جميع العاملين مع قوات التحالف من امريكا

[the_Striker]

الى جميع الاخوة الاعزاء..

اني جنت اشتغل مترجم بالعراق ويا الامريكان و تركت هاي صارلي اربع سنين و هسة اني وصلت لامريكا قبل شهرين و اد احاول ادور على شركات يلي تسوي عقود للمترجمين .... اذا ممكن من اهل الخبرة يلي سوو هذ الشي يساعدوني بالمعلومات...و شنو مميزات هاي الشركات اذا ردت ارجع اشتغل بالعراق..وياهي الشركة الاحسن؟ و شنو المطلوب من عندي؟..لانو اني رحت على شركتين و كل وحدة مميزاتها شكل فاني اريد ادور عل احسن..فاذا احد منكم عندا خبرة بهذا الموضوع يردلي خبر

تحياتي و مشكورين

[vincenzo]

اخونا المترجم بلكي تذكرلنا اسم الشركتين هذولة اللي قبلوك بس مميزاتهم ما عجبتك
لان معلوماتي تكول انه جي ال اس متقبل حتى اللي عنده كرين كارد واللا جنسية وكليرانس وكومة اختبارات
وهمه اصلا الامريكان انسحبوا او راح ينسحبون من العراق ما بقه شي

[Abo Andrew]

اخي العزيز

لا اتعب نفسك

بعد محد يجي SIV ويرجع للعراق يشتغل الا بعد الحصول على الجنسية الامريكية ومو مثل كبل بس اتحصل الكرين كارد وهاي السالفة ترة قديمة معقولة مسامع بيهة؟؟؟

[the_Striker]

اعزائي شكرا الكم على اجوبتكم..بس مو اني يلي اخباري قديمة بس اني الضاهر سالت بالمكان الغلط

شكرا الكم و تحياتي

[القرش]

                                   السلام عليكم

اخي الغالي لاتزعل منا ارجوك بس اريد اكولك ياعيني ممكن تشتغل وياهم بس بعد ماتاخذ الجنسيه لان عندي صديق هنا بامريكا هو هسه يشتغل وياهم وهو الي حجالي .اتمنالك التوفيق .

ابو انس
شيكاغو

[WRONGED]

شوفو اخوان رح اخرج عن الموضوع شويه لموضوع اهم لو تسمحولي
رح اتكلم على اسلوب النقاش
قبل شويه كتبت بموضوع ثاني وصار يومين واحد يرد على الثاني وكل واحد يحجي تجربته وكل وحده شكل وبالنقاش وكثره الاجوبه وصلو لنتيجه لان كل شويه وكل مره واحد يرد على الثاني تطلع معلومه جديده الى ان اكتملت الصوره وتوضحت بالنقاش والردود اخي العزيز معنى كلامي انو انت ماكو داعي  من الاخوان يجاوبوك حسب معلوماتهم انت راسا تعتبر نفسك بس انت التعرف وهمه ميعرفون وتغلق الموضوع وتكول اني سالت بالمكان الغلط يعني شنو المكان مو مستواك وانت اعلى معلوماتك لا اخي غلطان تره كل الي هنا يفتهمون وعدهم خبره طويله بس الموضوع يجوز انت عندك معلومات الباقي بعده ميندلهه او جديده وهذا حلو شارك بيه لا تحتكرهه لنفسك وتكول اني سالت بالمكان الغلط يعني معناهه انت مكانك مو يمنه انت مكانك اعلى لو شنو تره كلنا مثقيف ودارسين مو عبالك اني جنت مدير شركه وغيري جان مستشار وغيري طبيب واكو معندسين المهم
اخي ارجو ان تشاركنا بمعلوماتك ونقاشك وخلى حتى لو واحد يحجي معلومه غلط الثاني يكله بكل رحابه صدر لا ويصحح المعلومه
  اخوان منو يايدني على كلامي

[الطارق]

مرحبا

يمكنك التقديم في شركة KBR  مقرها بهوستن و يمكن لجماعة الجرين كارد  الالتحاق بها في العراق او الامارت او حتى قطر

