الحكومة الفدرالية لكندا وبحد أدنى مبلغاً قيمته 400,000 دولار لمدة خمس سنوات بدون أية فائدة. أو يمكن بطلب قرض بمبلغ 280,000 دولار بسعر الفائدة المعلن بالسوق حين بدء الاستثمار. هذا وإن المقاطعات والمناطق تؤمن هذه الاستثمارات ضد الخسارة

المهاجرون أصحاب المشاريع
يجب على طالب الهجرة من هذه الفئة تأسيس أو شراء مشاريع في كندا، وليس محدداً بمبلغ معين يختلف من عمل لعمل، ولكنه يجب أن يكفي هذا المبلغ دائماً لتأسيس عمل بمدة سنتين على الأقل من وصول المهاجر. ولا بد من خلق "إنشاء" وظيفة لموظف كندي أو مقيم دائم في كندا إ إضافة إلى توظيف المهاجر وصاحب العمل أو أفراد عائلته. ويجب على المهاجر من هذه الفئة أن يحقق استمرار تلك المعطيات طيلة مدة سنتين من تاريخ دخوله كندا لإزالة شرط الفيزا لهذه الفئة

المهاجرون الذين يعملون لحسابهم الخاص
يجب على هؤلاء المهاجرين أن يكونوا قادرين على تأسيس أعمالهم الخاصة بهم في كندا، بحيث تؤمن لهم هذه الأعمال
عملاً مستقراً في كندا

الهجرة العائلية-

إن فئة الشمل العائلي من المهجرين تكون عادة مضمونة ومدعومة مالياً من قبل أعضاء مباشرين من عائلة طالب الهجرة، ويكون الأقارب إما حائزين أصلاً على الجنسية الكندية أو أنهم مقيمون دائمون في كندا، إن أعضاء العائلة المسموح بضمانتهم و تبنيهم هم
الزوج أو الزوجة.
الأولاد المعالون بما في ذلك الأولاد المتبنون.
الأولاد دون 22 عاماً الذين يرغب الكفيل بتبنيهم.
الأخوة والأخوات، أبناء وبنات الأخوة والأحفاد إذا كانوا أيتاماً وغير متزوجين دون الـ 22 عاماً


تحياتي كندااااااا

[علي ابن العراق]

الاخ العزيز ميدو العاني ....

بعد السلام و التحيه ..

هذا الكلام غير صحيح و ليس له اهميه اطلاقا و كثير من الحالات المشابهة لحالتك اكتملت على اكمل وجه بل يكون من المفيد ان يكون هناك احد اقربائك , عموما اطمأن اخي العزيز صدقني تخوفك ليس له داعي و ادعي فقط من الله ان ييسر دربك و بالتوفيق ....

[ABJ]

الله يبارك بيج اخت كندا على مجهودك و تخصيصك الوقت لمساعده الاخرين
عندي سؤال : انتي بيا مدينه او مقاطعه ؟؟

[كندا]

الى الاخ ABJ .....

الله يبارك للجميع يااخي......والله يقدرنا على فعل الخير.....

انا في          ONTRIO\\BRAMPTON

[كندا]

اخواني ....
هذاالموضوع ليس ترويج مني لكندا.....
ولكنه تقرير عالمي اعتبر كندا من البلدان الراقيه....
وهذا موضوع حول اسباب الهجره واللجوء الى كندا....

الأسباب وراء الهجرة إلى كندا
*************************
الأمم المتحدة تضع كندا في المراتب الأولى كأحسن مكان للعيش
يرتكز هذا التقييم على عدة مقاييس من بينها المستوى التعليمي وتوقعات الحياة، والدخل الوطني ونوعية الحياة بصفة عامة، كما يأخذ بعين الإعتبار الكميات الهائلة من الثروات التي تتمتع بها كندا، والكثافة السكانية الضعيفة وقلة الجرائم ونجاعة المؤسسات الصحية التي اشتهرت بها

1--كندا في حاجة إلي اليد العاملة

تعدّ كندا حوالي ثلاثين مليون نسمة، ويعتبر ذلك قليلا مقارنةً بمساحتها الشاسعة.
إن تقدم السكان الكنديين في السن نتيجة ضعف نسبة الولادات يدفع السلطات إلى تيسير إجراءات الهجرة.
منذ سنوات عدة، تستقبل كندا حوالي 250,000 (مائتي وخمسين ألف) مهاجراً سنوياً، مما يمثل حوالي % 1(واحد بالمئة) من مجموع سكان كندا ويضعها ضمن أكبر دول الهجرة في العالم

2--جودة النظام التعليمي الكندي

تدعم الحكومات، في كندا ومقاطعاتها، المؤسسات التعليمية متيحةً بذلك فرصة الدراسة بمعاليم منخفضة للراغبين في ذلك
كما تفخر كندا بتعدّد المعاهد والجامعات المعترف بجودة تعليمها في كل الإختصاصات.
هذا وقد تجاوز عدد الطلاب الأجانب في الجامعات الكندية المائة وستة آلاف (106،000 ). وهذا ما يتيح لكم فرصة التعارف على طلاب من جميع أنحاء العالم، كما يسمح لكم بعد التخرج، بالعمل في كندا لمدة سنة
ويتمتع الطلاب الأجانب بإمكانية العمل في الجامعة أو المعهد الذي يدرسون فيه بدون ترخيص عمل. وتناقش حالياً إمكانية السماح مستقبلا للطلاب الأجانب بالعمل خارج مكان دراستهم في كندا

3--كندا، بلد الأمان والاستقرار

كندا بلدٌ مسالم، ينعم بالاستقرار السياسي والأمان وقوانينه تحمي حقوق مواطنيه. وتعدّ كندا من أكثر البلدان حرصاً على احترام حقوق الإنسان.
يحتوي الدستور الكندي على لائحة الحقوق والحريات التي تتضمّن الحقوق الأساسية التي هي العدالة، حرية التنقل والاستقرار، الضمانات القانونية، حرية التعبير والاجتماع والانتماء. وبصفة عامة، لائحة الحقوق والحريات لا تستثني أحداً تواجد في كندا

4--إمتياز الخدمات الطبية

مقارنةً ببلدان أخرى، تكاليف العلاج في كندا منخفضةٌ للغاية رغم امتياّز وتقدم الخدمات في المؤسسات الصحية الكندية. باستثناء علاج الأسنان، فإنّ كل مواطن أو مقيم دائم كندي له الحق في العلاج المجاني في مؤسّسات صحيّة وفي أفضل ظروف وبأحسن الوسائل وذلك بالمستشفيات الحكومية أو بالعيادات الخاصة4--الأنظمة الإجتماعية

تتمتّع كندا باعتراف عالمي بأنظمتها الإجتماعية التي توفر للكنديين أنواعاً عديدةً من الخدمات في مجال الضمان والحيطة الإجتماعية، كمنحة الشيخوخة إبتداءً من سنّ الخامسة والستين (65) سنة، والمنح العائلية لمساعدة العائلات كثيرة الأفراد، وتأمين دخل في حالة البطالة ومنح إعانة إجتماعية للفقراء

5--تعليم  واتقان لغة أخرى

منذ أكثر من قرن، تدرّس اللغتان الرسميتان، الفرنسية والإنجليزية، كلغة ثانية ممّا يفسر اعتبار كندا الرائد في مجال تدريس اللغات

6--كندا بلد فرص الأعمال والاستثمار

كندا بلدٌ ذو قدرة منافسة على المستوى العالمي مع إمكانيات ضخمة متاحة لكل المستثمرين، وتوجد به يد عاملة ذات مقدرات فائقة مع إنتاجية متزايدة وظروف تجارية سانحة وإطار قانوني ملائم

7--كندا بلد متعدّد الثقافات

كندا موطن عددٍ كبيرٍ من الشعوب الأصليين المعروفين ب"الأمم الأولى". خلال المائة سنة الأخيرة، إستقبلت كندا خمسة عشر مليون مهاجر. وتستقبل كندا سنوياً مائتي وخمسين ألف مهاجر مما يجعلها في طليعة البلدان في نسبة المهاجرين مقارنة بعدد سكانها

8--الطبيعة والفصول الأربعة

رغم تواجد مدن كبرى فيها، حافظت كندا على مناطق طبيعية شاسعة ومنتزهات عدة
وتختلف درجات الحرارة وكميات الثلوج في كندا من منطقة إلى أخرى مما يتيح للجميع فرصاً لممارسة هوايات ورياضات مختلفة.....


اتمنى ان يصل الى كندا كل المنتظرين معاملات السفر ويحققوا احلامهم ......
 

[ميدوالعاني]

السلام عليكم اخواني الاعزاء اني اعتذر واسف جدا جدا  تاخرت بالرد عليكم  بس اني ماعندي نت بالبيت وبين فترة وفترة اكعد بالنت كافي وا حب اشكر  جميع الاخوة والاخوات الي ساعدوني بالاجابة على سوالي وتمنه من الله سبحانه وتعالى ان يوفق الجميع امين    ودمتم سالمين         اخوكم ميدو العاني

[كندا]

الى الاخت dodo

اسفه لتأخري بألرد عليك ولكن لجمع المعلومات من بعض الاخوان ....

وكانت المعلومات متضاربه منهم يقول ان المدارس الكاثولكيه لاتأخذ فلوس عند التسجيل فيها ..والاخر يقول ان المدارس تختلف باسعارها حسب المناطق ...وتتراوح الاسعار من 150 دولار كندي الى 300 دولار كندى...هذا مااستطعت ان اخذه من المعلومات ارجو ان تفيدك

[dodo micheal]

اختي كندا اشكرك كثير على معلومات يلي كتبتيها شكرا حبيبتي الله يحميك ويباركك
هسا المدارس تاخذ 150 $ او 300 بالشهر لو كل فصل
اذا ما قدرتي تعرفي عادي حياتي لاتعبين نفسج اوكي عيني

اشكرك هوااااااااااااايا

اختك
دودو مايكل

[albably_86]

اذا ممكن ان تزويدوني بمعلومات عن كندا بالنسبة للعراقي الذي يذهب ويسلم نفسه ويطلب اللجوء فهل تطول الاقامة مثل اوروبا او اسهل او لا صعبة مثل اوروبا في الوقت الحالي لاني سمعت من بعض الاخوة انهم قالوا في حال وصولك الى كندا تسلم نفسك في المطار وبعد اسبوع تقريبا يعطوك اقامة 6 اشهر فهل يوجد شئ من هذا القبل واتمنى الاجابه في اسرع وق ممكن ومع خالص تحياتي لكم وشكرا (يعني مو عن طريق ال يو ن ) وهل صحيح من اوصل  لكندا يعطون بعد اسبوع او اكثر  اقامة 6 اشهر  وزين بعد ذلك وسلام

[افقرواحد]

السلام عليكم ارجو من الاخوان والاخوات  الموجودين في كندا ان يجيبو على اسالتي واكون شاكرا لهم  1اذا اصل الى كندا كم يستغرق الوقت حتى يعطوني الاقامه  وكم من الوقت حتى استطيع ان الم الشمل بلعائله

[كندا]

الاخت dodo
المبلغ شهريا....وليس فصلي

[كندا]

الى الاخ albably
كل شخص يدخل الى كندا بطرق غير شرعيه يعرض نفسه للمسائله اذا وقع بيد رجال البوليس....
وتختلف الطرق منها الجويه ومنها عن طريق البحر وعن طريق امريكا ولكل واحد مخرج معين ....
على اي حال بعد حبسه للتأكد من بعض الامور الامنيه يعطى اقامه لااعرف مداها بالضبط...
والسؤال هل الدخول الى كندا بهذه الطريقه سهل؟؟؟
كان ماحدا غلب!!!!
وخاصتا قرات في الصحف قبل ايام على التشديد  بمسألة الهجره الغير شرعيه من قبل المسؤولين الكندين

[كندا]

الى الاخ افقر واحد....

اول ماتصل الى المطار يعطى لك اقامه لمده 4 او 5 سنوات...وهذه الاقامه هى ماتمتاز به كندا عن باقي الدول....
وخلال السنه الاولى من حقك ان تطلب لم شمل العائله ومن الدرجه الاولى...
الزوجه والاولاد دون سن 20 سنه والوالد والوالده والاخوان دون سن 20 سنه....

[عبسي]

الاخت كندا وباقي الاخوة الاعزاء
ارجو العلم انه يمكن الحصول الان و رغم الاضراب على اجازة السوقg1
حيث ذهبت اليوم الى مبنى حكومي يسمىserviceontarioوهو نفس المبنى الذي استخرجت منه الكارت الصحي ويقع في تورنتو وبالتحديد 777bay street حاولو توصلوله من الصبح حتى تحصلون دور اسرع المهم وصلت ب 8 وربع توجهت للاستعلامات كلتله خوية اريد امتحن الامتحان الكتابي مال الجي وان انطاني رقم دور 38 تصورو واني جاي بثمانية وربع وهوة اصلا دوامهم يبدي ثمانية ونص ما ادري ليش اجة ابالي سرة البنزين ابغداد المهم خلال ساعتين ونص اجاني السرة رحت للكاونتر المحدد كلي املي معلومات الطلب وهل كانت عندك اجازة سياقة نافذة سنتين خلال اخر 3 سنوات واذا اي انطيني ترجمة مصدقة الها المهم انطيته فحص نظري وطبعا اني البس مناظر دفعت رسوم الاختبار والاجازة 85 دولار 10 للاختبار و 75 للاجازة ودزني على غرفة الامتحان ينطوك 40 سوال اختيارات 20 على الاشارات و 20 على القوانين والك 4 اخطاء ماكسيمم بكل جزء المهم مليتهن بربع ساعة وانطيتها للموظفة صلحتهن و ورة 10 دقايق كالتلي مبروك اجالك ولد قصدي نجحت وانطتني ورقة موقتة انه اني اجتزت الامتحان وكالت خلال 5 ايام توصلك الاجازة بالبريد فهذا اخواني المكان الوحيد المتوفر حاليا وختلة حتى الكنديين قسم كبير ما يدرون عنه ولكن بس ينطي اجازة ال g1 الي تاهلك للقيادة فقط بمرافقة شخص عندة الاجازة الكاملة لمدة اكثر من 4 سنوات مع بعض التقييدات الاخرى وهسة ننتظر ينفتح الاضراب حتى نكمل الاجازة الكاملة ان شاء الله
اخوكم عبسي

[الفريدو]

حبيبي عبسي ممكن توضحلي شنو معنا هذه الجمله ؟؟؟ انته تعرفني بالتفسير ضعيف 

 وهل كانت عندك اجازة سياقة نافذة سنتين خلال اخر 3 سنوات واذا اي انطيني ترجمة مصدقة الها

شنو يعني نافذه سنتين ؟؟؟






اخوك : الفريدو

[عبسي]

اخي العزيز الفريدو
يقصد يعني مثلا اجازتك فرضا كانت نافذة من سنة 2000 وسقطت 2008 على سبيل المثال
فيجي الموظف مال الجوازات يشوف اخر 3 سنوات اللي هية 2007 و 2008 و2009 راح يشوف انه اجازتك كانت نافذة 2007 و 2008 وساقطة 2009 يعني سنتين من اخر 3 سنوات فيمشيها
واذا نافذة لحد الان فاصلا ماكو اي مشكلة لان تكون 3 من 3
اخوك عبسي

[الفريدو]

تسلملي حبيبي عبسي

بس الاجازه شرط تكون دوليه لو عاديه هم تمشي ؟؟

وحسب ماسمعت من اخي في كالكري يكول صارو يدققون على الاجازه ويبعثوها الى الخارجيه العراقيه هل هذا صحيح ؟؟ وهذا صار بسبب عراقي اجازته منتهيه وكالوله روح سوي وحده نافذه الصلاحيه وخرطلهم الاكو والماكو وفضحهم وكاللهم هاي كلها مريدي وصارو يدققون بالاجازات !!!

انته تعرف مريدي منكدر نستغني عنه 


اخوك : الفريدو

[اينشتاين العراقي]

زين اخويه الفريدو انت ليش متطلع اجازه اردنيه وتفضهه
لامريدي ولا شي
اني مطلع وحده من 2006 وتنتهي ب2016 ومريح بالي
وماطول بعدلك شهر تقريبا على سفرك تكدر تطلعهه
وبالنسبه لاخويه عبسي هل الاجازه الردنيه تفرق عن الاجازه العراقيه بالمعامله
يعني ممكن يمشوك كم لفل بيه
وشكرا اخوان

[عبسي]

اخواني الاعزاء
الدولية كلشي ما تفيد سوى تخليك  تسوق فترة معينة الاصل بالموضوع الاجازة الاعتيادية المحلية عراقية او اردنية نفس الشي
يبقة هوة ينطيك خيار اما يعترفلك بسنة وحدة بس من الخبرة مالتك وهاي تحتاج بس مترجم للاجازة او يكولك اذا تريد نعترفلك بكمل فترة خبرتك وهاي تفيدك للتامين وتدخلك راسا على الامتحان الثالث فلازم تصدقها من السفارة العراقية
واخواني هسة احنة انطيناهم الاجازة العراقية والامور ليهسة ماشية ما ندري شلون راح تصفة بعدين يعني محد طلب اثبات من السفارة لحد الان
اخوكم عبسي

[الفريدو]

اخويه اينشتاين الاجازه الاردنيه مزعجه وصعبه لان اني اشوف الاردنيين لما يطلعون اجازه تطلع روحهم ولازم يدخلون مركز تعليم السياقه وياخذون شهاده منها وطويله شغلتهم
هاي مثل ما اشوف هنا بعمان وبعد ما اعرف اذا اكو طريقه سهله ياريت لان الاجازه الغير العراقيه في كالكري اسهل واحسن من العراقيه بالقبول حسب ما كالي اخويه في كندا






اخوك : الفريدو

[اينشتاين العراقي]

لا اخويه العزيز الفريدو
 اذا انت عندك اجازه عراقيه
متحتاج مركز تدريبي وفي الاونه الاخيره يمشوك حتى الامتحان النضري
بس تمتحن عملي ومو صعب اذا سياقتك زينه
وحتى اذا امتحنت نضري تدرس اكو كتاب بس اساله واجوبه تقرى يوم واحد وتروح تمتحن انشالله تنجح
وهسه طالع قرار للعراقي المقيم في الاردن انو يبدل اجازته الغير عراقيه بالاجازه الأردنيه مباشره بدون اي امتحان بس يدفع رسوم
واني سويت هاي المعامله بايدي ومتأكد منه لوحده اقربائي عدهااجازه امريكيه
بس ها صدك لازم عندك اقامه دائميه بالاردن يلا يطلعولك اجازه هذا الشرط الوحيد
ولا الباقي سهله
فاذا تريد قدم هسه وفرصه الك حتى لا تتعذب بكندا
وعندك طبعا مكانين للتقديم اما من ماركه بادارة ترخيص السواقين واما من الدوار الثامن
واي شي تريد اني حاضر الكتاب عندي اذا تريده
واي استفسار اني حاضر لان مسوي المعامله قبل واعرف الخطوات

[الفريدو]

اخويه اينشتاين اشكرك جدا

اشوف ترخيص ماركه لان اعرف ولد اخوه يشتغل بيها وانشالله تدبر







اخوك : الفريدو

[ابن العراق الحر البي]

السلام عليكم  اني شاكر الك اخي العزيز  فريدو على تعاونك وياية ومع كل الاخوان الي بلمنتدى  واني بس ا حب اوضحلك انة اني قابلت الوفد الفلندي في شهر 9من 2009 وجانت المقابلة كلش حلوى بحيث مطولت المقابلة اكثر من 20 دقيقة وكانت المقابلة وية ثلاث نساء ورجل وطبعا وياهم المترجمة ومدققو بلمستمسكات  ولا بلقصة  ومثل مكتلك اني  بعد المقابلة بسبوعين  اتصلت  بلمفوضية وكلولي جايك قبول مبدئي من السفارة الفلندية الي بسورية وانتضر  تليفون ان شاء الله خير واني اشكرك على معلومت الجواز s الحمد لله  هو سا ري المفعول الى سنة 2013 والله يسهلك امرك يارب اخوك ابن العراق

[كندا]

مشكور اخي العزيز عبسي.....

نورت الصفحه بهذا الخبر السعيد الذي انتظره الكثير من الاجئين العراقين....
بارك الله فيك على التوضيحات وفرحنا من تستلم الهويه بأذن الله.....

[كندا]

مشكورين اخواني.....

 الفريدو\\\\\\\\ اينشتاين العراقي

على المداخلات مع الاخ عبسي بخصوص اجازه السوق الكنديه G1
اتمنى ان يكون الاخوان قد استفادوا منها

[мαяyαи]

الى الاخت كندا عندي سؤال اذا واحد يريد يقدم معاملة من العراق لكندا يصير لو الا يطلع بلد الجوار وشكرا لكل من لديه معلومة بخصوص هذا الموضوع اكون شاكرة له

[حسين السالم]

شكرا اختي كندا والله يوفقج ويوفق الجميع اميييين يارب تقبلي مروري اخوج حسين السالم

[بغداد1975]

مرحبا اختي كندا
اني اختج بغداد عندنا اصدقائناطالب بالهندسة مرحله 3ورح يبسافر لكندا فاريد اعرف شنو وضعه
هل يكدر يكمل الدراسة لو لا وهل الدراسه على الحكومة لو شنو لان هو حالته المادية ضعيفه
اختكم بغداد مع جزيل الشكر

[كندا]

الى الاخت maryan

لا اعتقد ان كندا تسهل طلب العراقين للهجره او اللجوء من العراق...امريكا فقط تقوم بهذا العمل
وانا اسمع ان العرقين الموجودين في كندا يأتون عن طريق المنظمات التي تسهل الهجره واللجوء من البلدان المجاوره للعراق ((سورياوالاردن وتركيا ولبنان))وقليل منهم من الامارات

واذا كان للاخوه معلومات بهذا الشأن الرجاء الدخول للفائده

[كندا]

مشكور اخي حسين السالم على مرورك الجميل ونورت الصفحه

والله يوفق الجميع لعمل الخير ...امين

[كندا]

الى الاخت بغداد1975
قبل كل شئ هل هو بالعراق؟؟؟
او دول الجوار؟؟
وهل مقدم على اللجوء؟؟؟
على كل الاحوال اختي العزيزه ذكرت قبل فتره للاخوان ان الشهاده لايعترف بها الا بعد اجتياز امتحان (التوفل)ومن ثم اذا اجتاز الطالب الامتحان يؤهله دخول الجامعه...ويطلب قرض من الدوله يسدد بعد فتره

[мαяyαи]

شكرا الى الاخت كندا على معلوماتك ومساعدتك النا والرب يباركك واتمنالك الموفقية اختك ماريان

[كندا]

لا شكر على واجب عزيزتي maryan

والله يبارك ويوفق الجميع....

اختك كنداااااااااا

[skn]

مرحبا اختي كندا

ارجو منك المساعدة اتصلت بيه السفارة الكندية البارحة وحددتلي منطقة الكيبيك مع العلم اني عندما قابلت بالسفارة الكندية اعطيتهم اسم منطقة ثانية وهي اونتاريو ولكن اليوم اتصلوا بيه واخبروني عن منطقة الكيبيك فوافقت وانا لا اعرف اي معلومة عن هذه المنطقة اذا رفضت هذه المنطقة هل ياخرون سفري ؟ وان وافقت هل هذه المنطقة جيدة؟ وماهي مميزاتها من ناحية العمل والجو؟ وماذا تنصحيني اذا رفضت ارفض وانا في مصر او عندما اذهب الى كندا هناك اعترض؟ ارجو المساعدة منك ومن كافة اعضاء المنتدى المحترم

[كندا]

الاخت skn
اولا وقبل كل شئ مبروك على الاتصال وتحديد موعد السفر....
ثانيا مقاطعة الكيبيك جميله ونظيفه لكنها ابرد من مقاطعة اونتاريو لانها تكون اقرب الى الشمال..
والمهم ان هذه المقاطعه تتكلم الفرنسيه وليس الانكليزيه وهذا ربما يكون عند بعض الناس مشكله ...ولكن في راي انها لغه يمكن تعلمها وكأن الشخص ذهب الى الدنمارك او السويد....
والرفض ليس بصالحك وخاصتا انتي في مصر والسفر من هناك قليل حسب علمي...
والنقطه المهمه في الموضوع انك تستطيعين تغير المقاطعه بعد وصولك الى كندا بفتره...
نسيت ان اذكر لك اختي ان هذه المقاطعات تعطي مساعدات للاجئين اكثر من مقاطعة اونتاريو ....
اما العمل فالرزق على الله ...
يوجد في هذه المقاطعه عدد كبير من اللبنانين ذو رؤوس الاموال الكبيره وخاصتا في مدينة مونتريال..فبأذن الله ستجدون عمل!!!!
اما مسألة الرفض فلا تجعليها في حساباتك بتاتا ..وتوكلي على الله

[اينشتاين العراقي]

شكرا اخت كندا على المعلومات الجميله والرائعه الي دتقدميه لكل رواد المنتدى
والله الواحد ميعرف شلون يجازيج هسه عدنا الفريدو  الورد يطلبنه سمجه
انت يرادلج طلي هههههههههههه
واختي العزيزه هل ممكن انو السفاره الكنديه تتصل يوم الجمعه لان متصل عليه اليوم رقم خاص وما اعرف هل همه السفاره الكنديه ام لا؟؟
وفي حال طلعو همه هل راح يعيدون الأتصال بيه لو راح يتأخرون حسب علمج
وشكرا الج اختي العزيزه
وانشالله موفقه بحياتج والله يطيج على كد نيتج
اخوج اينشتاين

[كندا]

الاخ اينشتاين العراقي....
اسفه على التاخير بالرد لفرق الوقت...
اولا شكرا على المجامله اللطيفه ولكن اسعاد الناس هي غايتي صدقني بدون سمكه ولا (طلي)..واعتبره واصل مقدما....
حسب علمى ان العطله هي ليوم السبت والاحد ولااعرف هي تختلف في السفاره المتواجده بالدول العربيه؟؟على كل الاحوال اذا لم يجرى اتصال ثاني من قبلهم فتأكد ان المكالمه خطأ...ولا تشغل بالك كثيرا ..
وسيعاودون الاتصال بك اكثر من مره اذا تطلب الامر ذلك ..خاصتا اذا كان الملف ضمن التوطين وفي مراحله الاخيره...والله يقدم الخير

[عبسي]

اخي العزيز انشتاين السفارة الكندية ما يطلعلك رقم خاص ولكن يطلع رقم سوري او اذا القنصلية بعمان ونادرا ما القنصلية تتصل فيطلع رقم اردني
تحياتي
اخوك عبسي

[الفريدو]

اخواني اخواتي السلام عليكم اسمحولي بالمداخله

بالنسبه للاخت skn انا اتفق مع اختي كندا بالمعلومات ولكن اذا حبيتي ان تغيرين الولايه اعلمك طريقه ناجحه 100%100 لما توصلين انشالله الى المطار سوف تدخلين غرفة المهجرين لتسجيلك بالمنظمه التابعه لهم في ذلك الوقت يطلبون منك التوقيع فانتي ارفضي واطلبي منهم ان تذهبي الى اونتاريو وهذا سيكلفكي تقريبا 3 أيام ويرسلوكي الى اونتاريو هذه المعلومه من صديق لي يريد ان يذهب الى فانكوفر وطلعتله كيبك ولديه صديق يعمل في منظمه في فانكوفر وعلمه هاي الطريقه وسوف يسافر معي في نفس اليوم وسيتخذ هذه الخطوه وسوف اعلمكم بما عمل عند الوصول انشالله .. لكن احذري من تغيير الولايه وانتي في مصر لان راح تتاخرين مو اقل من 6 شهور خليها على الله واني انشالله راح ابلغك شنو صار ويه صاحبي لان قصتك تشبه قصته بالضبط
تحياتي للاخت كندا والاخ اينشتاين والاخ عبسي



اخوكم : الفريدو

[اينشتاين العراقي]

تسلمين اختي كندا ولا يمعوده ماكو لا تاخير ولا شي اصلا انت راده عليه بعد ردي بساعه وحده

والله يا اختي مو مجامله انت فلا انسانه طيبه وتستاهلين كل خير
وشكرا اختي على الايضاح


----------
شكرا حبي عبسي على الايضاح هاي لعد اكيد مو همه
-----------
ونورتنا بمرورك اخويه الفريدو الورد




اخوكم اينشتاين

[skn]

شكرا جزيلا للاخت كندا والاخت انشتاين والاخ الفريدو على المساعدة واتمنى التوفيق للجميع  بس حابب اعرف احسن مكان بكندا شنو هو بأي مكان تنصحوني بيه  وشكرا

[كندا]

شكر  للاخ عبسي والاخ الفريدو ...

