الرجاء من جماعة تركيا الدخول رجاءا

[العربيد الأزرق]

اول شيء السلام عليكم و ثانيا قرأت البارحة في موضوع تحت عنوان رفض جماعي في تركيا انه 90 عائلة تم رفضهم في تركيا و حوالي 8 عوائل تم رفضهم بعد الفحوصات و الي كانوا ينتظرون موعد السفر اخوان عندي رجاء يمكم اريد من جماعة تركيا ان يدخلون هنا و يفهمونا شنو السالفة لأن لحد الأن الجماعة الي كتبوا الموضوع لم يعطوا الأسباب المقنعة للرفض الجماعي الذي حصل في تركيا


عربيد

الأنتماء   مافيا العراق

الرتبة    القائد العام

[عصفور الحب]

صباح الخير

رفض جماعي والسبب اعتقد هي نسبة تم تحديدها من قبل اللجنة ..... واجى الرفض براس الفقير الي
ماعندا ذنب بس مانكدر نكول غير بس يساعدهم وينطيهم الصبر وانشاء الله ينطوهم دولة احسن يارب



 اني من الناس المرفوضين وصدك ماكو سبب.

[زيوس]

الاخ العربيد الازرق المحترم

الحقيقة اني ما عندي معلومات عن هذا الموضوع بس حبيت ادخل حتى  اكول شكرا جزيلا على اللنك و عنوان المراسلة.


تمنياتي لكم بالتوفيق

زيوس

[زيوس]

الاخ العربيد الازرق المحترم

الحقيقة اني ما عندي معلومات عن هذا الموضوع بس حبيت ادخل حتى  اكول شكرا جزيلا على اللنك و عنوان المراسلة.


تمنياتي لكم بالتوفيق

زيوس

[العربيد الأزرق]

تدللين عزيزتي زيوس بس اسم زيوس حلو ممكن اعرف من اجتلج فكرة هذا الأسم و اني بخدمة الطيبين و اوعدكم ان اكون عربيد حباب يسهر على راحتكم و يزودكم بأي معلومة اتفيدكم


عربيد

الأنتماء    مافيا العراق

الرتبة      القائد العام للحرس العربيدي

[جورج يوسف توما]

السلام عليكم

اني من الناس الي انرفضت عن طريق الانترنيت دون ذكر الاسباب

ارجو من الاخوا المرفوضين او اي من يعرف اي معلومة ايكول شنو راح ايسون الناس المرفوضا

ومع العلم اني من الناس المتهجرا قصرا من داخل العراق <الدورة>

وصارلي سنة وشهر اهنانا وماعرف شنو اسوي والناس شنو حتسوي

اررررجو الررد

اخوكم جورج

[زيوس]

حبيبي العربيد اسم زيوس مذكر وليس مؤنث ههههههههه

ويعني اسم الهة المطر والرعد بالميثولوجيا الاغريقية

بس ترة هاي قوية مال عربيد حباب هههههههه

شكرا على اية حال

زيوس العظيم 

[الشجاعة]

السبب الاساسي الي هو الخدمة العسكرية والحليم يفهمها وقبلهم الذكي يلكف الاشارة

[جورج يوسف توما]

اخوان الله ايساعدكم ويساعدني
بس اريد اسال اكو ناس اجتهم الضروف للبيت زين اشوكت سسوو اصلا المقابلة؟؟؟؟؟؟؟

اخوان سمعت انو الي ايقدم تمييز متمشي معاملة استراليا هل هلحجي صحيح الي يعرفة شي بخصوص هل موضع ايساعدني
اخوكم

[العربيد الأزرق]

شكرا جزيلا اخوان على هذه الردود بس و الله اني بصراحة من سمعت 90 عائلة انرفضت و غيرهم همين و المشكلة انه معظمهم بتركيا يعني لازم اكو فد سبب وراها مثل ما اتفظلتوا اما العسكرية او كانوا يعملون مع النظام السابق لا حوله و لا قوة الا بالله الله يصبرهم و يعينهم على بلاء الدنيا

عربيد

الأنتماء مافية العراق

الرتبة   القائد العام للحرس العربيدي

[كرم كوكو]

اللة يساعدكم اخوان 
بصراحة هاي الشغلة الي صارت صعبة حيل  وكارثة بس محد يعرف شي  أكيد شنو السبب
واللة يعين الجميع ويسهل امورهم ويعطيهم الصبر  تحياتي كرم كوكو