الاولاد الي بعمر عشر الى 15 سنة شلون.....

[burning heart]

السلام عليكم.........

عندي سؤال صغيروني .. الاطفال الي بعمر عشر الى 15 سنة اول مايوصلون امريكا شلون راسا مدارس لو هم لغة اول يل لو شلووون..؟؟ يعني اني عندي اخوية صف خامس ابتدائي واختي صف ثالث متوسط ذولة اذا وصلنة لهناك ((((أذاااا))) شلون شيسوولهم؟؟

اشكركم مقدما

[W.R.M]

السلام عليكم  كل عام والجميع بخير
اظم صوتي لك بالاستفسارعن الاطفال من 10__15 سنة واكون شاكرالكل الاخوة والاخوات على الفائدة

[angie-dawood]

اخي العزيز هذة الاعمار طبعا راح يروحون راسا للمدارسة العادية بس بالبداية يسون اختبار لهم حتى يقدرون اي صف يخلوهم اذا شافوا زينين راح يرحون نفس المرحلة الي كانوا واصلين الهم قبل ما يجون وذا لا راح يخلوهم نفس الصف بس اثناء الدارسة تاخذهم مدرسة اخر بغير صف حتى تنطيهم مثل دروس خصوصية بس اثناء دوام المدرسة واي سؤال اخر تدلل اخي  تحياتي

[القرش]

                                السلام عليكم

اخويه العزيز اول ماتوصل تبلغ المنظمه وهمه ياخذوهم وانتوا وياهم ويسجلوهم بالمدارس ويسوولهم اختبار ويحطوهم كل واحد وحسب المرحله ..بس جيب وياك الشهادات وتكون مصدقه وهنا تترجم وتقدمها وكلش سهلة ولا تشيل هم ..وهنا اذا ماسجلتهم بالمدرسه تتحاسبون قانونيآ يعني يسجلوهم وهم الممنونين .

ابو انس
شيكاغو

[محمد زيونه]

نفس  حجي الاخوة  مراح  ازيد  شي

بلموفقيه أن  شاء الله

[burning heart]

تسلموووووون اخواني وماقصرتوا...

بس اني جان قصدي مدارس عربية لو اجنبية واذا اجنبية شلون يمشون وهمة لغتهم ضعيفة ؟؟؟


اختكم ســـــــــارة

[angie-dawood]

اختي سارة كلها مدارس اجنبية  ماكو مدارس عامة عربية بس يكون بكل المدارس مدرسين عرب يساعدون الطلاب اللاجئيين الي جاين جديد حتى من يكون عدكم اجتماع المدرسة او اجتماع الاهل بالمدرسة يجيبون مدرسة عربي وباحث اجتماعي او باحثة اجتماعية للاجتماع للاهالي الطلاب الي لغتهم ضعيفة واي سؤال اخر بخصوص المدارس تدللي اختي سارة

[بغداد1975]

صباح الخير جيمعا
شكرا لاختنا انجي والاخ القرش ابو انس على التوضيح
اني مشكلتي اني اختي القاصر عمرها هسة 17 سنة ومن اجينا لمصر لليوم مدخلت مدرسة لظروفنا اللي متساعد على دخولها ولظرفنا بالعراق اللي  مكدرنا نجيب اوراق المدرسة والصراحة معدنا احد يطلع اوراق وهيجي ومنا قولته المثل (طلعنا بليله سودة)
فيااخواني واخواتي شنو الحل لاختي يعني يدخلوها مدرسة وباي مرحلة وبالنسبة للغه اشون
مع جزيل الشكر
اختكم اليائسه البائسه من iomمصر
بغداد1975

[alwismy]

صباح الخير جيمعا
شكرا لاختنا انجي والاخ القرش ابو انس على التوضيح
اني مشكلتي اني اختي القاصر عمرها هسة 17 سنة ومن اجينا لمصر لليوم مدخلت مدرسة لظروفنا اللي متساعد على دخولها ولظرفنا بالعراق اللي  مكدرنا نجيب اوراق المدرسة والصراحة معدنا احد يطلع اوراق وهيجي ومنا قولته المثل (طلعنا بليله سودة)
فيااخواني واخواتي شنو الحل لاختي يعني يدخلوها مدرسة وباي مرحلة وبالنسبة للغه اشون
مع جزيل الشكر
اختكم اليائسه البائسه من iomمصر
بغداد1975

للرفــــــــــــــــــــــــــــــــــــــــــــــــــــــــــــــــــــع

[بغداد1975]

ممكن اعرف شنو معنى كلمة للرفع؟؟؟؟؟؟

[alwismy]

ممكن اعرف شنو معنى كلمة للرفع؟؟؟؟؟؟

هاذي الكلمة متداولة بالمنتديات وتخص الموضوع اللي لم يتم الرد عليه فيرفع الموضوع للاعلى


ولك مني اجمل تحية

اخوك
alwismy