اشلون الواحد ايحصل عنوان او ايمل الضابط اللي كان يعمل معه

[platini]

تحية طيبه لكل الاخوان في هذا المنتدى الرائع
انا عملت مترجما في عام 2003 - 2004 ووحدة من الوحدات اللي انطوني توصية مال الهجرة هو الحرس الوطني مال فلوريدا بس المشكله التوصية ما بيها ايمل الضابط اشلون الواحد يكدر يتصل بيه لان اني قريت قبل كم يوم انه من خلال موقع فيس بوك كل الامريكان مشتركين بيه اكو هيجي حجي ؟ لو لا؟
نتظر جوابكم مع الشكر الجزيل مقدما للجميع

[angie-dawood]

ابحث عن اي شخص في الولايات المتحدة ألامريكية مجاناااااا
فقط ضع اسم اشخص في الخانه فارغ ،وستحصل على كل معلماته ، عنوان ، هاتف ، ...................


http://www.zabasearch.com/

[vincenzo]

هاي وين جنتي انجي الورده
هاي المعلومة كلفتني شهرين العام الماضي اتصل باصدقاء امريكان حتى يستعملون هذا الموقع او غيره وما فادني غير صديق يعرف ظابط جبير بالبنتاكون هو اللي جابلي عناوين اصدقائي اللي ممكن ان يسوولي تزكيات حسب شروط الاس اي في وهو اللي يتصل بيهم
بس اني برايي بلاتيني حاول على هذا الموقع لان اكيد كلش راقي لان من طرف انجي وهو تره كلشي يعتمد على علاقتك بمسؤولينك بذاك الوقت
يعني اذا هم يريدون يسوولكياهه فتره تلكاهم وتسولف وياهم وميدورون اعذار
اما اذا همه ما مقتنعين بشغلك وياهم بذاك الوقت فاعتقد هسه صعبة وره كل هاي السنين تقنعهم واتمنالك التوفيق

[alusha1]

فعلا شكرا جزيلا اخت انجي على هاي المعلومة التوب وشكرا لأخونة صاحب السؤال
تحياتي علوشة

[ابو عبد الله التكساسي]

شكرا الاخت الغاليه انجي اجتي هاي المعلومه بوكتهه
الف تحيه وشكر

[AbU.SaRa]

والله وبارك الله بيج أنجي عالموقع وأني واحد من الناس ألي راح أستفاد منه لأن هم جاي أدور على صديق قديم ألي ........

    تحياتـــــــــــ أبو سارة ــــــــــــــــي

[alusha1]

موقع أخر يفيدك أيضا أخ بلاتيني بلأضافة الى الفيس بوك
اسمة www.myspace.com
أيضا كل أغلب الامريكان اللي عملو هنا موجودين بيه وان شاء الله تلكة مسؤولك
تحياتي علوشة

[اوراس اورو]

شكرا للاخت  ✿AnGie✿
ولجميع المشاركين بالاجابه على هذا السؤال....واكرر شكري للاخت انجي لانه دائماً مشاركاتها بالمكان المناسب واجوبتها دقيقة ومفيدة........وطبعاً الاخ صاحب الموضوع بارك الله بيك ....

اما عن تجربتي الخاصة فأني لم استخدم اي موقع للبحث عن اشخاص فقط كتبت اسمائهم الكاملة على صفحة Google و طلعوا من اعضاء الmyspace او ال facebook او الlinkin ....الخ.

مع تحياتي
م.اوراس اورو