الأمم المتحدة و الرشوة

[العربيد الأزرق]

السلام عليكم اخوان تقبلوا تحيات اخوكم العربيد الأزرق و لدي استفسار و ارجوا من اصحاب الخبرة و الدراية اني يفيدوني به هل صحيح ان هنالك رشوة تفرضها بعض مقرات الأمم المتحدة في اي دولة على الاجئين العراقيين او غيرهم لغرض تسهيل معاملاتهم التي تخص الهجرة و اعادة التوطين لأن بصراحة سمعت من بعض القائلين انه هنالك بعض الحالات و للأسف تحصل هنا و هناك و علما انا في بغداد و   اتمنى ان يكون الحوار بناء و شيق و مفيد و اتمنى ايضا ان تكون تلك الحالة التي تحدثت عنها لا اساس لها من الوجود و الصحة لأن المواطن العراقي و اقصد الاجئ لا يحتمل ان يدفع اي رشوة الى تلك المنظمات التي من المفروض ان تكون انسانية و لو اني اشك ان هذا الكلام غير صحيح و لكن ارجوا منكم التوضيح لأن هذا المنتدى الرائع فيه الكثير من الأعضاء من مختلف الدول العربية و الغير عربية شكرا لكم جميعا و دمتم سالمين

[ام فائز]

]الحقيقه انا لم اسمع عن هذا الموضوع وهناك ملصق في مقر المفوضيه الساميه للامم المتحده تحذررررررررررر من هذا الموضوع  وشخصيا لم امر او احد من معارفي بهذا الفرض

[Anfal]

اخي العزيز . . .

اني احجي لك من الكويت الاجراءات والمعاملة اكثر من انسانية ورائعة ولم اسمع بمثل هذه الحالات والموظفين والادارة متعاونة ومتفهمة لوضع العراقي اللاجئ.
واعرف بعض الحالات التي كانت موجودة وكانت من غير اقامة قانونية بعد ما استحصلت جميع الموافقات من الجانب الامربكي .ساعدت الامم المتحدة وبالتعاون مع منظمات المجتمع المدني بدفع الغرامات المترتبة والان الاشخاص في امريكا مع عوائل بداية جديدة.

تحياتي وتذكر مو كل اصابعك سوا .

انفال

[العربيد الأزرق]

شكر خاص لأخواتي ام فائز و انفال و بارك الله بيكم و الله يطمئنكم لأن يا ستار هذه الحالة لو موجودة الواحد صدك يسيطر عليه اليأس الحمد لله على كل حال و شكرا جزيلا

[rafid82]

اخي الكريم
لايوجد مثل هذا الشئ  و لكن هاي الامور منتشره كثيرا في سوريا و خاصة من اصحاب التكسي من تقول له الى مقر الامم المتحدة راح يفتح الموضوع وياك  ويقول لك عندي معارف و اصدقاء في الامم يساعدوك مقابل مبالغ من المال و للاسف اكو عراقيين مشتركين وياهم و اسوي نفسه انه ابوه رئيس الامم المتحدة
لا تعمل و لاتدفع اي مبلغ مالي مهما كانت المغريات  كما ظهرت قبل فترة بسوريا استمارة أسمها استمارة توطين   تباع  و العراقيين اخذوا منها يتصورون راح يتم توطينهم و طلعت كلاوات  فأحذر كل الحذر من هاي الشغلات

[العربيد الأزرق]

شكرا اخوية رافد و رحمة الله والديك كلامك صحيح

[بغداد بقلبي]

السلام عليكم اخي العزيز هاي الحالات غير موجوده بالاردن لانني بالاردن والحمد لله الوضع جيد بالنسبه لتعامل المنفوضيه معه اللاجئين بس اكو حالات الي هيه خباثه بعض الموظفين العرب الموجود والعاملين في مكتب المفوضيه

[مظلومه سوادي]

اخي العربيد الازرق

مااعرف شاحجيلك عن هذا الموضوع الواقعي مائه بالمائه بصراحه بالاردن وبسنة 2002 طلعت صاحبتي وزوجها من الاردن الى كندا لجوء مع العلم في هذه السنه بالتحديد ماكان اكو لجوء من الاردن لكندا وخاصة هذه العائله ماعدهه اي احد بكندا المهم وره ماراحوا زوج صديقتي وضح انو عزم ابو العبد وهو اردني حارس بباب الامم من جان مقرهه بشميساني وانطاه 3000 دينار اردني وعلى هالاساس حولوا ملفه للسفاره الكنديه وصارت شغلته

اما هنانه بماليزيا فالرشوه على عينك ياتاجر يعني جريمه في وضح النهار
يعني لحد هسه اني لاكفه 8 عوائل اتحولت ملفاتهه للسفاره النرويجيه والامريكيه
وهمه عدهم اقامه دائميه قانونيه ولامشتغلين ويه الامريكان ولاعدهم اقارب بهاي الدول يعني اخي شتفسر الموضوع   اخي المنظمه هاي بيهه هواي موظفين ومن كافة الجنسيات والنفسيات يعني كل شي يصير وجائز لان همه يبقون بشر
اني وياك اذا دفعت اني وانته وكل الناس رشاوي لهاي المنظمات ماراح يشتغلون الا بالفلوس لكن اخي اللي هنانه ومديورق يروح بيهه والناس ورقت وانتهى الموضوع خاصة موظفين الدول العاويه مثل ماليزيا كلهم من ماينمار على الهند والصين وباكستان

