بعد اكثر من سنه مع الIOM اخير اجاني ال الاي زي نمبر

[wamidh77]

اخواني الاعزاء اعضاء المنتدى الغالي احب ان اشاركم اخباري وتتطورات الكيس مالتي مع الاي او ام لغرض افاده الاخوه الاخرين
قبل سنه تقريبا يعني بشهر 9 من عام 08 قدمت عن طريق الايميل على الاي او ام بغداد علما انو اني مقيم باحد الدول الخليجيه ووره فتره قصيره اجاني رقم BGD 4xxx
وتفائلنه خيرا ولكن بعدها اسبوع يمضي وره اسبوع وشهر وره شهر وماكو شي وكلما اراسلهم يجاوبون انو الكيس مكامله ودزلنه employment verfications  مع العلم اني دازه اكثر من 3 مرات بين كل مره ومره شهرين او 3 حسب طلبهم
الى ان اكتشفت بالشهر الاخير يعني قبل شهر او اكثر من التاريخ الحالي وعن طريق مديري بالشركه الامريكيه الكنت اعمل بيهه ( وذلك لعلاقتي الطيبه المستمره بيهم وهذا شي مهم لكل شخص مقدم على الاي او ام !!)
انو الكيس مالتي مخربطين بيهه حيث انهم راسلوه قبل كم اسبوع دازيليه الورقه مال الemployment verfications مالتي ويه اوراق جنسيه وشهادته جنسيه لغير شخص طبعا عراقي ايضا
وعليه راسلهم الرجل مشكورا ووضحلهم خطئهم وخالني بال CC مالايميل  واني هم رجعت دزيتت الاوراق القديمه مرت اللخ يله عد اجاني ال IZ نمبر
وهسه دانتظر الخطوه الجايه واعتقد هيه المقابلات وماعرف شوكت بس الله المعين وماعدنه غير الصبر
علما انو IZ العطونياه كالاتي
IZ 108xxx


وشكرا

[ammar_eng]

بيهة الخير اخي العزيز الله يساعدك سنة بدون مٌقابلات كلش هواية

بس ان شاء الله تفرج مبقة شي

[مهند هادي]

مبروك وشايف كل الخير

[wamidh77]

اخ عمار ومهند شكرا على ردودكم يا شباب وياريت لو احد عنده فكره كم يمضي من الوقت المفروض عمود اسوي اول مقابله ولو شي تقريبي

وشكرا

[زيد المدفعجي]

أخي بالخير والبركة عليك أعتقد بأن المقابلة الاولى مالتك تحدد خلال شهر حوالي.

[المهندس سيوفي]

يامحاسن الصدف !!!
 اخوية اني هم مقدم وياك بنفس الفترة بشهر ال 9 من عام 2008 ورقم ال BGD هم يبدي ب 4000 بس راح اهبط معنوياتك شوية انه اني مستلم ال IZ نمبر من شهر السادس الفات ولحد الان اي موعد للمقابلة الاولى ماكو !!!!  يعني صارلي بالضبط سنة ونص من قدمت ولحد الان كلشي ماكو !!! شنو السبب مااعرف
وكلما اراسلهم يكلولي انه احنا في مرحلة تجييك Verification Employment !! عجيبة !! وهم كلتلهم يابة ترة اني داز اثباتاتي ومديري مجاوبكم وبعد مااعرف شراح يسوون!! زين يابة لعد شلون انطيتوني اي زي نمبر وانتو ممتاكدين من وظيفتي ؟؟؟

عموما اني الاي زي نمبر مالتي يبدي بالرقم 106XXX

تحياتي وبالموفقية

[يوجد امل]

يارب تكون باقي الاجراءات والمقابلات سريعة
الله يسهل اموركم وتقابلون وتحصلون على الموافقة
سلام الله معكم
اخوكم يوجد امل

[wamidh77]

شكرا على الردود اخوان

[مهند هادي]

اخوية العزيز سيوفي

والله شفلتك محيرة اني نفس الحالة بشهر الثامن قدمت واعطوني الكيس نمبر بعد خمسة اشهر والحمد لله وصلني اي زد وقابلت ذاك الشهر الله يطيك الصبر ان شاء الله والله دمرونا جماعة IOMبغداد



اخوكم مهند هادي بغداد

[alusha1]

علخير اخ وميض ان شاء الله بيهة الخير
حالتي نفس حالتك وايضا عندي اقامة بدولة خليجية وقدمت بس ايميل واحد هلشهر واجاني فقط اوتو ريبلاي واني بصراحة حتى ماعندي رسالة توصية فقط باجات وشهادة تقدير
وما ادري راح تمشي شغلتي لو لا
اكيد لا بس كلت اجرب وعليك يا الله
تحياتي علوشة

[wamidh77]

شكر علوشه وان شالله تصير شغلتج اليوم قبل باجربس تدرين انت اول وحده تلفض اسمي بشكل صحيح

[alusha1]

الله يسمع منك وتمشي شغلتي ولو شبه مأيسة بس الله كريم
بعدين على اسمك أصلا ما يرادلة روحة للقاضي هو ال dh بلأنكليزي ينلفظ( ضاد) فما جان صعب الفظ أسمك
جدا واضح وان شاء الله بقية الاخوان يعرفوه ههههههههه ضحكتني يمكن جان حسرة عليك واحد يلفض اسمك صح
يلة الحمد لله نفهتلك
تحياتي اختك علوشة

[مها البغدادية]

اخوية العزيز الف مبروك حصولك على الي زي نمبر .
واني والاخ المهندس سيوفي نفس الشي حالتنا وصارلنا سنه ونص بس كيس نمبر واي زي نمبر وبلكي انت تفلت منها وتقابل بسرعه لان احنه طكت روحنة من الانتظار الممل والروتين القاتل مال اي او ام بغداد
ان الله مع الصابرين .

[wamidh77]

شكرا مها على المشاركه بس اني عندي سوال ليش منحول على مصر او الاردن تتوقعن اسرع شو من خلال المنتدى مبين جماعه مصر او الاردن ميطولون اكثر  من 6 شهور مقابلات وسفر , ماعرف اذا احد يكدر يفيدنه بنصيحه
وعلوشه كلامج صح صدك صارت حصره واحد يلفظ اسمي صح هههههههههه