تحتاج ان تكون مؤهلا علميا يعني شهاده و خبره كم سنه في مجال العمل الذي ستقوم ارسال طلبك  اليهم اونلاين وهو عباره عن CV و Profile  تكونه من داخل الموقع

بالمناسبه اغلبية العمالين في هذه شركة امريكان و بوسنيين و جماعه (اقليم كوسوفو( هؤلاء لا متجنسين كذلك يوجد من الفلبين و دول شرق اسيا
المرتيات السنويه تبدي من 90 الف دولار و انت صاعد للسنه الواحده

العمل 12 ساعه يوميا ( ماكو ويك ايند بيها ) تشتغل شهرين وتاخذ شهر اجازة والعقد سنوي
www.kbr.com
لو كنت تملك جنسيه غير العراقيه فستكون امورك تمام
اما بالنسبه للعراقي فيجب ان يملك البطاقة الخضراء حتى يتعاقد مع وزاره الدفاع وبخلاف هذا سيعتبر متعاقد فرعي محلي Local Sub-Contr....
هذا كلام في نهايه 2008

اما اذا منعوا عن العراقيين بشكل خاص التقديم لهذا العمل بالجديد فربك اعلم وافضل تتصل على رقم هاتفهم
Phone: +1713.753.2000

جماعه تكساس, يمكنك زياره الشركة في هوستن شارع جيفرسون
واتاكدوا ان كان قرار المنع (عراقيين حاملي اقامة من العمل معهم , اسالوهم ان كان احدكم لديه جنسيه اخرى غير عراقيه و بدون جرين كارد وانا متاكد من الان الامر الثاني مقبول

تحياتي

[vincenzo]

صديقي طارق انت جنت تشتغل بالكي بي ار؟؟ ووين هسه؟؟ حجيك حلو بارك الله بيك

[اوراس اورو]

شكراً للاخ طارق كلامك مفيد وجديد ...اما الاخ صاحب الموضوع الرجاء رد بس على السؤال مال اسماء الشركتين الي قدمتلهم مابيها شي خلي نستفاد من كلامك يعني الكلام اخذ وعطاء.. وشوية لا تكون حساس من الاجوبة لان الكل هنا اخوة واصدقاء وكلامهم صح بالنسبة لما يعرفونه ام اذا اكو تطور فرجاءً بلغنا به وشكراً مرة ثانية...
م.اوراس اورو

[nana09]

والله ضحكتوني لعد شكو اجينا وبعد ماكو مترجم يرجع ب  الكرين كارد ؟ وين نروح كلنا معتمدين على هاي السالفة لا وفوكاها الجيش دينسحب
اما ال KBR  ف اصلا الي اشتغلو وياهم سنين ب العراق مدياخذوهم ومسوين cut  هاي الايام
سوال : ممكن نرجع  بوظيفة غير الترجمة ؟؟ 

[ابو عبد الله التكساسي]

اخواني الاعزاء كلش في عين كاوه
اريد اسالكم سؤال واحد وبليييييييييه زعل رجاءا
الي ذابح نفسه يرجع للعراق اشعنده جاي لامريكا ؟؟؟؟؟؟؟ بس لو افتهم ؟؟
شنو الشغل لي يخليك اتعيف عائلتك وحدهم بامريكا وترجع للصخام وللطام
رجاءا فهموني
 

[Abo Andrew]

طبعا مشكورين كل الاخوة على الردود الجميلة
وفعلا هذا المنتدى بي ناس خيرين

اني دا الاحظ هالايام ظاهرة من واحد اتكلة شي او اتنصحة عندما يسال سوال ينكلب عليك طنطل (يابة شنو ميصرفلة الحجي او مثل مكال الاخ WRONGED  راسا يعتبر نفسة بس هو اليفتهم واحنا جاين من الشارع عبالك لا مقدمن ولا اشتغلنا وية شركات امريكية (واللي يمكن الاخ صاحب السوال جان يتمنة يشتغل بيهة) وما عدنة معلومات)

ونفس الشي  صار بية قبل فترة واحد سئل شلون ايقدم الاهلة بالا اس اي في واني جاوبتة خلال لحظات وانطيتة كل المواقع وطريقة التقديم وبعدين نزل موضوع ايكول بي
الي ايريد ايجاوب لا ايحملني من نية

