من المانيا الى اميركا

[دهوكي]

السلام عليكم جميعا
بعد انتظار عدة اشهر بعد مقابلة التوطين الاولى التي كان الملف لالمانيا
اتصل موظف اليو ان بالكثير من اللاجئين وتم تحول ملفهم لاميركا بعد ان ابلغهم لا يوجد حاليا غير اميركا
على الرغم من ان المرفوضين من الوفد الامريكي تم تحويلهم لالمانيا
عيش وكلشي تشوف من اليو ان هذه المنظمة الانسانية ال دتلعب بمشاعر اللاجئيين العراقيين

[Baghdady73]

الله كريم..انشاءالله بيهة الخير
تحياتي

[angie-dawood]

المهم هو توطين والخلاص من معانات الدول الجوار واهم شي الاستقرار  وين ما كان اخي العزيز دهوكي انشاءللة نسمع خبر سفرك عن قريب حتى ترتاح من الانتظار

[On the road]

ولله صحيح المهم اتفق مع الاخت انجي
 توطين وخلاص من دول الجوار الى تخليك لا بالسما وبالارض الله يوفقك وسهل امرك وترتاح من الامم المتحده وتلاعبهم واستخفافهم بالمعانات الى نعانيها
تقبل مني

[john simon]

عزيزي دهوكي
بالنسبة للتحويل هذا ساري على هوى الموظفين, لكن اذا انت امقدم الى المانيا او عندك اقارب غي المانيا من الافضل ان اتأكد عليهم ان تبقي معاملتك الى المانيا لانه العدد المقرر للاتحاد الاوربي بقبول 10000 لاجيئ عراقي من دول الجوار لي حد الان ما كمل لذا حاول ان تبقى على المانيا بحجة انه اغلب الاهل هما في المانيا, واتمنى الك الموفقية والسلام.
جوسي  ناشط في حقوقو الهجرين والمهاجرين المانيا

[دهوكي]

اشكركم اخوتي وخواتي على الردود
بس اكو هم لمن تسمع عائلة كل اقاربها باميركا ويجبروها على المانيا وبالعكس شنو معناها هاي ؟؟؟
وبالنسبة لاخوية john اني عشرة من اهلي درجة اولى بالمانيا ولمن خابرني الموظف بلغني ماكو غير اميركا بس اني ما انطيتة جواب نهائي بالرفض حتى لا يغلق الملف مالتي وبلغتة بان كل اقاربي بالمانيا وهو جاوب ماكو المانيا ؟
والله كريم
واذا اكو نصيحة تكدر تساعدني فاني ممنون
وشكرا للجميع

[فراس الدباغ]

اخي دهوكي هل قمت بمقابلة السفارة الالمانية وتم تحويلك بعدها ام انك لم تقابل في السفارة الالمانية
وشكرا مقدما علئ الاجابة

[john simon]

عزيزي الاخ ادهوكي
تحية طيبة
اذا الاحجية انتا ما غلقت باب المانبا زين لعد حاول تتصل بالقنصل الالماني او اتخلي احد من اقارب في المانييا يتصلون بي او يمكنهم الاتصال بيا حتي انسق وياهم اهنا, الحقيقة ور يهمك انشاء الله يصير كلشي على مرامكم, لانه اغلب الموظفين مثل ماذكرت الك على هواهم او اغلبهم عايشين على الرشوة, لذا ارجو منك الاتصال بيا لانه باب المانيا بعدا مفتوح الك او اغلب الناس الليي راحو الى امريكا اتعذبو او المانيا بالوقت الحاضر احسن من غيرها او اتمنى الك الموفقيية والسلام وتقبل تحياتي
جوسي ناشط في حقوق المهجرين والمهاجرين

[عراقي وكرادي]

الله يسهلك اخويه دهوكي ويارب يجمعك بهلك باقرب وقت وتتحقق كل امنياتك يارب
اخوك عراقي وكرادي بوسطن

[القرش]

                                 السلام عليكم

اخي الغالي مهما يكن احسن من الدول العربيه الي لعبت بينه لعب ويروحون فدوه ل؟؟؟؟؟ الامريكان ..وربك جبير وماينسى عبده ..وبعدين يااخويه الغالي هم رايحين لاعظم دوله بالعالم وان شاء الله يتوفقون ومن الله الرزق .

ابو انس
شيكاغو

[دهوكي]

الاخ فراس الدباغ
اني لم يتم تحويل ملفي للسفارة اني عملت مقابلة وحدة توطين بكفر سوسة والموظفة الي قابلتني كالت ملفك على المانيا وكملت المقابلة ووقعت وباعدين نامت على ملفي طابوكة خمس اشهر وبعدهة اتصلو بي وكالولي ملفك تحول على اميركا
الاخ john
اني ذهبت للسفارة الالمانية بدمشق وما قبلو يدخلوني بس كالو الي احنة ما النة علاقة باليو ان لان ملفك يمهم واذا كان ملفك متحول النة احنة راح نتصل بيك
وشكرا للجميع

[john simon]

عزيزي الاخ دهوكي
تحية طيبة
اذا الاحجاية هشكل لعد رابط على باب اليو ان او اي او ام او كلهم ما اترك بابكم على ما اتحولون الملف الى المانيا, او بالنسبة الى اقاربك في المانيا يمكن ان اشويا يحركوها اذا اتحب تبقى على خط المانيا بلكي تكدر تتصل بيا حتي اشوف فد لوفة اتسهل امورك, بس بعد عطلة العيد تكدر اتخيم اب بابهم تقبل تحياتي
اتمنالك الموفقية