الله يفرجهه على الجميع وماتحتاجون لهاي الوسائل

خويتك
مظلومه سوادي فلك حثل مسحوول
وافتخر  

[باسل بلالو]

الى الاخ العزيز اجاوبك حسب معلوماتى عن لبنان هذا الموضوع غير موجود اطلاقا ولو موجود كنت داعيك اول واحد ادفع واخلص وكل اللى تسمعه اشاعات واجتهادات شخصية لا اكثر ولا اقل تحياتى

[العربيد الأزرق]

شكرا جزيلا لكل الأعضاء الي قاموا بالرد و بارك الله بيكم و متقصرون وية اخوتكم و الله يسهل اموركم و يا رب ان شاء الله الكل اتسافر و تتوفق امين

[العربيد الأزرق]

هههههههههههههههه  عمي لا اتخافون مني اني ترة عربيد مسالم و كضيان و كاتلني الهبري بخصوص الموضوع اني مجرد سمعت شائعة لا اكثر و لا اقل بس معظم الأعضاء دينفون هذا الشيء و ان شاء الله اتكون مموجودة

[husham74]

اخواني اسمحولي ان اشترك وانطي راي آني صارلي سنه ونص اتابع مواضيع المشتركين لااكن مانطي برائي بس شفت هذا الموضوع حساس ولاازم اوضح الكم فد مساله آني اخوي طلع لامريكا من بغداد وكلفته بان يسألي العراقيين الي طلعوا من__؟انطو رشوه لو لا فناس نكروا وناس يتونونون يعني الي بعبه طلي أيمعمع بس واحد اعترف فكاله اخوي عندي اخوي تعبان صارله سنه من كالوله ملفك بلتوطين ومحد ديخابره متنطيني رقم هذا الي دفعتله حتى اخابره واتفق وياه فردله وكال يمعود اتريد اتسويلي مشكله خل اخوك يتخشخش  مثلي ويحصل نتيجه

[مظلومه سوادي]

ههههههههههههههههه
اخ ماجلان والله ظحكتني اني دااكول يوميه الاسم الكامل بس هسه بعدني بالاسم الخامس
بسسسسسسس لخلف اكول السادس لاتفزون 

الاخ ابو شهاب
لعد شعبالك عيني لعد لوتجي لماليزيا وتشوف شديصير الموظفين حتى مايخافون من الكاميرات المحطوطه فوك راسهم ويحاولون يستفزوك حتى تتصور انو ماكو امل بالطلعه رغم امتلاكك للهويه يعني انت موافقين عليك كلاجيء وباقي بس يتصلون بيك حتى تقابلك وحده من السفارات
لكن اللي يصير همه يضمون ملفك ويخلون ملف واحد مورق زين وتمر السنين وتروح عليك الفرصه اللي هي من حقك اصلا

اخ بغدادي
عاشت ايدك عالتوضيح

خويتكم
مظلومه سوادي فلك حثل مسحوول

[ethan texas]

السلام عليكم


بصراحة اخوية العربيد اني بمصر وطول معاملتي ما انطيت جنية واحد رشوة او حتى اكرامية  ولا اي شي من هذا القبيل بالعكس يعني انا كنت اريد انطي هدية بسيطة لوحة او شي من هذا القبيل من باب الشكر لشخص نصحوني كالولي لا لان ممكن يعتبروها رشوى

بس سمعت من الاردن وبلا اخص سوريا انو بيهة رشوى كثيرة من جماعة un حتى ايصعدون ملفك با اسرع وقت

وانا ماجربت هلشي ولاكن سمعتة

اخوك جوزيف

[عاشق تراب العراق]

اخواني اني عندي جيراني طلعو بيت جدهم يعني العمات و الام و وياهم ابن من عمان سنة 2007 و كالو انه دفعو فلوس و رفعو ملفهم هذا اللي سمعتة منهم شخصيا و هنا بسوريا اشو جيراني بين ليلة و ضحاها رجعو لبغداد و مندري ليش اشو ورة فترة اهلي شايفين اهلهة بغداد و كالولهم اي والله خطية مو راحت فلوسهة دفعت 10000 دولار على اساس يحولوهة للتوطين و انضربت بوري و راحت فلوسهة و من الصدمة رجعو لبغداد فاعتقد اكو هيجي شي بس ممكن تخطي و ممكن تصيب

[العربيد الأزرق]

اني بتصوري انه اكو هيجي حالات بس كلها كذب و مو صحيحة يعني مثل ما ذكروا الأخوان انه سواق التكسي في سوريا لمن عراقي يروح للأمم المتحدة يوهموا انهم قادرين على ايصال معاملته بسرعة مقابل مبلغ مالي كبير و الحقيقة انهم دجالين و خطية بس السذج يوكعون بيها