يابة شنو كتلة لازم اشوية اتعب نفسك وادور حتة تلكة

ادري كفرت خوما كفرت من كتلة دور ؟؟؟

على العموم
اني هذا المنتدى لو بيدي اخذلة تحية كل يوم الصبح على مدا ايقدمة من خدمة وعلى الاعضاء الرائعين اليي اللي اني ما اوصل الظفرهم من المعلومات اللي ديقدموهة بس يا اخوان ترة مغثة من اتساعد واحد واتنصحة وتنطي معلومات وبعدين يبدي على كولتنا ايفيك براسك عود هو فهيم عبقري بامور الهجرة
لا والاظرب اينزل موضوع يابة لا اتحملونا من نية

والخ كاتب الموضوع كنالة ميصير ترجع الا جنسية راسا دار وكلب علينا
الي ايكول انظرب طلقة براسة من كنالة هيج

اتمنة الادارة تنتبهة الهذا الموضوع لان اني متاكد الهدف هو خدمة الجميع ومجانااااااااااااااااااااا
وليس من نيية
صدكوني لو احنا غير شعب ومو عراقيين فمحد ايحب ايساعد وايقدم هالمعلومات للناس مثل مدا ايصير بهل منتدى
بس شتسوي لا حياة لمن تنادي من بعض الاخوة اللي اتمنة ينتبهون للاجوبة من ايسالون اسئلة

اخوكم ابو اندرو

[the_Striker]

ما راح ابدي الا بكلمة لا حول و قوة الا بالله

اخواني انا لما حكيت انو انا سالت بالمكان الغلط مو لانو اني دا انتقص من معلوماتكم و خبرتكم بس لانو اني سمعت غير حجي و لحد اليوم يلله اتاكدت و جبت الخبر اليقين و اجيت دا افتح موقع المنتدى حتى اكتب رد بس ماشالله بعض الناس منكم كل واحد سلخني بلسان هل طوله بس اريدكم تشوفون كم رد و كم حكم حكمتو علية قبل ما اني اصلا اجاوب.

اخي القرش & ماجلان & اوراس اورو..شكرا لردكم اللطيف و الاسلوب الجميل بالتعبير و اني ابد ما ازعل منكم و احطكم على راسي ولو اني من الاصل ما جنت زعلان بس على يلي دا اشوفا بصراحة اني هواية زعلت

و عيني wronged اني ممحتاجك تعلمي و تعرفني على هذا المنتدى و منو المثقف و منو الجاهل لاني اني صارلي 3 سنين اتابع هذا المنتدى الجميل و احاول استفيد و افيد الناس و اني جنت دا احاول اجمع اكبر قدر من الامور حتى اكتبها بالتفصيل لانو اني مصارلي هواية بامريكا بس ردت فعلا ارجع و معاية معلومات عن  واشنطن العاصمة حتى اخبر العالم يلي يردون يجون لهنا.

اخي الطارق شكرا على المعلومات يلي عطيتها اني هم سمعت بهاي الشركة بس اني بواشنطن العاصمة و تكساس مثل ما تعرف شوية بعيدة عليه بس اني لقيت ناس هنا تعرفت عليهم من يلي يعبون معاملات المترجمين يلي يشتغلون بافغانستان و العراق و نشالله خير.


اما بالنسبة للاخ shawqi shumran راح اكلك كلمة جملة راح تحس بيها لمن تصل لامريكا و هية (اليدري يدري و المايدري يكول جف عدس) خليها على ربك عمي.

اما بالنسبة للاخ ابو اندرو احب اكللك انو اني اني انسان محترم و ما راح اكول عليك طنطل مثل موا انت دا تتهمني لان عيب عليك هذا الشي لانو مبين عليك رجال جبيير و و صاحب عائلة وثانيا انت محد ما جابرك تدخل تحجي او ما تحجي او تحمل منية احنا كلنا دا نكتب مو حتى وحد يحمل الخ منية بس احنا هنا حتى نتساعد و نلكيلنا حلول بالمصايب يلي دا تنزل عل راسنا احنا العراقيين  مثل المطر و لعلمك اني جنت اشتغل ويا باتريوس اول ما اجا بعد جان زعطوط زغير و جنت اقدر استمر بس الزمن ما يرحم.