على المداخلات المفيده حول موضوع الاخ اينشتاين والاخت SKN


الى الاخت SKN
عزيزتي كل مقاطعه في كندا لها محاسن ومساوء اما من ناحيه الجو او فرص العمل او المساعدات الماليه للاجئ..
وتعتبر مقاطعة اونتاريو \تورنتو من المقاطعات التي تتواجد بها جاليات عربيه والجو بها جيد نوعا ما عن باقي المقاطعات كونها تتجه الى الجنوب..
انتي ذكرتي مسبقا انك اخترتي اونتاريو فتوكلي على الله واعملي كما قال لك الاخ الفريدو عند وصولك مطار كندا ....فهو اعرف مني بهذا الامر..
والله معك..

[الطائي61]

أختي كندا بارك الله بيج على هذه المعلومات القيمه

[skn]

شكرا اخت كندا على هذه المعلومات المفيده وبارك الله بالآخ الفريدو والاخ اينشتاين العراقي بس احب اوضح اني مو اخت اخ

وشكرا

[كندا]

بارك الله فيك اخ الطائي61
وشكرا على المرور الجميل للصفحه...




عذرا اخ skn
الاحرف بالانكليزيه وغير معروف مذكر او مؤنث ....
على كل الاحوال نتمنى ان نسمع اخبارك وتطمنا عند وصولك الى كندا بأذن الله

[عراقي مرفوظ]

اقدم بل شكر الجزيل ل اخت كندا بهذه البادرة الطيبة

وعندي سؤال وهو مو سؤال هو تحديد مصير اني عايش بل سويد وماحصلت اقامة وحصلت علئ الطرد والتسفير القصري وحاليا انا في ورطة كبيرة

نجي عل سؤال اذا اجي لكندا بصورة غير شرعية اي التهريب عن طريق الطيران والنزول في احد مطارات كندا

احصل علئ اقامة وماهي الاجرات الي راح تطلب مني وماهي القوانين الكندية بالنسبة لهاكذا موضوع احصل علئ اقامة او لا    

وللعلم انا ليس لدي اي شخص في كندا لا غريب ولا قريب بس الله والطيبين    ....وغير متزوج

لان هذا موضوع تحديد مصيري ومستقبلي وبغض النضر المبلغ الي راح ادفعة للمهرب

ومني خالص الحب والتقدير
ارجو الاجابة بالتفصيل
واعذريني

لاني متعذب جدا جدا

[كندا]

 يااخ عراقي مرفوض...
قلبي معك والله يكون بعونك...
حسب معلوماتي ان السلطات الكنديه تقوم بحجز الشخص الذي اتى الى كندا بصوره غير شرعيه في المطار لمدة اسبوعين لآجل التحقيق من هويته واتخاذ  الاجراءات الامنيه اخرى ...
وبعد ذلك اذا اقتنعت به تقدم له فيزه لدخول كندا ....
هذه هي معلوماتي المتواضعه ......

واطلب من الاخوان المشاركه اذا كان لديهم معلومات اكثر توضيحا لمساعدة الاخ عراقي مرفوض.... 
مع الشكر مقدما

[عراقي مرفوظ]

شكرا جزيلا اخت كندا للاجابة السيريعة

واتمنئ من الاخوان الي عدهم معلومات
ان يساعدوني

واتمنئ التوضيح عن الفيزا لو اقامة

وكول اني جاي من اوربا اولا غير طريق 

ولكم مني اجمل السلام

[Engineer79]

السلام عليكم
الاخت كندا ممكن تفصيل المناطق اللي بتورنتو وايها افضل للمعيشة بالنسبة للعراقيين من حيث الايجار ورقي المنطقة والجالية والقرب من الداون تاون او الضواحي مع الشكر والتقدير

[كندا]

الى الاخ Engineer 79

اولا.... تعتبر تورنتو من اكبر المدن في كندا من ناحيه السكان..

وثانيا...وحسب علمي ان منطقة ( الدون ميلز) و (اوتوبيكو) تعد من المناطق الجيده من حيث الايجار  ..

 ويسكنها جاليه كبيره من العراقين وبها ايضا (السابوي) الذى يسهل عملية التنقل والقرب من ( الداون تاون)

[عراقية مغتربة]

اختي الفاضلة جزاك الله خير على ردودك الجميلة انا واسرتي من المحولين الى كندا ولدي ولد وبنت من ذوي الاحتياجات الخاصة (لديهم نقص في خلايا الدماغ)اريد ان اعرف هل هناك خدمات لهم ورعاية  طبية فهم بحاجة ماسة لها وماذا تنصحيني حضرتك لاسرع طلبي؟

[كندا]

الى الاخت العراقيه المغتربه....

اطمئنك ان ذوي الاحتياجات الخاصه لهم رعايه مميزه واهتمام كبير من لحظة وصولهم الى مطار كندا ....
كذلك تصرف لهم مبالغ اضافيه على الراتب...
اما بالنسبه  للسؤال عن الاسراع فحالة اولادك كافيه للاسراع بطلبك لان الحالات الانسانيه لها الاولويه عند هذه الدول...فتوكلي على الله متمنيه لك التوفيق

[عراقية مغتربة]

ربي يجزيك خير يااختي على ردك ويبارك بجهودك

[كندا]

لا شكر على واجب يااختي العراقيه المغتربه...
وارجوا ان اسمع اخبارك الطيبه وتتواصلي معنا لنطمئن عليك وعلى الاولاد...ونبارك لك بيوم السفر

[عراقية مغتربة]

ان شاء الله يااختي سنبقى على تواصل مستمر معكم
 ويارب يجي اليوم الي ابشركم بيه
(ربي يحفظكم)

[كندا]

 اختي عراقيه مغتربه,,,,

والله سأدعيلك من كل قلبي....وبأذنه تعالى سيكون الفرج قريب

[عراقية مغتربة]

اختى العزيزة كندا
ربي يحفظك وان شاء الله ربنا يكتب لنا اللقاء
اريد ان اعرف من حضرتك بالضبط ماهي الاشهر الباردة والحارة في كندا
 وهل فعلا درجات الحرارة تنخفض الى 12تحت الصفر ؟.
انا اسال لكي اخذ احتياطاتي للاولاد
وهل كل اللاجئين الى كندا يذهبون الى مكان موحد
ام نحن من يختار المكان؟
جزاك الله خير
 

[كندا]

عزيزتي الاخت العراقيه المغتربه....
بأذن الله سنلتقي يوما وهذا يشرفني ...


الجو هنا في كندا يختلف حسب المقاطعات .....

كندا ليس بها صيف حار مثل العراق حيث تصل درجة الحراره في شهر الثامن الذي يعد اكثر الشهور حراره الى 25 درجه مئويه ...وباقي الشهور تكون معتدلة الحراره ..
ونرى ان الجو يختلف خلال اليوم الواحد ...اى نرى الفصول الاربعه خلال اليوم ..
ولكن يبدء الجو بالبروده الحقيقيه من شهر ال12 و1 و2 و3 حيث نزول الثلوج  ....ووصول درجة الحراره الى 40 تحت الصفر ...
..وفي نهايه شهر  الرابع  يبدء الجو بتعديل نفسه تدريجيا....
فلا تشغلي بالك كثيرا بالجو تتعودون عليه من اول سنه...اما الملابس فيفضل شراء القماصل للاولاد من هنا لانها معموله بطريقه تمنع البرد وتحمل الثلج ...ولابأس اذا كان عندهم مثل هذا الشئ...

اما اللاجئين لايذهبون الى مكان واحد..ولكن حسب مناطق تواجد عوائلهم واصدقائهم  وهذا تستطيعين طلبه عند المقابله في اليو ان....ولكن مقاطعة اونتاريو\تورنتو  تتواجد فيها الجاليه العراقيه بكثره...

وانا في الخدمه وحاضره لكل سؤال...

[lenatelecom]

الاخت كندا تستحق كل الشكر على تواصلها المستمر بالمساعدة

واتمنا لها كل الموفقية والسعادة في حياتها

[عراقية مغتربة]

اختي العزيزة كندا
اتشرف انا بالتعرف عليك
واتمنى لك من كل قلبي الحفظ والتوفيق على تواصلك المستمر معنا
اختي الفاضلة
لوسمحتي لدي اسئلة كثيرة ولكن اخجل ان اثقل على حضرتك
سؤالي اليوم
بالنسبة لاطفالي لااستطيع التنقل بهم في الباصات
 فهل يمكن ان اشتري سيارة ؟
لااريدها حديثة على( كولتنا نص عمر )(بس تشيل رجلنة)
هل الاسعار غالية؟
وهل ممكن بالتقسيط؟
مع احترامي وتقديري لحضرتك

[الباز]

تحية طيبة أختي العزيزة

اني مقدم على هجرة لكندا منذ عام 2004 ومباشرة من استلمت الفايل نمبر غادرت العراق ولم أرجع الى الآن.
بشهر الخامس 2009 ابلغونا بان الفايل مالتنا قد تم نقله من سوريا الى بولندا.
بشهرالسادس 2009  أرسلوا لأكمال بياناتنا وعمل التحديث وإعطونا مدة ثلاثة اشهر لأكمال البيانات وارسالها لهم ومن ضمنها إمتحان الايلتز.
آني عندي فايل لاجئين في الامم المتحدة حيث لدي كيس لجوء لامريكا في منظمة الهجرة.
بالفعل أكملت كل المطلوب وارسلنا البيانات في الموعد المحدد الى السفارة الكندية في بولندا، وقد ذكرت كل  تفاصيل الكيس مال اللجوء الى امريكا في تحديث الاستمارات الخاصة بكندا.
والى الان ليس هناك اي تحديث على الفايل عندما أدخل عليه عبر الموقع الالكتروني.
 اختي العزيزة أريد اسألك:
لماذا تم نقل فايلي من سوريا الى بولندا؟
وهل يؤثر موضوع اللجوء على موضوع الهجرة يعني هل ممكن يرفضوني لأن عندي قضية لجوء الى امريكا؟
وما هي المدة المفترضة لأرسال الفحص الطبي؟
وأخيرا"ما هي المدة لأخذ الفيزا في حالتي؟
شكرا جزيلا اختي الكريمة وبارك الله فيك

[كندا]

الى الاخت العراقيه المغتربه
اسألى براحتك ولاتتردي اني بخدمة الجميع ....

اولا قبل السياره يجب ان يكون عندك اجازه سوق نافذه من العراق طبعا..بعد ان تأتي الى كندا تترجم هذه الاجازه حتى تستطيعين ان تقدمين على اجازه السوق الكنديه التي تتكون من مرحلتين ..
الاولى G1 وتتضمن الأشارات وقواعد الطريق  وهو امتحان نظري...
اما الثانيه G2 ويتضمن امتحان ممارسه للسير في الشارع ....
بعد الحصول على الاجازتين تستطيعين شراء سياره....
اسعار السيارات تختلف حسب موديل السياره وعلى العموم فهيه رخيصه وهناك شركات تقبل بالتقسيط ..

[كندا]

الى الاخ lenatelecom
شكرا لمرورك وبارك الله فيك.....
اتمنى ان تكون قد وفقت في معاملتك للوصول الى كندا...

[الباز]

العزيزة كندا
أرجو منك الرد على تساؤلي لأننا في حال الله وحده يعلم به، لأن موضوع أمريكا اتعبنا حقا" لإنني مضطرا" قدمت على الجوء الى امريكا لظروف خاصة وصارت علينه قصة عنتر وأتمنى أن الله يسهل علينا في الهجرة الى كندا لأنها بالنسبة لنا احسن الف مرة من امريكا.
فارجو منك يا إبنتي او يا أختي الصغيرة أن تشاركينا رايك.
تقبلي خالص التقدير

[كندا]

الى الاخ الباز مع التحيه..

حسب معلوماتي البسيطه ان التقديم الى اللجوء مع الهجره يؤخر الموضوعين ...
ونصيحتي ان تم التوطين الى امريكا وحصلت الموافقه لاتترد في الذهاب لكي لاتضيع المشيتين...
وفي الوقت الحالى ليس امامك الا الصبر ..والله يقدم الخير ويكون بالعون


((دعوه للاخوه الكرام  ومن مر بمثل هذا الامر ان يشاركونا الرأي في موضوع الاخ الباز جزاكم الله الخير مقدما...))

 

[الباز]

العزيزة كندا
شكرا" جزيلا" على ردك ودعوتك ولكني أريد ان الفت إنتباهك الى أنني قد وضحت لحضرتك حالتي بالتفصيل في رسالتي الاولى ويبدو لي بانك قد اجبتي بس على ثاني رسالة ولم تنتبهي لرسالتي الاولى والتي كانت قبلها  مع شرح مفصل لحالتي وقد سالتك فيها عدة اسئلة فارجو منك ان تطلعي عليها وان تسعفينا بردك من خلال خبرتك.
وتقبلي خالص التقدير

[اريد وطن]

اخي العزيز الباز

تسمحلي اختي كندا اشارك بالجواب

تحويل ملف الهجره الى من سوريا الى بولندا ليس لي علم بها ولم اسمع بها سابقا اخويه انته من وين قدمت اللهجره من عمان سوريا

بس احب اضيف معلوماتك شي وهذه من تجربه ناس ثقه

الشخص مقدم على يو ان عند تحويل ملفه توطين اطلب كندا وارفض امريكا لاسباب اقارب عندك هناك او اي سبب مقنع
وعند تحويل الملف كندا في الفورمات تخص كندا يوجد حقل بيه هل انته مقدم الى هجره واي نوع اذكر الرقم
في هاي الحاله يتم تسريع ملف اللجوء الى كندا ويغلق اوتماتيكين ملف اللهجره بس شرط وكلش مهم
صاحب الكيس الي عامل هجره لازم بي اليوان غيره يعني احد افراد الاسره وليس نفس الشخص وهذا ممكن شخص باليوان يساعدك بيه .

عسى هاي المعلومه تفيدك

اخوكم اريد وطن - عمان - اخ اخ اخ ياوطن وينك يارب يارب ادعو وياي تتصل سفاره ونخلص للجميع الفرج ان شاء الله

[كندا]

الى الاخ الباز ..

انا قرأت الرساله الاولى والثانيه ولكن عذرا ...انا ليس لي معرفه كافيه عن حاله مثل حالتك ...
ففي الحالات الطبيعيه اما ان يكون الشخص مقدم على الهجره وهذه تتطلب وقت حتى توافق الدوله عليه ...واما على اللجوء عن طريق المنظمات الانسانيه بتنسيق مع بعض الدول ..
ولكن الدمج بين الاثنين لم تمر عليه مسبقا...
الا حاله واحده كانت لشخص قريب لي في سوريه قدم على اليو ان وفي نفس الوقت قدمت له عائلته من امريكا معامله لم شمل عن طريق محامي ...والى هذه اللحظه ومن اكثر من اربع سنوات يأتي له رفض من اليو ان بسبب المعامله الثانيه...


اتمنى ان لااكون قد قطعت عليك بصيص الامل....
 ولكن في راي ما عندك الان الا الصبر والانتظار ..والخير في ما اختاره الله..
اما الهجره الى كندا او اللجوء الى امريكا او البقاء حيث انت

وانا ادعو الاخوان مره ثانيه لمساعده الاخ الباز  ممن لديه تجربه مماثله ان يفيده...مع الشكر

[كندا]

شكر للاخ اريد وطن ...للمشاركه بموضوع الاخ الباز

[jasem 123]

السلام عليكم اخواتى الاعزاء
ابي اعرف ان الى يدخل الارضى الكندية عن طريق امريكا برا مثلا شنو يقدر يسوي عشان يحصل على الجنسية الكندية
يعنى انا ماعندي منع انى اقعد بكندا اربع اسنين وبعدين احصل على الجنسية الكندية
علما انى من فئة البدون بالكويت وعندي جواز سفر كويتى  واقدر اطلع فيزا حق امريكا عن طريق الجامعة

[عراقية مغتربة]

ربي يجزيج خير اخت كندا على ردودك الجميلة
اليوم سؤالي عن الحاسبات وعن الانترنيت
اريد ان اعرف هل الحاسبات الدسك توب موجودة وبكم تتراوح اسعارها؟؟
 وكيفية الاشتراك بالانترنيت وبكم ؟؟
تقبلي احترامي وتقديري

[كندا]

? ?....jasem

? ? ? ?? ? ?? ?? ?? ??...
? ? ?? ? ? ?? ?? ? ? ?? ?...
? ? ? ....? ?

[كندا]

  ? jasem  ? .....
? ?? ?? ?.........

[كندا]

                   أسفة إخواني هنالك خلل جامد في الحاسبة عذرا مرة أخرى

                                   أختكم كندا.............

[كندا]

الى الاخ الكويتي...jasem
الدخول الى كندا يكون اما عن طريق اللجوء او الهجره او الدراسه او السياحه...
وبما انك تستطيع الحصول على فيزه الى امريكا من الجامعه...بدل الفيزه الى كندا وتكون لاجل الدراسه..
وبعد وصولك الى هنا يكون الامر سهل في طلب اللجوء وعدم العوده الى بلدك وهذا الطريق في نظري اسهل بكثير...

[كندا]

الاخت العراقيه المغتربه....

كل ما تتخيليه موجود في كندا...
الحاسبات بانواعها موجوده وتتراوح اسعارها من 500 دولاركندى فما فوق...
اما الاشتراك بالنت يكون عن طريق شركات منها (Bell) و (Rogars) واسعارها من 20 الى 50 دولار كندي وحسب السرعه التى تريدينها....

[jasem 123]

السلام عليكم اختى الكريمة

اولا مشكورة على جهودج مشكورة مرة ثانية
ثانى شي انا سمعت ان الى يطلع فيز حق كندا يخلونة يبصم واذا بصم بعدين اكيد راح يعرفون اهو من وين ياي ويرجعونة بس الى يطلع حق امريكا ما يقدرون يرجعونة لان امريكا دولة وكندا دولة

بس ابي انتى شتفوين هذى الفكرة يمكن تطبيقة او لا

هي انى اطلع فيز حق امريكا واسافر حق امريكا ومن اهناك اروح الحدود الكنديا واقط جوازي واطلب اللجو
او انى اروح حق كندا ترنزيت واهناك اقط جوازي  وانتضر واخليهم جدام الامر الواقع

[كندا]

الى الاخ jasem

كان رأى ان تأخذ فيزه لدخول كندا وهيه فيزه للدراسه او السياحه وهذه بها مده.....
وعند انقضاء مده الفيزه تبقى في كندا وتطلب اللجوء وعدم العوده لبلادك...
انا اعرف شخص سوري الجنسيه اتى الى كندا مع وفد ...ولكن لم يعود معهم وطلب اللجوء...
واعطوه بعد اجراء بعض التحقيقات البسيطه معه ...

[كندا]

                          ?? ? ?? ..........


                                  ??!!!!!!!!!!!!

[كندا]

                          ?? ? ?? ...........


                                  ............

[كندا]

            اسفه اخواني مره ثانيه .....على العطل الخارج عن الاراده

         الحاسبه (دتخجلني)......اتحملوني

[اريد وطن]

اخت كندا

يمعوده شبيها الحاسبه سويها مفخخه ورتاحي منها يمعوده ادعيلنا جماعتج الكندين الله يهيدهم ويخابرون ومن بطن عيني اجيبلج حاسبه وياي

اتصور صار طلي وحاسبه والحبل على الجرار

اخ هاي بس انتي كايلتهم يخرونا علمود شنو بعد هسا الحاسبه وحنجيبها ويانه شدرين بعد يمعوده احجي ويه كرايبج الكندين خلي الله يهديهم ويحجون والله دمرت وعيني على التلفون يوميه وكل ميدك كلبي يدك ويا واكول يارب ويطلع ماكو شي

ترى حبيت اشاقه ويا اختي كندا لازعلي مني بس والله اختي معنويات بالنازل والواحد من القلق والانتظار بعد تعب

كليلي هاي هناك هم عدهم هيج يطولون ويشتلون الواحد شتل ترى بعد روحنه طلعت ومريد نجي لا كندا ولاغيرها عمي دولنا العربيه احسن بيه استقرار وامان ومعاملتك بلحظات تمشي مو مثل عدكم حتى الحاسبات ميعرفون يصنعون 

اخوج اريد وطن - يارب يرن هلهاتف ونخلص يارب ادعولنا ويارب لكل المنتضرين ربنى يفرجها يارب

[كندا]

اخي اريد وطن ...
مشكور وماتقصر انت كدها وكدود..

الضاهر حاسبتي تتغير ويه جو كندا ....ويرادلها تبديل.....

اتمنى ان تكون اكثر صبرا واكثر تفائل بس الموضوع الى عرفته ان الاتصالات تؤجل من يوم 15 نوفمبرالى ان تخلص اعياد الميلاد.........الى صبر كل هذه المده مايصبر شهرين...
الله كريم والفرج قريب بأذن الله

[كندا]

الى الاخوه القادمين الجدد الى كندا....


هذه بعض عناوين  وارقام هواتف المنظمات التي تساعد المهاجرين واللاجئين القادمين الى كندا اتمنى ان تفيد  الجميع...


TORONTO
*Arab Community Centr..............Tel:416-231-7746

*Canadian Arab Federation..............Tel:416-493-8635

*Catholic Cross Cultural Services......................Tel:416-757-7010
Tel:416-289-6766


Mississauga


*Catholic cross cultural services...................Tel:905-273-4140

*Dixie Bloor Nrighbourhood centre.................Tel:905-629-1873


Brampton


*Brampton Neighbourhood Resource centre................Tel:905-452-1262

[اريد وطن]

مشكوره اختنى على هواتف المنضمات

يعني واحد ممكن يتصل بيهم وهو بعده بعمان مثل يجيك وصل ملفنه يمهم

يمعوده سويتي بيه بخبرج اني عندي امل يتصلون بينى بدايه شهر 12 يعني انشتلنا لشهر واحد يعني هاي اذا ذكرونا نسافر نهايه الاول او الثاني او الثالث يعني انشتلنا

زين اختي الاخبر سمعتي من ناس او جهه اكيده يتوقف الاتصال من 15 NOV الى نهايته الاعياد ماتصور اكو عطله عدهم هيج طويله اعياد ميلاد بعدلها شهر

وحسب علمي اليوان لايوجد عندهم عطل يعني طول السنه شغالين بس الله كريم يعني هم انشتللنه ونايمه الطابوكه علينا للسنه القادمه والله جنت اتمنى ابدي السنه الجديده في كندا مو نايمن بعمان

يالله اتعلمنى على الصبر مو عراقي اكيد لازم ابقه اصبر لحد اطك واموت الحمد لله

اخوج زعلان منج هوايه شيخلصج مني منى لشهر 12 بس اشاقه وياج وبارك الله بيج على مساعتج ومعلوماتج والله ادري لو بيدج جان هسه كلها بكندا من زمان بس اخ منج 

[كندا]

اخي اريد وطن ...
هذه المنظمات هي في كندا لمساعدة اللاجئين والمهاجرين القادمين الى كندا ...وليس لها علاقه باليو ان

فعند وصولك تحتاج الى ارشادات وتعليمات حول قوانين البلد ..
اضافه الى ارشادك عن كيفيه تسجيل اولادك بالمدارس وكيف تجد طبيب للعائله وكيف تتصل ببعض الدوائر ومنها الامكريشن المسؤوله عن اعطاء الراتب للعائله وغيرها من الامور التي لاتعرفها كونك جديد على كندا...
وبعض المنظمات لها صلاحيات بأن تساعدك بلم شمل العائله ...
على اي حال هذه المنظمات تساعدك وانت في كندا حصرا...

[اينشتاين العراقي]

السلام عليكم اختي العزيزه
طبعا ما اعرف شلون اشكرج على تواصلج ويانه وهذا طبعا يدل على انج اصيله وبنت اصول
واختي اريد اسالج سؤال هل اكدر اخلي ولد صديقي يأجرلي شقه قبل لا اوصل بيوم حتى ما اتبهذل بالبانسيون لو ميصير الا ابو الايجار يشوفني يلا ياجرلي!!
وبالنسبه لمقاطعه برتش كلمبيا شنو الماطق الي بيه وشنو اكثر انواع العمل المتوفره بيه
والسؤال الاخير اني اريد اكمل كليه فهل المصاريف مال الكليه كلش غاليه لو اكو كليات رخيصه الواحد يكدر يدبر مصاريفهه اذا يشتغل شغله عاديه راتبهه بالمنمم مال الرواتب بكندا
والف شكر اختي العزيزه مقدما



اخوج اينشتاين

[اريد وطن]

مشكوره اختنى العزيزه كندا على مساهمتج ومعلوماتج المفيده ويجعلج من السعداء دائما وابدا ان شاء الله

بس عمي خلي هم كرايبج يخابرون ونوصل والله كريم 

اختي لديه سؤال ايهم افضل من ناحيه سكن وتوفر العمل تورنتو مسساكا او بيرمنتون

وبالنسبه للجمعيات الدزيتيها يعني ايهم افضل من ناحيه نشاطهم ومساعدتهم حسب خبرتج لو كلهم زينيين وماكوا فرق بيهم  يعني من تجارب ناس مع هذه الجمعيات ومشكوره اختي

اخوج اريد وطن / عمي دحجي ويه السيد الريس مالتهم بلكت نشوف راس السنه يمكم يارب للجميع 

[كندا]

الى الاخ اينشتاين العراقي....
لاشكر على واجب والله يقدرني على مساعده الجميع يارب...
اخي اريد اعرف انت جاي الى كندا هجره ام لجوء لان هذا يغير وضعك في كثير من الامور وعلى راسها الراتب

بالنسبه للايجار لايمكن التأجير الا اذا قدمت الى( الاونر)مالك الشقه او البيت مايثبت دخلك الشهري ومن ثم يأخذ منك مبلغ شهرين ...الشهر الاول والشهر الاخير قبل مغادرتك المكان..
ويستطيع صديقك فقط حجز الشقه قبل فتره ...لان هنا في كندا يخبر المستأجر صاحب المكان قبل شهر بالمغادره وهذا مثبت بالعقد

اما بالنسبه للجامعه فتستطيع ان تقدم عليها بعد سنه تقريبا بعد اتقان اللغه جيدا وتقدم على امتحان التوفل ..وتستطيع ان تقدم على قرض لسداد مبلغ الجامعه....ومبالغ الكليات تختلف الواحده عن الاخرى

اما بالنسبه لمقاطعة برتش كولمبيا اعرف انها غرب كندا وبها منطقه جميله هيه فانكوفر اما العمل فلا علم لي به...

[اينشتاين العراقي]

تسلمين اختي العزيزه كندا على الرد
واني جاي على طريق اللجوء عن طريق الامم المتحده
وطبعا دا انتضر هسه تسليم الجوازات وتحديد موعد السفر
لان خلصت الفحص الطبي
واختي ما عنج علم خلال شكد تضهر نتيجه الفحص الطبي المطلوب من السفاره؟؟
لان صارلي اكثر من شهرين او ميقارب ال3 اشهر من فحصت ولي هسه لا حس ولا خبر
ومشكوره اختي على المساعده لاخوانج الاعضاء


اخوج اينشتاين

[migrant]

تحياتي الكم اخواني و اصدقائي الاعزاء..وشكرا يا كندااا على هذه الصفحى الي كفيتي  او وفيتي بيها...

اقاربي في كندا قدموا لي طلب كفاله خماسية و انقبلو الكفلاء و بعدها باسبوع تقريبا السفارة الكندية بعثتلي بريد تعلمني ان هناك خمس اشخاص اتكفلوك ..ولكن هذا لايعني انه انت تم قبلك يجب ان تجتاز المقابلة و نقتنع بيك انك تستحق اللجؤ والعيش بكندا..و طبعا ارسلوا ابليكشن فورم "استماره" و طلبوا امليها اني و عائلتي وان ارسل اي اثبات اني مسجل بالامم المتحدة مثل رقم ملف ال UN  او هوية مال الامم المتحدة و ارجعهه للسفارة...مليت الابليكشنات الي هية تقرييبا 4 واستنسخت هوية ال UN و استلمها الموظف..وقال نحن نتصل بيك.

فبحكم معلوماتكم هل سيقبلوني و شنو الاسئلة الي يسالوها بالمقابلة و اشكد تطول معاملة ال Group 5
 
والف الف شكر

 

[كندا]

الاخ اريد وطن...
العمل والرزق بيد الله وكل مكان تجد فيه رزقك اذا كان الله كاتبه لك...

والمنظمات هذه كلها هدفها واحد .....وهي تعتمد في عملها على اللاجئين والمهاجرين الجدد القادمين الى كندااااا وتقديم المساعده لهم

[كندا]

الى الاخ اينشتاين العراقي...
مبروك.....
حسب معلوماتي انك واصل الى نهاية المشوار ....وانا على يقين انك ستزف لنا بشرى موعد السفر عن قريب...ولو ان تسليم الجوازات قبل موعد السفر بأسبوعين على مااظن..

يااخي عليك بالصبر والدعاء...فهو مفتاح الفرج
والله يسهل عليك..

