المُساعدة في تسهيل التقديم على الـ SIV

[Revolver]

أخوان, السلام عليكم ورحمة الله

أني ان شاء الله في طور التقديم على برنامج الـ SIV وقريت المواضيع الموجودة في منتدانا العزيز التي تخص برنامج الـ (SIV) .

بس هاية دعوة لكل الي الله رزقهم بلخروج للولايات المُتحدة عن طريق هذا البرنامج, ان يسهلون امري وأمر كل الي ديقدمون على هل البرنامج بشرح مُبسط لعملية التقديم . والي هية مثلاً تحضير المُستمسكات الي تشمل شهادة الجنسية والاحوال المدنية ... الخ, وكيفية وضعها في ايميل بحيث يكون الايميل كامل مكمل, يعني مو ارسل الايميل ويرجعلي ايميل من المنظمة ويكول عدل فلان شغلة, او مثلا ترجم فلان شغلة .. يعني اسهل طريقة بحيث ستاف البرنامج من يشوفون الايميل يكونون راضين عليه ويمشوا . طبعاً اني حضرت الـ مُستمسكات المطلوبة بس بعدني يعني لامستنسخ شي بيهن ولا سويت شي, مجرد حصلت على الـ Employment Verification .
وهسة ماعرف شلون اخليهن بأيميل, وطريقة الكتابة شلون . يعني شأكتبلهم كـ مُقدمة والي انتوا كتبتوها والحمدلله وصلتوا بسلام ..

أكون ممنون منكم جداً واكيد الي يريد يقدم على البرنامج هذا راح يستفاد من ردودكم ويندعيلكم بلخير مثل ما اني اسوي وغيري ..

بارك الله بجيمع الي راح يشاركون بمساعدتي ومساعدة الاخوة الباقي

الف شكر,

[shaklawe]

مرحبا اخي ولو انته محدد الجواب فقط من الواصلين لامريكا
بس اني حبيت انطيك بعض النقاط
وحدها ال Employment Verification

ما تاكل

راجع مواضيع العملاقين الشبح و الفالكون
http://www.ankawa.com/forum/index.php/topic,270934.0.html
http://www.ankawa.com/forum/index.php/topic,267544.0.html

وميحتاج تكتب فد شي معين
بس لازم ريكومنديشن من سوبر فايزر امريكي مباشر يذكر باه يعرفك و انه انت لاتمثل خطر على امريكا

و بس تسوي اسمك عنوان السبجكت و تدز المستمسكات و همة اكيد راح يعرفون انته شتريد
وانصحك ايوم دزها و تنتظر لان تكمل اوراقك و تدزها مثل ما ذكرت جنابك "علمود ميسالوك اكو نقص"
اني دزيت كول الشغلات الرايديها بالموقع مال سفارة بس همكالو اكو قص
 اذا همة حبو
هم يسالون اشياء و بكيفهم و اكو تماطل من عدهم اكسب وقت لان همة هم راح يماطلون وياك اول و تالي

اخذ رقم سرة من هسة

تحياتي

شقلاوي

[BaghdadGhost]

حبيبي ريفولفر ,,,,,

اني اعرف شتريد ,,,,, و صدكني جاي اكتب موضوع للاخوه الي مقدمين بالجديد على البرنامج ,,,,,, بس يكمل اني بالخدمه ,,,,,,

[Revolver]

مرحبا اخي ولو انته محدد الجواب فقط من الواصلين لامريكا
بس اني حبيت انطيك بعض النقاط
وحدها ال Employment Verification

ما تاكل

راجع مواضيع العملاقين الشبح و الفالكون
http://www.ankawa.com/forum/index.php/topic,270934.0.html
http://www.ankawa.com/forum/index.php/topic,267544.0.html

وميحتاج تكتب فد شي معين
بس لازم ريكومنديشن من سوبر فايزر امريكي مباشر يذكر باه يعرفك و انه انت لاتمثل خطر على امريكا

