تخصيصات من الحكومة العراقية الى اللاجئين

[الجنابية.]

اخواني وخواتي الاعزاء
سمعت خبر اليوم  ان الحكومة  العراقية  خصصت مبلغ  5 ملاين دولار  الى اللاجئين الي ابعمان

وسوريا  ولبنان انشاءللة ايطولنا  منها ولو  100 دولار اضافة على الرواتب  انتوا شتكولون   مو  ايروحن

توزيع  على الجمعيات  واصحابها  الميخافون من اللة



                                                                اختكم الجنابية

[ابو ايوب]

لو بشهر نيسان اكول هاي كذبة نيسان بس شلون غلطو وسوها هذا اذا كان الخبر صحيح مو بس اعلام علمود الانتخابات قربت

[جرح الزمن]

طبعا الاردن ماشاءالله عليهم يوزعوها بيناتهم والاجئين ينطونهم صابون وشامو  ودوشك وبطانية تكول ذابحنة الوسخ والجرب وماكو فراش انام علية الله لاينطيهم العافية  لا وفوق كل هاذا يحملك الف منية على الصابون  الله كريم انشاءالله تهون وتفرج علينة

[الجنابية.]

[size=22p22t][/size]   اشكركم اخواني جرح الزمن ابو ايوب shawqi shumran على مروركم واضافة الردود

[عاشق تراب العراق]

ايييييييييي راح يوزعولنة  بيهة بسوريا برغل و معكرونة معجنة همة اليو ان حاميهة حراميهة اتصورو هنا بسوريا مو يوزعون الحصة يرجعون اهل السيارات و المحلات المتخصصة بشغلات اليوان يشتروهة من الناس و يرجعون يودوهة لنفس المخازن الاصلية و يرجعون يوزعوهة بس اكيد من يشتروهة مو مثل ميحسبوهة للاجئ تدرون شلون يعني من يشترون حصة النفر يشتروهة ب 800 ليرة بس اليو ان تحسب حصة الفرد الواحد 300 دولار تقريبا  و انتو احسبو الاستفادة شكد و الاتفاقيات براس اللاجئين المساكين مو صارو مليارديرية هاي فوك الضيم اللي بينةوين منروح الحرامية ورانة  ,يا الله افرجهة على كل عراقي بالانتظار

[mayada2009]

معقوله i dont belivevt 

[الفريدو]

اختي العزيزه الجنابيه

معقوله الحكومه مالتنا تسويها ؟؟ والله ماطول خصصو هذا المبلغ يعني اكو وراهم شي

لان مو خاليه شغلتهم واتمنى ان يتركونه بحالنا احسن لان اذا دزو فلوس معناها راح يسوون ملعوبه وراها لان احنه مانشوف شي كله يروح للبنايات مال المنظمات والموظفين واحنه ماراح نشوف شي




اخوك : الفريدو

[الجنابية.]

  اشكركم اخواني على ردودكم الحلوة وكل الذكرتوا صحيح بس احنة اشبدينا

ماعدنا غير اللة والصبر وانكول حسبي اللة ونعم الوكيل ترى العراقي ميستاهل


                           اختكم الجنابية

[abo_ayman]

جان استحو على نفسهم 

فساد مسؤوول  باي ورزارة او باحدى الرئاسات الثلاث  يطلع اكبر من هذا المبلغ


أبو أيمن - عمان

[محمد زيونه]

هههههههههههههههههههههه

شبعنا من  هذا الجذب

وعلى  كولة الاخ  جرح  الزمن  يوزعون  بيها  صابون وشامبو

ودواشك  تكول  كاتلنا الجرب  وماعدنا  مكان  انام  بي   

حسبي الله  عليهم 

نهبو  البلد  ودينطون اتلفتافيت  للناس

الله  ينتقم منهم

[الجنابية.]

     اخي ابو ايمن واللة الكلام الكلتة صحيح بس احنة كاعدين بالغربة نحرك بنفسنا وباعصابنا

وهما كاعدين ابلدنا متهنين بس شنكول حسبي اللة ونعم الوكيل

واشكرك على مرورك وردك

                                                اختك الجنابية

[القرش الاسود]

اختي العزيز
                 هاي التخصيصات  هم مجبورين بيه يعني حقوق الانسان وطبعا بالدول العربية غير معترفين بيها بس الدول الاوربيه موجودة بيها هذا القانون يعني حق الانسان اينما يكون وهاي هيه حصتنه من النفط وهم  يعطى الى الدول الي بيها عراقيين بس اتمنى توصلنا وصراحة كل شي ماحصلنا منه بس الاشياء البسيطة بس كل هذا وانكول الحمد لله  والله يفرجه علينا وعلى امة محمد اجمعين لان مصيبتنا جبيرة .   عموما مايريد اطول  يارب توصل الى كل الناس المستحقين  والحمد لله


