سئوال عن ام يلدا

[ethan texas]

السلام عليكم


انشاء الله اتكونون بخير وسلامة يارب


طبعا بلا اونى الاخيرة ام يلدا اختنف فد خفية وانشاء الله ايكون السبب خير يارب بس عدم وجودهة  دا احس اكو نقص بالمنتدى لان متعوديين على اجاباتهة ومشاركاتهة يارب اتكون سافرت

 والي يعرف شي عن اختنا العزيزة ياريت اينورنا  ويارب اتكون بخير وسلامة يارب


اخوكم جوزيف

[نخله عراقية]

اهلا اخويه جوزيف ...شلونك...
والله كلامك صحيح...انا دائما تجي في بالي...بس انسى اسأل ...يارب تكون بخير ونسمع اخبار حلوه منها
اختك نخله عراقية
عمان

[abo_ayman]

السلام عليكم

والله اني دوم السؤال عليها بس صارلها تقريبا شهر مدا تدخل واني هم بالي كلش يمها  واتمنى اتكون سافرت واستقرت وانشاالله نسمع عنها كل اخبار الخير انشاالله

أبو أيمن - عمان

[lionofiraq]

يا ربي اتكون بخير ان شاء الله

[ethan texas]

 انشاء الله ايكون مانع دوخلها وسبب عدم دخولها خير يارب 


اخوكم جوزيف

[شكوماكو]

ام يلدا هذه الانسانة الرائعة نحترمها كثيرا وان شاءالله ياربي هي هسة باحسن حال لانها طيبة جدا ودائما اتريد الخير للغير ومننسى دعواتها لنا. الله يحفظها ويسهل امرها.

[اهلي ياعراقين]

انشاء الله تكون بخير واتم عافيه

يارب يكون المانع خير

[بغداد1975]

مساءالخير جميعا
اني اليوم ردت اطرح هذا الموضوع لان الصراحة مفتقديها ويارب تكون غيبتها خير
ويارب ترجعنا بسلامة
اختكم بغداد1975

[ستروبري]

اني عندي احساس انو ام يلدا حلفت ما تكتب حرف قبل ما تاخد موعد السفر
واول ما تشوفون ام يلدا كتبت بالمنتدى عرفو انو الله فرجه علية
تحياتي اللك ام يلدا وانشاء الله تكونين بخير وتفرحينة عن قريب بموعد سفركي

اختكي ام عمار

[العربيد الأزرق]

الله يسمع منك يا ربي

[عكعك التطوى]

هاي شنو الغيابات الشهر الفات هوايه

انشاءالله تكون الاخت المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع السادس من السنة الخامسة انتظارا بالف خير وترجع انشاءالله باخبار حلوه وتسوي تحديث على تاريخ الانتظار

تحياتي

[Boney M]

أخواني/أخواتي... السلام عليكم
بالنسبة للأخت أم يلدا ترة هي كاعد تدخل على المنتدى وتتصفح بس كزائرة ومتريد تشارك لأن هي مثل ما تعرفون مخضرمة بطلب اللجوء ولحد الآن ما محصلة شي (ألله يعينها ويفرجها عليها) وهذا ما قالته هي بالرابط التالي بتاريخ 25 أغسطس:

http://www.ankawa.com/forum/index.php/topic,336474.0.html

اشكركم أحبابي وأعزائي
وأشكر الأخ جعفر الغالي
والأخ أبو أيمن على رسائله التي يسأل عني فيها
والأخ الزلمة الحديدي
والأخت الحبيبة تينا عراق أشكركي على رسالتكي
الأخ أبو عبد الله شوقي الأحباء جميعا ً

والله بصراحة يعني صار عندي احباط شديد وكآبة وانعزال عن هذا العالم كله
من جانب آخر صار عندي ضغط عالي – ربما من شدة التفكير والقلق المستمر والحصرة
ومن جانب ثالث رحت طبيب أسنان وقلعت آخر ضرس عقل باقي عندي وسويت تنظيف شامل (ألهي روحي حتى ما أبقى بالبيت أفكر)

أدخل بين يوم ويوم على المواقع اقرا أخبار وأجي عنكاوا أشوف الأوضاع وما لي أي خلق أكتب والله
يعني حتى نحول ودوخة وصداااااااااااااااااااااااع راح يكسر راسي تكسير

وانا بصراحة من أكون بمثل هاي الحالة النفسية – ما أحب أدخل وأكتب لأن اخاف تطلع الكتابة غير مناسبة

