اذالم يتطابق الاسم بالجواز مع الاسم بالشهادة المترجمة هل هي مشكلة بامريكا؟ رجاءا

[زيوس]

مرحبا شباب

ياريت اذا تكدرون تسلطون الضوء على هذي النقطة رجاء لان اني شخصيا عندي عدم تطابق بالاسم بحرف او اثنين وتعرفون تغيير الشهادة صعب فاذا اكو اختلاف حرف او حرفين هل هذي مشكلة بامريكا؟ 

الرجاء الرد اخوكم زيوس

[زيوس]

حبيبي ماجلان

شهادة الكلية البكلوريوس المترجمة , الله يخليك جوابك كان شافي يعني بناءا على كلامك يعني ماكو مشكلة بالموضوع

لان تعرف هذولة شكد شرفاء بالوزارات و عملية تغيير تاخذ وقت طويل بس ممكن بعد توضيح الله يخليك

يعني اذا اني عندي اسمي او اسم والدي بشهادة الاعدادية المترجمة بيه حرف او حرفين يختلف عن الي بالشهادة مال الكلية المترجمة والمصدقة من الخارجية العراقية فهل بامكاني كتابة هذي الاسماء كلها بهذا القسم الي تكلمت عنه؟  لو فرق حرف يسبب ازمة عدهم؟
اني بعدني ممطلع جواز G فاذا ردت اسويه يا اسم اخليه بيه الي موجود بشهادة الكلية لو بشهادة الاعدادية؟

اعتذر على الازعاج وممنون منك هواي حبي الله يخليك

[hussein5582]

مكتب المعادله لم ادز اوراقك مياخذ اي جواز او ايدي ياخذ بس الشهادات
يعني اسمك الي بالشهاده هو الي راح يكون بتقرير المعادله
وانته تكدر لم تعادل تكتب ورقه بالملف الي ادزه تشرح الاختلاف و اذا تريد تتلافه هذا كلاه عدل الاسم بالشهاده من بغداد اذا شفته صعبه
حاول ويا مكتب المعادله هنا
لانو مثل ما كلت المكتب ينقل الاسم الي موجود بالشهاده نصا

[زيوس]

ابو علاوي الوردة رحم الله والديك اغاتي

يعني هاي الافلام مال تطابق الاسماء والدوخة بس عند ربعنه التعبانين

اني ممنون منك هواي والله يخليك حبي بس ممكن اعرف (مكتب المعادلة هنا) يعني وين تقصد امريكا لو بغداد من فضلك؟

[hussein5582]

اخويه العزيز المكتب الي بامريكا
لانو همه يعتمدون على الاسم الموجود بالشهاده بالضبط
وهوايه تاذوا منهوخصوصا الناس الي مطلعين شهادة التخرج قبل جواز الجي لانوا مثل ما تعرف صارت من المستحيل عد جماعة الجوازات يوحدون السبيلنج مال الاسامي
يعني اني الاسم الاخير مالتي بالجوازات و الشهاده الاخيره كان alnuaime والاسم بالجواز الجي هو alnuaimi وتعال جيبلك واحد بالجوازات اتقنعه ليش اتغير او اتعدل هذا الحرف

واذا كلش لاصت عليك تكدر اطلع المعادله مثل الشهاده وتشرح الوضع للجامعه الي تريد اتكمل بيه وهمه راح ياخذون بالشهاده مالتك لانوا اكو  خانه بورقة التقديم للدراسات او الكليه انو اسمك الي مستخدمه شنو واسمك الي بالشهاده شنو علمود يعتمدون الاسمين

[زيوس]

ابو علاوي وماجلان انتم شكد ورود وشرفاء شكرا جزيلا وساعمل بهذه النصائح المفيدة مع خالص حبي وتقديري

شكرا جزيلا

زيوس

[ام الهنا]

 up...

[امجد العراقي]

السلام عليكم ...
عزيزي زيوس الورد
انشاءالله الجماعه ماقصرو  بهاي المعلومات القيمه ، بس اني من رايي اذا انت بالعراق  حاول توحد  اسمك بكلشي .. احسن والله .....يصير وميصير... ولو الولد همه بامريكا اعرف مني ، لكن اني خارج العراق ، وسالفة الوثائق مالتي داجه حيل ، لان مال الاعداديه (الله لايوفق الموظف الي ترجمهه ) شكل .. ومال الكليه  شكل ....وسجل قيد ال 57 .... شكل ....  ، وجواز G  شكل.... وهاي يمكن اذا تريد تفهم  الناس الي بالخارج على هاي الاختلافات ... يرادلك  اتصور محامي ...
مع العلم اني بوقتهه ماسويتهن بيدي والله شاهد دفعت كومة فلوس لمحامي ، واكتبتله اسمي الثلاي بالانكليزي مثل ما موجود بالجواز .... وبعدين سافرت ، وجنت متفق ويا يدزهن ب ال DHL ، وفعلا دزهن وياريته  ما دازهن احسن ... عود هذا محامي ... اتصلت بي وكتله هاي شنو ؟ اني مو منطيك السبيلينج  مال الثلاثي مال الجواز ... كال ها .. اني جانت عندي مرافعه ..ودزيتهن بيد هذا الولد .. واكدت عليه ... ولايهمك  دزلياهن دزلياهن .. واني ارجع اصلحهن ؟! كتله بالله هو هذا حجي .. اني منطيك فلوس لو نوه  انتو ليش ماعدكم ضمير ...
ولحد الان مختلفات وعندي ... بس شسويلهن   عود اذا  رحت الى اي مكان  اني اكللهم   تره ، عنده الموظفين كلمن يترجم على عرفهه
وتعشون وتسلمون
 

[need justice 1]

اخ امجد
ولو انه الموضوع قديم كلش صار سنتين والاخ زيوس بامريكا صار سنة و 4 اشهر ولله الحمد
ولكن اكدر اكول بارك الله بيك لرفع الموضوع لانه ذكرني باخ صديق وغالي مثل زيوس كريم وشهم وكل الصفات الحلوة بيه وانا مشتغل وياه ل سنة و6 اشهر تقريبا .
جزاك الله خير ذكرتني بمواضيح حبيب قلبي زيوس ...
يارب تكون بخير زيوس الغالي مع العلم انا على تواصل معه بين فترة واخرى
يا رب الموضوع يفيد الاخوة والاخوات الجدد .

[امجد العراقي]

اي والله ما انتبهت ؟؟..        
مشكور اخويه العزيز
مرات الواحد بس يقره الردود ، ويجاوب  وينسى يشوف تاريخ الموضوع ..
مشكور اخويه نيد جستس .. الله يبارك بيك
وانقل سلامنه وتحياتنا الى زيوس ..
وكل ربعنه