عبسي والمعاملات الاولية في كندا

[عبسي]

اخواني واصدقائي عيد سعيد وكل عام وانتم بالف خير متمنيا الصحة والسلامة للجميع وان شاء الله عيد الجاي نعزل المكاتب الاقليمية مال عنكاوا بمصر والاردن وسوريا ولبنان وتركيا ونفتحها بس بارض الاحلام


اليوم نحجي على المعاملات اللي تسويها اول ما توصل كندا ولاية اونتاريو اللي تشمل تورنتو

اولا:كارت الاقامة الدائمة:مثل ما تعرفون من مميزات كندا انه تعطيك اقامة اول ما توصل الى كندا وانته بعدك بالمطار عندك شغلتين تسويهن اول شي تروح يم موظف المطار علمود يشوف جوازك وفيزتك وياشر عليها بالقلم دلالة على انك دخلت كندا واستعملت هاي الفيزا حالك حال مئات المسافرين الواصلين الى كندا وما تطول سوى 5 دقائق
بعدين ورة ما دخلت بخير وسلامة ان شاء الله تمشي فد عشرين متر داخل المطار تتجه لمكاتب الهجرة بالمطار طبعا اكو موظف اي او ام يدليك هناك تلزم سرة بسيط حوالي ربع ساعة بعدين يجي دورك ويحجي وياك موظف الهجرة ويرحب بيك وياخذ اوراقك اللي بكيس الاي او ام وخلال ذلك بس يطلب منك عنوان يكون مجهزلكياه موظف الاي او ام بقصاصة ورق وهو عنوان الموتيل الموقت اللي راح تكعد بيه اول اسبوعين الا ان تكمل اوراقك ويطلب منك توقيعك على اهم ورقة بحياتك داخل كندا وهي ورقة تاكيد الاقامة الدائمة وينطيك نسخة كاربونية منها يصفطها داخل الجواز دير بالك عليها حيل واول ما ترتاح تشتريلها غطاء نايلوني (كفر)ها شلوني بالانكليزي وتحفظها لان حتى يريدوها منك عند اعطائك الجنسية هاي الشغلة كلها ما تطول 5 دقائق بعدين تروح تاخذون جنطكم اللي اصلا محد فتحها او فتشها وياجرولكم تكسيات حتى توديكم للموتيل الموقت وهناك اول ما توصلون راح يوزعولكم الغرف ويعلموكم على اوقات الطعام والتفاصيل الاخرى لان راح تبقون اقل شي اسبوعين هناك وراح ينطوكم جدول العمل مطبوع للايام اللاحقة



ثانيا:كارتالتامين الصحي:عدكم بالجدول يوم يودوكم لدائرة خدمات اونتاريو يمة فدوة شلون دوائر خاليها بنص المولات بس يعجبك تروحلها ويجي وياك موظف من الموتيل او مركز الاستقبال اللي انتة عايش بيه مثل ما كلنا اول اسبوعين بكندا طبعا بتورنتو هو واحد ماكو غيره اسمه (كوستي)وصلتو للدائرة يدخلوكم يطكولكم صورة وتوقعون وينطوكم ورقة بيها رقم التامين الصحي الخاص بيكم الى ان يجيكم الكارت بالبريد بعد اسبوعين وانتة من هاي اللحظة مومن صحيا طول فترة اقامتك بكندا عدا الاسنان والعيون

ثالثا:كارت الضمان الاجتماعي(sin):نفس الكليشة هم ياخذوكم بيوم لدائرة الضمان الاجتماعي ويسوولكمياه بربع ساعة وتنتظرون الكارت يجيكم بالبريد بعد اسبوعين بس ينطوك ورقة بيها رقمك طبعا لا تنطيه لاي احد لان يكدر يستغله بس شلون ما اعرف بس تنطيه من تريد تاجر للمالك وتنطيه لمعاملاتك الرسمية عندما تريد تشتغل لصاحب العمل ةوهكذا وهو يمثل تاريخك وانضباطك بكندا وهل عليك مشاكل مالية او غيرها اي انه مثل جسر الثقة اللي تعتمد عليه مع المجتمع