[كندا]

شكرا اخي migrant على الأطراء الجميل...وبارك الله بالجميع.....


اخي..

الكفاله الخماسيه حسب معلوماتي المتواضعه تكون اسرع من معاملة (اليو ان )كون الكفيل موجود في كندا...

ولكن لايمنع ان يخضع اللاجئ الى( غربله) من قبل السفاره الكنديه

وبأذن الله ستقبل اذا لم يكن هناك موانع (عويصه)مثل ان تكون عسكري ذات رتبه او غيرها...

وننتظر منك بشارة بموعد السفر ان شاء الله..

[migrant]

الكفاله الخماسيه حسب معلوماتي المتواضعه تكون اسرع من معاملة (اليو ان )كون الكفيل موجود في كندا...

ولكن لايمنع ان يخضع اللاجئ الى( غربله) من قبل السفاره الكنديه

وبأذن الله ستقبل اذا لم يكن هناك موانع (عويصه)مثل ان تكون عسكري ذات رتبه او غيرها...

وننتظر منك بشارة بموعد السفر ان شاء الله..

اني اشكرج جدا يا اختي العزيزة على اجابتج السريعة وان شالله نجازيج بالخير... والله يسمع من عندج ويكون السفر قريب بس اعتقد المقابلة اهم شي و هي الي تحدد..

تحياتي للجميع  

[كندا]

                            كل عام والعراقين بالف اااااااااالف خير


                                اضحى مبااااااااااااااااااااااااااارك

[اينشتاين العراقي]

                            كل عام والعراقين بالف اااااااااالف خير


                                اضحى مبااااااااااااااااااااااااااارك

وانت بألف خير يا اختي العزيزه
وانشالله الله ينطيك على كد نيتج
لانج تستاهلين كل خير والله
وانشالله اضحى مبارك علينه وعليج





اخوج اينشتاين

[اريد وطن]

كل عام وانتي بالف خير اختنه كندا

وجميع اهلانا العراقيين اين ماكانو

اخوكم اريد وطن سابقا وان شاء الله قريبا وطني كندا بعد السفر

[متفائل جداً]

السلام عليكم

الاخت العزيزة كندا حاب اسال سؤال اني مقدم معاملتين الى كندا وحدة بدايت السنه وحدة بشهر الثامن وحدة لى كلكري وحدة لفانكوفر واثنينهم كنسية المهم

اني اجالي قبول على معاملتي الي كانت بداية السنه ورحت لسفارة انطوني فورمات كالو اترسها وجيبها النا واني هسه حاير لان عندي معاملة ثانيه وما اعرف تاثر على المعاملة مالي الي نقبلت وما ادري ابلغ السفارة بل معاملة الثانيه او لا ارجو ان تنصحيني


والك جزيل الشكر

تحياتي

[كندا]

الى الاخ المتفائل جدا.........

خليك متفائل وابدء باكمال املاء الفورمات ولا تتردد ......عصفور في اليد خير من عشره على الشجره
وعند اتمام الاجراءات وظهرت الموافقه الثانيه اخبرهم وستلغى اتوماتيكيا...
هذا رأى في الموضوع...
والله يقدم مابه الخير لك بأذنه تعالى...

[متفائل جداً]

شكرا الج اختي العزيزة كندا

افتهم من كلامج ما احجي هسه اي شيء الة علمى تطلع الموافقة الثانيه

شكرا الج مرة ثانيه

[الباز]

بارك الله فيك يا اختنا العزيزة على مساعدتك
تحياتي
الباز

[كندا]

الى الاخ المتفائل جدا...

هذا رأي الشخصي ....ولك الخيار

ومن الله التوفيق....

[كندا]

الى الاخ الباز....

مشكور على مرورك اللطيف...
اتمنى من الله ان يفرج عليك قضيتك بأسرع وقت ونسمع منك ما يفرحنا بأذنه تعالى.....
 

[كندا]

الى الاخ...النمر 88

اسفه لاني سأرد عليك هنا لان الشخصي لايستجيب معي....
لاتقلق ابدا لان السفاره الكنديه تدقق كثير وخاصتا في الفحوصات الطبيه...
وحسب معلوماتي من بعض الاصدقاء..انك اذا وقعت على مبلغ التذاكر ومبلغ الفحوصات ستكون مطمأن لان المسأله ستدخل في مرحله الانتظار والصبر .....وليس الرفض

[كندا]

الى الاخ الباحث عن الامل...

اسفه لاني سارد عليك من هذا الباب...لان الشخصي لايستجيب معي اليوم...

ونصيحتي لك ان تتصل بالسفاره الكنديه وتسأل عن سبب التأخير ...واذا كان هناك رفض لا سامح الله سيخبروك ..واذا لا ...فسيكون الامر طبيعي ولاتقلق فالمسأله متعلقه بالوقت ليس الا...

[عراقية مغتربة]

السلام عليكم ورحمة الله وبركاته
كل عام وانتم بخير
اشلونج اخت كندا؟
يارب انتي وكل الموجودين بخير وصحة وسلامة
والله يفرجها على الكل ويريح بالهم
اختك
ام محمد

[كندا]

عليك السلام ورحمه الله وبركاته
اختي العراقيه المغتربه...ام محمد

مشكوره على دعائك الجميل ...والله يفرجها على الجميع ويريح بالهم ((لان راحة البال هي السعاده الحقيقيه
لكل انسان))

كل عام والعراقين جميعا بالف الف خير

[ام يحيى]

السلام عليكم 
اني اختج ام يحيى اريد اسال عن الكفالة الكنيسية اشلون واحد يقدم عليها وهل بيها شروط
اكون ممنونة جدا اذا وافبيتني بالاجوبة وادري انتي متقصرينعلما يااختي اني اريد اللجوء لكندا اكثر من اي دولة اخرى فياريت اتساعديني ولكي مني الف شكر وتقدير

[كندا]

الى الاخت ام يحيى...
الكفاله الكنيسيه تكون من قبل شخص يضع مبلغ في الكنيسه((هناك كنائس محدده))هنا في كندا ومن ثم ترسل الكنيسه للسفاره في بلد التقديم ما يؤكد ذلك..وتتم الاجراءات الباقيه بعد الموافقه واخذ فيزة الدخول بالتنسيق مع بعض المنظمات لايصال طالب اللجوء الى كندا..

السؤال انتي يااختي في اي بلد؟؟
وهل قدمتي في اليو ان؟؟
وهل لك احد من الاقرباء في كندا؟؟؟
اتمنى ان اسمع الرد قريبا حتى نتساعد معا ...
اذا تعذر عليك الرد في هذا الباب ..فأرسلي الرد على الشخصي ....والله الموفق

[ام يحيى]

السلام عليكم
اختي العزيزة اشكرك جدا لاهتمامك بقضيتي

اولا انا مقيمة في عمان الاردن
نعم مقدمين على اليو ان منذ سنة 2008
اقارب درجة اولى لايوجد
وعندي خمسة اطفال الصغير معوق (منغولي)
ارجو ان تنجديني لان مسدودة  كلش بوجهنه
ابو الاولاد ايريد يروح على امريكا ويا اخوه واني رفضتها
فدمتي لنا اختا كريمة  وعزيزة على قلوبنا مدى الحياة
اختج ام يحيى

[migrant]

السلام عليكم اختي كندا

حبيت اتواصل بأخباري حتى نفيد الجميع ..
بعد20 يوم تقريبا من تسليمي المستمسكات اتصلوا بيه السفارة الكندية وطلبوا مستمسكات اضافية من عندي كانو مطالبيها اول شي "صور الجوازات والختومات الي بالجواز والاقامات وانطوني,immigration file number. ..
وطبعا من سالتها للموظفة اذا كانت تعرف اشكد تطول المدة حتى تطلع الموافقة كالت ما اعرف واحنه نتصل بيك..

ان شالله تكون هاي اخبار زينة؟؟و اكو احد يقدر يكلي اشكد المدة تطول؟؟

عندي سوال للعندهم خبرة..بالكفالة الخماسية او الكنسية هل عدم محكومية من العراق مطلوية ""يريدوها بالمقابلة باتجييك الامني لو لا..واذا يريدوها لكل العائلة لو بس لرب الاسرة..؟؟؟""

تحياتي الج لسعة صدرج و لجميع اعضاء هذا المنتدى الرائع  

[كندا]

مشكور اخ  migrant على التواصل معنا..

ان شاء الله تكون هذه فاتحة الخير لانك وضعت رجلك على بداية الطريق..

سؤالى لك اخي هل عملت الفحوصات الطبيه عند اعطائك الفايل نمبر من قبل الامكريشن؟؟
لان اوراق الفحص هي التي تحدد لك المده المتبقيه تقريبا..
وهذه تعطى من قبل السفاره بعد الموافقه عليك..

اما مسألة عدم المحكوميه انا اعرف انها تؤخذ من نفس البلد المتواجد فيه حاليا وخاصتا اذا كنت فيه منذ فتره تتعدى السنتين..

[كندا]

الى الاخت ام يحيى ..

الكفاله الكنيسيه لا اعتقد تفيدك وخاصتا انه لم يكن لديك احد في كندا حتى يودع المبلغ ...

والسؤال ..هل تم توطينكم على امريكا ورفضتم ؟؟؟

اذا كان الجواب (نعم) فهذا هو سبب التأخير لان التحويل الى بلد ثاني يتطلب وقت وربما يهمل الملف من قبل اليو ان..

نصيحتي يااختي ان تحاولي مره ثانيه الاتصال باليو ان لمعرفه وضع ملفكم هل هو ضمن التوطين ام الابعاد..
ولا تنزعجي وتتوتري خلي ايمانك بالله كبير  ..والمكتوب هو الى يصير
انتظر اخبارك...
اختك كنداااااا

[migrant]

مشكور اخ  migrant على التواصل معنا..

ان شاء الله تكون هذه فاتحة الخير لانك وضعت رجلك على بداية الطريق..

سؤالى لك اخي هل عملت الفحوصات الطبيه عند اعطائك الفايل نمبر من قبل الامكريشن؟؟
لان اوراق الفحص هي التي تحدد لك المده المتبقيه تقريبا..
وهذه تعطى من قبل السفاره بعد الموافقه عليك..

اما مسألة عدم المحكوميه انا اعرف انها تؤخذ من نفس البلد المتواجد فيه حاليا وخاصتا اذا كنت فيه منذ فتره تتعدى السنتين..

 تحياتي الج يا اختنا العزيزة ولكل اعضاء المنتدى..
بالنسبة للفحص الطبي الى الان لم يطلبوه مني.

[ام يحيى]

السلام عليكم
ولو ضوجتج بالاسئلة
احنا عدنا اصدقاء بكندا وكالوا ننطيكم رقم المحامي مالتهم هو يسوويها اك هيجي شي وما مدى مضمونية الموضوع

بالنسبة للملف مالتنا احنا متحولنا لامريكا اخو ابو يحيى قدم عليه مباشر ورط اخو ويا
ملفنا بالتوطين بعده

الصدك احنا كلش حايرين مرة نكول نبقه على المفوضيةونشوف
ومرة نكول لا خلي نشوف امريكا
لان مو اكيد ال يو ان تحولنا لكندا
اريد ردج يا اختي واذا اكو كنائس ياريت ادزيلي اميلهم
ودمتي لنا اختا عزيزة

[اريد وطن]

اخت كندا

بعد التحيه والسلام

اختي العزيزه حسب علمج وخبرتج من ناس اصدقاء قالو الي هذا الشيء وانا فعلن محتار هل صدق ام مبالغه

السؤال الاول : يقال حول المنضمات في كندا غير ملتزمه باعطاء الرواتب ويوجد كثير من الناس تعبوا ومحد دارلهم بال يعني ليست مثل متسمع يهتمون بالشخص وراتب وتامين خاصه واحد اول سنه يكون بحاجه الى للغه مشان يكر يعمل وطبعن بحاجه الى دخل لكي يستاجر بيت وياكل ويشرب
اعرف ممكن كلام السمعته من ناس يجوز يبالغون او ماعرف ممكن عبالهم راتب عالي ويعيشون عيشه هاي كلاس اني اريد الستر وبيت نظيف واحد بس اول سنه وبعدين ربنا كريم بعد اللغه اكيد اعمل فماعرف شنو علمج على المنظمات او الجهة المسؤوله علينا اول سنه هل كلام في شيء من الصحه طبعن الشخص الحكالياها قال ناس اصدقاء لهم في احد المنضمات في هميلتون يعملون كالولم هوايه ناس تجي وعبالهم كلشي نوفر الهم بس يتفاجئون اذا موفرنا الهم راتب شهري او غيره

السوال الاخر " انا لديه كيس شعر خلف الظهر ومثل متعرفين صارلي تقريبا 3 اشهر من عامل الفحوصات الطبيه ممكن بعد شهر 12 وانتهاء الاعياد يجي الاتصال او بعدها سوالي بالنسبه الجاي عن طريق اليوان اول مايوصل مثل نكول مثل بعد شهر ممكن يسويه هناك في كندا العمليه وطبعن على حساب التامين او ممكن يرفضون يعني اسويها بعمان احسن طبعن بعمان تكلفني تقريبا 1000 دولار هذا اقل شي ماعرف شنو رايج

اعرف طولت وثقلت عليج ومشكور جدا اختنى على مساعتج

اخوج اريد وطن

[كندا]

الى الاخت ام يحيى

هل يعني اتكم تتفقون مع المحامي ويودع المبلغ عند الكنيسه ويكمل الاجراءات؟؟؟

هذا سيطول لا تعتقدين ان الامر سهل ويتم في ايام...ويكلفكم اموال كثيره ....وبعد الوصول الى كندا لاتستلمون راتب من الدوله الكنديه ..تعتمدون على المبلغ المودع لدى الكنيسه

انا رأي ان تنتظرون اليو ان لان بها ظمانات اكثر من الكفاله الكنيسيه او الخماسيه...
والرأي لكم في الاول والاخر..والله الموفق

[كندا]

الى الاخ اريد وطن...
انت قلت الصحيح (السمع ليس مثل الشوف)وهذا مثل عراقي معروف
يااخي..
اول ماتصل الى كندا وخاصتا اذا كنت من المحولين عن طريق اليو ان ستجد شخص في انتظارك بالمطار..وبالتنسيق مع دائره الهجره الكنديه ستكون من اللاجئين المسجلين لدى (الامكريشن)دائرة الهجره المسؤوله عن تحديد الرواتب لك ولعائلتك..وبمساعدة العاملين معهم ستجد كل شي سهل وهذا هو صلب شغلهم ..مساعدة القادمين الجدد ...وانا اتكلم عن تجربه لعراقين كثيرين اعرفهم ..

اما مسألة العملية فلا اضمن لك الوقت لان هنا في كندا يمر المريض بمراحل ..اولا يجد طبيب للعائله يتابع حالتك واذا تعذر عليه شئ يرسلك الى طبيب اخر مختص حتى يقرر احتياجك الى عمليه او لا..ومن ثم تعطى موعد للعمليه ...
المهم انهم هنا يهتموا بالمريض ..والتأمين موجود والحمد لله

[skn]

السلام عليكم
 الى الاخت كندا وباقي الاعضاء
اني مثل متعرفون حددولي مقاطعه كيبك ولكن حسب معلوماتكم ماهي افضل المدن في كيبك من حيث العمل والمعيشه والايجار ولكم جزيل الشكر

[اينشتاين العراقي]

السلام عليكم
 الى الاخت كندا وباقي الاعضاء
اني مثل متعرفون حددولي مقاطعه كيبك ولكن حسب معلوماتكم ماهي افضل المدن في كيبك من حيث العمل والمعيشه والايجار ولكم جزيل الشكر

زين اخويه ممكن اعرف هل كلولك موعد سفرك؟؟؟
ومكن نعرف شوكت تاريخ الفحص مالتك للفائده العامه
وتقبل تحياتي
وبالنسبه لمقاطعه الكبيك الأخت كندا تكدر تفيدك افضل من عدنه

اخوك اينشتاين

[skn]

اخويه العزيز لم يعطوني موعد سفر والفحص الطبي كان في الشهر السادس
تحياتي

[كندا]

الى الاخ skn

انا جاوبتك على سؤالك من قبل اتمنى ان تراجع الصفحه......

متمنيه لك السفر القريب.....

[اريد وطن]

مشكوره اختي كندا

والله انتي اصيله وبارك الله بيج ويارب يفتحه بوجهجي فعلن مساعتج وردك دائما موجود ومحبه للمساعده

يارب اتمنى لكي كل السعاده وان شاء الله يكون من امثالك في هذه الجمعيات للمساعده اخوانك الاجئين والقادميين الى كندا

وبدون مبالغه لو الامر بيدي اقدم اسمك في هذه الجمعيات لتقدمي يد العون لاهلك واخوانك العراقيين


اخوج اريد وطن / واتمنى عند وصولي لكندا التقي باختي كندا ياشمعه في بيتنا الثاني

[كندا]

مشكور اخي اريد وطن على كل ما قلته من اطراء جميل ..

وانا اتشرف بمعرفه كل العراقين القادمين الى كندا......

اخي....
الله في عون العبد مادام العبد في عون اخيه...

والذي اقدمه هو شئ بسيط وبسيط جدا لأيصال السعاده والأمل للعراقين اينما كانوا...
وفق الله الجميع لفعل الخير...

اختكم كندااااااااااااااااا

[lenatelecom]

انها حقا عراقية اصيلة وتحب ان تقدم المساعدة للغير

تحيات اخوك

[احمد الغريب]

الله يبارك بيج يا أخت كندا على هاي الروح الجميلة روح المساعدة المتأصلة بيج وشكرا لك على جميع اجاباتك . أحمد الغريب

[كندا]

مشكورين اخواني...

lenatelecom

احمد الغريب


هذه الروح موجوده عند كل العراقين صدقوني ....

بارك الله فيكم...

[كندا]

الى كل الاخوه مع التحيه ..

اخبار كندا .....

يشتد البرد في كندا عموما..حيث وصلت درجه الحراره اليوم الاحد13\12 الى (-17)  ونحن في بداية الشتاء وبداء الثلج ينزل .....المنظر جميل جدا

وايضا من اخبار كندا...

بمناسبة اعياد الميلاد (الكرسمس) سيتم تعطيل الدراسه بكل مراحلها من يوم 18\12 ولمدة اسبوعين حتى بدايه السنه الجديده..

يارب تكون سنة خير وسعاده وحب لكل العراقين
وكل عاااااااااااااااااااام وانتم باااااااااااااااااااااالف خير

[migrant]

الى كل الاخوه مع التحيه ..
اخبار كندا .....
يشتد البرد في كندا عموما..حيث وصلت درجه الحراره اليوم الاحد13\12 الى (-17)  ونحن في بداية الشتاء وبداء الثلج ينزل .....المنظر جميل جدا

وايضا من اخبار كندا...
بمناسبة اعياد الميلاد (الكرسمس) سيتم تعطيل الدراسه بكل مراحلها من يوم 18\12 ولمدة اسبوعين حتى بدايه السنه الجديده..

يارب تكون سنة خير وسعاده وحب لكل العراقين
وكل عاااااااااااااااااااام وانتم باااااااااااااااااااااالف خير

وانتي بالف الف خير والله يعطيج على كد نيتج...

بس تره اني من يمي بردت كلش...   بس كوليلي اشكد اكو احتمال تنزل درجة الحرارة اكثر..

وبالنسبة لدوائر الهجرة او مكاتبها اشكد تكون عطله اعياد الميلاد..

تحياتي للكل و
Merry Christmas for all IRAQ  

[اريد وطن]

اخت كندا

انشاء الله تكوني باحسن حال عمي شنو من هسه بدا البرد يعني واحد من هسى كاعد يم الصوبه وكستانه ويا

كليلي اكو يمكم كستانه تريدين اجيبلج وياي امري واني حاضر بس همه خلي يخابرون شتريدين اني حاضر

اخوج اريد وطن

[كندا]

الى اخواني الاعزاء .....
اسفه للتأخير بالرد عليكم بسبب انشغالى بعض الشئ

اخي migrant
درجات الحراره تنخفض الى - 40 ( هاي علمود تبرد اكثر)

اما الدوائر فغير مشموله بالعطله الطويله...
عندهم عطله يوم 25 \12 وهذا يوم christmas
وعطله يوم 26\12 وهذا يوم Boxing Day
واخيرا عطلة 1\1 \2010

[كندا]

مشكور اخي اريد وطن...

انت كدها ..............

بس انريدك تجي الى كندااااااا وحتشوف كل شئ اهنا موجود والحمد لله

[زهرة القرنفل]

السلام عليكم
ممكن سؤال اختي كندا
اذا عائلة تريد تطلع عن طريق معاملة كنسية او خماسية يحتاج لمبلغ مالية انه يدزوه الى كندا حتى يكفلوهم لو مو بلازم المبلغ اريد جواب منج واسفة على الازعاج

[كندا]

اختي زهرة القرنفل

الكفاله الخماسيه هي كفاله من خمس اشخاص على الاقل موجودين في كندا لديهم املاك او رواتب عاليه في الدوله الكنديه تكفل على ضوها الشخص وعائلته وتسمى ((الكفاله الخماسيه))

اما الكفاله الكنيسيه فهيه ايداع مبلغ في الكنيسه من قبل شخص او محامي.. حتى تكفل الكنيسه بدورها الشخص وعائلته ((وتسمى الكفاله الكنيسيه))

اذا كان لديك معارف واقارب اكيد سيدفعون مبالغ لاتمام العمليه في الحالتين ...وهذا يعتمد على تفاهمك معهم..
اتمنى قد تكون وصلت الفكره....

[زهرة القرنفل]

شكرا على المعلومات والله يبارك بيج

[sarmdco]

شكرا على هذا الموضوع الحلو والي اكو هوايا يحتاجو ويمكن اني واحد من الناس الي محتاج مساعدة  وهية اني جديد بكندا  وماعندي احد اهنا بس كرايب ومن بعيد وساكنين كندا اونتاريو ماركهام  هسة اني اريد اخذ شقة وماعرف شون اخذ واريدها يا بماركهام يا بمنطقة قريبة لنو سجلت اخويا واختي بل مدرسة ماكدر اروح لمكان بعيد  اريد مساعدتكم بارسالي اي موقع اكدر ادور بي او اي وسيلة واني كلش مشكور الكم وهذاا شي كلش عظيم




وشكرا

[كندا]

اخي Sarmdco

اهلا وسهلا بك في كندااااااااا

قبل فتره اعطيت ارقام لبعض المنظمات التى تساعد الاجئين والمهاجرين الجدد في كندا .....
يمكنك الاتصال بهم لمساعتك في ايجاد السكن وخاصتا اذا حددت لهم المنطقه...
والتسجيل في هذه المنظمات ايضا يمنحك مساعدات غذائيه ...

اتمنى ان تتصل بهم وتخبرنا بالتفاصبل ...للفائده
ونحن بالانتظار....

الارقام موجوده في نفس الصفحه...

[زهرة القرنفل]

اختي كندا ولو ضوجتج بس اريد اعرف الكفالة الكنسية حتى لو كان شخص عادي يسكن من زمان بكندا ممكن انه يقوم بهذه العملية او لازم يكون شخص من الحكومة او محامي فقط

[كندا]

اختي زهرة القرنفل

يوجد بعض الكنائس التي تقوم بهذه العمليه بعد ايداع مبلغ من المال من قبل الشخص  الموجود في كندا بغض النظر اذا كان محامي او شخص اخر

بعدها تقوم الكنيسه في كندا بضمان الشخص الراغب في اللجوء لدى المنظمات ومنها( اليو ان) و (اي او ام)

[اريد وطن]

اخت كندا العزيزه

شلون استعدادج على قدوم السنه الجديده

انشاء الله تحقيق الاماني والسعاده خلال العام القادم واتمنى لكي الراحه والاستقرار على قدوم العام الجديد 2010 او هجريه 1431

مع اطيب التحيه من اخوج

اريد وطن

[كندا]

تحيه الى الاخ اريد وطن....

اولا اهنئ كل المسلمين بحلول السنه الهجريه الجديده 1431 ...
متمنيه ان يعم الأمن والسلام على عراقنا الحبيب الغالي...

والشئ الجميل ان تتزامن مع اعياد الكرسمس والسنه الميلاديه الجديده 2010...
داعيه الله ان يريح العراقين في الداخل والخارج ويحقق الاماني بأذنه تعالى...


كل عاااااااااااااااااااااااااام  وانتم بالف ااااااااااااااااااااااااااااالف خير

اختكم كنداااااااا

[عراقية مغتربة]

اللهم امين
يااختنا كندا
كل عام وانتم بخير
اعاده الله علينا باليمن والبركات

[كندا]

اخواني هذه العطل الرسميه للمؤسسات الحكوميه في كندا
اتمنى ان يستفاد منها الاخوان القادمين الجدد الى كندا


CANADA  PUBLIC  HOLIDAY
\\\\\\\\\\\\\\\\\\\\\\\\\\\\\\\\\
Jan 1 New Year's Day

Fab 14 valentine's Day

Fab 15 Family Day

Apr 2 Good Friday

Apr 4 Easter

Apr 5 Easter Monday

May 10 Mother's Day

May 24 Victoria Day

Jun 20 Father's Day

July 1 Canada Day

Aug 2 Civic Holiday

Sep 6 Labor Day

Oct 11 Thanksgiving

Oct 31 Helloween

Nov 11 Remberance Day

Dec 25 Christmas Day

Dec 26 Boxing Day 


اختكم كندااااااااااااااااا

[اريد وطن]

مشكور اختنى العزيزه

كل عام وانت بالف خير ويارب يجعلها سنه محبه وخير للجميع


      مشكوره خيه على تفاصيل العطل ويارب يخابرون ونخلص لانه الواحد خلصت روحه من الانتضار وشلعون قلبنه جماعتج الكنديين

اكليلي هاي هناك نفس الشي يشلعون قلب الواحد بالمعاملات عمي بس اروح نشوفلهم درب نورقلهم نعلمهم على التوريق تعرفين اهلنا العراقيين وين ميروحون يورقون والى ماعنده يورق بيده والله كريم



اخوج اريد الوطن

[كندا]

الى الاخ اريد وطن....

تفائل بالخير تجده بأذن الله....
انا واثقه ان العام الجديد سيكون به فرج لكثير من الاخوان ...وانت اولهم
كول يارب...

((لو جانت الشغله بالفلوس جان دبرناها بس الجماعه اهنا ممشمولين بهذي السالفه...الظاهر
الشغله محصوره بس بدولنا ))

[اريد وطن]

فقط للترفيع


مشكوره اخت كندا واكيد دائما نقول يارب يارب يفرجه للجميع



             اررررررررررررررررررررررررررررررررررررررريد ووووووووووووووووووووووووووووووووووووطن
-----------------------------------------------------------------------------------------------------------------------------------

[كندا]

الى كل الاخوه الاعزاء المتواجدين في كندا....

عبسي و الغريب التائه وغيرهم....

سيفتح الاضراب لأجازات السوق في مقاطعة اونتاريو حصرا يوم 5\1\2010

والمهم في الأمر ان الاعداد كبيره جدا ويجب اخذ موعد لأجل اتمام الأجراءات خاصتا نحن الان في عطله.......

وقد اتيت لكم بموقع يمكنكم من خلاله اخذ مواعيد عن طريق النت ((وهذا للي حاصل على اجازة G1))
 
                                       
                        ((      ETBO.RUS.MTO.GOV.ON.CO   ))
                                                                         

اتمنى للجميع التوفيق في الحصول على اجازة السوق....

[اينشتاين العراقي]

السلام عليكم
وكل عام انت بخير اخت كندا وكل العراقيين انشالله بخير وصحه وسلامه
وبس حبيت اسالج سؤال بسيط
اني انشالله راح اجي من عمان لكندا ومنتضر بس موعد الطياره فاني حاب اشتري بلي ستيشن 3 لان الظاهر الكعده بالبيت مطوله بكندا ههههههههه وسعره بالاردن 350- دينار اردني فما اعرف انت تنصحيني اشتري من الأردن لو بكندا ارخص اذا تعرفين يا ريت تجاوبيني الله يجزيج الخير
والشغله الثانيه هم شغله الاب توب اريد اشتري لابتوب مرتب شويه وطبعا هنا اسعارهن بحدود ال450 دينار اردني تقريبا يعني (700)دولار فشتنصحيني هم اخذ من عمان لو من كندا؟؟؟
ومشكوره اختي العزيزه وتقبلي تحياتي
اخوج اينشتاين

[كندا]

اخي اينيشتاين العراقي

انا سعيده بسماعي مثل هذا الخبر ويارب تصل الى كندا وتحقق كل احلامك...

اخي ... البلي ستيشن 3 هنا في كندا بسعر 300 دولار كندي
اما اسعار اللابتوب فتتراوح من 250 الى 1500 دولار كندي وحسب المواصفات...
هذه  الاسعار وانت تستطيع المقارنه..