و بس تسوي اسمك عنوان السبجكت و تدز المستمسكات و همة اكيد راح يعرفون انته شتريد
وانصحك ايوم دزها و تنتظر لان تكمل اوراقك و تدزها مثل ما ذكرت جنابك "علمود ميسالوك اكو نقص"
اني دزيت كول الشغلات الرايديها بالموقع مال سفارة بس همكالو اكو قص
 اذا همة حبو
هم يسالون اشياء و بكيفهم و اكو تماطل من عدهم اكسب وقت لان همة هم راح يماطلون وياك اول و تالي

اخذ رقم سرة من هسة

تحياتي

شقلاوي

حبيبي انت شقلاوي, الف شكر على الرد وتسلملي, وأني يعني مو بلضبط حددت الي واصلين للولايات, لأن الي هسة هناكة او وصلوا بسلامة والحمدلله, يعني عدهم اكيد خبرة بلمُعاملات الي اشتغلوا بيها, واكيد واجهتهم عوائق وعبروهة والحمدلله, اني هذا قصدي حُبي, والف شكر مرة لُخ على الرد الجميل لحضرتك.

اخوك ريفو

[Revolver]

حبيبي ريفولفر ,,,,,

اني اعرف شتريد ,,,,, و صدكني جاي اكتب موضوع للاخوه الي مقدمين بالجديد على البرنامج ,,,,,, بس يكمل اني بالخدمه ,,,,,,

حبيبي المُبدع كوست, تسلملي ورحم الله والديك, بس ياريت تستعجل بي لأن تدري كلنة انريد نكسـب وقت . بلموفقية ان شاء الله وتسلملي

اخوك ريفو

[Revolver]

بلمُناسبة شباب سؤال رحمة على والديكم,

Employment Verification :
بخصوصها, يعني مُدير الشركة الي كنت اشتغل بيها, كتبلي انو اني مشتغل بيها بفلان فترة وكمل شغل بفلان فترة وجان زين .. والخ .. يعني شُبه ركومنديشن بس ذكر بيها الفترة الي اشتغلت بيها واسم الشركة وعنوانها وعنوانة ( المُدير ) ... شنو الي بلضبط يكتبه المُدير ؟ لأن هوة كلي اذا اكو اضافت كلي علمود اسويلك تعديل عيلها ..

وألف شُكر

[vincenzo]

صديقي
اني اشوف انه ماكو داعي جنابك مسوي موضوع ومتعب نفسك لان ماعندك شي جديد
انت تريد تقدم حالك من حال كل اللي يقدمون واذا وكفت عندك شغله فتكدر تكتب سؤالك بارشيف الاس اي في ويجيك جواب وميكون خاطرك اللا طيب
بعد عليمن هالدوخة
لان التقديم صار قديم وشبع تفحيص وتمحيص هنا وما بقى شي ما انكتب عنه
وانشاء موضوع جديد تره مسؤولية

ملاحظة: اجابة سؤالك موجوده بموضوع فالكون وبالرابط
http://travel.state.gov/visa/immigrants/info/info_4172.html

[Revolver]

صديقي
اني اشوف انه ماكو داعي جنابك مسوي موضوع ومتعب نفسك لان ماعندك شي جديد
انت تريد تقدم حالك من حال كل اللي يقدمون واذا وكفت عندك شغله فتكدر تكتب سؤالك بارشيف الاس اي في ويجيك جواب وميكون خاطرك اللا طيب
بعد عليمن هالدوخة
لان التقديم صار قديم وشبع تفحيص وتمحيص هنا وما بقى شي ما انكتب عنه
وانشاء موضوع جديد تره مسؤولية

ملاحظة: اجابة سؤالك موجوده بموضوع فالكون وبالرابط
http://travel.state.gov/visa/immigrants/info/info_4172.html

اشكرك صديقي, اكلك هذا اللنك ادوس عليه كلك مو؟
وعليش ضايج انت خوما الموضوع حمل وعلى راسك شايلة ؟ مسؤوليتش ؟
اني رجال مستجد بهل الشغلة ومابيها شي ترة ( السؤال مو عيب ) سامع بي هذا المثل مو ؟
ومابيها شي ترة المُساعدة . رسولنة الف الصلاة والسلام عليه يكول : الكلمة الطيبة صدقة . فمابالك اذا ساعدة واحد محتاج ؟
ويعني ميصير نكتب موضوع الي اذا فدتشي جديد ؟ يعني مثلاً شريد اكتب ؟ العراق صارت بي كهرباء ؟