رابعا:مقابلة موظفة الهجرة:اخر فقرة في معاملاتك هية لقاء وامتحان بسيط من موظفة الهجرة حيث تجيكم في يوم محدد مسبقا غالبا في نهاية فترة الاسبوعين لتسليمك الشيك المتضمن 3 اجزاء هدية الحكومة الكندية وقرض بسيط للتلفون وايجار الشهر الاخير وراتب الشهر الاول وتمتحنك بس لا تخافون ترة محد يرسب وهية المحروسة الموظفة تحب العراقيين ودائما تكول صديقي السابق عراقي واظاهر جان حباب مادك وياها مو خوش دكة فلهذا تحجي عنه بالخير واكو تسع نقاط تمثل واجباتك تجاه الحكومة الكندية هم لازم تحفظها كرووس نقاط منها تبلغهم من تريد تسافر او تنقل لغير مكان او من تلكة شغل ومن هاي السوالف طبعا هاي بس بالسنة الاولى وتسلمكم تامين صحي خاص بس للاجئين صالح فقط لمدة سنة يشمل اسنان لحد 500دولار وعيون لحد 100 دولار

اخواني واي تفاصيل اخرى او اسئلة اني حاضر
اخوكم المحب دائما عبسي
 

[الفريدو]

حبيبي عبوسي الورده اشكرك على هاي المعلومات

بس اريد اعرف بالنسبه للاهل شلون نكدر نشوفهم ؟؟

وهل يستقبلونه بالمطار لو لا ؟؟

ونكدر نروح وياهم لو همه يجونه للهوتيل؟؟



اخوك : الفريدو

[البحار68]

حبيبي الغالي ... مبروك عليكم اول عيد بكندا وان شاء الله كل ايامكم اعياد وان شاء الله الموفقية والاستقرار الدائم ..
عاشت ايدك على المعلومات

امنياتي الحلوة

[عبسي]

اخي العزيز الفريدو هاي الدول مثل ما تعرف بلاد حرة بالنسبة للاهل كالتالي يكدرون يجوون يستقبلوك بالمطار ويكدرون يجووك للموتيل ويكدرون ياخذوك وياهم بالاتفاق مع المشرفين ويجيبوك الصبح حسب جدولك لاوقات المعاملات
طبعا لاتنسة دا احجي على تورنتو وطبعا انتة من اول ما توصل تكدر تحول لاي مكان انتة تريدة

تسلم حبيبي الغالي البحار 68 وانتة بالف خير ويا رب تحقيق الاماني بس مو تنسة مشروعنا مال عربانة الشلغم

[عراقي وكرادي]

الف الف مبروك اخويه العزيز عبسي ونتمنالك الراحه والاستقرار والله يفتحها بوجهك من اوسع ابوابه يارب وشكرا على المعلومات المفيده
اخوك عراقي وكرادي بوسطن

[dodo micheal]

تسلم اخوي عبوسي على كل هاي المعلومات
ويارب الحياة السعيدة بكندا وربنا يرعاك ويسعدك بحياتك

امين يارب


اختك دودو

[ابو الحسن]

 عمي عبسي عيدكم مبارك حبيبي وكل عام وانتو بالف خير
شكرا على التفاصيل وان شاء الله   حبايبنا بالمنتدى يستافادون منه
بس سؤال عمي اشو ماجبت سيرة مكتب عنكاوا بماليزيا ؟يعني راح نبقى  المكتب الاقليمي مال عنكاوا بجنوب شرق اسيا ومانوصل لارض الاحلام
حبيت اتشاقه وياك عمي كاعد اليوم وشايل كل الكابة والهموم من راسي ووين ماتوصل خلي توصل
ابو الحسن -ماليزيا -مكتب عنكاوا الاقليمي الدائمي في جنوب شرق اسيا

[عبسي]

الله يخليك ويحفظك ويرزقك اخي العزيز عراقي وكرادي على دعواتك الحلوة

تسلميلي اختي العزيزة دودي وان شاء الله تجين لكندا وتبدين حياتج المستقرة و باسرع وقت

عمي العزيز وتاج راسي ابو الحسن ان شاء الله يصبرك على محنتك وما تشوف الا ربك يحلها بلحظة بس همين تجي ان شاء الله لكندا وتحصل جنسية وترجع سفيرنا الكندي بماليزيا