علما ان الدولار الكندي اقل سعرا من الدولار الامريكي بقليل ((للمقارنه))

[اينشتاين العراقي]

مشكوره اختي على الجواب السريع والوافي
لعد اذا هيج معناته الفرق كبير بين السعر بكندا والأردن هاي طبعا غير المحوله الي هنا سعرهه 30دينار اذا نوعيه جيده وغير الوزن فخلينه نشتري من كندا احسن
لعد انشالله بس اشتري لاب توب منا لان عدنا كرفور مسوي عروض كلش حلوه ومواصفات عاليه
ومشكوره اختي على اجاباتج الحلوه والمفيده لكل الأعضاء
وكل عام وانت بخير مره ثانيه
وتقبلي تحياتي



 اخوج اينشتاين

[اريد وطن]

الى اخونا انشتاين

بعد التحيه طبعن بعد اذن اختي كندا

خلي بالك شغله خويه عند شراء لابتوب من عمان وبالاخص كارفور الي مسوي عروض حتى لو تاخذ واحد اغله شويه بس اخذ ويا كفاله دوليه اني اشتريت توشيبا من كارفور ويطوك ويا كارت تودي للوكيل ودخل السيريل نمبر وتكدر انته سويها على الموقع ويطوك تمديد كفاله 2 سنه وطبعن هذه كفاله من شركه توشيبا فعند الشراء خليها بالك لانها مهمه جدا كفاله دوليه تفيد ومتخصر شي

شنو تو قعاتك ممكن يحجون ويانا ب 1/2010 لو متتوقع هذا الشي يعني بلكت بعد هاي عطله الاعياد يحنون علينا ويخابرون كول يارب

اريد وطن

[اينشتاين العراقي]

تسلم اخويه (اريد وطن ) على التنبيه
وبالنسبه للأتصال اني برأيي اما نهايه الواحد يكون اتصالهم واما بدايه الثاني
وبعد كلشي يم ربك
وانشالله الله يفرجهه على الجميع



اخوك اينشتاين

[كندا]

                               يارب نسمع بموعد قريب للسفر للاخ اريد وطن

                     
                      اكيد كل كندا تطلع تستقبله......................(((بالمزيقه)))

                                             

                                   كولوووووووو  اااااااااااااااااااااامين
                 
                                                له

                                            ولكل المنتظرين

[اينشتاين العراقي]

امين انشالله يسافر ويستقر اخويه الورد(اريد وطن)
والله شاهد اذا خيروني منو يسافر قبل اني لو هو اختاره واكوللهم استعجلوا
خطيه الرجال يريد وطن
واكلج اختي كندا ولو ضوجتج بالاسئله بس متعرفين هل ممكن انو اول ما اجي اشتغل مترجم عربي انكليزي للوافدين علما اني خريج لغه عربيه
ولغتي الانكليزيه جيده جدا
بس هل يقبلون ان يوضفون بوزاره الهجره والاجئين الي جايين جدد؟؟
واذا ممكن شلون اليه التقديم
ومشكوره اختي

[اينشتاين العراقي]

وطبعا نسيت هم اسألج هل هنلك مدارس تدرس اللغه العربيه في كندا؟؟
وهل يحتاجون مدرسين لغه عربيه
ويا ريت اذا تعرفين شنيه المؤهلات المطلوبه؟؟
وتقبلي تحياتي

[adelalobidi]

مرحبا اختي العزيزه كند لهذا التواصل الفعال والمساعده التي تقدمينها لذللك انا عندي مشكله وطرحتها على المنتدى امس وبحاجه ماسه لخبرتك كونك انكي تعيشي في كندا وتعرفين قوانينها
انا في حيرة في امري كون اني في امريكا منذ اربعه اشهر ولدي طفلان ام موضوعي فهو ان والدي الطاعن في السن هو في كندا وهو لاجى وصل الى كندا منذ سنه وعمل اكثر من عمليه في القلب هناك وحالته سيئه ومحتاج عنايه ولديه 3 من اخواني الغير بالغين 0 سؤالي هو هل استطيع ان انقل ملفي مع ضمان حصولي على كامل الحقوق كلاجى واخذ با الاعتبار حالت والدي الانسانيه00اونقل ملفه الي ارجو مساعدتي في هذا الامر لانه وضع انساني ولكي جزيل الشكر اخوكي ابو مهند

[كندا]

اخي اينشتاين العراقي
انا اعرف ان هناك مدارس اسلاميه تدرس في الاساس اللغه الانكليزيه اضافتا الى ماده القران
التي هيه في الاساس بالغه العربيه...
اما ان تكون مدارس عربيه صرف لم اسمع بها لحد الان....

وحتى اذا احتاجوا مدرسين عرب ....يجب ان يجيد الانكليزيه وبطلاقه....

[كندا]

مشكور اخي ابو مهند على الاطراء الجميل...

انا اعرف ان السفر بين امريكا وكندا سهل جدا وليس به تعقيدات وخاصتا بين حاملي الجنسيتين ....
ولكن كونك لاجئ ...والوالد ايضا....فلا علم لي بالتفاصيل ...

نصيحتي ان تسأل محامي عربي في امريكا له خبره في هذا المجال..



والى كل الاخوان في منتدانا الجميل .......ارجوا مساعدة الاخ ابو مهند اذا كان بالامكان



اختكم كندااااااااااااا

[كندا]

اخي اينيشاين العراقي
عذرا لم ارى رسالتك الاولى.....

اخي...
من الشروط للتعين في دوائر الدوله الكنديه وخاصتا اذا كانت حساسه مثل البنوك او دائرة الهجره...
ان يكون المتقدم يتقن اللغه الانكليزيه والفرنسيه....
وانت وان كنت تجيد اللغه الانكليزيه ستجد هناك اختلاف كبير في النطق واللفظ للكلمات ...
ولذلك جميع المهاجرين واللاجئين يدخلون المدارس لمدة سنه تقريبا ...

[اريد وطن]

مشكوره اختنى العزيزه على مساهمتج بستقبالنا ودعائج

واخويه انشتاين شاكر مشاعرك بس خويه ماقبل اسافر ال وياك ان شاء الله بطياره وحده يعني هم انجليزيتك زينه ما شاء الله وتريديني اروح وحدي لاخويه محزرت بعدين شلون اذا ردت شغله اكل بالمطار بالطياره غير انتى ترجمنه شويه


    اخونا ابو مهند اعذرني ليس عندي اي علم بموضوعك واتمنى اكدر اساعدك وان شاء الله ربنا يقرب شملكم جميعا والصحه والعافيه لوالدك وبارك لله بيك

اخوكم اريد وطن

[اينشتاين العراقي]

مشكوره اخت كندا على اجابتج السريعه والوافيه
وخويه اريد وطن انت بس دخلي نسافر ووداعت مو بس اترجملك
الا اجيبلك مترجمه كنديه تخبل مرافقه الك هههههههههههه
وانشالله نكون اني وانت بطياره وحده ونتعارف بالطياره
وتقبل تحياتي
اخوكم اينشتاين

[كندا]

قرات في المنتدى موضوع الاخت اسود....
وكان حول القرض الذي يأخذه الطالب من الحكومه الكنديه لأكمال الدراسه الجامعيه...
وتطرقت فيه الى ان الحكومه بسبب الازمه الماليه ستلغي هذا القرض !!!!!

اخواني...
كندا من الدول التي لم تتأثر كثيرا بالأزمه الماليه..وهذا اولا
كندا من الدول التي تشجع التعليم وتقدم له وسائل متطوره وعديده...وهذا ثانيا
وقبل ايام كتبت الصحف عن برنامج _OSAP_ لمقاطعة اونتاريو((Ontario Student Assisstance Program))يقدم القرض للطلاب ويتضمن  حتى اجر التنقل والأكل ..وهذا ثالثا
والشئ المهم ان كل مقاطعه لها حكومه محليه تختلف عن الاخرى في كثير من الانظمه...وهذا رابعا

واخيرا ...
كتبت هذا الموضوع للتوضيح ...
مع احترامي لرأي الاخت اسود ولتعم الفائده للجميع...

اختكم كنداااااا

[اريد وطن]

اخت كندا

اني قريت موضوع الاخت اسود يمعودين شويه شويه علينا شنو القصه يعني وكفوا هذا القرض لو لا

اني متاكد حيحجون وياي ويستعجلون جيتي مبينه حظي واعرفه حفكرهم عمي بطل ماريد اجي يابه بطلنا

اخت كندا بس فهمينه شنو الموضوع يعني الازمه الماليه هسه وصلت لكندا اني حسب معلوماتي كندا لم تتاثر بالازمه والدليل اسعار العقارات عدهم لم تتاثر مثل امريكا نعم الازمه العالميه اثرت بس اكو دول لم تاثر بها بشكل محسوس والشركات كامت طلع الموضفين او فلسه الشركات

من كلام حول القرض هل يعني هذا يوثر على راتب الاجى يعني ممكن الاجىء ميطوا راتب او يقلصون المساعدات

واني اليعرفه هذا القرض يطوا بعد سنه من وصول الاجء يعني ميفيدنا لازم مجتاز اللغه وامتحان وبعده نفكر بهيج موضوع صح لو لا .

اخوج اريد وطن - وشكلها انلاصت عمي ماريد يتصلون ولااريد اجي ( بس اشاقه مو صدكون )

[azxs]

ممكن تقولو  لي كيف اخلي صوره مثلكم

[كندا]

اخويه اريد وطن ....
على كولت اخوانا المصرين((خلي بطنك بطيخه صيفي))
رواتب اللاجئين لن تتأثر بل على العكس زادت بنسبة  25% من بدايه العام الجديد 2010
وكما اوضحت سابقا ان كندا لن تتأثر بالازمه الماليه ...
ويارب لن تتأثر ... ((لخاطر اخونا اريد وطن))

[اريد وطن]

اختي كندا الف شكر

اختي العزيزه اني مخايف من المساعدات تقل او اي شيء تدرين ليش عندي ثقه قويه واكيده بوجود رب قدير هو احسن الكل وماينسه عبده واكيد هم اكو ناس خيرين مثل امثالج ميقصرون من اي باب لمساعده او نصيحه لاهلها واخوانها  لا بس لاتخجلين ولا اجاملج هاي حقيقه اختي

انتي بس ادعي بدايه السنه الله يهديهم ويحجون ويخلصونه من الانتظار بس اكيد شكاتبه رب العباد هو الاحسن

ويارب سنه سعيد وخير لعام 2010 وتكون بيها الفرج لجميع اهلنا بالعراق وخارج العراق

اريد وطن

[Iraqibird]

السلام عليكم اخواني اخواتي الاعزاء   ارجو من لدية اي معلومة حول العمل كطبيب في كندا واذا تعرفون اطباء عراقيين يزاولون المهنه اكون ممنون لكم

[albably_86]

 اخي العزيز حلي مثل حالتك اقسم بالله اني هم دا اريد اروح بس ماعندي اي معلومات اكدر اوصلها فاذا اريد هذا ايميلي للتعارف من بعد اذن الرابطه وشكرا

[كندا]

تحيه الى الاخوه
albably
Iraqibird
فرحانه بتعارفكم عن طريق هذه الصفحه...
اخواني العمل كطبيب او اي شهاده ثانيه تخضع لأمتحان ودراسه حتى تتعادل الشهاده واعتقد لمدة سنتين.. ومن ثم يمكن العمل بها في كندا....
انا اعلم بوجود اطباء عرب وعراقين كثيرين في كندا....وطبيبي الذي يباشر علاجي هو عراقي و موجود في كندا منذ 13 سنه تقريبا ...
اي الفكره ...انك لاتستطيع ان تشتغل بأختصاصك كطبيب عند وصولك كندا مباشرتا ..

انا سأحاول معرفه التفاصيل اكثر من طبيبي وسأرد عليكم بأذن الله.....

وفقكم الله...

[عبسي]

اخي العزيز
للعمل كطبيب راح اختصرلك الموضوع جدا جدا لان بيه هواي تفرعات
تمتحن الامتحان الاول اسمه mccee حوالي 1300 دولار حتى يعترفون بشهادة الطب مالتك
تمتحن الامتحان الثانيmccq1 حوالي 950 دولار
تمتحن الامتحان الثالث mccq2 حوالي هم 1200 دولار وبيه جزء عملي
 تمتحن توفل وتطلع تقدير معين(الامتحانات الثلاثة الاخيرة للحصول على رخصة مزاولة المهنة في كندا لان الاعتراف بك كطبيب يختلف عن منحك رخصة مزاولة المهنة وطبعا حتى من ينطوك الرخصة مو يعني تفتحلك عيادة ولكن يعني انه هسة انتة موهل للتنافس للدخول الى السستم الطبي)
لازم يكون عندك الجدارية و الترانسكربت مال الدرجات و جدارية النقابة(بعض المقاطعات تطلبها)و خلاصة خدمة الاقامة الدورية(وحاليا من شبه المستحيل استخراجها من العراق)
هاي المستمسكات مو شرط مصدقة لان همة راح يراسلون جهات الاصدار للتاكد منها

بعدين تبدي تقدم على الولايات كل ولاية متطلباتها شوية تختلف عن الاخرى ويا تقدم على انه تكون طبيب عائلة او تقدم على برنامج اختصاص وانتة وشطارتك ودرجات امتحاناتك والمنافسة

هذا مختصر وهناك تفاصيل كثيرة

عبسي

[adelalobidi]

اخي العزيز اريد وطن تحياتي اليك0000000000

وتقديري الكبير لشخصك الطيب ولهتمامك بموضوعي وردك عن سؤالي000وعسا الله يجعل بعد العس يسرا دمت خيرا لهذا المنتدى 00بمساعدت اخوانك ولك كل الحب    اخوك ابو مهند


                                                                 

[كندا]

مشكور اخ عبسي...
معلومات حلوه ومفيده واتمنى ان يكون الاخوان قد استفادوا منها

تحياتي كندااااااااا

[اينشتاين العراقي]

للرفع لاهميه وفائده الموضوع
ومشكوره اخت كندا على تواصلج ويانه على طول وانشالله نجازيج بالافراح
وتقبلي تحياتي
اخوج اينشتاين

[كندا]

شكرا اخ اينشتاين العراقي...
لأهتمامك برفع الموضوع....
والحقيقه انا كنت متوعكه بعض الشئ..لهذا تركت الصفحه ليومين تقريبا...
شكرا مره ثانيه لتواصلك...
 

[كندا]

بشرى الى الاخ عبسي وكل المنتظرين في اونتاريو....

اليوم فتح السترايك الخاص بأجازه السوق....

متمنيه للجميع اجتياز الامتحان بكل يسر وسهوله...

ومن الله التوفيق......

[عبسي]

شكراااااااااااا جزيلاااااااااااااااا اختنا العزيزة كندا
امتحاني العملي يوم الجمعة القادم ويكولك الانواء الجوية سودة مصخمة ان شاء الله تعدي على خير

عبسي

[احمد الغريب]

الحمد لله على السلامة اخت كندا والله مكانج مبين والصفحة خالية بس الاخ اريد وطن والاخ انشتاين بالرعم من الاخوة يحاولون ان يحركون صفحة كندا ولكن ماكو مشاركة من بقية الاخوة المتحولين الى كندا ومع الاسف. ومرة اخرى اقول لك الف سلامة ان شاء الله . أخوك احمد الغريب من مصر










hg

[lenatelecom]

الحمد لله على سلامتك ان شاءالله صحة وعافية
وامنياتي لك بالموفقية

[كندا]

شكرا للاخ lenatelecom
والاخ احمد الغريب
والصحه للجميع يارب....هذا من اصلكم


وانا بدوري اضم صوتي الى الاخ احمد الغريب واطلب من الجميع المشاركه في هذه الصفحه للفائده.....
لانها نشأت لخدمة اعضاء المنتدى ......

انا بأنتظار اسألتكم ومشاركاتكم....

ملاحظه\\
الى كل الاخوه القدامى المشاركين في الصفحه ارجوا التواصل للاطمئنان عن احوالكم ......

اختكم كندااااااااا

[كندا]

الى الاخ عبسي مع التحيه ....

اليوم امتحن شخص صديق للعائله في منطقة مسساكا ...وكان امتحانه الاول على G2 واجتازه بتفوق بعد ان تخوف كثيرا بسبب الاشاعات...التي طالت الموضوع كون الشخص لم ينجح من المرحله الاولى...
توكل على الله ....ونحن بأنتظار البشاره


((يكلك الاستاف كله مغيريه وره الاضراب))

[الفريدو]

اشكر اختي العزيزه كندا لهذا الموضوع الذي كنا نفتقر  مثل  هكذا موضوع

وانا بدوري احب ان اشارك الاخوه الذين ينتظرون السفر وانا جاهز لاي سؤال عن ولاية البرتا مقاطعة كالكيري

شكر خاص لصاحبة الموضوع
شكر الى الاخوه الذين ساهمو في نجاح هذا الموضوع  




اخوكم : الفريدو

[كندا]

مشكور اخي الفريدو,,,
والحمد لله على سلامة الوصول الى كندا...
اتمنى لك التوفيق وتحقيق الاماني يارب...

وعرضك المساعده لم يكن غريب عنك ....
فيد العون تمدها دوما لاخوانك في المنتدى...

بارك الله فيك...وبمن حذا حذوك....

اختك كنداااااااا

[اريد وطن]

اختي كندا
اخواني غريب  انشتاين وكل اهلي عبسي والفريدو ( خويه عبسي يارب تجتاز اختبار السياقه والنا الحلاواني على كولت الاردنيين)

حسب ماكتبت موضوع امل جديد لجماعه كندا من اريد وطن )

امس الساعه 3.30 يوم الاربعاء بتوقيت عمان اتصلو بيه من سوريا طبعا طلع رقم 00963 وكالت احنه من السفاره وسئالت بعض الاسئله عن سبب اختلاف الاسم من الجواز القديم والجواز الحالي ومن الك في كندا واطيتهم تلفون اهلي في تورنتو  وقالت انتظر تلفون من عدنا ملفك حاليا عند القنصل وبعدها مرور 4 ساعات اجاني تلفون من اهلي كالو حجو وياهم وكالولهم اريد وطن اخوج كالولهم نعم كالو خلال 2 شهر سوف يكون عدكم ان شاء الله

اخوان بدو الجماعه يتحركون واكو اتصالات واني اعلم ليس الكل مشترك في المنتدى لكي نعرف اخر اخبار مثل جماعه امريكا اتمنى من جميع جماعه كندا يدخلون في هذه الصفحه وان اشاء الله في هذه الصفحه نكتب جميعا لكي عدم تشتت الموضوع ونعتبر صفحه اختنى كندا صفحه رئسيسه لجماعه كندا شامله الداخل والخارج

اخوكم وطني كندا / عمان - اريد وطن سابقا

[عراقية مغتربة]

الف الحمدلله على سلامتك اخونة الفريدو
والله بردت قلبنة بشرحك الجميل وانطيتنة امل
وارتاحينة نفسيا لان العالم المنتظرة هنا محتاجة هيج كلام
يبشرهة بخير
اني من المحولين لكندا صارلي 3اشهر انتظر ردهم
ياريت يااخوية تحجيلنة على مقاطعةكاليكري  الي انتة بيهة
وشكد درجة الحرارة هسة عدكم
لان اني مااعرف اذا سألوني وين اتريد اتروح شكتب
شنو رايك بهاي المقاطعة
الله يوفقك ويرزقك ويفتحها بوجهك ياااارب على مواصلتك وية اخوانك الي بعدهم منتظرين
اخوك
ابو محمد
 عمان

[عراق العراقي]

الشكر لك والدعاء لله باستجابه حاجاتك مثلما تجيبين بكل حب وموده على اسئلة اخوانك العرقيين
اختي انا مقيم بالسويد وبانتظار الجنسيه بعد عده اشهر وسؤالي هل يمكنني العيش والعمل بكندا بجنسيتي السويديه القادمه  للعلم انا املك مبلغا يقارب الخمسين الف دولار فهل هذا يساعدني في فتح مشروع صغير بكندا وهل ممكن ان اقدم على طلب اللجؤء او الاقامه بعد وصولي الى كندا وبمساعده محامي مثلا ولو فرضنا ذلك ممكن  فهل يمكن ان ترافقني زوجتي التي لديها فقط الاقامه على الجواز العراقي

[اينشتاين العراقي]

السلام عليكم اخوان
اليوم اتصل عليه احد الاخوان وبلغني بوجود عائله ثانيه تم الاتصال بهم من جماعه شهر التاسع
وانشالله الفرج القريب لكل الاخوان الي بالاردن والي خارج الاردن وانشالله سفر الكل قريب
وتقبلو تحياتي
اخوك اينشتاين

[الكاظمي]

[/siz

  اختي العزيزه كندا

  تحية طيبه وشكرا للجهود المبذوله وبارك اله فيكم وبالتوفيق للجميع
  انني اكتب اول مره وسررت كثيرا بهذا المنتدى الرائع ز
  اختي العزيزه ارجوا ان تجاوبيني على سؤال دقيق وهو ماهو الفرق بلامتيازات بين الهجره واللجؤ علما انني امقدم على الهجره منذسنة 2006 شهر ال 11

        مع فائق الاحترام والتقدير

[كندا]

اااااااااااالف مبروك اخ اريد وطن ....

ابارك لك مره ثانيه ...واقول لك ان الفرج قريب ....هااااااانت

 ((خليك يم التلفون لاتفاركه ولا لحظه)) لان باي وقت تتوقع اتصال لتسليم الجوازات.....

بس هذه المره انريد تبشرنا اول الناس......

[كندا]

الى الاخ عراق العراقي.....

 حين استلام الجنسيه ستكون سويدي وتحصل على فيزه من بلدك السويد حتى تأتي الى كندا للعمل او السياحه ..
بعدها يمكنك طلب اللجوء اذا سمحت دائره الهجره بذلك...ومن ثم تستطع ان تأتي بزوجتك وطفلك 

[كندا]

الى الاخ اينيشتاين العراقي....

بأذن الله ستكون انت من ضمن العوائل التي يتصلون عليها خلال هذه الفتره....
وتبشرنا مثل اخونا اريد وطن  ((وتكون انت العائله الثالثه))

                     ياااااااااااااااااااااااااارب

[عراق العراقي]

الاخت كندا  اشكر تجاوبك وارجو ان لااكون ازعجك باني لم افهم  معنى ( اذا سمحت دائره الهجره بذلك) لان سؤالي هل مسموح لمثل حالتي بعد الحصول على الجنسيه التقديم على اقامه عمل في كندا  انا بعد حصولي على الجنسيه السويديه ممكن ان اسافر الى كندا بدون الحاجه الى فيزا واكررسؤالى  لو اني حصلت على الجنسيه وسافرت لكندا هل ممكن التقديم على الهجره هناك وهل ممكن ان احصل على اقامه عمل يعني بالملخص ماهي الطريقه المناسبه للبقاء في كندا لمثل حالتي واكرر شكري لك وارجو تتحملي ازعاجي لك بسعه صدرك مع التقدير والامتنان

[كندا]

الى الاخ الكاظمي...
الفرق ........
ان الهجره تعتمد على بعض النقاط التي تؤهل مقدمها للحصول على هذه الهجره الى البلد المعني...
اذا حصلت الموافقه على الهجره ...ستدفع اجور الطيران على حسابك دون مساعده احد ....لاتلتزم الدوله بدفع اي راتب الى المهاجر ...فقط الاقامه في البلد مع الزام المهاجر بالعمل

اللجوء سيكون عن طريق بعض المنظمات التي لها اتفاقيات مع بعض الدول حتى تسمح لدخول اللجئ
 هذه المنظمات تساعده في دفع اجور الطيران واجور الفحوصات الطبيه لحين وصوله الى البلد المعني بعدها تأخذ منه على شكل اقساط...
اما الدوله فتعطيه الاقامه والتأمين الصحي والراتب لمده سنه الى حين اشتغاله .....

[كندا]

اخي عراق العراقي...
انا اتمنى ان اساعد الجميع على قدر معرفتي البسيطه ...
ليس لي علم بالتفاصيل لان لكل جنسيه تدخل كندا لها تعامل خاص بها من خلال دائرة الهجره الموجوده في المطار تحديدا قبل الدخول الى كندا.....

بعض الاخوه من البلدان العربيه وليس العراق قاموا بطلب اللجوء حين دخولهم المطار وقد احتجزوا به لمده اسبوعين حتى حضور المحامي ورفع طلبهم الى دائرة الهجرة المركزيه...
بعدها ينظر من خلال المعلومات الاستخباراتيه ان كان الشخص مرغوب فيه ام لا لدخول كندا ويعتبر لاجئ
والحمد لله هم الان في كندا  منذ اكثر من سنه...

[الكاظمي]

شكرا على الاجابه ولكن سؤالي هو هل يعطى للمهاجر امتيازات التامين الصحي والمساعدات اذا لم يحصل على عمل اي انه كيف يعيش المهاجر خصوصا مثل حالتي حيث لدي ثلاثة اولاد مع العلم ان وزوجتي مهندسين 
    ارجو ان امكن ان تعطيني تفاصيل اكثر ياختنا العزيزه وعذرا لكثرة السؤال
       مع كل التقدير والاحترام

[جنانو]

السلام عليكم
اخوان مشكورين علة جهودكم بمساعدتنة تلكوهة بميزان حسناتكمان شاء الله

اخواني اني عدي مشكلة انه جواز زوجتي ضايع وياهة الاطفال وكتلهم للسفارة الكندية عند مقابلتي انه ضاع وعادي اطونة اوراق الفحص وفحصنة وكالت انه حاولو تحصلون واحد من السفارة العراقية واذا مطوكم نطيكم كارت تسافرون بيه لكندا والسفارة العراقية متطي بدل فاقد تكول روحوا للعراق جيبوا جواز احنة نطي ورقة تسهيل عودةللعراق فقط هاي صلاحياتنة والصراحة الجماعة الي بالمنتدى نصحوني انه نجيب من بغداد جواز بس مو اخاف اذا دزيت علة جواز اصدار بغداد واني ممغادر سوريا السفارةالكندية تشكك بمصداقيتة واخاف يجي الاسم مختلف وتنلاص اموراتنة فهسة شسوي اروح للسفارة الكندية واكللهم انه السفارة العراقية متطيني جواز وشكد هذة الاجراء راح ياخرني للعلم اني فاحص ب18-12-2009واسف اذا طولت عليكم ودوختكم

[اينشتاين العراقي]

السلام عليكم
وبالنسبه للاخ جناتو طبعا من رخصه الأخت كندا اني راح اجاوب عليك
طبعا بالنسبه للجواز العراقي كله يكتب علي الأصدار من بغداد حتى لو مطلعه من غير دوله
هاي شغله والشغله الثانيه نصيحه الك لا تروح لبغداد لان بس توصل ويعرفون بيك كندا تتعرقل شغلتك
واذا طلعت جواز من العراق وكدرت تدزه خير على خير واذا مكدرت روح للسفاره واوصفلهم حالتك
وهمه يبغوكبالأجراء الي ينتضرك
بس بكل الأحوال شغلتك راح تتأخر شويه فاصر وان اله مع الصابرين
واي استفسار اني حاضر
اخوك اينشتاين

[كندا]

الى الاخ الكاظمي .....
اسفه عن التاخير بالرد...

عند وصول المهاجر لايقدم له اي شئ ...
ولكن بعد مرور ثلاث اشهر يشمل بالضمان الصحي له ولكل افراد العائله ((اذا كانت الهجره شرعيه طبعا))
وبعد ستة اشهر ياخذ راتب من منظمه تسمى ( اللولفر) اذا كان ليس لديه عمل بعد ...
اما الاولاد يستمر اعطائهم الرواتب....
وللعلم هنا رواتب الاولاد تدخل في حساب الام وليس الاب....

وخلال هذه الفتره يعتمد المهاجر غلى امواله الشخصيه  لحين ترتييب عمل معين له...

[كندا]

الى الاخ جنانو...

اخي اذا حصلت على موافقه من السفاره الكنديه بأعطائك ورقه رسميه يمكنك الوصول بها الى كندا فهذا هو الحل الأمثل...
وخاصتا اذا اصريت ان رجوعك الى العراق به خطر لك ولعائلتك...
وانا واثقه ان الورقه هذه تعمل عملها...
لان اقربائي عند وصولها عن طريق اليو ان التقت في مطار ايطاليا((الترانسيت))بأمرأه لحالها تحمل ورقه وليس جواز ..وقد سألتها فردت !!!
جوازي ضاع ولذلك اعطوني هذه الورقه...
وعند الوصول الى مطار كندا..... تذكر قريبتي انها عوملت بكل سهوله وشفافيه وتم اعطائها اقامه على هذه الورقه....

اخي انا انقل لك الصوره بكل صدق حتى يطمئن قلبك وتتوكل على الله...