انا لا سافرت ولا رحت ولا اجيت  - واشلون أسافر وما أجي أحكي لكم قصتي الحزينة الكئيبة؟؟
على حطة ايدكم وننتظر رحمة الله بلكن اسمع شي خبر بهذا الشهر لو بعده
ترة صارت طويلة وانا هلكت هلكت هلكت بعد ما يفيد وياي مواساة وكلمات
اريد شي يمشي وأطلع من نكرة سلمان .. اقصد حفرة عمان .. أقصد عماااااااااااااان

وانا اعتذر أشد الأعتذار لكل الأصدقاء اللي راسلوني وانا ما قدرت ارد على رسائلهم!! والله خلق ماكو وصخونة والطباعة ينراد لها حيل وقعدة وتركيز 

اشكركم كلكم أحبابي
ترة أبقد ما أنتو اتفكرون بي والله انا هم أفكر بيكم وأفرح من أقرا الأخبار المفرحة وأحزن للأخبار المحزنة

وقبل اربع أيام اجوا لعمان عائلة أقاربي من تلكيف وسافروا الى بلدهم ومروا ترازنيت بعمان بقوا كم يوم واضطريت ابقى وياهم على أمل أغيير جووو ... اجوا حكوا لي شنو صاير في بغداد والموصل .. وصعد عندي الضغط فار فوران وتخربطت وهاي هي عيشتي والحمد لله والشكر 

-
الله يوفق الجميع
محبة

المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الخامس من السنة الخامسة انتظارا
 

تحياتنا لها وانشاء بعد كل ضيق فرج

[ethan texas]

 السلام عليكم اخواني وخواتي


طلب صغير اطلبة منكم انو اخواتنة الاعزاء ياريت لو عدكم رقم الاخت ام يلدا ياريت تتصلون بيهة وبس اطمنونة عنهة انو صحتهة زينة هذا كلش كافي ويارب يارب  اتسافر با اقرب فرصة والله العضيم والله على كلامي شاهد لو باايدي شي لكان ماقصرت عليهة ولو ايخرويني بين سفري وسفر ام يلدا فة اكد اخلي ام يلدا اول شي  والله على كلامي شاهد


اخوكم جوزيف

[القرش الاسود]

ادعوا من الله  الى الاخت ام يلدا ان تكون بخير واني اتوقع انها مسافرة وحابه تعمل مفاجئة الى الاخوان والاخوات الي بالمنتدى لانها هاي المرة طولت اهويه

[angie-dawood]

انشاءاللة تكون بالف خير وياربي تسافر عن قريب حتى ترتاح من هم الانتظار واحنا ننتظر رجوعك بيننا انشاءاللة ترجعين تنورينا بمواضيعك وردورك تحياتي وسلامي لشخصك والف شكر لاخونا الغالي جوزيف على هاي المبادرة الرائعه منه

[الجنابية.]

  سلامي الى الاخت العزيزة ام يلدا واتمنالها ياربي كل خير وانشاللة نسمع اخبار اتفرحها وتفرحنا

بسفرها اكيد   



                                         اختكم الجنابية

[ethan texas]

اكيد اشتياقنة لاختنا الكبيرة ام يلدا جدا كبير  ومواضيعنا تفتقر الهى ردود اختنا الغالية ام يلدا 


يارب الله يحفضها وين ماتكون  واحنى با انتضار رد من ام يلدا وطمنى عليها


جوزيف

[مريمانه]

الغايب حجته وياه ونشالله يكون المانع من تواجدها ودخولها خير..ونشالله تطمنه على نفسها باقرب وقت...الها وحشه والله...


اخ جوزيف نشالله ياربي الله يوفقك وينطيك على كد نيتك واكثر..مشاعرك حلوه وكرم اخلاقك احلى..وياربي تفرح بخبر سفرك عن قريب وتفرحنه بيك يارب..

  مريمانه

[Wingo]

إن شاء الله المانع خير
و الله إفتقدناها حيل
و بصمتها الجميلة طال غيابها عن المنتدى
الله يرجعلنا هي بالسلامة

[غريب اني]

الاخت العزيزة ام يلدا المحترمة الله يحفضج من كل الم ومرض  الضغط وترجعين النة سالمة ومعافية

باذن الله والله حبينة نطمن عليج لان انتي اخت غالية وعزيزة علينه


ونتمنا اليكي الخير انشاء الله قوي عزيمتج وكولي ياالله وهسه ربج يفرجه بين لحضة ولحضة باب فرج


الله يسهل على جميع اخواننا الذين ينتضرون الموافقات الامنية


                  تقبلي مروري

              اخوكي غريب اني


              عمان 27/9/2009

[ethan texas]

  اختي العزيزة مريمانة


مشكور على الدعاء الرائع  ومشكورة وماقصرت وعساج يارب دايم الفرحة والائمل موجود بين ايامج 

وتحقيق الاماني يارب ونسمع بسفرج عن قريب


اخوج جوزيف