[BaghdadGhost]

عبوسي الورد ,,,,,

الف شكر على المعلومات و التفصيل يا ورد و ان شاء الله ترتاح بمستقرك الجديد ,,,,,,,

[القرش]

                                السلام عليكم

اخويه الغالي الف الف الحمد لله على السلامه وشايف كل الخير بحياتك الجديده واتمنالك التوفيق والسعاده وان شاء الله اسمع اخبارك الحلوه دومآ ودير بالك على نفسك من البرد لاتطلع هوايه هههههههه وعيدك مبارك وكل عام وانت بخير ياغالي.

اخوك ابو انس
شيكاغو

[ابو نخوة]

عاشت ايدك اخوية عبسي وكل عام وانت بالف خير ياوردة على هاي المعلومات وما قصرت والله بس حبيت اعرف منك بالنسبة الي عنده اولاد عمرهم اقل من 18 سنة   مو هم لازم يسجلهم بالمطار اول ما يوصل حتى يخصصون الهم راتب من الحكومة الكندية وهاي ما الهة علاقة بالمساعدات بس حبيت اتاكد منك ولك الشكر والتقدير     اخوك اابو نخوة من مصر

[ShadowMan]

الف الحمد لله على وصولك بالسلامة وكل عام وانت بالف خير ......


ابو يوسف
 

[اريد وطن]

الى الاح عبي مبروك وصولك الى كندا وكل عام وانته بخير انشاء الله
وتكون كندا ارض الاستقرار والراحه بعد جهد وتعب

انا اريد وطن مقدم الى كندا وقابلنا ب شهر 9 وعملت الفحص الطبي وبانتضار باقي الاجراءات
سوالى اذا ممكن هل يوجد احد في المطار يسال المبلغ الذي انته حامله او يوجد سؤال حال الزوجه لديها ذهب
ممكن فتح حساب بالبنك مبلغ بسيط شنو رأيك المبلغ واحد ياخذه وياه شكد تعلرف من لديه عائلة وطفل بحاجه الى المال متعرف واحد شيصير ويا

متى يبداون اعطاء فلوس اول ماتوصل او بعد اسبوعين

حول العمل او دوره اللغه متى تبدا تسجل تقويه لغتك

سكن ممكن واحد من الان يبحث على شقق ويبلغ الموضفين عندما يصل انو بحث ولاكي شقه ويبداون بالدفع

اني ممكن عندي كشير من الاسئله واوعجك ويانه بس انته سفير منتدا عنكاوا في كندا وافضل (اقتراح ) تبدل اسمك الى سفير عنكاوا كندا

واحد متى يبدا ترتيب اموره للسفر انا مثل ماكدلك ب 2\9\2009  قلبلت وبعدها بيومين عملت الفحص وارسلت ورقه حسن السيره واستلمتها السفاره ب 10\9\2009 اريد رايك متى واحد يرتب امورها للسفر

لانه عندي ارتباطات في عمان هل ابدا ترك عملي وتفيت اموري بعد اتصال السفاره واخذا الجوازات او انتضر علما انا اعمل عند ناس ووقفوا معي كثير وكانو جدا مساعديني في وجودي في عمان وبدا عملهم يعتمد علي وهم اقل شي بحاجه الى 3 اشهر ممكن اترك العمل وماريد اطيهم فتره اسوعين وابلغهم اعرف هذا امر خاص بيه بس اريد رائي اخواني عن فتره السفر المتوقعه

اخ عبسي الرجاء تبقى دائما في هذا المنتدا الجميل ليستفاد جميه اخوانك العراقيين وانشاء الله الموفقيه لك وتحقيق الاماني بحلول العيد مع الشكر

اخوكم
اريد وطن

[شجرة الدر]

كل عام وانت بخير اخونا عبسي وين هالغيبه الله يعينك الله يسهل على الجميع

[احمد الغريب]

أخي عبسي .. كل عام وأنت بخير . نورت المنتدى . .. أخي دائما مواضعيك بيها شد وأشتياق وأرجوا من الله سبحانه وتعالى أن يجعل حياتك الجديدة حياة اساسها الاستقرار والسعادة . مع تحياتي لك اخي العزيز .
أخوك أحمد الغريب من مصر .