فايا اخواني اني بصراحة ما راح انزل ولاشي هنا و الخيرين منكم انتو على راسي اانتو دزولي عل خاص و اني راح اردلكم الجواب بس اعذروني اذا اتاخرت عليكم شوية لان اني ما عندي انترنت و دا احجي من غير بكان

و السلام ختام

[Gara of the Desert]

احوان على كيفكم وية the_Striker
هو مقصد اي اشي والظاهر انو انتو افتهمتو غلط
هو قصد جان المصدر ما انطى معلومات كافية ( المصدر من خارج منتدانا العزيز).
اخوية the_Striker احسبهة علية الاخوة افتهموك غلط.

[WRONGED]

الاخ العزيز جدا the_Striker
اني اوكيد هوايه من الاعضاء واذا مو المشرفين همين يتفقون ويايه بالي رح اكوله
احنه واني اشكرك هوايه لان انت كشفت نفسك بنفسك على الحقيقه وهو انت تعتبرنه احنه طلاب وانت المعلم وهسه عود تريد تعاقبنه وصارت عندك معلومه وتعاقبنه على اساس ومتنطينياهه ههههههههههه
حبيبي تره الحياه مو هيج الحياه  هي حب وتسامح واخوه ونقاش واخذ وعطاء
هاي هيه الحياه
 والاخوان  موهيج والله اغتقد هاي هيه سلبيات الغربه على النفسيه واني اعذره ورح يجي يوم يكتشف انو كلنا سويه  بشر مو من تصير عندي معلومه اصير اني الكل بالكل واهدد بيهه
احب اكلك شي  هيه الثقافه تره متتحتاج تعريف المثقف هو المتسامح والخلوق والانسان وووووو ولتزعل والله اني متاكد انت بيك كل هاي الصفات بس شنو بيك هسه ما ادري احنه اخوتك والله اخوتك والمعلومه الي عندك تره متموت احد جوع
حبيبي انت مع تحياتي والله احبكم كلكم ولوما اخوتي ما احاول انبه على الاغلاط بين الاخوه

[Abo Andrew]

اخي العزيز سترايكر

ولو انت فريتة للموضوع خوش فرة والظاهر الردود اللي قامو بيهة الاخوة جابت نتيجية وبينت الحقيقة
انت بالاول سويت نفسك زعلان وبعدين رجعت كتبت لا مو قصدي، اذا اتراجع الردود راح اتشوف الاخوة كلهم منتبهبن على هاي الحالة مال زعلك يعني معقولة الكل فاهم غلط

واذا اني غلطان ممكن اتفق وياك من كلت انه انت سالت بالمكان الغلط وكان قصدك مو بهذا المنتدى بغير منتدى بس الاجدر كان لازم اتوضح اخي العزيز
لان مو بس اني كل الاخوة افتهموا العكس والله اعلم

اخي العزيز من مقصدت الاساءة الك وبصراحة من كتبت الرد جان محروك كلبي لان قبلك بيومين صار موقف وي واحد من الاعظاء وهذا موضوعة حتة تتاكد
 
http://www.ankawa.com/forum/index.php/topic,348871.0.html

وبصراحة يا اخي العزيز لو اتحط نفسك بمكان اي شخص اتجاوبة على سوال وبعدين تطلع انت مو خوش ادمي اتصير مغثة

واني اعرف انت عضو قديم من جنت بالعراق لذالك اتفاجئت بالرد مالتك اللي يمكن انت موصلت الفكرة صحيحة النا ولذللك اني والاخوة الاخرين افتهمنا غلط ؟؟
لذلك لاني اطلب منك مرة ثانية اتوضحنا قصدك انه انت سالت بالمكان الغلط شنو معناها
يعني
وملاحظة اخرى اخي العزيز
باتريوس او غير باتريوس يعني هم رجعت شلت خشمك علينا(تاليها وياك)

