ماسوتشوتس بوسطن والعيشه فيها

[عراقي وكرادي]

السلام عليكم
تحيه من القلب الى كل اخ واخت بهذه المنتدى الرائع والبيت العراقي الاصيل
اني اخوكم اني وعائلتي المكونه من اربع اشخاص وصلت الى بوسطن قبل شهرين تقريبا الحمدلله
اخوان بلبدايه واجهتنه بعض الصعوبات لحين وجدنه السكن علمن اني عندي كفيل كعدت اسبوع عند كفيلي وبعدها وجدنه شقه غرفتين ومطبخ وصاله وحمام سعرها 1100 دولار شهريا ماعدا التدفئه والكهرباء والغاز والماء والمنظمه دفعتلنه مال شهرين مقدما اي شهر الاول والاخير من السنه وهسه نطوني صك مال شهر ثالث بس المشكله المنظمه عايشه على المساعدات يعني يجوز شهر هذه اكو شهر الي بعده ماكو ونطوني فوت ستامب احنه اربع اشخاص 632 دولار والحمدلله طلعنه السوشل سكيورتي والمدكيت تامين الصحي وال اي دي هويات الولايه وهويات العمل وحسبولنه كاش 700 دولار بشهر ننطيها الى المنظمه ومنها يضيفون الى الايجار وباقي الخدمات ويدفعوها النه
واخير اتمنى الى الجميع الموفقيه وراحه البال
اخوكم عراقي وكرادي بوسطن

[منتظره الفرج]

شكرا على المعلومات والله يكون بعونكم

[ريم عبد]

ان شاء الله ولاية الرزق والخير عليكم وبدايه حلوه وياربي ايكملها وياكم على خير وتلكي شغل مرتب ومتحتاج المساعدات ان شاء الله
اختكم ريم

[Amman88]

اخي العزيز ارجو ان تكون في اتم صحه وخير وانشاءالله ترزق بعمل جيد لترتاح انت وعائلتك بعون الله.

[suzie83]

بالموفقية اخوية  العزيز   ان شاء  الله  تلكي  الخير

[عراقي وكرادي]

مشكوريين اخواني وخواتي على هاي الردود الحلوه ويارب تشوفون كل الرزق كدامكم يارب
اخوكم عراقي وكرادي بوسطن

[اهلي ياعراقين]

بالموفقية اخويا العزيز

الله يوفقك ويرزقك ويفتحهه بوجهك

[البحار68]

بالموفقية والنجاح والاستقرار الدائم ان شاء الله ...

امنياتي الحلوة

[عاشق تراب العراق]

مشتاقين اخونة عراقي وكرادي الف حمد لله على السلامة و شايف كل الخير و ان شاء الله ترتاح و تلكة شغل

تحياتي

[ام سارة]

بالبداية الحمد لله على سلامة الوصول اخي العزيز، احنه جيرانك في لويل ماساتشوسيتس وصارلنه خمس اشهر واي شي تحتاجه واي استفسار احنه حاظرين، اشلونه الاوضاع يمكم واشلون فرص العمل في بوستن، احنه مدينتنه لويل كلش تعبانه وفرص الشغل بيها كلش قليله بس ميزة هذي الولاية انه بيها هوايه مدن ووحده قريبة على الثانية يعني الواحد يكدر يدور على شغل باكثر من مدينة... ان شاء الله تتيسر اموركم وتستقرون ومرحبه بيكم في ماساتشوسيتس بس ديروا بالكم الشته على الابواب وهنا الشته كلش قاسي بس بوستن اشويه اهون من لويل والله كريم... تحياتي للعائلة

اختك ام سارة

[ابو زيد 2]

السلام عليكم تحية طيبة لجميع الاخوة والاخوات انا اخوكم ابو زيد انا في المراحل المتقدمة في موضوع الهجر كنت اامل بالحصول على اعادة توطين في بريطانيا بسبب وجود اهل زوجتي هناك لكن مع الاسف حصلت علة اميركا وانا الان متردد في قبول ميركا بسبب ما سمعته من صعوبة العيشة هنال وقلت الدعم المقدم للاجئين علما اني لي اطفال اثنين تحت سن السادسة  احتاج توضيح عن الدعم المقدم هناك وهل ما يقدم كافي ام لا وكم احتاج شهريا دعم من جيبي الخاص ولكم الشكر الجزيل

[storm2]

اخوية العزيز الكرادي عيش وتونس ومعليك بحجي العذال يكفي انت عراقي

حبي الف الف الف مبروك وانشالله تحقيق كل الاماني وكل عام وانت والعائلة بالف خير

[Wingo]

أخوي الغالي عراقي و كرادي
أشكرك على المعلومات القيمة
و أسأل الله عز و جل أن ييسر أمركم و أن يوفقكم لكل خير
و إن شاء الله ترتاحون و تستقرون و إن شاء الله تتوفق في إيجاد العمل و الدراسة التي تناسبك و تسعدك

تحياتي
wingo

[عراقي وكرادي]

مشكوريين اخواني وخواتي الاعزاء على دعائكم الي وربنا يحرسكم من كل مكروه يارب
اخوكم عراقي وكرادي بوسطن

[كمال الشاطيء]

الله يسهل امرك اخي وان شا الله تلكه شغل ويفرجها عليك رب العزه من اوسع ابوابه باذن الله اتمنالك الموفقيه

[القرش]

                                 السلام عليكم

الف الحمد لله على كل شيئ وعيدكم مبارك وكل عام وانتوا بألف خير واتمنالكم الحياة السعيده والعمر المديد وان شاء الله نبقى نسمع اخباركم الحلوه المفرحه .

ابو انس
شيكاغو

[vincenzo]

صديقي الكرادي الحمد لله على سلامتكم
فد سؤال
اني انشاء الله هم بعد فد شكم سنه اذا صارت قسمة عود اجي يمكم لو لنيو جيرسي لان عندي هواي اصدقاء امريكان هناك من هذولة اللي يوكفون للواحد
بس اكو فد نضرية اتمنى انه حضرتك تاكدلياهه وهي انه هاي الولايات الشرقية تكون غالية بس دخل الفرد بيهه يعادل هاي المسالة
يعني الرواتب بيهه احسن من الولايات الرخيصة
ولو انت بعدك هستوك واصل بس بموجب خبرتك بباقي الولايات عن طريق المنتدى وهاللي شفته يمك ببوسطن اريد تاكدلي او تنفي هاي النضرية حتى اصحح معلوماتي
ولو اسوي زحمه عليك