[بت بطوطة]

عيدك مبارك عبوسي اتمنالك الراحة الدائمة انشالله والموفقية وياربي يعود عليكم بالخير

وبارك الله بيك عالمعلومات ماقصرت

تحياتي

[lenatelecom]

كل عام  وانت بالف خير اعاده الله عليك وعلى عائلتك باليمن والبركة

جزاك الله الف خير على تقديمك المعلومات المفيدة والجيدة

واتنما لك حياة سعيدة

مع تحياتي

[عاشق تراب العراق]

الف مبروك اول عيد  عبوسي  بكندا و ان شاء الله كل ايامك اعياد

[ناردين]

كل عام وانت بالف خير اخويا عبسي وانشاء الله حياة مستقرة وسعيدة بكندا تنسيك التعب الي شفتا بس ماكتلنا شلون البرد بكندا ينجرع لو لا

[عبسي]

اخواني واصدقائي

شبح بغداد
ابو انس
ابو نخوة
ابو يوسف
اريد وطن
شجرة الدر
احمد الغريب
بت بطوطة
لينا تيلكوم
عاشق تراب العراق
ناردين

اشكركم من كل قلبي يا اعز الاصدقاء وان شاء الله ايامكم كلها اعياد

[عبسي]

اخي العزيز اريد وطن شكرا جزيلا على تهنئتك

بالمطار يسالوك عن المبلغ الذي تحمله سوال روتيني بدون اي تفتيش او مناقشة ولا يسالون عن الذهب وانتة شكد ما تكول جبت او ما جبت بكيفك ومحد راح يعرف

كل فلوسك جيبها وياك بس الافضل لا تخليها بحسابك بالبنك بل اخذ صندوق امانات بالبنك وخليهن بيه

الفلوس ينطوها تقريبا بعد 10 ايام عدى مبلغ 50 دولار للشخص ينطوها اول ما توصل

دورات اللغة ماكو شي يجبرك تستعجل عليها بس تستقر بسكنك تروح على اقرب مدرسة لغة

اخي العزيز اكو نقطة دائما تغيب عن بال جماعة كندا انه المنظمة تعطيك راتب مقطووووووووووع ماعليها انتة شوكت او وين تاجر

السفر المتوقع اقل شي بعد المقابلة ب 3 اشهر

اخي العزيز ابو نخوة
لا يتطلب منك تسجيل اي شخص في المنطار واطمئن كل حقوق الاطفال تاخذها


عبسي

[ابو الحظ]

كل عام  وانت بالف خيراخويه العزيز اعاده الله عليك وعلى عائلتك باليمن والبركة والاستقرار الدائم
ونشكر نتواصلك معنا  وغيد مبارك للجميع
اخوك ابو الحظ

[نخله عراقية]

شلـــــــــــــــونك اخويه عبسي ...
كل عـــــــــــــــام وانت بالف الف خير ونتمنالك الموفقية والحياة  السعيدة وخلينا نسمع اخبارك الحلوة ...
اختك نخلة عراقية
عمان

[اريد وطن]

اخ عبسي شكرا جزيلا على المعلومات

وانشاء الله يوفقك واتمنى التقي بك اذا الله كتبلنا نروح لكندا
اني طالب في الفورم تورنتو اونتاريو

الاخ العزيز في احد رسائلك قريت اول متوصل يرسلوك الى فندق شويه قديم مقارنه  كدوله مثل كندا لاعرف انتا الكاتنبها او شخص اخر اعذرني لانوا اني قريت تقريبا 91 صفحه اي موضوع يخص كندا
هل صحيح الغرف تعبانع ةالحمامات مشتركه للطابق يعني كل طابق حمام رجال منفصل اكيد والاخر للنساء يعني مثل فنادق وسط البلد في عمان اوغير

