،،، ܠܦܘܼܬܼ ܐ̄ܢܵܫܹ̈ܐ ܚܲܪ̈ܡܵܢܹܐ ،،،
ܟܡܵܐ ܒܘܼܚܸܢܘܼܢ ܠܡܘܼܫܚܵܬܼـܝܼ
ܪܵܒܵܐ ܗܘܼܡܙܸܡܠܗ̄ܘܼܢ ܘܐ̄ܡܸܪ̈ܘܼܢ
ܐܲܬܼܘܵܬܼܘܼܟܼ ܝܼܠܲܝܗ̈ܝ ܩܪܵܒܼܵܐ
ܘܠܵܗܵܐ ܡܢ̄ ܐܲܬܘܼܢܵܐ ܕܢܘܼܪܵܐ
ܘܡܼܢ ܒܲܬܼܘܵܬܲܝܗ̈ܝ ܒܨܝܼܪܹ̈ܐ ܝ̄ܢܵܐ
ܫܲܦܝܼܪ ܦܸܬܼܓܼܵܡܹ̈ܐ ܕܫܪܵܪܵܐ،،
ܟܲܕ ܐ̄ܡܪ̈ܘܼܢ،،!
ܐܝܼܡܵܢ ܟܵܠܹܝܬ ܥܲܠ ܒܹܝܡܵܐ
ܦܵܠܹܛ ܩܵܠܘܼܟܼ ܚܸܫܵܢܵܐ
ܓܲܘ ܩܪܲܝܬܼܘܼܟܼ ܠܲܝܬ ܚܲܕ̄ ܫܠܵܡܵܐ
ܚܢܝܼܩܵܐ ܘܠܵܐ ܙܲܢܓܸܪܵܢܵܐ،
ܟܦܝܼܫܹ̈ܐ ܗܵܘܝܼ ܡܐܲܝܟܼ ܢܘܼܗܪܵܐ
ܘܒܪܲܩܵܠܘܼܟܼ ܠܟܼܠ ܫܲܡܥܵܢܵܐ
ܗܵܘܹܐ ܦܪܵܣܵܐ ܥܲܡܛܵܢܵܐ،،
ܐ̄ܡܸܪܝܼ ܒܠܒܵܐ ܕܡܲܚܒܵܢܹ̈ܐ
ܫܢܝܼܓܼܵܐ ܠܚܸܠܥܵܬ ܕܪ̈ܘܼܚܵܢܹܐ
ܒܲܝܢܵܬܼ ܟܠ ܡܝܲܩܪܹ̈ܐ ܙܡܝܼܢܹ̈ܐ
ܓܲܘ ܪܹܝܙܵܐ ܕܒܲܪܐ̄ܢܵܫܘܼܬܼܵܐ
ܠܦܘܼܬܼ ܡܘܼܫܚܵܬܼـܝܼ ܦܲܪ̈ܡܵܢܹܐ،،
ܕܚܲܒܪ̈ܵܢܝܼ ܝܼܠܲܝܗ̈ܝ ܓܒܼܝܼܠܹ̈ܐ
ܓܲܘ ܐܲܬܝܼܪܹ̈ܐ ܕܪ̈ܲܡܫܵܢܹܐ
ܡܼܢ ܐܲܬܼܘܵܬܹ̈ܐ ܕܩܸܫܝܘܼܬܼܵܐ
ܡܛܠ ܐ̄ܢܵܫܹ̈ܐ ܚܲܪ̈ܡܵܢܹܐ
ܒܪܸܢܝܵܐ ܕܠܵܐ ܗܲܝܡܵܢܘܼܬܼܵܐ
ܩܵܛܠܝܼ ܠܪܸ̈ܥܝܵܢܹܐ ܡܗܲܝܡܢܹ̈ܐ
ܥܘܼܒܲܝܗ̈ܝ ܡܸܠܝܵܐ ܣـܪܝܼܩܘܼܬܼܵܐ
ܒܦܸܬܼܓܼܵܡܲܝܗ̈ܝ ܡܦܲܬܦܬܵܢܹ̈ܐ
ܒܥܲܠܡܵܐ ܠܲܝܬܠܝܼ ܐܝܼܩܵܪܵܐ
ܘܠܵܐ ܫܲܘܦܵܐ ܕܡܲܚܙܹܗ ܫܪܵܪܵܐ،،
ܡܼܢ ܩܢܛܪ̈ܘܼܢܲܝܗ̈ܝ ܦܲܢܕܵܢܹ̈ܐ
ܪ̈ܲܫܡܝܼ ܣܝܵܡܹ̈ܐ ܘܚܲܒܪ̈ܵܢܹܐ
ܡܢ̄ ܠܒܵܘܵܬܼܵܐ ܕܡܵܚܘ̇ܪܹ̈ܐ
ܓܲܪܫܝܼ ܚܸܠܥܵܬ ܕܚܘܼܠܡܵܢܹ̈ܐ
ܒܩܲܢܝܵܐ ܕܣܲܟܼܠܘܼܬܼܵܐ ܣܲـܪ̈ܛܝܼ
ܕܩܲܛܠܝܼ ܒܪܝܼܪܘܼܬܼܵܐ ܕܝܵܘܢܹ̈ܐ
ܒܚܘܼܬܵܡܵܐ ܩܲܕ̄ܡ ܟܠ ܟܦܝܼܫܹ̈ܐ
ܘܩܲܕ̄ܡ ܦܫܝܼܛܹ̈ܐ ܡܲܨܝܼܬܼܵܢܹ̈ܐ
ܡܢ̄ ܒܵܬܲܪ ܣܸܬܪܵܐ ܕܢܟܼܝܼܠܘܼܬܼܵܐ
ܡܲܟܪ̈ܙܝܼ ܒܫܠܵܡܵܐ ܕܟܹܐܢܹ̈ܐ،،
ܥܲܒܼـܕܝܼܫܘܼܥ ܣܵـܗ̄ܕܵܐ ܝܘܼܚܲܢܲܢ
ܟ ـ ܝ ـ ܐܨܿܨܨ