على كلن شكراً الـ مرورك والتعليقك .
ريفو

[vincenzo]

لا حبيبي بس مو كثرة المواضيع الغير مفيدة تضيع الاخرى المفيدة بالصفحة الاولى واحنه كلش هواية متناقشين بهالسالفة من زمااااااااااان
واعتذر منك لكونك جديد ومتدري بس استفاد من اللي كلنالكياه ودور زين بارشيف المواضيع القديمة بالاضافة للنكان اللي انطيناكياهه وانشاء الله تستفاد
تدلل

[ابو عبد الله التكساسي]

الاخ ريفولفر
عندي سؤال (( انت تسمع روك لو لا ))؟؟ حتى اعرف اجاوبك واني برسم الخدمه
وبالنسسبه للركمنديشن تحتاج بيهه التالي
ان تكون من ((مسؤلك المباشر)) حتى لو كان جندي بس هوه ابو الهيومن ريسورس مال لشركه او الكومبني اذا تشتغل ويا الجيش
لازم يذكر بيهه اسمك مثل ما مكتوب بالجواز او انته تكتبلهياه مثل ما انت تريد (( مهم جدا
لازم يذكر بيهه وبوضوح انه انت ما تشكل خطر على لامن لقومي الامريكي وما تمثل اي تهديد مباشر او غير مباشر
لازم جدا ان يذكر بيهه وسيلة اتال بي هوه (( يعني ايميله الخاص ومال الجيش او رقم تلفونه )) حتى يتصلون بي
لازم يذكر انه انت مشتغل وياه وانت خوش انسان وهو بكيفه

والسلام

اي شي تحتاج دزلي عالخاص او عالعام واني برسم الخدمه حبييب
بس كلس تسمع روك لو لا ؟؟ ههههههههههه


اخوك ابو عبد الله التكساسي
من مدينه هيوستن

[shaklawe]

بلمُناسبة شباب سؤال رحمة على والديكم,

Employment Verification :
بخصوصها, يعني مُدير الشركة الي كنت اشتغل بيها, كتبلي انو اني مشتغل بيها بفلان فترة وكمل شغل بفلان فترة وجان زين .. والخ .. يعني شُبه ركومنديشن بس ذكر بيها الفترة الي اشتغلت بيها واسم الشركة وعنوانها وعنوانة ( المُدير ) ... شنو الي بلضبط يكتبه المُدير ؟ لأن هوة كلي اذا اكو اضافت كلي علمود اسويلك تعديل عيلها ..

وألف شُكر

صيقي العزيز خل احجيلك عن صديق الي يشتغل بشركة امريكية
المفارقة: بانه هو يشتغل بالمكتب مال HR مالتهم أو يمكن انه السوير فايزر مالته مدير ال HR مال شركة فمسويلة ريكونديشن و ذاكر بانه مشتغل وياهم

ودزها ال SIV
للاخوان معتبريها الورقة هاي فيريفيكيشن ويريدون هسة ريكمنديشن من مدير الشركة بس مدير الشركة مالهم بريطاني و متعلقة شغلته هسة
يعني اذا يريدون يماطلون يسوها بلا ملح همة وخاصة ذاكرين همة يريدون ورقتين Employment Verification  و الريكونديشن

وربنا يوفقك

[Revolver]

 

عزيزي أبو عبدالله التكساسي, الف رحمة على والديك اول شي على الشرح والله يوفقك ان شاء الله ويخليك النة يارب, تسلملي عُمري, وان شاء الله ادزلة رسالة للمُدير مرة لُخ واكلة يذكر بيها الملاحظة الي بخصوص ( انه يشكل تهديد على الامن القومي ) .
وأني اشكرك جداً وتعبتك وياية وأي شي احتاجة ان شاء الله ماتقصرون وياية ولله يوفقكم دنية واخرة .

وبلنسبة اذا اسمع روك لو لا  لا اني اسمع متل  خير ليش شنو لازم تعرفني ؟؟؟    وتحياتي الشخصك الكريم والف شكر للجميع والله يوفقكم .