افتهمت من كلامك انه الراتب مقطوع يعني لازم اني ادور على شقه هذا ممتاز بس حسب علمي عندما اريد اجر شقه الشركه صاحبت العماره بحاجه الى كتاب من صاحب عمل او اثبات لديه دخل ومثل ماتعرف ليس لدى طالب اللجوء  مثل هذه الاثباتات ممايعني المنضمه هي تساعنا في البحث او ممكن هي تلاقي شقق معينه باجار مقبول حسب الارارتب المخصص للعائله ارجو ان تفيدنا بعلوماتك يا سفير عنكاو في كندا وشاكر لجميع معلوماتك وارشاداتك

يمعود احجي ويا السفير الكندي في سوريا زميلك وخلي المساكين منهم اني وجميع اخواني ويستعجل ويطلعنه وااله كلها خوش ناس وحبابين

اخوك
اريد وطن   

[اريد وطن]

اخي  عبسي العزيز

سؤالي عن الدوره التثقيفيه في عمان وين مكانها اي منطقه

بالنسبه للجوازات تتصل بينا السفاره لكي نسلم الجوازات الى السفاره الكنديه وشكد تطول بعد ماياخذون الجواز  وهل الدوره في الاول قبل اخذ الجوازات او بعد الدوره يطونا الجواز وموعد السف

اني في المقابله ابلغونا انهو  بعد انها الفحص الطبي والموافقه الامنيه ( الموافقه الامنيه يعني يجيكون عليه في كندا او وين ) علم اني لديه اقامه في عمان منذ 19 سنه
شهرين وبعدها سكتت كالت ممكن 3 اشهر يعني مثل ماتفضلت وهي شغات حظ ونصيب اعونه اخوان لانه اني كلش قلقان ومتوتر واحد مقدم على شغله مو سهله بس يارب تكون صدق مستاهله واحد يبدي يرتاح والله الواحد كلبه خاص وتعب يارب ينهي معاني جميع  الشعب العراقي ويخلصنا من هذه الشده ويعدينه هذا الامتحان على خير


اسف على اطالتي وبوسه من اخوك الى اخ تربطني بيه علراقيتنا والنخوع مال العراقين

[الفريدو]

اخويه العزيز اريد وطن من رخصة اخويه عبسي ارد على سؤالك اني

بالنسبه للكلام بالمقابله غير صحيح لان اني كالولي بعد شهرين تسافر وكانت مقابلتي بتاريخ 28/4  
واتصلو عليه يوم 15/9 اخذو مني رقم اهلي بكندا وثاني يوم خابروهم ومحتمل بعد شهر السفر اذا الله راد

بالنسبه للجوازات يتصلون عليك من السفاره الكنديه بسوريا ويبلغوك تسلمهن الى ال اي او ام وبعدها تدخل دوره تثقيفيه هم بال اي او ام ويحددولك السفر بعدها بشهر تقريبا او شهر ونص
واكو ناس بشهرين طلع اسمهم وسافرو ومثل ماكلت ( كلها حظ يانصيب ) واكو ناس صارلهم سنه وبعدهم محد مكلبهم ولا اتصلو عليهم

والله يسهل اموركم جميعا



اخوك : الفريدو

[Wingo]

عيني عبوسي
ألف مبروك و الله ييسر أموركم كلها
و مشكور على المعلومات
و إن شاء الله نظل نسمع اخباركم الحلوة
تحياتي

wingo

[ام يحيى]

عيدك مبارك وكل عام وانته والاهل بالف خير وان شاء الله تلكه الخير كدامك بمكانك الجديد بالتوفيق

[dodo micheal]

عيوني عبوسي شلونك اريد اسألك هسا انت دورت على شقة لو هما المنظمة يشوفولك الشقة
وشكرا الك دايما متعبيك بالاسئلة يا سفيرنا العزيز


اختك
دودو

[اريد وطن]

تخي العزيز مشششششششششششششكور

انشاء الله اقرب وقت تسافر ويسهل امرك طمنتي كلش زين يعني ممكن بعد سنه او سته اشهر
عمي اني سامع الاجانب مايكذبون ومايطون مواعيد او كلمه اذا ممتاكدين بس شكلهم وحسب موضوعك طلعوا تعلمو من جماعتنا يدك على صدره ويكلب طبعن مو بس العراقيين وكذالك مثل باقي العرب

اريد وطن

[اهلي ياعراقين]