شكر الى الاخ اينشتاين للمساعده وتوضيح الامر للاخ جنانو

[كندا]

الى الاخ عبسي....

ابشر......

شنو اخبار اجازة السوق والامتحان .....يارب يكون خير...

قلوبنا معك....ننتظر البشاره

[عبسي]

تسلمين اختي كندا على السوال
الحمد لله نجحت وراح انزل التفاصيل قريبا

عبسي

[الكاظمي]

 
   الاخت كندا مع كل الاحترام والتقدير  .
   
   اولا شكرا على الاجابه وثانيا لك كل العذر في الاجابه في اي وقت لاانشغالك باخواننا الاخرين.
 

[كندا]

                               مبروك وااااااااااااااااااااااااااااااااالف مبروك


                                        اخ عبسي ...ويارب دائما


                                              ناااااااااااااااجح

[الكاظمي]

 الاخت كندا مع التقدير
  ولو اتعبناك بالاسئله ارجوا ان تتحملينا بعض الشى
 
  1. ماهي قيمة المساعدات للاولاد في البدايه ولحد اي عمر
  2. بالنسبة لي ولزوجتي كم هي المساعدات؟
  3. مدى فرص العمل ولو هذا يعتمد على الحظ وقدرة البحث هل من الممكن الحصول على فرصة عمل؟
  4. كم هي الفتره لمعادلة الشهاده علما انني خريج كلية الهندسه وكذلك زوجتي مهندسه ايضا ولغتي
     الانكليزيه جيده من خلال التعامل  ؟
  5. بما تنصحين في اختيار الولايه او المدينه التي تناسب عملي خاصة انا اعمل في مجال الصناعه النفطيه
      والبتروكيمياويات؟  .  اخيرا ارجوا ان تتحمليني على هذه الاسئله وكل التقدير والاحترام وجزاك الله خيرا .

[كندا]

اخي الكاظمي ....

ابشرك اولا ان اختصاصك مرغوب...والعمل سيكون موجود بعد معادله الشهاده هنا في كندا..
ومسألة شرح تفاصيل الشهاده يطول...
لانك ستخضع الى امتحانات يتأكدوا من خلالها مدى صحة الشهاده...((هل هيه من مريدي))


اما مسألة المساعدات اطمئن انهم سيعطوك ما يكفيك انت والعائله لحين ايجاد عمل..واعتقد ان (الولفر)تعطي للشخص وحده بدون عائله(سنكل)حوالي 500 الى 600 دولار كندي

اما المنطقه التي تخدمك في اعتقادي هي مقاطعة البرتا ...
صحيح ان الجو بها بارد اكثر من غيرها ...ولكن  تعد من المراكز النفطيه الصناعيه المهمه في كندا....
وهذا مايفيد اختصاصك...
وهناك ملاحظه صغيره ..ان المساعدات تكون اكثر بهذه المقاطعات من تورنتو..

[الكاظمي]

 اختي كندا ..
 شكرا جزيلا على الاجابه السريعه .
 لقد فرحت بالجواب وهذا يعطيني تشجيعا اكثر ,واود ان اعلمك انني خريج جامعة بغداد عام 1983 اي لدي من الخبره بحدود 25 سنه والحمد لله على هذا ولكن التوفيق من الله .
 على اية حال انا اشكرك مرة اخرى ولكنني طمعان في ان اعرف اكثر عن مقاطعة البرتا ولكنني لاريد ان ازاحمك واخذ من وقتك الكثير لذلك ارجوا التواصل وحسب مايسمح به وقتك  .
سؤال اخير ولو هو خارج عن ارادتك ولكن ان امكن هل استطبع ان اعرف من خلال تواجدك في كندا كم من الوقت ننتظر حتى تتصل بنا السفاره الكنديه علما انني امقدم من سنة 2006 شهر ال 11 وهم الان اتصلوا بصديق لي قبل اربعة اشهر وهو امقدم في سنت 2005\شهر 8 وبعث لهم كل البيانات المطلوبه وبانتظار الفحص الطبي انشاء الله   .
 اخيرا اكرر شكري الجزيل   .

[الفريدو]

اخي الكاظمي  اهلا وسهلا بيك ويه اخوتك بهذا المنتدى
نبذه بسيطه عن البرتا من رخصة اختنا كندا

البرتا مدينه نفطيه شتائها بارد جدا وكلها ثلوج وتصل درجات الحراره الى 40_ والرطوبه معدومه هنا واما صيفها فهو ثلاث اشهر فقط وهو مثل تموز العراق لان شمسها عموديه وقويه جدا وانا بصراحه انصحك بمقاطعة كالكري لان مميزاتها جيده جدا تعتبر احسن مقاطعه في كندا حسب علمي واما عن عملك مهندس نفطي فرواتبها جدا عاليه  واما الايجارات حسب المنطقه وحسب نوع المكان هل هو بيزمنت او شقه او بيت ولكن الاسعار جيده بعض الشيء
اتمنى ان اكون قد اعطتك شيء قد ينفعك


اخوك : الفريدو

[كندا]

مشكور اخ الفريدو على التواصل  والتعاون مع اخوانك في المنتدى من خلال هذه الصفحه....

الى الاخ الكاظمي ...
اعتقد ان الاخ الفريدو يعرف اكثر منى بمقاطعة كالكري وما فيها من مميزات لانه عايش فيها....ومن قوله انها احسن من البرتا.....وخاصتا من ناحية الجو...
وسأوافيك  بمعلومات عن مقاطعة البرتا قريبا بأذن الله...

اما المده التي تستغرق للموافقه عليك من قبل السفاره فلا علم لي بها بالتحديد ولكن معلوماتي البسيطه تقول ان معاملة الهجره تأخذ وقت اطول من معاملة اللجوء...

[الكاظمي]

الاخت كندا مع التقدير والاحترام  .
الاخ الفريدو  مع التقدير واجمل التهاني بسلامة الوصول تره خاف متدري اني متابع اخبارك من خلال الموقع بس ماعندي حجايه(كلام) وياك ولكن يسرني ان اتعرف عليك ومتمنيا لك ولكل  العراقيين الطيبين مثلك ومثل اختنا كندا التوفيق في حياتكم وربي يحفظكم ويحفظ عوائلكم  .
طبعا عذرا من اختي كندا اخي الفريدو اعرف انك الان سوف تبدأ حياتك الجديده في كالكري لذلك اتمنى لك التوفيق في هذه المدينه فارجو منك من خلال التواصل ان شاء الله وحسب مايسمح به وقتك ان تعطيني لاحقا وبمرور الايام كيف هي الحياة العامه فيها من ناحية ايجار السكن وكلفة المعيشه كبدايه عندالقدوم انشاء الله ومن ناحية المدارس علما ان لدي ولد في الصف الرابع اعدادي حاليا وبنتان الاؤلى في الثاني متوسط والثانيه في الخامس ابتدائي  .  وارجوا ان تعطيني فكره عن فرصة العمل اي عمل معقول كبدايه لحين الحصول على معادلة الشهاده تره اخوك ابن سوك ممكن اشتغل اذا توفرت الفرصه  .
 اخيرا اشكركم ياخواني الاعزاء  .

[الفريدو]

اخويه الكاظمي طبعا اني وعدتكم اني راح انزل موضوع كامل عن كالكيري وعن الحياة فيها وبصوره عامه الحياة  جميله هنا ولكن يرادلها وقت حتى تتاقلم مع المجتمع المختلف تماما عن مجتمعاتنا وبيها الشي الزين وبيها الشين واما عن الايجارات طبعا كل منطقه الها سعر ولكن بصوره عامه بالنسبه للبيزمنت غرفه واحده ومنافعها للعزابي 450$ واما للغرفه وصاله 700$ واما عن غرفتين وصاله 800$ أقل شي هذه الاسعار التقريبيه للبيزمنت واما عن البيوت تكون غاليه للقادمين جدد ومن غير شغل واما عن الشغل يحق لك العمل بقيمة 50% من الراتب الشهري الذي تستلمه واذا اشغلت اكثر ينخصم من راتبك وهمه يشجعون شخص يعمل بعد دوام المدرسه ولكن العمل قليل حاليا وبدء  بالتحسن في بداية هذه السنه واما عن الدراسه اكيد راح تدخل العائله مدرسة اللغه اولا وبعدها دوام المدارس واما عن معادلة الشهاده فهي تعتمد على الخبره قبل الشهاده لان الخبره هنا جدا ضروريه وامتحانك راح يكون مدى خبرتك في هذه المهنه واما الاعمال البدايه اكيد راح تكون منظف وهي الاغلب بعد انتهاء دوام العمل تذهب لتنظيف المكان مثلا معمل او مخبز او مول او مطعم الخ..... واما المصرف اليومي فهو ليس بكثير لانك سوف تتبظع كل اسبوع يوم واحد والاغلب يكون السبت لانه يكون عطله وذلك لتباعد الاسواق عن بعضها ... وانشالله راح  اكتب عن الحياة والتعامل مع الناس وغيرها من امور ثانويه


اخوكم : الفريدو

[عراقية مغتربة]

وامتحانك راح يكون مدى خبرتك في هذه المهنه
اخوكم : الفريدو

اخوية العزيز
اني راح ادوخك وياية بس صدك ماعدنة
غير هل الطيبين بهل منتدى يريحونة
اني عندي خبرة ممتازة في مجال محركات السيارات الامريكية
يعني من صوت المحرك اعرف شبيهة السيارة وشنو الخلل
واختصاصي فقط بهل مجال مثل الجمسي والكابرس
هل تتوقع انو اكو مجال ان الكي  شغل لو هم احتاج شهادة
واني ممنون الك

[/b]

 

[اريد وطن]

اخواني الاعزاء واهلي وبالاخص اختي كندا

اسمحيلي اجعل موضوعي في صفحتج

اليوم رحت سلمت الجوازات ب 13/1/2010 الاربعاء وكان العدد 6 كيسات طبعن الكل تورنتو متوجها وعدها كفيل من الدرجه الاولى عدا واحد كفاله خماسيه ومره وحدها والباقيين كنا عوائل يعني بس المره وحده
سلمنى الجوازات واطونا ورقه تثبيت الجوازات عدهم طبعا صوره والتوقيع كله احنى موقعين وكالو الاربعاء القادم نتصل بيهم لمعرفه وصول الفيزه من سوريا يعني كالو اول متوصل الجوازات من سوريا عليها الفيزه نتصل بيكم لترتيب الدوره وتحديد موعد السفر وجماعه ال iom  كالت احنى منتاخر ممكن بس توصل الجوازات وكامله بعدها اسبوعين وممكن اسبوع يكون السفر

بالمناسبه اكو حالات ب 10/1/2010 ماعرف شكت كذالك مسلمين جوازات بس كالو جماعه يعرف واحد سلم ب 10/1/2010

ويارب اليوم نسنع خبر  انشتاين والكاضمي ودودو والكل باشرو بالتسليم لانه جماعه  iom بقينا شويه نسلف وياها اني وعائلتين والبنيه حبابه كامت تلفت منى ومنى يعيني تريد تكول شي خطر كالت جماعه كندا حدود 30 كيس لنهايه 2 لازم نغلق ملفات ونسفر لانه جايه اعداد هوايه اكو تسيل بالمعاملات وتعجيل فيا جماع انتظرو الجاي خير ان شاء الله

اخوكم اريد وطن - وطني كندا سابقا انتضار الدوره والسفر والموضوع الاخير يكون تحديد موعد السفر والموضوع الاول يكون من كندا .

[migrant]

اخواني الاعزاء واهلي وبالاخص اختي كندا

اسمحيلي اجعل موضوعي في صفحتج

اليوم رحت سلمت الجوازات ب 13/1/2010 الاربعاء وكان العدد 6 كيسات طبعن الكل تورنتو متوجها وعدها كفيل من الدرجه الاولى عدا واحد كفاله خماسيه ومره وحدها والباقيين كنا عوائل يعني بس المره وحده
سلمنى الجوازات واطونا ورقه تثبيت الجوازات عدهم طبعا صوره والتوقيع كله احنى موقعين وكالو الاربعاء القادم نتصل بيهم لمعرفه وصول الفيزه من سوريا يعني كالو اول متوصل الجوازات من سوريا عليها الفيزه نتصل بيكم لترتيب الدوره وتحديد موعد السفر وجماعه ال iom  كالت احنى منتاخر ممكن بس توصل الجوازات وكامله بعدها اسبوعين وممكن اسبوع يكون السفر


اخوكم اريد وطن - وطني كندا سابقا انتضار الدوره والسفر والموضوع الاخير يكون تحديد موعد السفر والموضوع الاول يكون من كندا .

طبعا من رخصة اختنا العزيزة كندا ...
اخوية اريد وطن شايف كل الخير والف مبروك وان شالله شهر الخ انت بتورنتو ..
 اخوية كدرت تعرف معلومات من الشخص صاحب الكفالة الخماسية عن معاملته..اشكد طولت المعاملة مقابلته اشوكت جانت او غيرها من المعلومات و اكون شاكر الك...

[عراقية مغتربة]

ويارب اليوم نسنع خبر  انشتاين والكاضمي ودودو والكل باشرو بالتسليم لانه جماعه  iom بقينا شويه نسلف وياها اني وعائلتين والبنيه حبابه كامت تلفت منى ومنى يعيني تريد تكول شي خطر كالت جماعه كندا حدود 30 كيس لنهايه 2 لازم نغلق ملفات ونسفر لانه جايه اعداد هوايه اكو تسيل بالمعاملات وتعجيل فيا جماع انتظرو الجاي خير ان شاء الله

يااااااالله
الله يبشرك بالخير
وان شاء الله ربك يسهل امور الاخوة

[اريد وطن]

اختي العزيزه الله يبارك بيج

بالنسبه صاحب كفاله خماسيه لم اعرف اي تفاصيل عنهو وذالك الكلام عرفته كفاله عند الباب يعني احنى وكاعدين نسلم على بعض وكل واحد طالع من الدائره بس ان شاء الله اذا صار لقاء اثناء الدوره اسال عن وقت تقديم والتفاصيل التريديها

اخوكم وطني كندا - اريد وطن سابقا

[الكاظمي]

 اختنا العزيزه كندا
 تحية طيبه
 شكرا على هذه الجهود المبذوله من قبلك ومن قبل كافة الاخوان في المنتدى ودعائي الى الاخ اريد وطن(كندا استطيع القول حاليا) انشاء الله وبالتوفيق لكل المنتظرين وخاصة الاخ اينشتاين العراقي يارب نسمع منه اخبار طيبه هذه الايام وشكر خاص الى اخي الفريدو على جهوده كذلك واتمنى من الله القدير ان يحفظ كل اخواننا العراقيين الطيبين في الداخل وفي الخارج وان نبقى يدا بيد تجمعنا المحبه انشاء الله  .
   
            اخوكم الكاظمي

[كندا]

  مبروك والف مبروك لاخونا اريد وطن ...
هذه بدايه جيده لتحديد موعد السفر القريب بأذن الله....
ويااااااااااااااااااااااااااااااااااااااااااااااااااااااااااااااااااااااااااااااارب
يكون ملفات الاخوه
اينشتاين العراقي
الكاظمي
عراقيه مغتربه
دودو
جنانو
migrant
وكل المنتظرين من ضمن ال30 ملف ...كولوا امين

مبررررررررررررررررررررررك مره ثانيه اخ اريد وطن...لاتنسى الحلاوه

[كندا]

الى الاخت العراقيه المغتربه.....

حقيقتا انت دوختني....
لانك داخل بأسم مؤنث وتقول انك شاطر بميكانيكية السيارات؟؟؟
ثانيا انا اخت وليس اخ.....

اخي الخبره في هذه المجالات مطلوبه ومطلوبه جدا اكثر من الشهاده وهناك ورش عمل كثيره من هذا النوع وحتى اصحابها عرب يمكن العمل بها ان شاء الله...((بس انته اوصل ويصير خير))

[عراقية مغتربة]

الى الاخت العراقيه المغتربه.....

حقيقتا انت دوختني....
لانك داخل بأسم مؤنث وتقول انك شاطر بميكانيكية السيارات؟؟؟
ثانيا انا اخت وليس اخ.....

اخي الخبره في هذه المجالات مطلوبه ومطلوبه جدا اكثر من الشهاده وهناك ورش عمل كثيره من هذا النوع وحتى اصحابها عرب يمكن العمل بها ان شاء الله...((بس انته اوصل ويصير خير))

يابة هاي ام محمد سجلت الاول بالمنتدى
ولما شفت الاخوة والاخوات هنا
كمت اني اشارك عوضا عنها
مشكورة يااختي على المعلومات القيمة
والله يوفقج لعمل الخير

اخوج ابو محمد

[اينشتاين العراقي]

اخويه وطني كندا
الف مبرووووك على تسليم الجوازات وانشالله يوم اليحددولك موعد سفر وتستقر انشالله
وانشالله يوم السفر للجميع بهالشهر او الشهر القادم
بس كون يتصلون بينه حتى نشوفه لاخويه اريد وطن قبل لا يسافر وانت هم كللهم اريد اينشتابن حتى يترجملي بالسفره بلكت الله يحجون ويايه على تسليم الجواز
وتقبل تحياتي
اخوك اينشتابن العراقي

[كندا]

الله كريم اخي اينشتاين ....

لاتستعجل على رزقك ....وكلشى في وقته حلو.....

ويارب تكون بهذه الوجبه الى كال عليها اخونا...اريد وطن

وتبشرناااااااااااااااااااااااااااااااااااااااااااااااااااااااااااااااااااااااااااا

[احمد الغريب]

الف مبروك للاخ اريد وطن والله فرحتنا بهذا الخبر الجميل يارب تحقيق الاماني والاستقرار وادعيلنة يا اخي اني من شهر 4 بالسنة الفاتت من قابلت وليهسة محد اتصل بي . وادعوا الاخت كندا بالدعاء لنا مع بقية الاخوة والاخوات وتحياتي لها وتحياتي لك اخ اريد وطن . اخوك احمد الغريب من مصر

[كندا]

الى الاخ احمد الغريب ....

اصبر كما صبر اخونا اريد وطن وبأذن الله سيكون الخير كله ....

وانا ادعو  من كل قلبي لك ولكل الاخوان بالفرج القريب لاأني احس بمعاناتكم....

واليوم ملفات الاردن وان شاء الله غدا ملفات مصر وسوريه...وما تضيق الا تفرج....

[احمد الغريب]

شكرا لك أخت كندا لقد كنت سباقة في مساعدة الجميع من اخوانك واخواتك في هذه الصفحة الجميلة لأنك جميلة الخلق وطيبة القلب فهذه الصفحة هي لتخفيف معاناتنا التي طالت اكثر من سنة وفعلا ماضيق الا تفرج ان شاء الله . ولك كل الاحترام والتقدير يا أختي العزيزة .

[اينشتاين العراقي]

اخ احمد الغريب متضيق الا تفرج
وصدكني انو رب العالمين مينسه عباده
وانشالله انت تكون على الرحله التاليه المتوجهه الى كندا
وانشالله الأمور تبشر بخير
لان السفاره الكنديه كاعد تسرع بشغله اللجوء يعني هوايه اكو ناس متأخره ملفاتهم خلصوهه وهسه دينتضرون سفر واكو ناس جانو منسيين هسه هم انطوهم موعد مقابله
فانشالله يا خويه انت تكون من الناس الي راح تروح عن قريب لكندا
وتقبل تحياتي
اخوك اينشتاين العراقي

[اريد وطن]

اخويه احمد الغريب
قابلت وخلصت فحص الطبي ووقعت القرض
اذا هيج حاله لازم ترسل رساله الى سوريا بواسطه ايميل على موقعهم وتكتب رقم الملف لانه الملفات في عمان او سوريا اخذا القرار بيهم  حد اقصى 8 اشهر

ممكن ترجع للموقع وخويه ابشر خير ترى جماعه كاعدين يشتغلون بس همه يرادلهم صبر مو شويه هوايه بس عندما يجي دورك يشتغلون ويخلصون

بس بحاله بعدك مشعامل فحص ومش موقع على القرض كذالك ابشر خير ان شاء الله الايام القادمه يتصلون بيك للمقابله ويطوك ورقه فحص والقرض ويارب قريبا تخلص معاناتك وتسافر وتفرح وتفرحنا وياك

شوف اخونا انشتاين قابل ويانا وبعده ممتصلين بيه خلي ندعيله ونكول كلنه يارب يتصلون بيه بهذا الاسبوع يارب يارب ويفرجه علي وعلى جميع المنتظرين

اخويه انشتاين لاتقلق اكو جماعه اعرفهم قابلو ويانا وبعدهم بس مثل مكتلك ماعدهم كفيل من الدرجه الاولى يعني كفيل معنوي ويارب قريبا جدا ان شاء الله باجر تفرحنى وتكون هلاهل بالمنتدى ونفرح يارب

اخوكم وطني كندا  اريد وطن سابقا انتظار اتصال موعد الدوره واستلام موعد السفر
يعني الواحد يتعلم على الصبر
تعبي فورمات ....... وينسوك 4- 8 اشهر
مقابله وبعدها 2-6 شهر ينسوك
يتصلون اطينه رقم كفيلك وبعدين .....

وبعدها روح سلم جوازك -----   وانتظار

بعدين الدوره وموعد سفر وبعدها يمن تطلع عينك ويمكن تموت من الصبر يكلك هاي موعد السفر وابقى قلق بس اركب الطياره لاني ممصدق اكب الطياره واطلع لكندا خاصه واحد كاعد بعمان صارله 18 سنه كفاح وصبر والحمد لله 

[khalludy]

مسا الخير اخت كندا...ارجوا ان تكوني بأتم صحة وخير وعافية ..عندي سؤال واحد
انا كائن حي عراقي في سوريا لدي المواصفات التالية
ورقة لجوء من الامم المتحدة بالاضافة الى رفض التوطين للقصة منذ يناير 2009..
ولدي ابن عم في مونتريال ارجوا من شخصك الكريم افادتي بكل الطرق الممكنة لدخولي كندا للعيش فيها
سواء دراسيا او عن طريق الاسرة او ترتيب اخر...لانه وصلت عدنا هنا لي يم الله وكلش استوينا من القهر والضوجة ولا حول ولا قوة الا بالله ما اقول غير شي...وانتظر رد حلو انشالله

[احمد الغريب]

شكرا لك اخي انشتاين على كلماتك الجميلة والتي تعبر عن حبك للخير لأخوانك في المنتدى واكرر شكري لك على دعائك لي ويارب يفتحهة بوجهك ويسهل امرك ومنها السفر القريب لك ان شاء الله .
وشكرا لك اخي اريد وطن انا من المحولين على سفارة كندا من شهر 11_2008 وملأت الفورمات في شهر 2_2008 وقابلت في 13_4 _2008 ولحد الان لم يتصلوا بي لغرض اجراء الفحص الطبي فأنا يا اخي من القدامى والمنسيين وهذا قدري ولكن دعائك ودعاء الاخ انشتاين اثلج قلبي وزادني صبرا بالاضافة الى اجابات الاخت كندا الاخت العزيزة الطيبة واتمنى لكم اخواني انشتاين واريد وطن وجميع الاخوة والاخوات بالسفر القريب ان شاء الله لأنها هذه امنيتكم وامنيتي وتقبلوا تحياتي لكم . اخوكم احمد الغريب من مصر .

[كندا]

الى الاخ khalludy
الله يكون في عونك وعون امثالك من العراقين ...

في مثل حالتك يكون التقديم الى الكفاله الخماسيه او الكنيسيه اذا كان لديك قريب يمكن الاعتماد عليه....وله مده في كندا حتى يحق له الكفاله.....
 والتقديم على الدراسه يخضع لمراحل عديده من الاختبارات والامتحانات في السفاره الكنديه في سوريه... حتى تتأهل للقبول في جامعاتها.....هذا اذا حصلت على مقعد دراسي في الجامعه بعد دفع المصاريف طبعا...
اما اي شئ اخر لا انصحك به...والله يقدم الى به الخير

[جنانو]

اشكر كل الاخوان الي ردوا علة استفساراتي ومشكورة الاخت كندا لانشاءها هذا الموضوع واعذروني عالتاخير لان اني اتواصل وياكم من النت الي بشارعنة وهذة ياخذ وقت بين ما اجي واستلم ردودكم
وبالنسبة الي اني جاهز عن اي استفسار يخص كندا والتوطين من سوريا بحدود معرفتي والي مريت بيه

[هباوي]

اختي العزيزة كندا بلنسبة للكفالة الخماسية هل توجد  مؤسسات انسانية تدعمني؟ وما هي الكنائسية؟وكيف اخاطبهم؟الرجاء الرجاء الرجاء المساعدة ولك كل الموفقية

[قليمكو]

كيف الحال اريد فرد سآل انا لغتي ضعيفه بس عندي شهادة ميكانيكا سيارات وخبرة عشر سنين ينع للهجره لكندا واكون ممنون

[كندا]

الى الاخ جنانو...
اتمنى ان تخبرنا عن وضع الجورازات لك وللعائله ؟؟؟
وهل اتفقت مع السفاره الكنديه بشأنها؟؟؟
وارجو ان تتحدث للاخوان عن تجربتك مع السفاره الكنديه في سوريه .... للاستفاده
مع الشكر

[كندا]

الاخت هباوي...
سبق وان شرحت عن موضوع الكفاله الخماسيه والكفاله الكنيسيه...

الكفاله الخماسيه لاتكون من قبل منظمات اوهيئات ...ولكن عن طريق كفالة خمس اشخاص في كندا يحضون برواتب عاليه او لديهم املاك ...من خلالها يقدرون ان يكفلوا الشخص صاحب العلاقه..لان الدوله لاتدفع اي راتب له..
الكفاله الكنيسيه وهي ايداع مبلغ معين من المال لدى الكنيسه من قبل شخص في كندا ((محامي او اقرباء))وتقوم الكنيسه لما تحضاه من ثقه امام الدوله بكفاله الشخص المعني...ويكون هذا المبلغ بمثابة راتب يعطى الى الشخص عند وصوله الى كندا...لان الدوله غير ملزمه بدفع راتب له..

[كندا]

الى الاخ فليمكو..

التقديم الى الهجره تخضع الى شروط معينه وبها نقاط من خلالها يقبل  الشخص المتقدم للهجره
واعتقد ان القليل من اللغه مطلوب...وبعدها تأتي الخبره
ولايضر ابدا ان تقدم على الهجره وتنتظر...
ربما يكون الحظ حليفك بأذن الله

[كندا]

اخواني الاعزاء....

حبيت انقل لكم اخبار الجو في كندا حاليا.....
درجات الحراره تنهض الى 3 مئوي وهذه ظاهره لم يسبق لها في هذا الوقت من السنه في كندا...
الجو جميل هنا في اونتاريو  وبدء الثلج بالذوبان بعد الارتفاع النسبي في درجات الحراره...
مع وجود الغيوم والضباب المستمرين....
اتمنى لكل القادمين الجدد الى كندا التمتع بهذ الجو الجميل.....

تحياتي ...
كنداااااااااا

[اينشتاين العراقي]

عيني اختي كندا تكولين الجو حلو و3 درجات مئويه؟؟؟
يمعوده هنا بعمان درجات الحراره 8 و9 مئويه اقل شي توصله هاي طبعا بالليل بس بس الصبح حاره كلش يعني بالعشرينات درجه مئويه على هالحجي عندي الحجيه يرادلهه تجيب ويه 500 صوبه يله تدفه 
ومشكوره اختي على تواصلج ويانه والله يوفقج انشالله على المساعده الي تساعديهه لاخوانج
اخوج اينشتاين العراقي(وانشالله بعد كم يوم-او شهر -او سنه -اصير اينشتاين الكندي )
 

[قليمكو]

مرحبا أختي كندا
أدري ثقلت عليكم


هل ينفع الكفاله الخماسيه مع حالتي




وجزاكم الله ألف خير

[اريد وطن]

اخت كندا

مشكوره الجو يعني جميل وشاعري اكيد مو وطني كندا قربت جيته كولي يارب

اخويه انشتاين ها عيني غرت وسويتها انشتاين كندا  . تفائل بالخير وكول يارب وبلت الله يخابوك قريب قريب جدا وتفائل خير

واليوم اكو اخ اسمه بلاد الرافدين دزلي على الخاص يكول باجر الاربعاء اكو ناس هم كاعدين يسلمون الجوازات بس شنو التفاصيل بعدني ماعرف
اني امس حجيت ويا iom وكتلهم اكو موعد سفر ردت وحده ياعيني عليها اتصور واحد زعلان مو وحده
جاوبتني منو كلك تحجي ويانا والجوازات بحاجه الى شهر يمن تكتمل يعني اقل شي شهر يمن ترجع من سوريا حسب قولها يراد 2.5 يوم ترسل بريد سريع ومثلها يمن ترجع وبسوريا يرادلها فد اسبوع او اسبوعين يمن يكملون يعني منا الشهر يمن تخلص اجراءات وضع الفيزه
واني بصراحه اشوف جوابها مبالغ بي هواي تريد طفش الواحد بس
علما عند تسليم الجوازات همه ابلغونا نتصل بيهم الاربعاء القادم لمعرفه الجوازات وصلت او لا اكيد اني جنت مستعجل وحجيت الاثنين شسوي مستعجل والواحد بس يريد يخلص من الانتظار
يارب نسمع اخبار سفر هوايه ناس الى كندا في هاي الايام القادمه

اريد وطن سابقا - وطني كندا انتظار موعد الدوره وتحديد موعد سفر والله طلعت روحنى يارب تطلع روحه اليخلانه هيج يصير بينا كولو امين

[BlueEyes]

اختي العزيزة كندا
اريد اسال اذا الشخص وصل لكندا عن طريق كفالة خاصة
شلون راح يكون وضعه؟؟ هل هو راح يكون مسؤول عن كل مصاريفه؟ وطول العمر؟ يعني ما ييجي يوم والحكومة تصرفله راتب؟؟

ونفس الاسئلة بالنسبة للي جايين عن طريق كفالة كنسية او خماسية

اما الي جايين عن طريق ال يو ان فمعروف انه ياخذون راتب لمدة سنة .. زين وبعد السنة ينكطع الراتب نهائيا لو شلون؟ اكو طريقة حتى الواحد يستمر باخذ الراتب؟
ومشكورة مقدما

[كندا]

الى الاخ فليمكو..

