سؤال مهم صدكوني ودايخ بي

[قيس ماجد]

السلام عليكم تحياتي للجميع بصراحةعندي سؤال ومحتاج اجابة من الي عنده معرفة بهاي الشغلة سؤالي   هو اذا الواحد ادعه انه اخوانة انخطفوا وهو جذب وماعندة اوراق تثبت هذا الخطف لاسباب سوف اذكرها لليوان طبعا هذه جزء من القصة صحيح هو في الصدق نجاة بس اضطريت الى هاي الشغلة لانه راح اقدم لوحدي لانه عائلتي بالعراق اذا سالوني اهلك وين شكللهم بالعراق فراح اضطر اذكرلهم هاي الشغلة فسؤالي هو صحيح  ياخذون اسماء الاسماء الي راح انطيهميا ويودوهه للعراق علمود يتاكدون  بس اريد اعرف اشلون يتاكدون من انه الشخص مخطوف لو لا 

بصراحة محتاج اجوبتكم وارائكم وتجاربكم لانه صارلي فترة من اجيت ولحد هسة ممقدم لليوان لانه دايخ بهاي الشغلة

اني بانتضار اجوبتكم مع تمنياتي بالموفقية للجميع

[الجنابية.]

مرحبا اخي قيس رد على سؤالك اني اعرف ناس ابوهم كال بالمقابلة اني موظف وماذكر درجتة الوظيفية

وكمل المقابلات تقريبا وهو  مطمئن انة راح يسافر بعدين اجاة رفض يابة ليش الرفض كلولة ليش ماذكرتلنا انك كنت مدير عام

الخلاصة ترى الامريكان يعرفون كلشي وماكو شي ينضم عليهم فشوف حل ثاني


                                      اختك الجنابية

[Baghdady73]

تحية طيبة

مع احترامي لراي الاخت الجنابية وهو راي يملك مصداقية في حالات معينة لان الامريكان مو بهالدرجة من المخابراتية واذا دققوا كل تفصيلة يذكرهة اللاجيء فهذا معناه انشاءالله يجينا جواب المحلف بعد عشر سنين..عيني اخ قيس رايي الشخصي جذب المصفط احسن مليون مرة من صدك المخربط وانا ممكن اعطيك تفاصيل حالات كثيرة تدعم رايي ولكن عالخاص..
تحياتي

[الفضولي]

ماكو هيج فلم مال يعرفون كلشي ... اني خدمت بعسكريتي بمكانات حساسة  ومن قدمت مذكرتها كلها وكتلهم اني كنت بغير مكان كجندي عادي و انطيتهم دفتر خدمة مزور وهسة اني دا انتظر موعد السفر ان شاء الله

[مريمانه]

اخ قيس....طبعا المساله الي انت تحجي بيها ..برايي الشخصي ضربه حظ...يعني اكو ناس كل حجيهم تصفت لكن كل اللي كالوه وصفتو مدعوم بورق ومستمسكات ولو قد تكون مزوره بس مشت امورهم واكو نتس كل كلامهم صحيح يمكن فبركوا بامور تافهه وانعكست الامور عليهم..

فياربي يسخس كلوبهم عليك ويهديهم..وبالتوفيق يارب

[كمال الشاطيء]

الله يوفق الجميع لما هو خير لهم

[قيس ماجد]

السلام عليكم تحياتي للكل اشكركم يااغلة الناس ردودكم شوية وضحت الصورة عندي اني قصتي مكمله بس بيه هاي الثغرة يعني اسماء المخطوفين الي راح انطيهميا ياخذوهه ويتاكدون منه زين اشلون يعرفون هذا مخطوف لو لا مثلا مخطوف قبل اكثر من سنة ومرينة بضروف مكدرنة انثبت الحالة مثلا بمراكز الشرطة زين شنو رايكم    لو انطيهم اسماء خلط     اتمنة احصل معلومات اكثر اني بانتضار اجوبة اكثر     ويارب تسهل كل اموركم يارب   

[المهاجر الجديد]

السلام عليكم اخي قيس مستحيل يكون الامريكان عدهم هيج استخباراتيه عن كل واحد يقدم لليو ان  والا جان  عشره بالميه من المقدمين انقبلو بس والباقي انرفضوا  عزيزي اني اعرف ناس ماعدهم قصه اصلا كلها تصفيط وانقبلو  وسافرو   المهم انت بكل مقابله يكون كلامك هو   هو  وتتذكر  شراح تكول باول مقابله   والله يوفقك  واتمنالك  القبول  انشاء الله

[قيس ماجد]

اشكركم واشكر ردودكم والي عندة اي معلومة لايبخل بيه علينة تمنياتي الكم بالموفقية

[عكعك التطوى]

اذا ذكرت خطف او فديه فنتيجه المحلف تكون معظمها قيد الدراسه او الرفض ويكون بيها تدقيق من قبل المحلف اثناء المقابله

ونقطه ثانيه المحلف يركز عليك وعلى قضيتك وكثير ناس انقبلوا واهلهم ببغداد وعلما التقديم من العراق مفتوح وهذا ينافي ما تعتقده

[مراد علم دار]

سلم عليكم يا اخي شلون تحجي هيج وتريد نصائح بهذا الشى شمدريك هس واحد يشتغل بل يوئن وكلهم
فريت هيج بعنكاو اعتمد على نفسك لان المشوار طويل شوفلك قصه احسن من الغطف وغير اتمنا لك التوفيق

[بغدادي76]

حبيبي همه يحبون الجذب , اهم شي جذبك مايناقض نفسه , رتب الجذب لأن مثل ماكالو الأخوة الجذب المخربط مليون مرة احسن من الصدك المخربط , وهاي أكلكياهه عن تجربة , وترى 99% من الحالات يعتمدون على احجي وماكو اي تجييك ومخاطبات ومراسلات, هاي لو كل كلمة يتأكدون منهه جان عشر سنين ماتكمل المعاملة الوحدة.
تحياتي

[ابو عز الدين]

والله اخوية اني اكول ماعليك شي  هو احنة منعرف صاير بلدنة هم يتركون العالم ويسئلون عليك توكل على الله وكمل الي بديتة

[ام فائز]

اخونا العزيز
تره موضوع الخطف صحيح شويه يتنحسون بيه من الواحد يدفع فديه بس كنالهم يابه لعد انخلي المخطوف ينعلس احسن  بس بالنسبه للوثائق الي تثبت ماكو منو ابهالحاله يروح للشرطه ويثبت انو اخوانه انخطفوا هو بس يريد يدفع ويطلع اخوانه
بس مثل ماكالو الاخوان لازم الحجي والتفصيل يكون دقيق وامرتب وما بيه تناقض واني اشوف اتسجل كل ما قلته حتى ما تنساه ولا اتكلي الامريكان يعرفون منو الي انخطف ومنو لا
اتوكل على الله

[عكعك التطوى]

اخوان الموضوع كتب  في: سبتمبر 25, 2009