الحمد لله على السلامة

بالتوفيق والله يبارك بيك ويوفقك ويرزقك ويفتحهه بوجهك

[Mazen Al-Baghdadi]

للرفع فقط



رحم الله والديك اخويه عبسي على هاي المعلومات الحلوه

[ســـرى]

موضوع حلو والله يبارك بيك اخونا العزيز عبسي

[max_cad]

مبروك وصولك بالسلامة اخ عبسي ..
سنصل الى كندا بعد اسبوع ان شاء الله ....(( على اليو ان )) كيف سيكون مصير دراسة ابني واحنا راح ندور لمدة عشرين يوم ...وهو باقيلة شهر واحد ويكمل الأول مسكين .
ارجو الرد .

[عبسي]

اخي او اختي ماكس ما افتهمت شنو راح تدورون 20 يوم وابنج يا اول يكمل لان غالبا يخلوه على عمره يعني السنة الجاية بالثاني بس اذا ممكن توضيح لاستفسارك

[max_cad]

اخي او اختي ماكس ما افتهمت شنو راح تدورون 20 يوم وابنج يا اول يكمل لان غالبا يخلوه على عمره يعني السنة الجاية بالثاني بس اذا ممكن توضيح لاستفسارك

الأخ عبسي ....شكرا على ردك البسيط والوافي ....كنت اقصد ...سوف لن يكون بامكاننا جلب وثيقة تثبت انه اكمل الول الأبتدائي ....فهل سيكون في الصف الثاني في العام الدراسي الجديد .
تحياتي ...وتنمنياتي لك بالموفقية

[جنانو]

السلام عليكم
اخي العزيز مشكور علة جهدك حبيت اسال اني ان شاء الله مبقة شي علة سفري فشتنصحني ادز علة اوراق تثبت  ليوين وصلت بدراستي اني وزوجي من العراق في حال اردنا انهاء دراستنا في كندا او انه في كندا ميعترفون بس بالامتحان

[faggol]

السلام عليكم اخ عيسى مبروك وصولك الى كندا ويا ربي بالتوفيق لدي استفسار حول هذا الموضوع لدي رغبة شديدة بالتقديم على برنامج الهجرة الى كندا وصراحة انا لا اعرف كيفية التقديم وما هي الاجراءات وما هي المتطلبات وهل بامكاني التقديم وما هي الشروط وهل تنصحني بتوكيل محامي مختص بامور الهجرة الى كندا لغرض السير بشكل قانوني لاتمام الاجراءات او هناك طريقة اخرى ...وبخصوص الحصول على فيزة الدراسة هل بامكاني العمل على هذا الموضوع وما هي الشروط وايهم اسهل واسرع الهجرة ام فيزة الدراسة؟ ارجو المساعدة جزاك الله خير

[عبسي]

اختي جناتو اي ورقة تثبت دراستج من العراق او اي دولة اخرى ممكن تفيدج بس هي الشغلة تعتمد على شهادتج والمرحلة اللي انت بيها لان التعليم الى حد التعليم الجامعي ما يحتاج تثبتين شهادتج هم يخلوج بالمرحلة اعتمادا على عمرج وامتحان لغة ورياضيات بسيط


اخي faggol اذا ممكن تنطي معلومات اكثر عن شهادتك ومستوى اللغة عندك وسنوات خبرتك وحالتك الزوجية وهل عندك اقارب في كندا ام لا حتى افيدك اكثر وباي دولة انت حاليا لان تختلف مدة انتظار قبول الملف من دوله لاخرى اعتمادا على زخم الطلبات

[faggol]

