سؤال حول الجواز العراقي و ال IOM

[fox13]

الاخوة و الاخوات الكرام ... تحية طيبة ..


عندي صديق لا تنطبق عليه شروط ال SIV سألني قبل يومين على موضوع ال IOM و بصراحة معرفت اجاوبة  سوءالة كان ( عند التقديم على ال IOM ما هي الوثائق المطلوبة و هل يجب ان ارسل نسخة من الجواز العراقي)..

اعتقد ان الوثائق المطلوبة هي
1. كل ما يثبت انه عمل مع الجماعة و يشمل الباجات و الريكومنديشنات و ايصالات استلام الراتب و صور مع الجماعة ..

2. بايو ديتا فورم..

3. ستيتمنت اوف ثريتن ..

4. كونتاكت انفو ..

( اذا اكو شي اخر الرجاء الاضافة أو التصحيح )

اما بالنسبة للجواز فلا هوة ولا عائلتة الي مجموعهم 7 نفرات عدهم جواز حاليا بس هوة ديدور على واحد يسويلهيا حتة لو بف**س ..

السوءال هو هل يستطيع ان يقدم الان و قبل ما يطلع الجوازات الة و لعائلتة ؟؟؟




شكرا جزيلا


أخوكم

FoX 13

[Abo Andrew]

طبعا يكدر بس لازم يبدي ايطلع الجوازات لان في حالة تعيين اول مقابلة لازم ايكون الجواز موجود وياة حتة ياخذون منة نسخ

بداية التقديم ايريدون بس رقم  الجواز ويكدر ايحطة فارغ او يكتب جاري العمل بي
اني سويت هيج لابني لان مجان عندة جواز من قدمت
متطلبات التقديم الاولية هي

http://arabic.iraq.usembassy.gov/root/pdfs/refugee-factsheet_instructions_-july2008---arabic.pdf

هية الشغلة اطول علة ميقدم وايحددولة موعد مقابلة اولى هاي اذا هو ديقدم من بغداد فلذالك خلي ايطلع الجواز واعتقد راح ايكون عندة وقت كافي لحد صدور الجواز

[fox13]

الاخ Abo Andrew شكرا على الرد .. كان كلش وافي ...


سؤال آخر ولو راح اطول وياك شوية بس ارجو ان ما اثقل عليك ..

اذا كان يعمل مع sub contractor وية ال USG ( يعني الشركة الامريكية اللي يشتغل بيهة ماخذة عقد من شركة اخرى هم امريكية تعمل لصالح حكومة الولايات المتحدة ) هل يشملة ال IOM لو لا ??



و شكرا مرة اخرى و اسف على الاطالة ...


اخوك

FoX 13

[Abo Andrew]

طبعا ايشملة
بس لازم ايكون عندة كتب توصية من المدراء الامريكان لا غير

تحياتي

[مهند هادي]

اهلا" بيك اخوية العزيز


بالنسبة للجواز ضروري بس مو من البداية لمن يحددولك مقابلة اولى وتكدر تطلعة وتلحك لنIOM خلكهم طويل

حبي عندي سؤال الك انت شنو تشتغل بفوكس نيوز اذا بهاي الشركة يحقلك طبعا" مادام عدهم ارتباط بالامريكان



أخوك مهند هادي بغداد

[fox13]

الاخ Abo Andrew .. شكرا على الرد ..

هوة عندة كتاب توصية بس ماعرف امريكي لو لا اللي مسويلهيا .. بس عندة كتب شكر من الشرة اللي يشتغل بيهة و من الشرك اللي ماخذة العقد من الحكومة الامريكية هل هذا كافي لو لا ؟؟؟


الاخ مهند هادي .. تحية طيبة ..

جوابا على سؤالك لا .. ما اشتغل بفوكس نيوز .. و نقطة ثانية الشغلة مو اللي ( لواحد صديقي ) لان آني مقدم على الSIV ..


شكرا على الردود ..


اخوكم

FoX 13

[Abo Andrew]

هاي الاي او ام ايقررون اذا كافي او لا بس همة حسب المتطلبات كايلين

يجب على المتقدم إرسال رسالة رسمية من مديره المباشر ذو الجنسية الأمريكية أو من مسؤول الشركة تؤكد عمله أو إرسال اية وثيقة اخرى متاحة لها إرتباط بوظيفته من شأنها أن تثبت الوظيفة. يجب أن يتضمن الخطاب المعلومات الآتية:
اسم الموظف:
اسم الشركة:
تواريخ بداية وانتهاء التوظيف:
الوظيفة:
تأكيد على أن الموظف الحالي (أو الذي تقاعد) لدية حسن سير و سلوك
أسم ولقب ومعلومات الإتصال (عنوان البريد الإلكتروني ورقم الهاتف) الخاصة بمدير قسم الموارد البشرية في الشركة او المدير المباشر.

[fox13]

شكرا اخي العزيز على التوضيح ...



راح ابلغة بالمعلومات القيمة اللي وفرتلنياهة و انشاء الله يصير خير ....



شكرا مرة اخرى على وقتك واهتمامك بالموضوع...



اخوكم

FoX 13