الكفاله الخماسيه تنفع معك اذا توفرت شروط الكفاله طبعا....
اي وجود اشخاص يقوموا بكفالتك هنا في كندا....

[كندا]

الى الاخ BlueEyes....

كل من يدخل الى كندا عن طريق الكفالات(الخاصه والخماسيه والكنيسيه)وحتى الهجره...
يعتمد في بأدئ الامر على نفسه بالمصاريف ...لان الدوله غير ملزمه بأعطائه راتب...
ولكن بعد 6 اشهر يحق للشخص التقديم الى( الولفر )لاعطائه راتب في حاله عدم استطاعته العمل...

اما اللاجئ فيأخذ راتب من الدوله لمدة سنه ويحق له العمل بنصف قيمه الراتب..((.وخلافه يقطع الراتب))
وعند مرور السنه يتحول الى (الولفر) ايضا ولكن سيكون الراتب اقل بشئ بسيط ...ويقطع الراتب ايضا
في حالة العمل....

نصيحتي للجميع....
كندا بلد العمل يااخواني اعمل كي تعيش بمستوى احسن ..
الاعتماد على المساعدات غير كافي لحياه اجمل....

تحياتي
كنداااا

[BlueEyes]

مشكورة على الاجابة الواضحة
بس شنو هذا الولفر؟

[somo82]

اخت كندا عندى استفسار عن الدراسه بكندا
اختى عندك معلومات عن معاهد تدريس اللغه الانكليزيه التابع للجامعات الكنديه و هل اذا حصلت على موافقه بالدراسه يمهم السفاره الكنديه توافق على الفيزا بسهوله لو هم يعرضوه ويطولوها .

[قليمكو]

مشكوره أختي كندا

طمنتيني وخليتي فيني أمل

[migrant]

مشكورة على الاجابة الواضحة
بس شنو هذا الولفر؟

من رخصة الاخت كندا.. سوف اجيب حسب معلوماتي الشخصية

الولفر هي المساعدات المالية التي تعطى للشخص الذي ليس لديه دخل الحد الادنى.. يعني المساعدات المالية لليشتغل وشغلة اقل من الحد الادنى للدخل او ما يشتغل.

تحياتي للجميع

[كندا]

الى الاخوه الاعزاء...

تعريف ((الولفر)) بأختصار....

هي مؤسسه كبيره تعمل تحت رعايه الدوله .....
تساعد المهاجرين واللاجئين وفق نظام معين .....

وليس لها علاقه بدائره الهجره(الامكريشن)

[متفائل جداً]

مرحبا اخت كندا

حاب استفسر منج شغلة وحدة وصلتني رسالة من دائرة الهجرة عبر موقعهم دكول

COMPLETE
(This is the last step in the processing of your application.)

Applicant Arrives in Canada and is Granted
Permanent Residence
You will need to meet with an Immigration Officer who will verify your documents and grant you permanent residence if all is in order.

وهذا ترجمتها بل عربي

الكامل
(وهذه هي الخطوة الأخيرة في معالجة طلبك.) يصل الطلب في كندا ، ويتم منح
الإقامة الدائمة
ستحتاج للاجتماع مع موظف الهجرة الذي سيتم التحقق من المستندات الخاصة بك ومنحة لك الإقامة الدائمة إذا كان كل شيء في النظام.

شنو البقالي وشكد المدة المتوقعه الي راح يقابلوني بيها علما انو تم معالجه الطلب في السفارة الكندية يوم 2/12/2009

وهل من الممكن ان يرفضوني بعد المقابلة ؟

وتحياتي الج

[alasmer]

سلام عليكم جميعاً
اخوتي اخواتي الاعزاء منذ فترة طويلة وانا ابحث في الانترنيت على هيج مواقع ومنتديات وبحمد الله وجدت هذا المنتدى والذي يعد من اشمل المنتديات و في البدء اعرفكم على نفسي انا اخوكم عراقي مقيم في سوريا منذ فترة ليست بالقصيرة وقدمت على الامم المتحدة قبل 2003 وكنت مقبول على امريكا وبعدرفظي تم تحويلي على كندا قبل سنة تقريباً والحمد لله تم قبولي واكملت الفحص الطبي وجميع اجراءات السفر وسلمت جوازاتنا الى السفارة الكندية يوم الاربعاء الماضي ومنتظر السفر الى كندا وان شاء الله يكون سفري عن قريب

[عراقية مغتربة]

كل الهلة بيك اخونة
يااارب حضرتك والاخوان اريد وطن  وانشتاين العراقي
 على طيارة وحدة ونفرح بسفركم

اخوك
ابو محمد

[مصطفى العراقي2010]

مرحبا للجميع

اني عراقي مقيم بسوريا وحبيت اسال ان هل من الممكن ان اعمل كفالة كنسية الى كندا لكوني مسلم هل الكنيسة ممكن ان تكفلني علما ان لي اقارب هناك متحمسيين للتكفل بي فهل هذ الامر ممكن وفي حال ممكن ما المدة التي يستغرقها و علما اني حولت على موضوع الكفالة الخماسية لاكن لكون شخصان من اقاربي لم يوافقو علي


وشكرا

[alasmer]

سلام عليكم جميعاً
الاخت كندا بعد التحية
ممكن تنوريني بمعلومتك ان امكن حول مدينة هاملتون لان ان شاء الله عن قريب اسافر الى هناك
وارجو الشمولية بالمعلومات من كل الجوانب وشكراً لكي مقدماً حول المعلومات القيمة الي مقدمتها للمنتدى

[كندا]

الى الاخ المتفائل جدا...

حسب ماذكرت فأن امورك تسير في الاتجاه الصحيح...
اما ان يكون رفض من قبل السفاره الكنديه فلا اعتقد هذا ابدا..
.لان الرساله واضحه جدا...كل ما في الامر هو  بعض المعلومات التي تؤكد لهم مصداقيتك..
وبالتالى نسمع بموعد سفرك القريب بأذن الله..
المده غير معلومه لدي لان كل حاله لها وقت معين في حساباتهم

[كندا]

الى الاخ مصطفى العراقي....

حسب معلوماتي ان الكنيسه تكفل الجميع ...
ولكن معلوماتي ايضا انها تأخذ وقت طويل حتى تحصل الموافقه على الكفاله..
دع اقاربك يخطون هذه الخطوه..وان شاء الله يصير خير

[كندا]

الى الاخ alasmer

معلوماتي بسيطه عن هاملتون .....
سأحاول جمع بعض المعلومات عنها واوافيك بها ان شاء الله..

[كندا]

الى اخي alasmer

هاملتون هي من المدن  الجميله وموقعها استراتيجي لانها تبعد عن تورنتو حوالي 60كم
وهذا شئ جميل ان تكون بقرب اكبر مدينه في كندا..
ايضا هاملتون قريبه من شلالات نياكرا المشهوره...وهذا شئ رائع
الجو في هاملتون معتدل وجيد ..((وخاصتا للعرب)) ولذلك بها عدد كبير من العرب والعراقين...
متوسطه في اسعار الايجار والاكل عن باقي المناطق في كندا...
بها فرص للعمل كون بها معامل ومصانع...
بها ايضا جامعتين كبيره وعدد من المعاهد...اذا حبيت تكمل الدراسه..

((يله احنا بأنتظارك في كندا))

[جنانو]

السلام عليكم
مبروك للاخalasmarالسفر انتم السابقون ونحن ان شاء الله اللاحقون اخي اني مثلك انرفضت من الوفد الامريكي وقابلت الوفد الكندي ب16-12-2009 وفحصت بعد يومين وانتضر رحمة رب العالمين اخي ممكن تطينة شكد
 الفترة جانت بين الفحص وتسليم الجوازات واكون ممنون الك وعدك كفيل لو لا لان يكولون انه الي عدة كفيل اسرع
اني قابلت الوفد الامريكي20-5-2009 وبعد شهرين استلمت الرفض وبعدهة بشهرين راجعت كفر سوسة واتصلوا بية ب15-10-2009علمود اعبي فورمات وكانت مقابلة تعبئة الفورمات 15-11-2009 واخوكم بالخدمة جاهز لاي استفسار يخص سوريا وان شاء الله انزل موضوع عن عدم محكومية وشلون طلعتهة وشنو الاجراءات تصديقهة وترجمتهة ويين

[متفائل جداً]

شكرا الج الاخت كندا على الرد

تمنياتي الج بل نجاح والموفقية

تحياتي الج

[كندا]

لاشكر على واجب اخي المتفائل جدا...

وبأذن الله تكون السنه الجديده فاتحة الخير  بمواعيد سفر لكل المنتظرين....

كول....اميييييييييييييييييييييييييييييييين

[sinan_1988]

مرحبا شلونكم انشالله الكل بخير
اخوان عندي سؤال وياريت انو الكي الجواب الصيحيح لان صديقي حاير ودايخ

عندي صديقي هو في امريكا وماعنده الكرين كارت صارله شهرين من واصل امريكا بطريقة اللجوء
وديريد يروح لكندا واهناك يقدم اللجوء واذا ممكن تنطولي الجواب الشافي حتى اكله

تحياتي الكم سنان الحداد

[alasmer]

السلام عليكم
مبروك للاخalasmarالسفر انتم السابقون ونحن ان شاء الله اللاحقون اخي اني مثلك انرفضت من الوفد الامريكي وقابلت الوفد الكندي ب16-12-2009 وفحصت بعد يومين وانتضر رحمة رب العالمين اخي ممكن تطينة شكد
 الفترة جانت بين الفحص وتسليم الجوازات واكون ممنون الك وعدك كفيل لو لا لان يكولون انه الي عدة كفيل اسرع
اني قابلت الوفد الامريكي20-5-2009 وبعد شهرين استلمت الرفض وبعدهة بشهرين راجعت كفر سوسة واتصلوا بية ب15-10-2009علمود اعبي فورمات وكانت مقابلة تعبئة الفورمات 15-11-2009 واخوكم بالخدمة جاهز لاي استفسار يخص سوريا وان شاء الله انزل موضوع عن عدم محكومية وشلون طلعتهة وشنو الاجراءات تصديقهة وترجمتهة ويين

حبيبي الغالي جناتو اخي انا من القدماء ومعاملتي تختلف نوعاً ما عن الاخرين لان قبل السقوط وبالنسبة للناس الي اعرفهم وشفتهم بعد الفحص شهر ويخابرهم على الجوازات هاي بالنسبة لسوريا لان جماعة سوريا يختلفون نوعاً ما عن باقي الدول المجاورة اتصور اجرائاتهم اسرع من الاخرين وعلى الاغلب يتصلون بيك بهاي الفترة واذا ما اتصلو بيك روح انته للسفارة وكًلهم اريد اعرف نتيجة الفحص لان اكيد من فحصت كلولك من ثلاث اسابيع الى ست اسابع ويجي الفحص ولمنتروح اسئلهم على نتيجة فحصك واذا جاي فحصك ليش ما يصلون بيك انا بالنسبة اليه هيج سويت وثاني يوم اتصلو عليه رحت كًلت للموضف الي بالباب رقم تغير وانا فاحص صار فترة طويله ولمن دخلني شرحت ضرفي للموضفة الي بالسفارة وكانت اوراق فحصنا جاية وثاني يوم من مراجعتي للسفارة اتصلو عليه على تسليم الجوازات
وارجو المعذرة على الاطاطة وتحياتي للجميع [/color]

[كندا]

الى الاخ alasmer مع التحيه

لم نسمع ردك عن موضوع هاملتون.....

اتمنى ان يكون المانع خير .......


اختك كنداااااااااااا

[ريما العراقيه]

السلام عليك اخواتي واخواني حبيت اشارككم بهذى المنتدى الجميل واسالكم بعض لالاسئله اذا ممكن  و
وخاصه ااخوان  http://[color=blue][/color]الاسمرر وجناتو 
اني عراقيه مقيمه بسوريا واتصلو بي الامم المتحده قبل فتره وخبروني انه ملفي مقبول توطين و تحول على كندا  وانه  لازم انتظر اتصال بعد فد شهرين او 3 اني ممسويه ولا مقابه توطين بس كانو يتصولن بي بين فتره وفتهر ويطلبون معلومات.
اذا ممكن اريد اعرف هسة  شون حتكون الاجراءا ت على كنده  رح يسولولي مقابه توطين اوليه لو راسا يتم تحويل ملفي للسفارة الكنديه وهناك يتم مقابلتي  وشكد تستغرق هاي الاجراءات وصحيح منا من سوريه ال كندا اسرع يعني كندا اسرع لو امريكا؟؟ لان اني بصراحه اريد الشي السريع لان احس اذا بقيت بعد كم يوم بهالوضوع ولانتظار رح اموت  واني عندي اقارب  بكندا وخريجه جامعه وغير انه وحدي هنا يعني  ممكن هذي الاشياء تسرع من معالمتي والا مو شرط هم رح تستغرق وقت طويل ولازم انتظر سنه او اكثر ...
ووجدا شاكره وممنونه الكم اختكم العراقيه

[alasmer]

في البدء اعتذر للاخت الغالية كندا لعدم ردي على اجابتها السريعة وانا اعرف من خلال تجربة الاخوان معك وانكي تحملين اسمى واجمل الصفات الانسانية  وان شاء الله تكونين اخت لنا في كندا وخارج كندا وانتي اهل لذلك وما اجمل مبادرات ومداخلاتك ومساعدتك الى اخوانك وهذه ليس شهادة مني فقط بل كل الاخوان يشهدون بذلك بمساعدتك للجميع وقد يكلفك هذا الامر وقت واتصال وبحث ونحن ندين لكي اختي الوردة وشعمة المنتدى وبودي كذلك ان اشكر الاخوان الفريدو والاخ عبسي والاخ انشتاين والاخ اريد وطن والاخ اربد وغيرهما مما يقدموه من معلومات قيمة بصراحة وارجو المعذرة ممن لم اتذكره وارجو المعذرة عن الاطالة

[alasmer]

الاخت ريما من رخصت الاخوان
حسب ما اعرف انه اي شخص ما يتحول الى دولة الا يمر بمقابلة التوطين هذا حسب ما اعرف ومن ثم يخبروك في قسم التوطين انك محوله الى بلد نفترض امريكا او كندا وهذا من ضمن المقابلة وتوقعين على قبولك بهذ البلد وعلى اتمام المقابلة معك ومن ثم يحولون ملفك الى البلد الي اللجنة مختارته لكي
هذا جانب ام شغلة الاتصال لا علم لي بها ارجو من الاخوان ان يساعدوك بهذه الاجابة
والجانب الاخر من الاسرع فهذا متروك لحسب نوع القضية والحاجة الماسة والملفات الخاصة او الساخنة حسب ما يسموها وربما تستغرق شهر او اكثر من سنة كل قضية ولها سقف زمني وعلى سبيل المثال انا طولت فترة ليست بالقليلة قد تتجاوز العشر سنوات وبنفس الوقت كانو لي اصدقاء طولت معاملتهم اقل من خمسة اشهر فيا اختي بصراحة الحض له دور فعال والقضية من تحدد الموقف



                                                                                                       اخوك
 
                                                                                                       الاسمر

[كندا]

الى الاخت ريما العراقيه
اذا اتصلت بك السفاره وخبرتك ان ملفك في التوطين وليس الابعاد فهذا شئ جيد جدا...
سفارة كندا تسمى سفارة الصبر كما اعلم من بعض الاخوان...فما عليك سوى الصبر..

ومعلوماتي ..
هناك مقابلتين فقط في السفاره الكنديه بعد الموافقه على التوطين..
الاولى لأخذ المعلومات
والمقابله الثانيه بعد فتره لاتقل عن 3 او 4 اشهر يطلب بها ان تأتي بعدم محكوميه وبعض الاوراق..
وفي نفس المقابله تستلمي اوراق الفحص الطبي من السفاره (وهذا دليل على الموافقه)
وبعد حوالى 2 شهر الى 3 تنتظري اتصال من السفاره لتسليم الجواز وتحديد موعد السفر..

هذه اجراءات السفاره الكنديه (بأختصار)

[اريد وطن]

اختي ريما العراقيه

ليس لي علم باجراءات في سوريا وان شاء الله جماعه سوريا يفيدوج اكثر

بالنسبه اجراءات عمان الاردن   وهذا محدث معي

بدايه التقديم يكون عن طريق اليوان وطبعا كل 6 اشهر نعمل تجديد الى ورقه حمايه وهي لاتعني معترف بك دوليا لاجاء عماره عن ورقه ان ملفك تحت الدراسه

وبعدها عندما ياتي دورك وهنا تختلف الفتره حسب الظغط الذي عدهم او قضيتك تستحق الاستعجال او لا يتصلون بيك ال يوان ويبلغون ان تاتي انته وافراد الاسره لتجلس معى محامي ال يوان وهو او هي بدورهم يرتبون جميع مقابلاتك السابقه من اظافات او تعديل معلومه وتبديء انته اعاده سبب اللجوء من تعرض اضطهاد او تهديد الي هو سبب تقديمك الى اليوان وطبعن عند المقابله يبلغوكم ان هذه المقابله مراقبه صوت وصوره ويوجد كاهره في الغرفه وهذه للحفاظ على حقك من اي تغير يعمله الشخص المقابل

بعد هذه المقابله طبعن يسئلوك من عندك في الخارج انا شخصيا كان عندي اخت و اخ يحملون الجنسيه الكنديه وطلبت ذهابي الى كندا طبعن اصرت الى امريكا وبعدها قالت بس حط بالك كندا اجراءات طويله جدا ممكن تاخذ سنه او اقل او اكثر  ونحن نرفع قظيتك للمسئولين وبعدها نقرر بس عدم اجبارنا على دوله معينه نحن بالنسبه لليوان تقول اي دوله تقبل توطينك نرسلك لها
ملاحظه ومهمه اكو ناس اعرفهم ماعدهم من الدرجه الاولى في كندا فقط خال او صديق واكو ناس ماعدهم احد بكندا وقبلتهم كندا بس هذا موشرط هي قناعه ابو اليوان وين يحول ملفك وهذا رائي شخصي

اختي العزيزه اكمل في الصفحه الاخرى

اريد وطن

[اريد وطن]

اختي ريما العراقيه نكمل

بعدها ومرور 2-3 شهر وبصراحه ممذكر بس مو اكثر يتصلون ال يو ان بكم ويقولون تم قبولك على التوطين في كندا يعني الحكومه الكنديه مبدئين قابله وهنا اما اذا الكنديه مموافقين يعيدون ال يوان فتح ملف ورفعه الى دوله اخرى

عند القبول المبدئي يتصلون للذهاب استلام فورمات السفاره الكنديه للتعبئه وكان حينها بشهر 2/2009 وكنا عدد كبير تقريبا 20-30 كيس طبعن مو بس عراقيين بس الاغلب او الاكثر عراقيين وجانو 2-3 اثيوبي او اجانب ويشرحون لكم كيف تعبئى الفورم وخلال اسبوع يجب ارجاع الفورم لهم مع صور وفورمات عدد 5-6 صفحات واخونا عبسي نزلها ممكن الرجوع لمواضيعه والواحد يعرف شنو تفاصيلها طبعن يكدون جماعه اليوان على الجميع عمل نسخه قبل التسليم للحتفاظ بها لديكم لكي الشخص يتذكر ماذا كتب لانه بهاي الحاله همه اليوان يرسلوها الى سوريا وتاخذ فتره من 6-8 اشهر وممكن تتاخر سنه وابلغونا حال وصولها سنه ممكن ترجعون النا وتبلغونا
انا شخصيا بعد مرور 6 اشهر اتصلو بي اليوان وابلغوني لاستلام مو عد مقابله في سفاره الكنديه بعمان
طبعن جنه اتذكر عدد 20 كيس وهذول ال 20 وانا متذكر مو كلهم  عبو الفورمات وياي اكو ناس قبلي بشهر 11/2008 واكو ناس جانو عبو الفورمات ب 4/2009 على كل حال
وزعو المقابلات من يوم 31/8 /2009 لغايه 4/9/2009 تقريبا كل يوم 4-5 كيسات
المهم طلبو من عدنا جلب الجوازات الاصليه وتصوير مع اصل شهلده الجنسيه والاحوال وكذالك للرجال او نساء فوق 18 سنه عمل حسن سيره وسلوك من المخابرات الاردنيه طبعن اني تاخرت بعد المقابله وارسلناها الى سوريا ب dhl  وهاوي ناس هيج جنت عادي

يوم المقابله وهو اهم اجراء وبيه تحديد المصير

المقابله كلت تحديد المصير طبعن من كثير من الاخوان مشكورين مثل الفريدو وعبسي انا شخصيا استفاديت من خبراتهم بهذا الخصوص

عند المقابله وهي سهله جدا بس بيها شروط عدم العصبيه او الانزعاج من تكرار نفس السوال عليك اكثر من مره وعدم استفزازك باي شكل وتكون هادىء وغير مرتبك
المقابله 3 محاور اذا حال وجود نقص في الفورمات تعيد اسئلتها عليك وتكمل  معلوماتها هذا محور
المحور المهم قظيتك  الاساسيه  طبعن نفس مالت ال يوان بدون اي تغير
وبعدها  المحور المهم هل تستطيع حاليا العوده للعراق او لا وشنو السبب وهذا يعاد عليك يمكن اكثر من مره
وتجاوب بشكل عادي ولو تعيده عليج 10 مرات هو السبب نفس قضيتك وطبعن لا وهذا اكيد لعد انته ليش مقدم حمايه ولجوء

بهاي الحاله ممكن اكو  3 احتمالات
1- ممكن متقنع بالقضيه وتبلغ فورأ قضيتك مرفوضه وسوف اليوان يبلغوك اسباب الرفض وبصراحه احنى القابلنا بشهر 9 لم اسمع احد تم رفضه وهذه حالات نادره جدا يعني الواحد استفز عصب عليهم .... ممكن يرفضون

2- ممكن يقول لك الشخص المقابل يطلب منك اوراق اذا جانت ناقصه او عدها شك بشيء معين هنا مترفض تكول نحن نتصل بكم يعني مقابله اخرى  واني اعرف اخونا انشتاين صار هيج ويا يعني قابل مرتيين

3- الاحتمال الاخير وهو مهم  لاحظ باللغه الانكليزيه طبعن اكو مترجم وباللغه الانكليزيه يبلغك انا مقتنع بقضيتك والحكومه الكنديه مرحبه بك على اراضيها بس انتم خلصتم الجزء الكبي ممكن الرفض بحال اذا يوجد مانع امني عليك للدخول اراضي الكنديه طبعن الواح بينا بحياته مواصلها مين يجي عليك جنحه او جريمه بداخل كندا او الفحوصات الطبيه بيها مانع يعني اذا اكو امراض معديه
وبهذه الحال يسلموك اوارق الفحص الطبي وتوقيع على قرض يشمل تكت الطياره واجور الفحص واعرفت من اخونا عبسي اكو هديه واكو مبلغ من المال يطوكيا يمن توصل الاراضي الكنديه يعني مبلغ المنحه مو الهديه وبعدين تدفع بالاقساط يمن توصل

بهذه الحال انته اعتبر نفسك  مقبول 100% وفورا تروح تسوي الفحوصات يعني انته اتصل بالطبيب البلغوكم عنه لكي تاخذ موعد وتسوي الفحوصات وتنتضر

اخ اخ اخ من كلمت تنتظر هنا بالمقابله تكلك ممكن 2-3 شهر يكون السفر بس هذا حجي خط 100% والدليل اكو هواي ناس بعدهم ينتظرون ومحد حاجي ويا

اخوان نكمل سلسله ايام الطويله مع السفاره الصبر او سفاره السلاحف ( وهذا كل بسب اجراءاتهم طويلللللله وروتينيه جدا
ولاحظ جماعه اليوان من اول يوم كالوا تاخذ قت

اخوكم اريد وطن / مع الحلقه الثالثه وتتصور ليس الاخيره اذا الله خلانل عايش وتوفرت عندي الضروف والامكانيات من الاراضي الكنديه بعد مرور 3 اشهر اطي انطباعي وبعد 6 وبعد 1 سنه  وبعد 2 سنه

والله على ماقول شهيد وعندي شكر خاص وهذا دائما اكرره الى

اخونا الذي لم اتراسل معه يوما هو انجل العراق وكذالك حبيب عبسي وجيراني بكندا واخويه الفريدو  الذي لم يقصر يوما معي او مع اي احد بجواب واختنى اسود وكثيرين اسف اذا نسيت اسم احد

طبعن اختي وتاج راسي والتي اتمنى التقي بها في كندا العزيزه العراقيه الاصيله اختنى كندا صاحبه هذه الصفحه التي تعذرني واستسمحه بكتابه هذا الموضوه في صحيفتها

واخيرا وليس اخرى شكري الى ادراه المنتدى والى جميع من يشارك مثل اخونا انشتاين ويارب يبلغنى اليوم اتصلو بي واخونا الاسمر ودودي وعمار و اربد واخوان عذروني وبشر فكم لحد يزعل مني اذا نسيته اسمه والله هاي مشكلتي انسا هواي

اخوكم وابنكم / اريد وطن
الاسبوع القادم عندي دوره ثقافيه ب 2+3+4 شباط /2010 ولغايه اليوم لايوجد تحديد موعد سفر 

[ريما العراقيه]

اخواني الاعزاء الاخت كندا والاخ الاسمر واريد وطن  اشكركم على الرد السريع وجدا ممنونه ويارب نسمع اخباركم الحلوه دائما وموفقين  وان شاء الله السفر القريب للاخ الاسمر واريد وطن....واني رح اروح استفسر واسالهم اذا اكو مقابله اوليه بكفر سوسه او اكتفوا بالتلفونات  وراسا رح يتحول االملف للسفارة وهناك يقابلوني  واخبركم ان شاء الله باخر الاخبار... شكرا مره ثانيه ودعواتي الكم
اختكم  ريما. 