السلام عليكم اخ عباس  اشكرك على الرد على رسالتي بالنسبة للمعلومات التي طلبتها اني من العراق وحاليا اسكن في بغداد عندي شهادة بكلوريوس ترجمة لغة انكليزي  ومستوى اللغة عندي جيد جدا محادثة وكتابة وقراءة  اضافة الى ترجمة الوثائق ولدي خبرة عمل في هذا المجال اكثر من 6 سنوات ولدي امكانية العمل على برامج الاوفس بالحاسبة وحالتي الزوجية غير متزوجة عمري 31 سنة تخرجت من الجامعة المستنصرية عندي رغة شديدة جدا بالتقديم على الهجرة الى كندا بخصوص الاقارب عندي اقارب هناك في كندا لكن ليس من الدرجة الاولى ( معارف ) وهو مواطن عراقي حاصل على الجنسية الكندية تقريبا اكثر من 15 سنة بامكاني اعطاءك السوشال نمبر مالته والهيلث كارد انا اعيش مع والدتي فقط لان والدي متوفي فهل بالامكان تقديم النصصح وتوجيهي بصدد هذا الموضوع وهل يحق لي التقديم على الهجرة بشكل قانوني واصولي وساكون ممتنة وشاكرة على المساعدة
اختك فجول

[عبسي]

اختي العزيزة راح اجاوب بشكل مختصر على اسئلتج واذا تريدين تفاصيل اكثر عن اي نقطة اني حاضر
اولا:بالنسبة للهجرة اول طريق هو هجرة الكفائات ولازم تجمعين اقل شي 67 نقطة تقسم تقريبا كالاتي 16 نقطة على اللغة الانكليزية 8 على اللغة الفرنسية ,lمستوى الدراسة اللي واصلته 25و,سنوات الخبرة في مجال عملك 21 نقطة,للمتزوج 5نقاط,للي عنده اقارب درجة اولى 5.للي عنده شغل سابق او عقد في كندا 10نقاط واكو يمكن عشر نقاط على حسن السلوك المهم هاي تقريبا كل شي
بس المشكلة انه في حالة التقديم للهجرة تاخذ وقت طويل جدا حتى يبدون بدراسة ملفج تعتمد على بلد التقديم يعني العراق والاردن ةسوريا تقريبا 5 سنوات بس الامارات واليمن اسرع اذا قدمتي منهم

ثانيا :اللجوء اسرع الطرق بس صعب بالنسبة لظروفج لان ماكو تقديم من العراق فلازم تسافرين سوريا او الاردن وتقدمين ومنو كال اليو ان تقبلج ومنو كال يحولوج على كندا بالذات في حال قبولج

ثالثا :الكفالة الخماسية مشروحة بالتفصيل في المنتدى وهي سريعة الى حد ما ملخصها انه 5 من الكنديين او المقيمين في كندا ولهم راتب منتظم لا يقل اعتقد عن 30 الف دولار كندي سنويا يكفلوج

رابعا:ما سامع عن امكانية اعطاء فيزا دراسية للعراقيين الى كندا

بما انه لغتج جيدة اختي العزيزة هذا رابط دائرة الهجرة الكندية كلش راح يفيدج
http://www.cic.gc.ca/english/index.asp


ِ
عبسي

[skn]

بارك الله بيك اخ عبسي على هاي المعلومات المفيده .

[faggol]

السلام عليكم اخ عبسي شكرا على ردك واجابتك عن تساؤلاتي وكانت اجوبتك وافية وواضحة لكن لو نفرض انه اقدم من عمان على برنامج اللجوء طيب ما هي شروط التقديم يعني بامكان اي شخص ان يقدم بشكل عام وبالنسبة للكفالة الخماسية ما هو موقف الشخص الذي ستتم كفالته اي هل يستطيع ان يحصل على اعانة مالية او راتب ضمان اجتماعي وماذا يعتبر لاجئ او مهاجر اي هل سيتم منحه اقامة وهل هي مضمونة القبول وما هي شروطها عذرا على اسالتي المطولة واكن اود تقديم لي يد المساعدة للبدء والسير على الطريق الصحيح شاكرة لتعاونك معي  بالنسبة للذهاب الى عمان بامكاني الذهاب والبقاء هناك لغرض التقديم

[saadaliraqi]

اخويه عبسي اني اعيش بامريكا واريد اقدم لجوء بكندا اني بامريكا حاليا كطالب شنو ممكن اسوي ؟
مع الشكر

[عبسي]

