تالي وية جماعة ال SIV اليوم يريدون جواز G ممكن مساعدتكم شباب

[shaklawe]

اخوان بعد شهر و نص جرجرةطول و عرض

هسة الافندية ديريدون جواز جي لان جوازي H

اني عندي همين جواز G المشكلة انه بالجواز اول حرف من اسمي كاتبيه فطاحلة الجوازات بشكل اخر بس ينقري نفس التلفظ
 
يعني اول  حرف C همة  مسويه K هل تعبر عليهم اذا دزيته و اشرحلهملو لازم ادزة للعراق للجوازات

CXXXXXX بالجواز جي  KXXXXXX
شاسوي اخوان؟


شكرا للجميع

تحياتي

شقلاوي

[Banah09]

اخي شقلاوي
الواحد اهنا صدق يحتار لكن انت ما اعرف قابلت وشافوا انه جواز بيه اختلاف بالاسم لو شلون وضح اكثر؟؟
اما اذا كنت امقابل وموقع على الفورمات DS230 امام القنصل وطبعا اسمك امثبت بيه كما مليته انت فهنا راح تواجه مشكلة واكيد راح ايطلبون تصحيح الجواز لان المعلومات في هذه الفورمه راح تنزل كما هيه في الكرين كارد انشاء الله اتحصل عليه، اما اذا بعدك ممقابل فدز الهم ايميل للـ NVC واشرح لهم الموضوع واطلب نصيحتهم في هذا الشيء وارجو ان لا اكون ازعجتك.

ام ياسر

[shaklawe]

لا  اختي ام ياسر
اني بعدني كوم ابروفل بس باقي يطلبون رقم القميص مالتي

هسة ما اعرف شا اسوي؟
اكدر ابدل الجواز لو ارجع ابدل الفور و اكتبها مثل ما مكتوبة بالجواز

زين الريكومنديشنات شلون؟ ال HR شلون؟ الجناسي مترجمها شلون؟

شباب همتكم ويايه
هو اكو تصحيح للجواز؟ لو لا؟ ترهم ورقة تاييد من اسفارة العراقية لو لا علمود الجواز؟


تحياتي
الكم اخواني و خواتي

[Vet2009]

شقلاوي ...... السلام عليكم

   عزيزي شقلاوي ، قلوبنا معك ، فهنالك الكثير الذين لديهم نفس معاناتك حول تغيير الاسماء عند تغيير الجواز الى الفئة جي ، و عندما نسال في السفارة العراقيية ، يجيبون انه سياق عام ، لديهم اسماء و حدت من قبل منقحين مخضرمين في مجال اللغة الانكليزية ، و مشكلتنا جميع و ثائقنا باسمائنا الثلاثية القديمة. رأي الشخصي ، ان تراجع السفارة العراقيية ، و تطلب منهم ان يؤيدوا لك ان الجواز القديم كان يحمل الاسم القديم ، و يختمون على تلك الصفحة . حدث معي ذلك في جواز الاس عندما تم تغيير المهمة و لم تضاف ، فقد تم تسجيل المهنة القدمية يدويا و تم ختمه بختم السفارة العراقية في القاهرة. و اطلعنا بعد ذلك ماذا يحصل معك ، لكي تعم الفائدة للجميع.

vet2009

[shaklawe]

مشكور عزيزي الدكتور

شكرا عل نصيحة, احاول وية السفارة بس جماعة عمو سام شي يفهمهم هذا اسمي اهنا شكل و اهنا شكل

اكيد يكولون ارهابي ليش يبدل اسمة هههههههه

هو بلية شي اني اسمي بالتحقيق انوب لزكو بيه جماعة ال SIV

تحياتي الك ويوم نسمع موعد سفرك قربيا يارب

[عكعك التطوى]

والله شقلاوي شغلتك حيل طالت وكل ما اشوف اسمك بالمنتدى يصير عندي احباط بس مو من اسمك طبعا لان انته عزيز عليه لان بعدك ممسافر

اخويه تكدر تروح للسفاره وتطلب منهم تصحيح الاسم بواسطه تاييد من عدهم ويختموا لان بالجواز ميصير تصحيح ابد الا تغير الجواز وترفق هذا التاييد مع صوره الجواز ودزه بس تدري هاي شغله تغير الاسم هم تاخذلها فره طويله بالتجيك الامني والله انته راح تسويلي واهس اقدم على siv بس والله هم مبيه حيل بعد انتظر ومالي خلك الاوراق الي يطلبوها انشاءالله تفرج عليك عن قريب باذن الله 

تحياتي

[shaklawe]

والله شقلاوي شغلتك حيل طالت وكل ما اشوف اسمك بالمنتدى يصير عندي احباط بس مو من اسمك طبعا لان انته عزيز عليه لان بعدك ممسافر

اخويه تكدر تروح للسفاره وتطلب منهم تصحيح الاسم بواسطه تاييد من عدهم ويختموا لان بالجواز ميصير تصحيح ابد الا تغير الجواز وترفق هذا التاييد مع صوره الجواز ودزه بس تدري هاي شغله تغير الاسم هم تاخذلها فره طويله بالتجيك الامني والله انته راح تسويلي واهس اقدم على siv بس والله هم مبيه حيل بعد انتظر ومالي خلك الاوراق الي يطلبوها انشاءالله تفرج عليك عن قريب باذن الله 

تحياتي

اخوية الحبيبي عكعك صدق حرت شا سوي يعني عيني باردة عل العالم متستاهل لجوء يروحون يوصلون ويتذمرون على امريكا اللي لفتهم او اي بلد يقبل يلفنا احنه اللي شردنا بلدنا الحبيب
و امثالي و امثالك بس نريد نوصل و ميخولنا جماعة العم سام