[اريد وطن]

الى اخواني جميعا

اعتذر من اخطاء  الاملائيه الكثيره واختي ريما العراقيه

الي شرحته اعلاه هو واكد مايجري من خطوات في عمان وحسب علمي ومن السامعه بعد تعبئه الفورمات تقريبا 50% موافقين على قضيتج وبعد المقابله اي توقيع القرض والفحص الطبي يكون هنا قبوللك نسبه ال 50% الاخرى يعني لم اسمع احد انرفض بعد المقابله وهذا محد يعرفه ممكن اكو ناس انرفضوا ومن حالتهم النفسيه بعد مكتبوا

وهذا هو وجود خطء من هوايه اخوان يعني مو كل الرايحين كندا يعرفون بالمنتدى ومشاركين او اصلن مسامعين بالمنتدى او ماعدهم واهس بيج شغلات
من الملاحظ بشهر 12/2009 من اخونا ابو الحظ و الفريدو عرفنه جان اكو 3 طيارات طلعت ولا واحد كتب اللهم اخونا الفريدو وطبعن مشكر اطقس وسئال وبلغنى وحسب علمي جانو اعداد هوايه يعني من 10-20 كيس

والملاحظ هواي مواضيع تخص امريكا اولا لكثره المسافرين الى امريكا واعدادهم هوايه بس كندا استراليا وباقي اوربا اعداد قليله مقارنه بجماعه امريكا

ان شاء الله اكتبلكم حول الدوره واي شخص عنده سوال اني حاضر واذا جان عندي علم على اخوانا الباقين هم ان شاء الله اسئل جماعه الدوره واشمشم اخبار بلكت عدهم فكره شوكت اكو دوره اخرى

اخوكم اريد وطن / سابقا وحاليا اريد اغير اسمي الى وطني كندا بلكت الاداره تتشرف ومشكوره تكدر تغير اسمي 

[alasmer]

السلام عليكم حبيت اخبركم وخليكم على اطلاع معي
اخوتي الاعزاء اليوم اتصلت على الهجرة الدولية الي بسوريا وبصراحة قبل الاتصال تذكرت اخونا وطني كندا كًلت بس لا يصير وياي مثل ما صار وياه فتوكلت على الله واتصلت سئلتهم على السفر الى كندا فحولوني الى قسم اخر فسئلتهم على جوازانته واصلة ويمته موعد سفرنا فكًالت انطيني رقم الملف مال السفارة الكندية وليس ملف اليو ان رديته الها فكُالت جوازاتكم بعدها ما واصلة النا ويمته ما توصل راح نتصل بيكم وسئلتها كذلك صار 10 ايام من سلمت الجوازات وندفع ايجار هذا الشهر فكًالت اقرب رحلة الى كندا بعد 20 يوم بالظبط فأدعو لي ان اكون من ضمن هذه الرحلة انا وخوي اريد وطن وكذلك ارجو الدعاء لباقي الاخوان جميعاً وان شاء الله يتصلون عليهم خلال هذه الفترة ويكونون معنا بنفس الطيارة وتحياتي للجميع

[احمد الغريب]

بالتوفيق ان شاء الله لك وللاخ اريد وطن وان شاء الله نسمع اخبار حلوة عن الاخ انشتاين يارب سهل سفر الجميع . احمد الغريب

[كندا]

بأذن الله تفرج على الجميع يارب..

وهذا ماطلب واتمنى دائما....
هو تحقيق الاحلام الصغيره لكل العراقين...حتى يصلوا الى احلامهم الكبيره...

يارب عجل بسفر كل من ينتظر ..وفرج كربهم ياالله...
كولووووووووووووووووو اااااااااااااااااااااااااااامين..........

[احمد الغريب]

الله يبارك بيج اخت كندا وينور طريقج على هذا الدعاء لأخوانج واخواتج واكول امين يارب العالمين. احمد الغريب

[علي ابو عسل]

اختي  العزيزة شكرا على سعة صدرك  واستقبالك لاسئلتنا انا  لدي سؤال يخص اللجوء  بكندا  وهو ايحق  للاجئين المتواجدين حاليا في الولايات المتحدة  بطلب اللجوء او بالاصح تحويل ملفاتهم الى كندا مع  توفر الكفيل بكندا لان هناك كلام  يشاع بخصوص نقل الملف اذا  توفر كفيل  للاجئ  الموجود في امريكا الذين لم يحصلوا بعد على الكرين كارت  القادمين عن طريق  الاي او ام واذا كان  بالامكان هذا  ماهي الخطوات  التي يجب اتخاذها لاتمام نقل الملف   مع الشكر الجزيل

[abood5]

السلام عليكم ..شلونكم ان شاء الله كلكم بخير..عندي سؤال؟؟؟؟؟؟

باثناء حجيكم قريت ..كيس او كيسات...مثلا...واحد من الاخوان كال اكو 20 كيس او 30 كيس..اني مد افتهم شنو القصد منها ..ارجو منكم توضيح هذي الشغلة 

[alasmer]

من رخصة الاخوان اريد ارد على الاخ
اخي يقصدون بالكيس اي قضية او معاملة مقدمة على السفارة يعني يقصد 20 او 30 معاملة مقدمين
وارجو الايضاح اكثر ممكن لديه المزيد

[كندا]

اهلا بالعضو الجديد abood5

اخي لكل متقدم الى اليو ان يطلب اللجوء...
 يكون له فايل خاص به يسمى((الكيس))
يضم شرح لحالته بالتفصيل مع العائله وسبب خروجه من بلده..
يمر الكيس بمراحل كثيره للنظر به من قبل اليو ان حتى يتم الرفض او القبول للسفر الى البلد التي تم تحديده..

اتمنى ان يكون الشرح وافي...

[Dream-Canada]

اعضاء المنتدى الكرام
والدي والدتي في عمان تاريخ مقابلتهم في السفارة الكندية كان 22 حزيران واعطوهم اوراق الفحص الطبي وتوقيع القرض بنفس يوم المقابلة. الفحص الطبي كان بتاريخ 4 من شهر اب وقد تاخروا بعمل الفحص لانهم افتهموا بالخطا من المترجمة التي كانت متواجدة في وقت المقابلة ان عليهم الانتظار ولكن بعد سؤالنا بعض الاصدقاء نصحونا بعمل الفحص الطبي. وبتاريخ 20 من شهر اب اتصلوا السفارة الكندية باهلي وطلبوا ورقة جديدة لعدم محكومية لوالدي لان اسمه فيها كان فيه اختلاف بسيط عن ما موجود في جوازه وقد ارسل اهلي الورقة بالبريد السريع مباشرة.
وبهذا يكونون قد اكموا كل الفورمات والمقابلات المطلوبة والفحص.ولكن الى حد الان لايوجد اي اتصال من السفارة. ارسلنا فاكس قبل اكثر من شهر للسفارة ولا من مجيب.
اخواني واخواتي الافاضل ارجوكم ارجو النصيحة واذا كان يوجد ايميل معين نستطيع ارساله ارجوكم اعلمونا به.
اهلي كبار السن وتعبوا جدا ونحن ايضا من الانتظار ونريد ان نساعدهم ونرد لهم ولو جزء بسيط من تعبهم معنا.
اشكر كل من اطلع وكل من يساعدنا.

[كندا]

الى الاخ علي ابو عسل...
اولا اسفه على التأخير بالرد على موضوعك...
لاني لم انتبه له الا اليوم....

اخي..
 انا سمعت عن هذه الحاله التي ذكرت...
 واليوم تحديدا اتصلت بصديقه للسؤال عنها واخبرتني ان اخوها جاء من امريكا وطلب اللجوء لكندا..
سأحاول معرفة التفاصيل واخبر الجميع للفائده ان شاء الله

[كندا]

الى الاخ Dream _Canada

لاتقلق المسأله تحتاج الى وقت...
 وبما انهم عملوا الفحوصات الطبيه..ووقعوا على اجور الطياره واجور الفحص الطبي..
فهذا يدل على سير الملف بألاتجاه الصحيح..
والمعروف عن السفاره الكنديه بألبطئ الشديد في اجراءاتها..
وبسبب وجود قنصليه وليس سفاره في الاردن ...فالوقت يطول اكثر
لان القنصليه تأخذ الموافقات من السفاره الكنديه في سوريه.....وبعدها تعود الى الاردن
وهذه الاجراءات تأخذ وقت اكيد..
اطمئن...

[علي ابو عسل]

الى الاخ علي ابو عسل...
اولا اسفه على التأخير بالرد على موضوعك...
لاني لم انتبه له الا اليوم....

اخي..
 انا سمعت عن هذه الحاله التي ذكرت...
 واليوم تحديدا اتصلت بصديقه للسؤال عنها واخبرتني ان اخوها جاء من امريكا وطلب اللجوء لكندا..
سأحاول معرفة التفاصيل واخبر الجميع للفائده ان شاء الله

اختي العزيزة شكرا لاهتمامك وانشاء الله نسمع منك اخبار حلوة بخصوص الموضوع

[فليحه سوادي]

اخواني وخواتي
احب اوضحلكم مسالة
انو المقدم على دائرة الهجرة بسوريا
فانتقلت كل الملفات التابعة الها الى بولندا - وارشو / السفارة الكندية هناك
وهذا ما حصل معي
فانا قدمت منذ عام 2005 من الاردن وطبعا مثا ما تفضلت الاخت كندا
لايوجد قسم خاص بالهجرة في عمان
لهذا تحول ملفي تلقائيا الى دائرة الهجرة في سوريا
لكنهم بعثوا لي رسالة من السفارة الكندية في وارشو في شهر 9/ 2009
ابلغوني ان الملفات  الخاصة بالهجرة تم نقلها من سوريا الى  وارشو
ومنهم ملفي
حيث طلبوا مني بعض الطلبات الاخرى
مثل عدم محكومية وامتحان ايلتس
وطلبوا مني ارسالها الى عنوانهم في وارشو

بس حبيت انوه اليكم هذا الامر

ادعولي لان ملفي واكف على شغلة الامتحان بس
لان الامتحان ماموجود بس بسوريا وعمان واني حاليا بالعراق
والامتحان يتاخر لشهر الرابع والسفارة بس انطوني مهلة لشهر الثالث اجيب نتيجة الامتحان

وما اعرف شنو اسوي
محتاجة دعائكم الي

اختكم فليحة

[جنانو]

السلام عليكم
اخواني اسف عالتاخير بالاجابة علة الاخت ريما العراقية لان اني اجي للنت كافيه وبفترات متباعدة بس بالنسبة لسوريا اسرع من الاردن وبالنسبة الي فترة شهر بين كل اجراء والثاني من بعد رفضنا من قبل الوفد الامريكي  بس اختي في حال اخبارك انه ملفك تحول الى كندا معناها سيتحول من قسم التوطين في كفر سوسة الى السفارة الكندية في المزة وانتضري منهم اتصال لموعد المقابلة الاولى الي تعبين فيها المعلومات الي تتعلق بدراستج من الابتدائة والمتوسطة والاعدادية والجامعة بالسنوات واسماء المدارس والكلية واي تواريخ تتعلق بالزواج واماكن سكنكم وتوارخ سكنكم بالعشر سنوات الاخيرة قبل وبعد الحرب الاخيرة اجراء عادي بس افضل لو تكتبين كلشي بورقة وتحفضيهة لان احنة تخربطنة بالتواريخ شوية واكثر التاخير بهاي المرحلة لان يستعلمون عنج امنيا احنة اختصرنة هاي الفترة لان الوفد الامريكي استعلم عنة واعتقد صار اختصار شوية بس عالعموم هية بين 1-3 اشهر قبل المقابلة الاولة وشهر واحد بين المقابلة الاولى والثانيةوالباقي عالحظ والتساهيل والله كريم وبالنسبة لتواريخي في سوريا في حال تفيدج وتفيد الباقيين هية كالتالي
11-2007 قدمت عالامم المتحدة
4-2008اول مقابلة بدوما
2008اول مقابلة كفر سوسة قسم توطين

2009اول مقابلةاي او ام
2009بعد اسبوعين من المقابلة الاولة ثاني مقابلة اي او ام لرب العائلة فقط
20-5-2009مقابلة وفد الامريكي
20-7-2009استلام ضرف الرفض من الوفد الامريكي
8-2009راجعت كفر سوسة
 15-9-2009 مقابلة في كفر سوسةقسم توطين واخبارنا بعرض ملفنا على كندا واستعلام كندا عنا امنيا وانتضار اتصال منهم
15-10-2009اتصلوا لتحديد اول مقابلة في سفارة كندية
15-11-2009اول مقابلة في سفارة كندية تعبئة معلومات
16-12-2009ثاني مقابلة في سفارة كندية وتوقيع القرض واستلام اوراق الفحص
18-12-2009 الفحص الطبي وانتضر الفرج
واف عالاطالة وارجع اشكر الكل واولهم كندا الله يحفضهة

[كندا]

الى الاخت فليحه سوادي..

اصبري...
وتوكلي على الله وخلي ايمانك بالله كبير....

والى مكتوب هو الى يصير...
.يارب تنجحي بألامتحان وتصلين الى ماتطلبى وتتمنى...

(وبعدين اتصير كلها سوالف) حسب ميكول ابو المثل...

[dew]

مرحبا اخت كندا
اني بس حبيت أسأل حاليا ينطون اقامة او لجوء لو ماكو حاليا متوقفا للي هسه يوصلون الكندا اني اريد اروح لكندا فاريد اسال عليها والحياه هناك صعبه لو احسن من الدول الاوربيه وبلنسبه للراتب يكفي للعائلة واسفه اذا طولت عليج

[اينشتاين العراقي]

الله يوقجانشالله اخت كندا على مساعدتج للأخرين
وانشالله تنجحين بحياتج
وعندي سؤال اختي الكريمه بالنسبه للجو متى يبدأ الصيف بكندا عامة
وشكد توصل درجات الحراره بكندا بالصيف وخاصه بمقاطعه فانكوفر
ومشكوره اختي مقدما
اخوج اينشتاين

[abood5]

شكرا جزيلا ..عندي سؤال ....اكو موقع  تابع للسفارة كندا  الواحد يكدر من خاله يدخل اسم ملفة ويشوف ملفة وية وصل ..اني سمعت اكو هيج شي ..انه واحد يكتب رقم ملفة بموقع الكتروني ويطلع وين واصلة معاملته

والله يسهل شغله كل واحد مقدم ويطلع ويخلص من كل بلاوي سوريا او الاردن او مصر ..

اني شخصيا صارلي 3 سنين بسوريا ..اررررررريد احس بالانتماء ..مد اكدر ..مدا اكدر صعب........................ والله يساعد كل العراقين الي مثلي وهمة هوااااااااااااااااااااااية كلش ..

شكرا جزيلا

[migrant]

شكرا جزيلا ..عندي سؤال ....اكو موقع  تابع للسفارة كندا  الواحد يكدر من خاله يدخل اسم ملفة ويشوف ملفة وية وصل ..اني سمعت اكو هيج شي ..انه واحد يكتب رقم ملفة بموقع الكتروني ويطلع وين واصلة معاملته

والله يسهل شغله كل واحد مقدم ويطلع ويخلص من كل بلاوي سوريا او الاردن او مصر ..

اني شخصيا صارلي 3 سنين بسوريا ..اررررررريد احس بالانتماء ..مد اكدر ..مدا اكدر صعب........................ والله يساعد كل العراقين الي مثلي وهمة هوااااااااااااااااااااااية كلش ..

شكرا جزيلا

اخوية طبعا من رخصة اختنا العزيزة كندااا
هذا الموضوع يفيدك
http://www.ankawa.com/forum/index.php/topic,372333.msg4384915.html#msg4384915

[كندا]

الى الاخ dew

تحصل على  الاقامه اذا دخلت بصفة لاجئ اومهاجر وهذا الشئ الطبيعي...

ولاادري ان كنت مقدم على اليو ان ام على الهجره....لانك لم تخبرنا..

الحياة في كندا حلوه ومريحه ..وفي راي افضل من الدول الاوربيه...

اذا كنت لاجئ فأن السنه الاولى تعتمد بها على الدوله من خلال راتب الاجئ...
وتعيش انت والعائله بما يكفيك...

لكن اذا كنت تريد الافضل والأحسن في مجال تحسين المعيشه..
فيجب ان تعمل !!!!

[كندا]

الى الاخ اينشتاين العراقي...

يبدا الصيف في كندا بداية الشهر الخامس تقريبا...

درجات الحراره تكون من 25_ الى 30 واحتمال ترتفع قليلا في شهر الثامن ...

معلوماتي عن فانكوفر....
انها بلد جميله جدا وسياحيه ...جوها ممطر دائما في الشتاء لقربها من البحر ...
ايضا تكون رطبه صيفا وشتاءا ....

اخي اينشتاين....
اتمنى ان اسمع بموعد سفرك القريب....يارب

[كندا]

الى الاخ abood....

الله يكون في عونك وعون الكثيرين من العراقين المتشابهه حالتهم لحالتك...

اتمنى ان يكون الاخ migrant...مشكورا
قد دلك على الطريق الصحيح....

راجيه ان توافينا بأخبارك ...وان شاء الله خير

[كندا]

الى الاخ علي ابو عسل...

مع الاسف لم يكن الشخص الذى دخل الى كندا عن طريق امريكا هو( لاجئ او مهاجر)..

لكنه وصل امريكا عن طريق الايفاد من العراق..بعدها وصل الحدود الكنديه وطلب اللجوء..

وقد تعرض الى مشاكل مع السلطات الكنديه التى حاولت ابعاده الى امريكا مره ثانيه...
وتم سجنه مده ثلاث ايام  مع التحقيق المستمر للتأكد من هويته ...

وبعد الاتصال باقربائه في كندا والتحقيق معهم عن كل كبيره وصغيره حتى صنف الدم لم يسلم منهم...
تم الافراج عنه والسماح له بالدخول الى كندا واعطائه اقامه مؤقته لحين ايجاد محامي يكمل له الاجراءات الباقيه...
هذا ماعرفته بالتفصيل...

اما مسألة السماح للاجئ بتغير بلد التوطين بعد الوصول اليه .....شئ غير وارد على الاطلاق...
الجميع  اكد ان التغير يكون قبل السفر الى بلد التوطين...


مع تحياتي ..اختكم كندااااااا

[كندا]

اخواني القادمين الجدد الى كندا...
وعلى راسهم ...اخي اريد وطن ...

حبيت انبه الاخوان الى مسأله ربما تكون غافله عند البعض...

عند شراء سياره في كندا ستخضع اكيد الى (Insurance) اي التامين على السياره..
ويضم (العمر + موديل السياره + منطقة السكن)
وهنا ستجد اختلاف في سعر التأمين مع اختلاف المنطقه... وربما مع اختلاف الشارع في نفس المنطقه
ويصل الفرق احيانا الى 100 دولار شهريا ..
المهم ...عند استأجارك شقه او بيت ...
اسأل عن اسعار تأمين السيارات بنفس المنطقه عن طريق النت ...
لانك اكيد ستشتري سياره وانت في كندا....واي مبلغ ولو بسيط سيؤثر علي الميزانيه

متمنيه الموفقيه للجميع
كنداااااااااا

[abood5]

شكرا اخواني عل المساعدة ..عندي سؤال .

شكد الوقت المحدد تقريبا بعد الفحص الطبي للسفر..وهل دولة عن دولة تفرق بالوقت ..يعني مثلا الاردن اسرع من سوريا لاعطاء الفيزة بعد الفحص الطبي لو نفس الشي ..اني سمعت من حجيكم من 2-6 اشهر..هذي المدة نفسها بسوريا او نفسها بالاردن او نفسها بمصر لو تتفاوت المدة من دولة لدولة


شكرا جزيلا للجميع..تحياتي الكم 

[alasmer]

الاخ abood5
اخي العزيز اتكلملك على سوريا اغلب الاحيان يكون السفر بعد ثلاث اشهر واعرف حالات سافرت بعد شهرين او اقل من شهرين هذا الي اعرفه بسوريا ومن خلال معرفتي بالاخرين اما الفرق فأكيد الدوله الي بها سفارة كندية تكون اسرع واغلب الاحيان تختلف من شخص الى اخر وليس من دوله الى دوله واتمنى لك ولجميع الاخوان السفر قريب

[كندا]

الى الاخ abood5

صحيح ماقاله الاخ الاسمر ...
ان لكل شخص او عائله ظرف خاص ..من خلالها يحدد وقت وسير ( الكيس)اي المعامله..

واذا يأخذ الحال بألترتيب بين الدول وحسب معرفتي ...ا
ن الاردن تأتي بالمرتبه الاولى رغم عدم وجود سفاره وانما قنصليه..(اليوان عندهم مرتب))
وسوريه ثانيا رغم وجود سفاره كنديه ((لكن اليو ان فيها مخربطين))
ومصر ثالثا وهي لاتفرق كثيرا عن سوريه( بالخربطه)
ومن ثم الدول الاخرى مثل لبنان وغيرها

المده الحقيقيه بين الفحص الطبي والسفر هي من 2  الى 6 أشهر كحد اقصي لان هذا هو الوارد في القانون..بعدها يسقط الفحص
لذلك نرى ان البعض يعاود الفحوصات عند تأخير  موعد السفر

[مسافر وراء البحار]

مرحبا اختي العزيزة اريد ان اعرف في حال حصلت على فيزا سياحة او علاج الى كندا هل يمكنني ان اقدم على الاقامة الدائمة من داخل كندا , واذا تم رفضي هل ممكن ان اضع في احد بنوك كندا مبلغ 100 الف دولار ويتم قبولي ومنحي اقامة دائمة وشكرا

[abood5]

اتقدم بالشكر لأخواني كندا و اسمر على التوضيح..وربي يجعل هذا بميزان حسناتكم

وراح اسأل سؤال الخ وارجو تحملي...بالنسبة للسرعة بالمعاملة ..اكو ناس قدمو عن طريق كفالة خماسية عن طريق اليو ان .. واكو ناس قدمو عن طريق اليو ان بس بدون كفالة احد ..اريد اعرف من حضرتكم اي من هذه المعاملات اسرع ومضمونه اكثر..مع فائق احترامي وتقديري الكم


شكرا لكل من ساهم  والله يوفق الجميع بسفرهم

[ARNEST]

مساء الخير شلونكم يارب بخير اني اخوكم ارنست عراقي بسوريا حبيت بس اسأل اني سولي كفاله خماسيه الكندا الى مقاطعة اونتاريو بس حبيت اعرف شكد طول اني جاني الموافقه من الامكريشن بكندا وقدمت فورمات وصارله تقريبا شهرين بس شكد بعد طول وكلشي بيد الله اني اعرف هلشي بس حبيت اشاركم ويارب الكل يسافر بأقرب وقت تحياتي ارنست

[كندا]

الى الاخ مسافر وراء البحار...

بعد انتهاء مدة الفيزه المعطاه للعلاج ..يمكنك التقديم الى
 دائرة الهجره (الامكريشن )..
وبفضل بطلب من محامي لاتمام الاجراءات الاصوليه معهم
وفي الغالب يتم القبول بعد الاستفسار والتحقق من شخصك...

اما مسألة المبلغ فلا علم لي بها تحديدا...
ومعلوماتي ان التاجر لحصوله على فيزه تجاريه لدخول كندا يضع مبلغ من المال في البنك للثقه بالتعامل
وهذا المبلغ يتغير حسب نوع العمل

[كندا]

الى الاخabood5

معلوماتي ان الكفاله الخماسيه مضمونه اكثر من حيث الموافقه لانها لاتكلف الدوله اي مبالغ تذكر...

وعليه ربما تكون اسرع من معاملة اليو ان....

خاصتا ان الكفلاء جميعهم تحت يد الحكومه الكنديه!!!

[كندا]

الى الاخ ARNEST

كما ذكرت فبل للاخ عبود ...

ان الكفاله الخماسيه مضمونه اصلا ....
وخاصتا انك قلت ان الامكريشن بكندا بعثت لك الموافقه وامليت الفورمات...
وهذا الشئ يبشر بالخير...
اخي ..
اذا اتممت الفحوصات الطبيه ايضا فأنا واثقه انك سوف لن تنتظر طويلا ....
وخلال شهر سنسمع منك خبر السفر بأذن الله..

لكن اتذكرنا وخبرنا....
التوفيق للجميع....

[ARNEST]

شكرا اختي العزيزه على ردك وشكرا لكل الاخوه هنا وان شاء الله راح استمر وياكم وانقللكم كلشي يصير حتى يستفادون منه الاخوه تحياتي والسفر القريب للجميع

[migrant]

أخوية ارنست انا ايضا مقدم على الكفالة الخماسية و الامكريشان الكندية دزتلي الفورمات و مليتها قبل 3 اشهر ولحدالان لايوجد خبر جديد المفروض  يحددون لنا مقابلة ولكن ما زلنا ننتظر..

 يا ريت الاخت كندا اذا تعرف اي خبر تبلغنا..وشكرا الكم

[ARNEST]

والله يا اخوية  اني هم مليت الفورمات ودزولي البروف مناك البروف قصدي موافقين على الكفلاء ومليت الفورمات وصار شهرين وماكو شي يارب يجينه شي الانتظار يقتل وقلق والله كريم ان شاء الله تكون مقابلتك عن قريب يارب وكل الي دينتظرون تفرج عليهم ونستقر ونرتاح تحياتي الكم وشكرا الى كل من ساهم في هاذا الصرح الراقي كل مافيه تحية حب واعتزاز وامتنان اخوكم .....ارنست

[كندا]

الى الاخوه..
ARNEST
migrant

اتمنى من كل قلبي ان تفرج عليكم  ..
ولكن السفاره الكنديه المعروف عنها انها سفاره الصبر..
فما عليكم الا الصبر وستفرج بأذن الله ..
كما فرجت على الاخ اريد وطن والاخ انيشتاين العراقي...
انا متفائله ..
كل من دخل صفحتنا يكون موعد سفره قريب
كولو  امـــــــــــــــــــــــــــــــــــــــــــــــــــــــــــين

[ARNEST]

 امـــــــــــــــــــــــــــــــــــــــــــــــــــــــــــين الله يسمع من حلكج يــــــــــــــارب والكل يسافرون وتنفتح بوجهم يارب

[abood5]

اهلين بالشباب كيفيكن ..شو هل الحكي يا معلم ...

بالبداية اقدملكم  تحياتي ..اكو سؤال محيرني ..عندي مسدس مال صجم ..كلش معتز بي اكدر اخذة وياية لو ما يخلوني

[abood5]

والله اسف جنت اشاقة وياكم ..هههههههههههههههه...لان شفت الناس كلها هنا خايفة وقلقانة ..والله الشغلة عادية ..والله شنو كاتب راح يصير لو  اي واحد مكتوبلة يروح لكندا راح يروح ..والعكس صح...خليكم ريلكس الدنيا كلها 80 سنة نعيشها ووراها كل واحد يروح لكاعة ..ولهاذا يا اخوني عيشو حياتكم بونسة ولا تخلون القلق يغلبكم

تحياتي الكم والله يسهل كل معاملاتكم



شون ما يكولون بالدعايات

(يد بيد لا سلاح باليد)

[كندا]

شكرا اخ abood5 على المداخله الظريفه...

 اتمنى من الجميع ان يكونوا متفائلين مثل الاخ عبود...


وليكن شعارنــــــــــــــــــــــــــــــــــــــــــــــا من الان ...

(((دع القلق ...وأبـــــــــــــــــــــــــــــــــــــدء الحيــــــــاة...)))

وبأذن الله ستجــــــــــــــــــــدون ماتتمنونه امامــــــــكم...

[Mazen Al-Baghdadi]

كلامك ذهب اخت كندا بس احنه بطبعنه الاستعجال لازممممممم  انغير هذا الطبع
لان الظاهر ان الدول الى تطلب للاجئين تحب الصبر والانتظار.......
اخوي عبود شلونك اشو احنه بعد ما صايرين 30 سنه خلصنه وشيبنه شراح يوصلنه لل80 سنه ههههههههه

[مسافر وراء البحار]

شكرا اختي هل تقصدين انني ممكن اقدم على طلب اقتمة دائمة بدون ان يكون هناك مبلغ 100 الف في البنك وهذا افضل لي لاني سمعت اذا الشخص يقدم على هجرة رجال اعمال يكون مشروطا عليه القيام بمشروع وفي حال خسر المشروع تلغى اقامته لذلك اما اريد هذه الطريقة واريد ان اقدم كشخص عاد ي خصوصا انني لا املك مبلغا كبيرا اعتمد عليه , كذلك اختي انا من البدون في الكويت هل يتم منحي فيزة علاج خصوصا ان يدي اليسرى بحاجة الى علاج طبيعي حيث بها قصور في العظلات جراء حادث حصل لي وشكرا سيدتي الفاضلة 

[abood5]

شكرا اخت كندا على ردك


اخوية ((اريد)) يمعود بعدك ما صرت 30 وتكول شيبت ..صلي عل النبي ..بس تسافر على كندا يبدي عمرك من جديد ..وتبني مستقبلك من جديد ...ومن يصير  عمرك 60 تكول اني بعدني بعز شبابي..انت شايف الناس هناك ..يصير عمرة 60 ولا شيبه بشعرة ..شلون ما تعرف ..يعني يجوز تكلة براسة  ست سبع شيبات لان اني عادهم وادري ...بس تلكاه مفعم بالحيوية والنشاط 



 

[abood5]

اخواني عندي سؤال

بالنسبة للفحص الطبي اذا سويت فحص طبي ..لازم انطي ورقة الفحص للدكتور ..لو من اخلص فحوصات اخذها وياية واني اوديها للسفارة..لو  اني ادزها لفرنسا لو الطبيب ..اذا امكن ممكن توضحولي هاي الفقرة ..وهل بعد ما يرجع الفحص الطبي من فرنسا لازم اني اخذة اودي للسفارة لو الطبيب ..

بالنسبة لحجز السفر لليو ان ..هل اني اروح احجز على شركة الطيران ..لو همة وكالة الهجرة والمهجرين يحجزولي طيارة

ارجو منكم التوضيح

تحياتي الكم

[اينشتاين العراقي]

اخواني عندي سؤال

بالنسبة للفحص الطبي اذا سويت فحص طبي ..لازم انطي ورقة الفحص للدكتور ..لو من اخلص فحوصات اخذها وياية واني اوديها للسفارة..لو  اني ادزها لفرنسا لو الطبيب ..اذا امكن ممكن توضحولي هاي الفقرة ..وهل بعد ما يرجع الفحص الطبي من فرنسا لازم اني اخذة اودي للسفارة لو الطبيب ..