اختي العزيزة faggol مثل ما كتلج سابقا اذا رحتي لعمان اي واحد يكدر يقدم لليو ان على اللجوء بس ماكو اي ضمان انه ينقبل بس عادة النساء العازبات يحاولون يساعدوهم بس مو قانون ثانيا المشكلة انه روتينيا همة يحولوج على اميركا اذا قبلوج وتبقة لازم تقنعيهم انه انتي تريدين كندا كان تكوليلهم عندي اقارب او ما شابه وبصراحة كندا اذا حولوج اليو ان عليها احتمالية قبولج كلش عالية لان تهتم بالنساء العازبات
بالنسبة للكفالة الخماسية حسب معلوماتي بس ما متاكد منها انه انتي تروحين مهاجرة راح تاخذين اقامة قانونية من اول يوم تدخلين بيه كندا وضمان صحي ايضا بس اعتقد ما تكدرين تاخذين مساعدات حكومية مالية باول سنة لان انت مكفولة من 5 اشخاص على اساس همة يصرفون عليج اول سنة بس مرة اخرى ما متاكد مية بالمية

اخي سعد العراقي اللي اعرفه انه انت اذا عندك كرين كارت امريكي تكدر تدخل لكندا بدون فيزا وبعدين تقدم لجوء وراح يحددولك موعد محاكمة تقريبا بعد سنتين للبت بقضيتك بس اذا ما عندك اسباب مقنعة مراح تاخذ الاقامة الا بطريقة وحدة الزواج من كندية

عبسي

[كن صديقي]

السلام عليكم اخي العزيز عبوسي \\ اخي العزيز سوالي هل توجد في الوقت الحاضر فيزا الى كندا اي فيزا المهم الوصول لان عندي قضية وقصتي ماتنكتب على الملا باختصار ناس كبار بلدولة ومتنفذين سلبو كل شي مني كل شي بمعنى الكلمة وخانني اقرب اقرب اقرب الناس لي لفقوا لي تهمة وسجنوني وخيروني اما هذا اوذاك ووافقت على ذاك وزيادة اعطوني مهلة للخروج من البلد او سيحصل هذا ذهبت لهم شاكيا اصبحت متهم عندي جميع الاسماء والاماكن لمن الجى في عراقنا العظيم اذا كانو هم ملجئنا وخانونا \\ابحث فقط عن فيزا والباقي بتسهيل الله سبحانه وتعالى

[اينشتاين العراقي]

السلام عليكم اخي العزيز عبوسي \\ اخي العزيز سوالي هل توجد في الوقت الحاضر فيزا الى كندا اي فيزا المهم الوصول لان عندي قضية وقصتي ماتنكتب على الملا باختصار ناس كبار بلدولة ومتنفذين سلبو كل شي مني كل شي بمعنى الكلمة وخانني اقرب اقرب اقرب الناس لي لفقوا لي تهمة وسجنوني وخيروني اما هذا اوذاك ووافقت على ذاك وزيادة اعطوني مهلة للخروج من البلد او سيحصل هذا ذهبت لهم شاكيا اصبحت متهم عندي جميع الاسماء والاماكن لمن الجى في عراقنا العظيم اذا كانو هم ملجئنا وخانونا \\ابحث فقط عن فيزا والباقي بتسهيل الله سبحانه وتعالى

اخي العزيز الفيزا صعبه وطلب اللجوء من داخل كندا غير مضمون
فانصك بالذهاب الى سوريا او الاردن واضن الاردن افضل وروح للامم المتحده وقدم على لجوء واذا اقتنعو بقصتك راح يحولون قصتك لاحدى الدول خلال اشهر
وتقبل تحياتي اخي الكريم

[drsalah]

السلام عليكم الاخ الفاضل عبسي في ميزان حسناتك ان شاءالله ماقدمت من شرح وارشادات لاخوانك العراقيين وهذا الموقف للاسف نفتقده في كثير من العراقيين في الغربة. سعة صدرك جعلني ان اطمع ان اسالك انا طبيب اعمل في الامارات اكملت اجراءات الهجرة للكفاءات وبانتظار الفيزا ان شاء الله وقع اختياري على ولاية ساسكشوان لانها كما سمعت رخيصة نسبيا وامكانية ايجاد عمل للاطباء بعد المعادلة ويهمني ان اتعرف على عراقي او عربي يعيش فيها للتواصل على ايميلي
salah62mah@yahoo.com

[ORCA]

مشكور