اخوكي

القرش الاسود

[أبن خير]

شنو جماعة مصر ولد الخايبة .. أشو كلشي ماكو صار 3 سنوات بس نسمع رح أيسون
رح أيجيبون بس اللهم وجبة رمضان ( صندوك ) أو بالوقت الضايع حصلنة ..
يلة هي تايهة .. حارة كلمن أيدو ألووووووووو

أبن خير

[yousif_2009]

 ياجماعة احنا بتركيا ياخذون من عدنة فلوس و من نقدم على مساعدة مالية يرفضونة يمكن عبالهم كل واحد عندة 10 بيوت ببغداد مأجرهة وجاي.

هاي ال5 ملايين دولار مال دولة اذا وزعوا منهة 100 الف دولار احنة مجانيص.
 

اخوكم يوسف
 

[النسيم المهاجر]

[hمو الصوج من الحكومه العراقيه لازم تفرض انو المبالغ توزع نقداً للمسجلين على اليو ان ويكون عدها احصائيأت اكيدة بهاي المسأله بس على كولتكم كلها اتفاقيات والكل مستفاد . وشون صابون عيني يخبل مال زاهي يابس وصاير صابون خوب معجون الاسنان يخمبل ولا المكينه مال الحلاقه مرة داجربها طيرة لحمه من وجي بي الحمد لله طلعلي جلد مرة ثانيه والتوبه بعد اما البطانيات والدواشك والسلع المعمرة ماتتوزع للكل اكو ناس كل مرة بس همة ياخذون كل مرة والي مياخذ خلاص مياخذ ههههههههههههههههههههههههههههههههههههههههههههههههههههههههههههه هسة عمي مانريد بس خلي يسفرونه لبلد التوطين وخليها كلها الهم r]

[بكر العراقي]

السلام عليكم ايام النظام السابق كانوالاجئين العايشين في الخارج الي يسمون نفسهم معارضة الي هم نفسهم شرودونه وشردوالعراقين 40000000مليونلاجئ الامم المتحدة تقطع الهم 5% من واردات العراق النفطية وكانوساكنين في فنادق الدرجة الاولى وكانو يحيكون الموامرات على العراق هم واسيادهم الان اصبح وطنين و90%منهم يحملون جنسية اخرى اما ايرانية او انكليزية اواوربية ولحدالان ياخذون عليها مساعدات كان البوك مال العراق مكفاهم ولاحكين الاجئين العراقين هسه بعربانة اريدون يرجعوهم للعراق حتى يتخلصون منهم عبالك ماضل عدهم احد يكتلو بس انكول كماقال الله سبحانه(يمكرون ويمكرالله والله خيرالماكرين)صدق الله العظيم

[fox13]

اخوان .. خلي نحجي واقع الحال ..

من خلال اللي قريتة استنتجت ان هذه المساعدات لا هية ( رايحة للناس المحتاجة و مغلسين على الناس المتمكنة ) من جهة ولا هية ( متوزعة على الناس بالتساوي ) من جهة اخرى , و اكيد حكومتنة تعرف بهذا الشي . طيب .. ليش الحكومة متوزع هذي المساعدات بنفسهة , زين سؤال رحمة لاهلكم الحكومة ساعدت محتاجين داخل العراق حتة تساعد المحتاجين اللي خارج العراق.. اخوان المسألة باعتقادي هي مسألة تباهي و كما ذكر احد الاخوان الانتخابات على الابواب ..  وما خفي كان اعظـــــــــــــــــــــــــم

ملاحظة: المقصود بالحكومة ليس اجمالا بل فئة طاغية فاسدة منتشرة في مفاصل حيوية في الحكومة, مع جل الاعتذار للشرفاء في الحكومة ...

اخوكم

FoX 13

[الجنابية.]

 اشكركم اخواني جميعا على مروركم وردودكم

ماعدنا غير بس انكول حسبي اللة ونعم الوكيل

[مريمانه]

اواعدك بالوعدواسكيك ياكمون...


يابه اليوم يومهم...همو موجانوا دينتظرون هيجي يوم.؟؟....شفنه وسمعنه ..ونشوف ونسمع بعد اكثر ...ومسلميهم بيد الله..


مريمانه