بالنسبة لحجز السفر لليو ان ..هل اني اروح احجز على شركة الطيران ..لو همة وكالة الهجرة والمهجرين يحجزولي طيارة

ارجو منكم التوضيح

تحياتي الكم

اخويه العزيز عبود ورقه الفحص الطبي توديه للطبيب ويفحصك وراهى هو يدزهه لفرنسا يعني نتائج الفحوصات
وبعدين فرنسا يقيمون الحاله ويدزوهه ويدزوهه لسوريا للسفاره
فانت كل دورك بالفحص الطبي تودي الأوراق للطبيب وهو يفحصك وراهى انت بعد معليك هي تروح اوتماتيكا للسفاره
وتقبل تحياتي
اخوك اينشتاين

 

[كندا]

اخي مسافر وراء البحار

اذا كان لديك جواز كويتي ...
فأعتقد ان المسأله ستكون سهله بالتقديم الى السفاره الكنديه للحصول على فيزه علاج..
واذا لم يوجد فتستطيع التقديم الى اليو ان في الكويت ..
والباقي انت تعرفه اكيد...

[كندا]

شكرا اخي اينشتاين على التوضيح..


اخي  abood5....

الفحوصات الطبيه تتلخص بالاتي...

تستلم الاوراق من السفاره بعد التوقيع على مصاريف الفحص ومصاريف الطياره معا...

بنفس اليوم تذهب الى الطبيب او الاطباء لان ربما يكون هناك اكثر من فحص.....

بعدها يتوقف دورك...
يقوم الطبيب بأرسال الفحوصات الى فرنسا للبت فيها...

اذا كان هناك شك في الفحوصات سيعاد الفحص الى اليو ان...
ولذلك هناك مرات عديده يتم اعاده الفحص لاشخاص تم فحصهم مسبقا...والاكثر حسب علمي هم كبار السن والاطفال..

اذا كانت الفحوصات اوكي ستخبرك اليو ان وتطلب منك احظار الجوازات للسفر...
والحجز يكون عن طريق منظمه IOM المنسقه مع اليو ان...اى تستلم الحجز وهو كامل مكمل..

[العاشق_1111]

اولا  هلا وسهلا بيج  اختناكندا   العزيزه ومرحبا   وثانيا شكرا  لمجهودك القيم  في تقيم الوضع واعطاء الصوره  عن كندا   اختي الكريمه انا في سويا من 2008  ومقدم على التوطين  وهسه دا انتظر الوفد الاميركي بس اعتقد  ماراح انقبل لان انا كنت معتقل عدهم مده اربه اشهر   واريد  اجي على كندا كانت بمثابه لي حلم من زمان
علما انا والدي  كان يعمل  في القوه الجويه سابقا  واخويه اختطف من سيطره للجيش الحكومي  منذ 2007  وما اعرف عنه اي شي ومسجل بالصليب لاحمر  وعندي  شريط فيديوا مال  تقليد للوالد  هل يفيد بشي وعندي  كتب مال الاعتقال    وانا تعرضت الى تعذيب من قبل مليشيات   وحتى عندي  علامات    وعاهات  فكيف  احول ملفي على كندا خصوصا اني ماعندي احد  افيديني    ومشكووووووووووووووووووووووووووره على جهودك الطيبه

[abood5]

اخوية العاشق..اطلب من اليو ان بسوريا ..ارفض امريكا ..واطلب كندا..,اذا عندك وثائق تثبت اعتقالك وتعذبيك..فا اطمن ..راح يتعاطفون وياك..ويقبلوك 100 % اذا وصلت للسفارة وشافو حالتك حتى سفرك راح يمشي اسرع من باقي الناس ..لان كندا من ناحية حقوق الانسان ..محد يلحكهم وعدهم البشر غالي والة قيمة..مو مثلنا ههههههههههه نحنا البشر عدنا هيجي ولا اي شي صفر ...

اخوية انصحك قدم على كندا احسلك ..امريكا سالفة عاوية وتلعب النفس وكلمن راح اتندم , ما اريد اهبط معنوياتك حبي ..بس والله هذا سمعتة من حجي الناس

[فليحه سوادي]

اختي العزيزة كندا
ما هي نوع الفحوصات الطبية التي يتم اجراؤها بالنسبة الى طالبي الهجرة الى كندا هل هي فحص دم واشعة فقط ام ماذا؟؟
وهل بالامكان اجراء الفحوصات في العراق ؟
ام ان السفارة الكندية تشترط اجراء الفحوصات في بلد اخر مثل الاردن او سوريا

اشكرك علىجهودك في هذا المنتدى لخدمة الناس

اختك فليحة

[كندا]

الى الاخ العاشق_1111

انا اعتقد ان امريكا سوف ترفضك ...
وهذا الشئ منطقي كونك وعائلتك من المطلوبين والمحتجزين بالسجون الامريكيه في العراق...
فحاول ان تبدء انت برفض امريكا والتمسك بدوله ثاثيه كندا او غيرها..
واللجوء الى منظمه اليو ان مره ثانيه لتغير الدوله للهذه الاسباب وهي كافيه بأعتقادي...
وفي المنظمه يوجد قانونيون لديهم اختصاص بهذه المسأئل ...
والله يوفقك...

[كندا]

اختي فليحه سوادي..

الفحوصات لابد ان تكون في البلد التي انتي مقدمه منه  الى  اليو ان...

والفحوصات هي اوراق تستلم من قبل السفاره او القنصليه ببلد التقديم...وتحمل رقم الكيس او (الملف)..
مع تحديد للاطباء...((اي الشغله غير اختياريه))

والفحوصات تشمل ..
الفحص السريري
فحص اشعه للصدر
تحليل الدم والأدرار

تعود كل هذه الى الطبيب الذى عمل الفحص السريري وبدوره يرسلها الى فرنسا للتأكد من صحتها...

[هباوي]

سؤالي عن الكفالة الكنائسية كيف استطيع التقديم؟ارجو من لديه معلومات تزويدي بها واكون ممتنة له وبلاخص للاخت كندا فانا اسمع عن الكفالة الكنائسية ولكن لااعرف كيف التقديم فلدي عائلة وقد تم رفضي من امريكا واستراليا والى الان لم احصل على توطين ارجو التوضيح

[العاشق_1111]

الى اخي الحبيب عبودي والى اختي الكريمه كندا السلام عليكم اشكركم على الردود  واشكر تعاطفكم معايا اخي بالنسبه للرفض انا حولوني على امريكا  وخابروني الهجره  وكتله للموظف اني  ما اريد امريكا ل لان انا كنت معتقل عدهم   وعانيت ما اعانيته عدهم  ونفسيتي  تعبالنه من جراء الاعتقال كال انا مو بيدي روح على اليو ان  ورحت وكتلهم  كالوا من ترفض امريا ينغلق ملفك على التوطين  نهائيا  وهسه اضرب الملف مالك   xكدامك   وعفته  وانطاني الموظف  موعد  3-6 كال اذا ما اجيت احول ملفك الى اليو ان  على اساس انت رافض   وبالفعل تم تحويل الملف الى اليون  بس هو من خابرته كتله هيج السالفه واني شسوي كال  انت ليش ترفض امريكا خليهم همه يرفضوك احسن علمود يصير عدك فرصه     يحولون ملفك على دوله اخرى  وبعد عناء 4 اشهر يالله حولي ملفي على الهجره مره ثانيه  وكملت المقابلت  وبقيت على   المقابله مال الوفد  قبل 4ايام سويت بصمه   بس انا اعرف انهم راح يرفضوني بس راح تاخذ وقت على ماتجي الرفض  زين كولولي   شاسوي  اروح على السفاره الكنديه واكللهم اني  لاجئي وهذا ارقمي  وهاي المستمسكات الي عندي والمليشيات  تركض ورانه  وعندي شريط مال  تقليد للوالد  ويحجي بيه على  الطلعات الي قام بيها  على ايران  وعندي كتب اعتقال  الامريكان  والشرطه لا الحكوميه وعندي اخويه لاصغر اختطف من 2007 وما اعرف عنه شي لحد لان ومسجل بالصليب الاحمر بسوريا   ارجوكم ساعدوني  راح اتخبل وضعي المادي كلش صعب  والنفسيه منهاره   وما اعرف شسوي  وشلون اروح على السفاره  وشاكللهم   وشكرا الكم  ومشكور كل من يقدم لي لنصيحه    اخوكم العاشق_1111

[ARNEST]

اني ماعرف شكولك بس انته ليش متوقع تنرفض يمكن يقدرون ضروفك ومتنرفض تره كندا من تقدملها لو كفاله خماسيه لو كنائسيه لو تقدم هجرة استثمار لو ايادي ماهره زين انته تروح شتكلولهم  حاول اخي تقابل الوفد وتشرحله ضروفك وراها الله كريم اني ماعرف شكولك بس ثق لو بيدي شي بعيوني بس انته بيا دولة هسه وان شاء الله الاخوان ميقصرون وياك هنا تحياتي

[كندا]

الى الاخ العاشق _1111

انا اتمنى من كل قلبي تنحل قضيتك ..لاني حاسه بمعاناتك...

واطلب من الاخوان في المنتدى ان يشاركون في ابداء الرأي لحل هذه المسأله...

ولكن يااخي نصيحتي ان تنتظر الرد اذا كان بالرفض او القبول وبعدها تأخذ القرار...
وبأذن الله سيكون  لك مخرج من هذه المحنه...

((وكل ماتضيق...تفـــــــــــــــــرج ان شاء الله))

[كندا]

اخي العاشق....

نسيت ان اذكر لك....
ان التغير على بلد ثاني بعد الرفض تكون مدته اقصر ....

خلي ايمانك بالله كبير.....والخير في مااختاره الله.....

[كندا]

الاخت هباوي....

الكفاله الكنائيسيه...
هي ايداع مبلغ في الكنيسه الموجوده لبلد التوطين عن طريق شخص او محامي...

وهذا المبلغ يبقى لدى الكنيسه لحين وصول اللاجئ ويصرف جزء منه كل شهر ..
لان الدوله غير ملزمه بأعطاء راتب ...
وهذا المبلغ هو الكفاله التي تقدمها الكنيسه ....

[العاشق_1111]

السلام عليكم اختي العزيزه  كندا  واخواني الي  ردوا على الموضوع  واني شاكر جدا جهودكم الطيبه وربي  يوفقكم  ويجعلها في ميزان اعمالكم الطيبه  وهذا  شي موغريب عليكم  لان  دائما العراقي  ابو  شيمه وغيره  ولله دا احس من اتكلم معاكم   قلبي  يرتاح  واحس انكم عائلتي من اخوه واخوات لان انا هنا وحيد في سوريا  لله يحفظكم ويحميكم يارب اختي العزيزه   كندا  انا  راح انتظر الوفد بس انا اقصد مده الاتظار يالله يقابلنا الوفد   وبعد ميقابل اقل شي شهرين يالله تعرفين النتجيه  وهم كم شهر يالله عود يحولونك على  غير دوله  زين   اريد اخذ رايج بشغله   انا شريط الفيديو ما  اظهرته لحد لان   اكدراروح على السفاره  الكنديه  واحجيلم قصتي   وبما انا عندي  ملف باليون ان  ومتحول على ىالتوطين يعني بين ما تفظ شغله الوفد همه على ابو القليل يجيني رد منهم لو اخليها بعد الرفض  وهو يتحول اوتماتيكي  لان اكو  خبر غريب قريته البارحه بالمنتدي  انوا الي يرفض من امريكا بعد ماله توطين وما اعرف على حسب قول الي كاتب الموضوع شي جديد هذا   افيدوني  جزااااااااااااااااااااااااااااااااكم لله الف خير عني  ودمتم  بحفظ لله         اخوكم العاشق _1111     

[abood5]

والله اخوية العاشق ..الله يكون بعونك..اني اكولك لا تستعجل ..باتخاذ قراراتك ..وحاول تدرس اي قرار قبل ما تتخذة ...اذا اكو خطر انه التوطين مالتك ينحط عليه x وينلغي . فا احسنلك ..ابقة على امريكا..مهما يكون احسن من العراق وسوريا ..ان امريكا رفضتك ..فا خير على خير..وقدم على كندا..وان قبلتك فا اتوكل على رب العالمين ..وما تعرف يجوز هناك ..الله يوفقك ويفتحها عليك..وحبي اكولك شغلة..من تروح لليو ان ..لا اتبالغ بمعناتك يعني احجي بشكل منطقي..لان من يشوفوك اتبالغ بانك  كلش  متاذي..ماتفيد..انت الي يخدمك الوثائق الي عندك..مال ورقة تهديد..هاي وحدها تفيدك كلش..ومن توصل لامريكا..اعتقد تكدر تعبر قجغ على كندا..وتطلب لجوء..فا انت حبي ..خطوة خطوة ..والله يوفقك ويحل مشكلتك ..اني اكولك هاي مو بس انت ..حالتك النفسية تعبانة كلنا مثل حالك... الشباب الي بسوريا بالاردن فاقدين شي اسمة الاستقرار الواحد ما يحس لا بالانتماء ولا بالاستقرار..الله يكون بعونهم على هل العيشة الكشرة

[احمد الغريب]

السلام عليكم ورحمة الله وبركاته ... من رخصة الاخت العزيزة كندا . .. اخي العاشق1111 اولا قبل كل شيء تأنى قبل ان تخطو ا أي خطوة قد تكون لغير صالحك كون ان كندا لاتستقبل اي شخص حتى لو كان مسجل في اليو ان وقد تحول ملفه على التوطين هذا ليس معناه انها ستستقبل طلبك وانما الطلبات التي تنظر بها فقط التي يتم تحويلها عن طريق اليو ان حصرا ولاتقدم اي مستند او دليل مادام انه لم يطلب منك ذلك فتأنى وانتظر نتيجة الوفد الامريكي واعلم اخي العزيز ان كندا لها نفس طويل فجميع الذين تحولوا على السفارة الكندية يبقون اشهر وقد تطول اكثر من سنة او سنتين ينتظرون الاجراءات التي تقوم بها السفارة وهذه ليست سهلة انا لا اريد ان اقلل معنوياتك بالعكس عليك الصبر اولا ومارس حياتك الطبيعية بعيدا عن التفكير بهذا الموضوع لأن عامل الوقت هو طويل اكثر من بقية سفارات الدول الاخرى فتأنى الى ان يسهل الله امرك في التوطين والسفر القريب ان شاء الله . اخوك احمد الغريب من مصر

[كندا]

شكر الى الاخ احمد الغريب والاخ عبود
لمشاركتهم في موضوع الاخ العاشق 111

اخي العاشق..
قبل كل شي المسأله تحتاج الى صبر وصبر طويل...اذا كنت على الامريكيه او الكنديه....

 ان انصحك بعدم تقديم اي شئ مخالف عما قدمته للوفد الامريكي...
لا شريط ولا شئ ثاني....
لان الملف اذا رفض ((سيحول)) الى بلد ثاني اي لايفتح ملف جديد..
اي كل مابه من كلام وتهديد وغيره يجب ان يكون واحد ..
واذا تم اي تغير سيؤخر سير الكيس...((وهما يريدوها من الله))

اهم شي يجب ان تصر على كلامك ...وحاول ان لاتأتي بذكر الوالد كثيرا لانهم يخشون العسكرين وعوائلهم ..
انا اتكلم عن الكنديه...
تكلم عن نفسك وعائلتك الموجوده ...وسبب خروجك من العراق...واصرارك بعدم العوده للبلد مهما حدث....

الله يكون في عونك ويصبرك على ما انت فيه....
اتمنى ان توافينا بكل جديد عن حالتك مع الوفد الامريكي...
                   

[هباوي]

اشكرج اخت كندا على المعلومات فانا سبق وسالتكي عن الكفالة الكنائسية ولكني يا عزيزتي ليس لدي احد في كندا حتى يكلف محامي سؤالي ماهية الكنائس وهل استطيع ان اخاطبهم عن طريق العنوان البريدي  الخاص بهم او هل يوجد محامي ثقة لهكذا معاملات ؟اسفة على الازعاج ولكن ليس لي احد الجئ اليه غير هذا المنتدى الرائع ومساعدتكي الطيبة

[العاشق_1111]

اخواني عبودي  واحمد الغريب والاخت كندا اولا سلام من لله عليكم  واشكركم جزيل الشكر على الردود  الطيبه والتي تفوح منها رائحه الود والطيبه التي تعكس الشخصيه العراقيه شكرا لكم من كل قلبي                  اختي العزيزه كندا ولا يهونون اخواني الاعزاء  انا اقصد بالشريط  هو ليس مخالف لما اقول  من قصتي  وانما هوا دليل اثبات على كون والدي كان يعمل قي القوه الجويه هو شريط يحكي بيه على العمليات الجويه ضد ايران من يوم الرد 22\9\الى  اخره  وهمه سالوني عن والدي كالولي ابوك ضابط كتلهم لا   لان هو بالفعل  نائب ضابط بس صنفه مقاتل جوي على القاصفات  يعني هو يقوم بالعمليات القتاليه في الطلعات الجويه  لان همه بيها 3 الطياره القاصفه  ملاح الي يوجه الطياره  والطيار الي يقود الطائره  والمقاتل الجوي عليه القصف والقاء القنابل والصواريخ  فقط هذا للتوضيح  واني هي قصتي هيه هاي  وانا ما قصدد اغير بيها وانما ا ادعمها بدليل اثبات لانوا همه كالوا  من تجيك  دلائل واو اوراق عادي احنه نرفقها بالملف مالك  طبعا هذا كلام اليون ان لذا طلبت منج الاستشاره والتوضيح  مشكوره جهودك الطيبه  ومشكوررين كل الاخوان الي ردوا علىالموضوع   ولله يحفظكم  وينجح مقاصدكم بالخير يارب   اخوكم العاشق_1111

[العاشق_1111]

عذرا اني نسيت شغله وحده الشريط عباره  عن مراسيم  تقليد للضباط والمراتب في  1984   هو مسجل من االتفزيون العراق يعني من القانه الاولى  سابقا من احدى نشرات الاخبار  يعني شي رسمي   وشكرا الكم

[احمد الغريب]

اخي العاشق نصيحتي انك لا تقدم هذا المستند الذي تكلمت عنه لان جميع الدول لاترغب بالشخص او كون الشخص من عائلة شاركت في القتال بصورة مباشرة وكل الاخوة لاحظوا ان اغلب العسكريين جائهم رفض بسبب مشاركتهم بالحرب وكذلك بسبب تخوفهم على مجتمعاتهم الذين يحاولون ابعادهم عن هكذا مواضيع ليبقى المجتمع امن وارجوا ان تتأنى في ذلك كنصيحة اخوية واتمنى لك التوفيق. اخوك احمد الغريب

[العاشق_1111]

اخويه الحبيب احمد الغريب اولا السلام عليكم ثانيا اشكرك جزيل الشكر على متابعتك لموضوعي والرد عليه وانا طبعا التزم نصيحتك واخليها على راسي ياطيب  وشكرا مره ثانيه الك وللجميع من يرد على موضوعي  اخوكم العاشق_1111

[كندا]

اخي العاشق1111

ماقاله الاخ احمد الغريب هو نفس الشئ الذي اردت ان اوصله لك....

والشريط اذا كان قد عرض على التلفزيون هذا يؤكد ان الوالد عسكري مهما كانت رتبته...

وقد تقلد لمشاركته في الحرب...
وبذلك يعد عسكري ويعمل له حساب ((وخاصتا في هذه الدول))

وعن تجربه لكثير من الاخوان مع اليو ان ...
ان السؤال الاول المهم ...
هل انت عسكري ومن هم افراد العائله من الدرجه الاولى  ..عسكرين..
اضافه الى دفتر الخدمه والفتره التى خدمة بها واين؟؟
واذا كان هناك ادنى شك...ركن الملف الى اشعارا اخر....


اخي انا لااريد ان احطم امالك في الوصول الى كندا او امريكا ..ولكن لأوضح لك الصوره..

ولعل القادم يكون خيرا بأذن الله..
ومن الصبح الى المساء يفعل الله ما يشــــــــــــــــــــــاء

[✪KlaRa ALmaRghi✪]

مرحبا للجميع

عندي سوال اخواني الاعزاء

اهلي عايشين بلاردن او قبلوهم معامله الكندا عن طريق اليوئن او سوو مقابله او فحوصات ورا 6 اشهر اجى اعادات فحوصات الابويه المهم سوا مره ثانيه فحوصات او صارلهم من ورا الفحوصات الي سوالها ابويه 8 اشهر دينتضرون.. قبل يومين خابرو سفاره الكنديه كالو بس دزو ايميل النا .
معاملتهم كلش تاخرت احنا نعرف كندا تتاخر تقريبا سنه بس اهلي تاخرو هوايه يمكن يعيدون الفحوصات يمكن يرفضوهم مااعرف الي يعرف او ماره عليه هيجي حاله ينطي خبر بلا زحمه عليكم اخوان

ت7ياتي اختكم ام يوسف

[العاشق_1111]

اختي العزيزه كندا سلام من لله عليك ورحمه منه وبركاته  انا  اشكرج جزيل الشكر انتي ولاخ احمد الغريب والاخوان الي ردوا على الموضوع  اشكر نصائحكم القيمه  انا انشاء لله راح اخلي الموضوع على ماعليه   وانا أسف جدا على  الاطاله عليكم وتكرار الاسئله وبس ولله شكد ما نفسيتي محطمه     وأكثر شي تاعبني انوا انا  شاب عمري 29       وكلي طاقه ونشاط وللاسف  ولحد لان صفرxصفر  اي ما مقدم شي لحياتي  لااستقرار  لاعمل لازوجه لا اطفال  دا اشوف مستقبل مضلم حالك السواد وما اعرف وين النهايه  اعذروني على  عفويتي بالكتابه معكم بس ولله هذا شي طالع من قلبي  وما كدرت امنعه وشكرا الكم مره ثانيه على كل كلمه وكل نصيحه قدمتموها لي  واريد منج ومن الاخوان الدعاء اليه  انوا ربي يسر شغلتي   ودمتم لي اخوه اعزاء  حفظكم لله  بعينه التي الاتنام وبقوته التي لاترام        اخوكم العاشق_1111

[كندا]

الاخت ام يوسف ...

بأذن الله سوف يتم الاتصال بهم خلال ايام ...
وان الوقت ليس سنه بل بين السنه والسنه والنصف تقريبا...
واذا هم موقعين على اجور الفحص واجور السفر ...فالمسأله هي وقت ليس الا...
اطمئني ..
لاتتوترين وتوتري الاهل...

[اريد وطن]

اختي الاصيله كندا

باقي الي 4 ايام واكون في تورنتو السفر من عمان مع ترانزيت 7 ساعات في المانيا وبعده نوصل الى ارض الوطن الجديد

طبعن اذا تحبين طلعين مزيقه وجكليت وهلاهل بالمطار اني ماعندي مانع بس المشكله اخاف يلزموني ويرجعوني وانتي وياي ويرجعونه لاهلنا اني كتلش وحذرتج ترى مو تكولين


اخوج وطني كندا

[كندا]

اخي اريد وطن ....

ان شاء الله توصل بالف الف سلامه....
اني حاسبتلك واعرف انو يوم 24\2 هو موعد السفر...
وكان بودي ان اكون في المطار بأستقبالك....

ولكن...
عندي موعد مهم مع طبيبي  ..لتحديد موعد عمليتي....

مره ثانيه توصل بالف سلامه...
وبأذن الله سنكون على اتصال.....
تحياتي لعمار وام عمار.....

اختك كنــــــــــــــــــــــــــــدا

[مهاجرين بلا حدود]

اخت كندا بس حبيت اشكرك جدا على المجهود الاكثر من رائع وبارك الله بك
والف حمد لله على سلامتك مقدما وان شاء الله عملية سهلة وماعندك غير العافية
تقبلي تحياتي
اخوك ابو محمد

[ARNEST]

شلونكم شخباركم يارب الجميع بخير سلامتج أخت كندا وأن شاء الله ماعندج اله العافية وتحياتي الكم جميعا واني هم بعدني انتضر موعد المقابلة على كولة أخوية أريد وطن سفارة السلاحف

[احمد الغريب]

سلامات اخت كندا ارجوا ان أطمأنينة عليج ان شاء الله تكومين بالسلامة ودعواتنا الج متنقطع يا أصيلة . اخوك احمد الغريب

[العاشق_1111]

السلام عليكم   شلونكم اخواني  الاعزاء   والف والف سلامه عليج  اختنا العزيزه كندا   وماعندج غير العافيه  انشاء لله  واحنا بانتظارج وانتظار  مواضيعج الجميله   والف الف سلامه  يارب عليج    اخوج العاشق_1111

[كندا]

شكرا لك اخي ابو محمد...

على مرورك الجميل ...وتفقد حالتي...

وما اعمله مع اخواني في المنتدى هو جزء صغير مما قدمته انت قبلي...

بارك الله فيك وبمن يعمل لمصلحه الجميع...

[كندا]

شكرا اخ ARNEST

على سؤالك ...ويارب العافيه للجميع..

والله كريم اخي.... الصبر مفتاح الفرج ..

ويارب تفرج عليك مثل ما فرجت على اخونا اريد وطن...

[كندا]

شكرا اخي احمد الغريب...

سؤالك وسؤال الاخوان فرحني اهوايه...

يارب ماتشوفون مكروه...

احتاج الى دعواتكم الحلوه ياطيبيـــــــــــن...

[كندا]

مشكور اخي العاشق 1111

العافيه للجميع يارب.....

والله يفرج عليك كربتك ..ويزيح همك ...

ونسمع بأخبارك الحلوه ...

كول.... ان شاء الله...

[Mazen Al-Baghdadi]

الف حمد لله على سلامتك اخت كندااااااااا
وانشاء الله تكومين بالسلامه وترجعين النه بمعلوماتك القيمه
والمفيده            صدق اخت عزيزه ويارب ترجعين بالسلامة

    

[migrant]

سلامات يا اختنا العزيزة وان شالله بردا وسلاما و متشوفين شر..
ماعندج غير العافيه و تكومين بالسلامة ,,,لا تنسين تطمنينا عليج اول بأول..

[marhan]

مرحبا
بينما كنت اقرا عن انواع الكفالات بكندا قرات عن الكفالات الكنسيه هل من الممكن ان نقدم نحن الاسلام على هذا النوع علما ان نحن عائله اكثرها بنات واخ صغير يدرس وانا خريجه ومقيمه بمصر ومقدمه على توطين وملفي لايزال
قيد الدراسه وشكرا





[/quote]

[كيكو]

الاخت العزيزة كندا تحية طيبة... اود الاستفسار جديا حول فرصة طلب اللجؤ في كندا عن طريق المطار (طلب اللجؤ عند الوصول الى الاراضي الكندية) بالنسبة لهذا الوقت تحديدا 2010 مع الاعلم اني لاجئ رفض طلب لجؤي في احدى الدول الاوربية ولم يبقى امامي خيارات كثيرة.. الرجاء ان لاتبخلي بأي تصيحة او رأي وشكرا

[الكاظمي]

  الاخت كندا     تحية طيبه متمنيا دوام الصحه والعافيه
  كما قلت سابقا انني امقدم على الهجره وليس اللجؤ قبل 3 سنوات ونصف السنه وانشاء الله ان يتم الاتصال
 في اقرب وقت,, سؤالي هو انني مقدم الاستمارات باسمي ومن ضون الشروط للحصول على نقاط للوصول الى 67 نقطه هي موضوع الاقارب في كندا وان زوجتي لها عمها اي اخو ابوها في كندا فهل هدا يعني ممكن الحصول على نقاط تساعدنا في دلك؟ ارجوا الاجابه لان الموضوع اقلقني جدا جدا
   
      مع كل التقدير والاحترام ياختنا العزيزه     
     
              تحياتي     الكاظمي

[اينشتاين العراقي]

اختي العزيزه كندا
انشالله تكومين بالسلامه من العمليه وترجعينه احسن من قبل
وعذرا لاني تأخرت شويه بردي بس ما جنت ادخل للموضوع وللمنتدى بصوره عامه هوايه
وتقبلي تحياتي
اخوج اينشتاين

[كندا]

مشكورين اخواني الاعزاء...

اربـــــــــد

migrant

يارب تشوفون العافيه دائما....

وتفرج عليكم وتحققون امانيكم...

[كندا]

الاخت marhan

الكفاله الكنائسيه تشمل المسيحين والمسلمين .....
وبأذن الله مافي فرق..

لانها تصب بالاخر تحت شعار الحالات الانسانيه...

ولكن اذا انت مقدمه عل اليو ان وتقولي ان ملفك قيد الدراسه ...
فكيف تقدمين على الكفاله الكنائسيه...لان هذه الحاله ستربك سير الملف...

اتمنى ان تحددي ماذا تريدين بالضبط...