لدي سؤال بخصوص الموافقة الامنية

[freeman2]

اخواني اخواتي الاعزاء عيدكم مبارك وكل عام وانت بالف مليون خير يارب
سؤالي هو الموافقة الامنية هل هي مجرد تجييك يعني بيها رفض ولة هي موافقة انشالله دائما وهل هناك حالات رفض بالموافقة الامنية ولمن هذه الحالات ؟ وهل هناك استئناف بعد الرفض لا قدر الله ؟؟
شكرا لكم اخواني
اخوكم
ابوهدى -مصر
بانتظار الموافقة الامنية منذ شهور

[محمد زيونه]

اول  شي  كل  عام وانت  بألف  خير

ثاني الموافقه  الامنيه  مجرد  تجييكات

ومابيها  رفض 

أنت من تستلم مغلف  المحلفين والي  هي  موافقه  هاهيه  يعني انت  مقبول

بس  تضل  اجراءات  الامنيه  وهاي  كل  واحد  وحظه

يعني  اكو ناس  بشهر  طلعت الموافقه الامنيه

اكو  ست أشهر  واكو ناس  طولو  اكثر  من  سنه

يعني  مختصر  مفيد  يرادلها  شويه  صبر  والله كريم

ربك  يفرجها  ويسهلها  ويتصلون ويحددون موعد  سفر  قريب  أن شاء الله

[freeman2]

اخي محمد المحترم
وعيدك مبارك اخي العزيز والله يريح قلبك يعني موافقة المحلف هي النهائية ماكو بعدها موافقات اخرى ؟
انا الحمدلله متاكد وواثق من نفسي ماعندي شي بس المشكلة هواية مسافر من العراق من التسعينات ولحد مابعد الالفين وحتى المحلف ممكن تاخذ وقت اطول بالنسبة للامنية مالتك والله يسهل امورنا اجمعين يارب
شكرا اخي محمد مرة ثانية
اخوك
ابوهدى-مصر

[wislolo]

فعلا يا أخي لاحظت الكثير من الاخوه الاعضاء  اللي تأخرت موافقتهم الامنيه كان عندهم سفرات طويله قبل طلب اللجوء والظاهر هو هذا السبب والله اعلم

[ايات]

اخي كل عام وانت بخير ...بالنسبة للامنية متتاخر الا اذا اكو تشابه بالاسماء اوالموايد خطا اما بالنسبة للسفرات مالها اي تاثر على الموافقة لاني  ماعدنا اي سفرات بس سوريا  ومصر  مرتين قبل 3سنوات وصار الامنية 7 شهور ماكو  .اللهم يسهل امرك وامرنا وامر الجميع  المنتظرين ......اختك ايات

[عاشق تراب العراق]

اولا اخواني كل عام و انتو بالف خير و الله ييسر سفرنة جميعا امين
و بالنسبة للموافقة الامنية و الله هم مو شرط يعني اني مسافر اكثر من زوجتي و اشتغل بمكان حساس و الموافقة الامنية مالتي واصلة و مال زوجتي باقية ليهسة مع العلم لا هية موظفة و لا عايشة برة فو الله كل واحد و حظة  

[wislolo]

الاخت ايات والاخ عاشق تراب العراق المحترمين
اسباب تأخر الموافقه الامنيه كثيره قسم منها معلوم مثل تشابه الاسماء و الاقامه في بلدان ثانيه غير بلدان طلب اللجوء ومنها اسباب غير معلومه لذلك عدم تشابه الاسماء او عدم وجود اقامه في بلد ثاني لديكم لا يعني انه موافقتكم راح تكون سريعه يعني ممكن تكون اسباب ثانيه الله اعلم بها
انا اللي لاحظته انه الكثير من الاعضاء مثل
jafarmaysam
ريم عبد
freeman2
  abu sama
موافقتهم متأخره والعامل المشترك بينهم جميعا هو الاقامه في بلد ثاني غير بلد طلب اللجوء

مع التحيه

[freeman2]

اخواني الاعزاء شكرا لردودكم الجميلة والمفيدة
والذي عرفته من خلال المحلف ان اي دولة قد اقمت فيها لمدة يتم التحقق عني الشخص امنيا
وكل عام وانت بالف خير اخوتي واخواتي الاعزاء
اخوكم
ابوهدى-مصر

[freeman2]

شكرا لجميع الاخوة والاخوات الذين ردوا على سؤالي
ولكن سؤالي هو لا يوجد اي حالات رفض نهائيا بالموافقات الامنية ؟؟
واعتقد اني شاهدت احد المساهمات لاحد الاخوة قبل ايام معدودة ..كان يقول فيها ان هناك حالات رفض من قبل احد افراد عائلته !!!
ولكم جزيل الشكر
اخوكم
ابوهدى-مصر

[toofy]

اخي العزيز freeman تفائلو بالخير تجدوه...
اني ايضا قريت الموضوع وكامت الافكار توديني وتجيبني بس بعدين فكرت انه ما عندي شي اخاف منه او كذب بالقضيه فخليتهه على الله والله كريم
حالات الرفض خلال الامنيه نادرة جدا ولاسباب قويه فليظل بالك ان شاء الله خير
تحياتي toofy

[ستروبري]

اي والله توفي اني هم كام افار يلعب بعبي بالبداية بعدين نفس الشي حسيت انو اني بدون سبب تا اقلق لان الحمد الله لا كذبت ولا ضميت شي والحمد الله ما عندي شي اضمة او اخاف منة

[freeman2]

نخليها على الله وهو نعم المولى ونعم النصير
شكرا لكم اخواني على الردود
اخوكم
اوهدى-مصر

[مشلوع قلبه]

اولا اسعد الله ايامكم
ثانيا حبيت اشارك وياكم اخوان اني من جماعه المنتضرين من عشرة اشهر الى الان وماكو رد وهم الموضوع لفت انتبهاي
لكيت احد الاخوان المرفوضين بعد القبول وهوة كان الغلط من عدة بسبب فترة حجز بسجن بالعراق لم يذكرها وبعد اربعه اشهر من استلام الضرف دزوا عليه وسالوه هل انت مسجون بالعراق وكرروا السوال عليه ثلاث مرات وكان يجيبهم بالنفي انه لم يسجن وكان هوة مسجون اصلا وجائت الموافقه الى اهله وهوة لا وسافروا بعد شهرين
وكان سبب الرفض هوة عدم المصداقيه وللعلم ان الشخص مسجون سنه 1979 وطلعت عليه
هاي حاله من حالات الرفض اخوان وان شاء الله تاتي جميع الموافقات الى جميع المنتضرين ويسهل عليكم وعلينه