حبيبي عكعك اسمع كلامي قدم عل اس اي في لان صديقي سافر من تركيا عل اليو ان و مناك كمل معاملة الاس اي في و هسة راح ياخذ الكرين كارت يعني تفيدك بالمدة مراح تحتاج سنه تاخير

تحياتي

والله يحفظك

[عكعك التطوى]

اخويه شقلاوي حسب نقاشات سابقه وساخنه  في مواضيع متوصلنا الى نتيجه مؤكده بهذا الخصوص سوى انه التقديم على siv من امريكا يجب ان يكون الشخص حاصل على ال COM والاخوه من امريكا محاولين واذكر احد الردود يكول شغله طويه وطول سنه فتصبح متستاهل التعب لان انته راح تحصل عليه بخلال هذه الفتره واذا عندك معلومات جديده بخصوص هذا الموضوع ياريت تفيدنا بيها ويستفاد من هو بحاجه لها ويكون حلينا لغز وبالنسبه الي اذا ردت اقدم على SIV  هو لمجرد ضمان الوصول كفرصه ثانيه فقط ولا احتاج الكرين الكارت لان حسب ما اعرف مبي اي تفضيل او اهميه اهم شي نوصل والله يوفقنا بشغله ونشتغل ويسترها ويانا

تحياتي اخويه الغالي

[maitham70]

اويلي عليك شقلاوي يمكن تاليه نطلع اني وياك تهريب الى امريكا

اخوية قبل فترة صارت نفس مشكلتك مع احد اصدقائي خوية تدري شسوه وتلافه المشكله اسمع عيني
اول شي تلف الجواز وراح للجوازات طبعا بعد الاتفاق مع المعقب الي يشتغل ويه الجوازات ونطاه فلوس على مود يطلعوله جواز نفس سبيلنك الاسم الي يريده خوية سحبوله استماره وطلع جواز جديد ونفس احرف الاسم الي يريده وخلصت المشكله ودز للسفارة جواز نفس احرف الوثائق الي دازهن

وهذا هوا حل المشكله ولاتدوخ نفسك ولاهم يحزنون بالفلوس كلشي ينحل ويصير

تحياتي لك واسال الله العلي القدير ان يسهل وييسر امرك يارب

[BaghdadGhost]

اخي شقلاوي ,,,,,,

عندك حل من الاثنين ,,,,,,

الاول ان تنطيهم الجواز الي عندك الجي ,,,, و تمشي على الاسم الي بي ,,,,, هسه تكلي مو الاستماير و الغراض و التراجم ,,,,,, بس دز تحديث لل 157 بالاسم الجديد حسب الجواز الي راح تدزه و همه تلقائيا من يستلمون النسخه مال الجواز الجي راح يرفقوهه بالباكج مالتك ,,,,,

الحل الثاني ,,, بان تدوخ نفسك علمود هذا الحرف و تطلع جواز جي بالي انته تريده ,,,,,,

اني انصحك بالحل الاول ,,,,,, لان انته بعدك على الجرف و همك الوحيد ان تحصل على الكوم بنفس الاسم الي موجود بالجواز الجي ,,,,, هاي في حاله حسب ما كلت انته بان التغيير بلحرف مياثر على اللفظ مال الاسم ,,,,,

[silver_d]

مرحبا شباب اتمنه اتكونون بخير تحيه الى كل الموجودين بالمنتدى واتمنه تواصلكوم ويانه يدووم لان كلنه هنا اخوان والكل تحتاج مساعده واكيد كلنه ولد بلد وعراق واحد يا احلى شباب


احب اعلق على موضوعك اخ شقلاوي بالمناسبه الجواز مالتك اني طلبوه مني يووم 16 من شهر التاسع ودزيته الهوم نفس اليوم واني قبل كلشي وقبل ما اقدم عال اس اي في . سويت جواز حته اسوي واترجم كل الاوراق مالتي عليه حته ابو شكره جي ال اس هم طلب الاسم من الجواز مو من الباج حته يسويلي الخدمه مالتي  فكملت كل الاوراق مالتي وبعد نضال طويل دام 5 اسابيع من العنف مع ال اس اي في  قبل يومين دزولي رساله كالولي الاوراق مالتك تحت الدراسه بالسفاره الامريكيه ببغداد فمو موضوعنه هذا
اخويه العيز شقلاوي  اتمنه الشغله مالتك تنحل بس احب افيدك بشي واحد والاخ الي قبلي نفس الشي نصحك انو اتعيد اوراقك من جديد واتسوي الاوراق مالتك واتعيد اترجم كل المستمسكات وتملي الفورم واتدزها مو من جديد بس على رقم مالتك مال NVC هذا رقم القضيه مالتك بالسفاره الامريكيه  بالدوله الي انته بيها واتدزها الهوم وترفق وياها فد ملاحضه كوللهوم اسمي بالجواز هذا وترجمت الاوراق مالتي ومليت الفورم مالتي عالجواز مالتي حته لتصير الي مشكله وانته ضيف الي اتريده واتمنه  تمشي اوراقك والله كريم والحبل عالجرار خوني شقلاوي

اخوك سلفر 

[shaklawe]

الف شكر الف شكر  عكعك, سيلفر, ميثم , شبح العظيم , ماجلان الغالي على راسي اخواني كلكم

حبيبي ماجلان راح اسوي بكلامك لان عبرت علية مال Name(s) s

حبيبي انتو كلكم ورود

تحياتي

شقلاوي