اولا شغلة المترجم بالعراق هية مو هذيجة الشغلة المرموقة والراقية مثل ممتتصور حضرتك واكيد انت ادرى بيها؟؟
بس شحال لو جنت مهندس ومشتغل بشركات راقية جان شسويت بينة؟؟

انت هسة بامريكا ودتكول للي يعدهم مجاين اليدري يدري والميدري ياكل جف عدس
لا اخي مو بالضرورة ، الاغلبية ديعرفون الوضع مو مثل ما انت متصور كانه الحياة جحيم ولازم ترجع للعراق
للاسف اني اعرف هواية اصدقاء جانو وياية وبالاخص انتو جماعة ال SIV مع احترامي الك وللجميع من يجي امريكا ميتحمل اطك روحة شلون جان ياخذ فلوس بالعراق كومة من شغلة وية الامريكان وشلون اهنان يدفع تاكسات وكهراباء وماي
اكو ناس للاسف متعلمة على عيشة الفكر واتظمظم بالفلوس لاتزعل بس هاي الحقيقة
لذللك يجي وياخذ الكرين كارد ويطفر مرة لخ للعراق صدك عتبي على الامريكان اللي دينطون فيز الهيج ناس بس همزين شوية اشتغل دماغهم ومنعوها لحين مياخذ الواحد الجنسية
اخي العزيز نصيحة اخوية
حاول تدرس هنانا وابني مستقبلك هنانا حتة لو عمرك 100 سنة وراح ايكون راتبك اضعاف من مراح اتروح للعراق وتشتغل مترجم
واذا حبيت ترجع فمن راح ترجع راح اتفيد بلدك بالشي اللي اتعلمتة احسن من شغلة المترجم اللي دتحلم بيهة


اخي العزيز اتمنالك الموفقية وتسهيل امرك واحنة اخوتك وبخدمتك وترة اني لا قللت من احترامك ولا هم يحزنون مثل ما انت متصور

[vincenzo]

اخونا المترجم صاحب الموضوع ماطول رجعت بلكي تذكرلنا اسم الشركتين هذولة اللي قبلوك بس مميزاتهم ما عجبتك
لان معلوماتي تكول انه جي ال اس متقبل حتى اللي عنده كرين كارد واللا جنسية وكليرانس وكومة اختبارات
وهمه اصلا الامريكان انسحبوا او راح ينسحبون من العراق ما بقه شي

وصديقي طارق انت جنت تشتغل بالكي بي ار؟؟ ووين هسه؟؟

[الطارق]

أخي vincenzo

عذرا على تاخري في الرد
نعم انا عملت مع تلك الشركه وحاليا لا هذا كان قبل كم سنه

اي سؤال انا حاضر

[vincenzo]

اشكرك حبيبي طارق
اني هم بالخدمة اي شي تحتاج او سؤال تحب تسأل
لان احنه اعضاء عتيكين بعين كاوا مو طارئين

[WRONGED]

عاشت ايدك vincenzo  على هالحجايه لان احنه اعضاء عتيكين بعين كاوا مو طارئين
بالعضم المهم احنه استفادينه من الموضوع ونبقى نتجاوب بيناتنه ومياتخر الواحد على الثاني اكثر من 24 ساعه
احبائي انتو

[عيني بغداد]

السلام عليكم

ماكو داعي لكل هذا الشد, الكل هنا أخوان ومحد يبخل على أي أحد بالمعلومة مهما كانت بسيطة.

ألاخ شوقي ما أتوقع أنت بعيد عن السبب اللي يخلي الواحد يفكر بان يرجع للعراق للعمل بعد أن وصل الى أميركا ومع ذلك السبب هو لاجل المادة طبعا لان الراتب رح يكون عالي.

ألاخ ابو اندرو: كثير من الناس اللي عملت بالترجمه في العراق تعاملوا بمهنية بس المشكلة على كولت المثل "أحترك الاخضر بسعر اليابس" وأكيد أنت فاهم القصد. لذلك الخلل مو بالترجمة لكن الخلل بالناس اللي أشتغلت بالترجمة.

يا جماعة خلي نطول بالنه على بعض لان كلنا بنفس المركب.

تقبلوا مروري
عيني بغداد