اخوكم

ريفولفر

[Revolver]

بلمُناسبة شباب سؤال رحمة على والديكم,

Employment Verification :
بخصوصها, يعني مُدير الشركة الي كنت اشتغل بيها, كتبلي انو اني مشتغل بيها بفلان فترة وكمل شغل بفلان فترة وجان زين .. والخ .. يعني شُبه ركومنديشن بس ذكر بيها الفترة الي اشتغلت بيها واسم الشركة وعنوانها وعنوانة ( المُدير ) ... شنو الي بلضبط يكتبه المُدير ؟ لأن هوة كلي اذا اكو اضافت كلي علمود اسويلك تعديل عيلها ..

وألف شُكر

حبيبي انت شقلاوي, الف شكر ورحم الله والديك, راح ادز ثنيناتهن ان شاء الله علمود مالهُم حجة يماطلون وياية . والف شكر على الجواب ورحم الله والديك مرة لُخ .

الف شكر
ريفولفر

[vincenzo]

اسف لخروجي عن الموضوع بس اعتقد ابو عبود التكساسي يقصد vavet revolver لان يمكن هو من جماعتنه و guns n' roses
و aerosmith
و alice in chains
و pearl jam
ومن هالسوالف
مووووو؟؟؟ ابو عبود

[alusha1]

أخوان, السلام عليكم ورحمة الله

أني ان شاء الله في طور التقديم على برنامج الـ SIV وقريت المواضيع الموجودة في منتدانا العزيز التي تخص برنامج الـ (SIV) .

بس هاية دعوة لكل الي الله رزقهم بلخروج للولايات المُتحدة عن طريق هذا البرنامج, ان يسهلون امري وأمر كل الي ديقدمون على هل البرنامج بشرح مُبسط لعملية التقديم .

أخ vencenzo
مشكور اكيد بمساعدتك للأخ بس هو كاتبلكم أنه قاري المواضيع الموجودة ويريد شرح مبسط لأن مواضيع الأخوان فالكون وشبح بغداد وطبعا هية جدا قيمة ومفيدة بس لأن مفصلة جدا وتفيد اكثر شي اللي مستمرين بلشغلة وباشرو بيهة
بس اللي كلشي ما يعرف واول مرة ديقدم ومرات ناس ماتعرف تستخدم النت او الايميل فتحتاج الى شرح مبسط للخطوة الاولى على الأقل وشلون واحد يبدي بلمراسلة أعتقد هاي اهم خطوة لازم نشرحهة ونذكرهة حتى نحقق هدف المنتدى اللي هو مساعدة الكل بدون استثناء

وأن شاء الله أخ ريفولفر أكون فهمت قصدك وأن شاء الله احد الاخوان يكتبلك هاي الخطوة الاولى وأيضا ان شاء الله اكتبهة اني بس يصير لي مجال وباسرع وقت واكتب تفصيل ممل للشخص اللي ما يعرف استخدام النت والايميل
وان شاء الله يفيد الكل واذا بادر احد الاخوان قبلي بكتابتهة فنكون ممنونين الة
ولا تخاف وان شاء الله ماكو اي خوف او مسؤولية جبيرة بكتابة أي موضوع
وهلا بيك أخونة العزيز
تحياتي اختك علوشة

[Revolver]

تـاج راسي انتي اختي علوش, يحفظج ربي ويخليج ويسهل امرج.

بلــــــــــــضبط هذا هوة الي اني قصدتة, انو محتاج اعرف شلون ابدي بهاي العملية .. يعني واحد عندة الجنسية وشهادة الجنسية وشهادة التقدير مال الشغل . يعني شغلات بسيطة قصدي . شسوي وشلون ابدي يعني ماعرف والله, الف رحمة على والديج ياريت والله واحد من الطيبين امثالكم, يعني شوية يكتب عن البداية شنسوي وشلون . والله يوفقكم, وتسلمين اخت علوش , ماعرف جنت اكتب كرواتي والاخوان مفتهموني  على كلن اشكركم كلكم والله يحفظكم