خلصت المقابله الاولى و الثانيه على خير في بغداد

[sakoa]

شلونكم اهل المنتدى الغالي..................
اليوم في iom بغداد قابلنا مقابله اولى و ثانيه سوه و خلصت على خير 
الموضفين العرب لطفاء جدا عاملونا معامله جيده و كلولنه المقابله الجايه ويه المحلف بس مكالو يمته .............
اكو واحد يعرف يمته يجون وفد المحلفين الى بغداد
انشاء الله الموفقيه للجميع
اخوكم ساكو!!!!!!!!!!!!!!!!!!!

[زيونة]

أخي العزيز ... الف مبروك أكمال المقابلتين  بس شنو أني اللي أعرفة أنة في بغداد مقابلة أولى و الثانية مع المحلفين ؟ هل هذا صحيح ؟ أرجو ذكر موعد أجراء المقابلة و بالتوفيق .

[مهند هادي]

الف الف مبروك اخويه العزيز وان شاء الله التوفيق اني هم مثلك قابلت في شهر الثامن وانتظر موعد المحلفين ولحد الان ماكو شي


اما بخصوص الاخت زيونة فيقصد بالمقابلة الاولى والثانية هي في نفس اليوم المقابلة الاولى هي معلومات عن المتقدم والمقابلة الثانية هي شرح قصة التهديد واذا عند اوراق تهديد وشكوى من مركز شرطة الح .


أخوكم مهند هادي بغداد

[الدميره]

السلام عليكم
انا اللي اعرفه ان بعد اول موعد مقابله واللي هيه مقابلتين مع بعض يكون هناك موعد فحص طبي قبل موعد المحلفين واللي اعرف ان المجلفين بعد الفحص الطبي  وانا قابلت في الشهر السابع من هذي السنه ولغاية الان انتظر  سواء على الفحص الطبي او المحلفين   وعلى الله.........فاين الصح لو سمحتو

تحياتي لكم

الدميره

[storm2]

الف مبروك اخي العزيز بصراحة ما عندي معلومات لان ما مقدم على اللجوء بس انشالله قريبا انشالله

[زيونة]

ألاخ العزيز مهند
أشكرك على التوضيح أني هم قابلت مقابلتين في يوم واحد في العيد بس أني حبيت أفتهم لآن بعض الاخوان يقولون قابلت مقايلة واحدة مع الشكر الجزيل .

ملاحظة : أني أخ و ليس أخت ههههههههههههههه .

[ethan texas]

السلام عليكم اخوية العزيز


الف الف مبروك وانشاء الله على الخير والبركة يارب

بس اصبر الشوية مو كالولك عرسك مبارك كال الة هسة     

والله انشاء الله ايوفقك ويفتحهة بوجهك

اخوك جوزيف

[مهند هادي]

اعتذرلك اخوية زيونة واسف كلش هو IOM خلونا عدنا عقل بعد


اما الاخت الاميرة موشرط الفحص قبل المحلفين اكو المحلفين قبل الفحص ماعدهم شي ثابت



اخوكم مهند هادي بغداد

[ريم عبد]

اخي sakoa
مبروك عليك هاي عبرت اول درجه وان شاء الله البقيه تاتي تباعا
بس هسه اخذلك صفننننننه شووووويه طويييييييله منا لما اتقابل المحلفين والله كريم
احنا ابغداد  ممنتضر المحلفين لما يجون لان همه كاعدين امبلطين يمنا همه اهل الدار بس تنتضر سراك
اما الاخ  زيونه سال على المقابلتين فهيه الحقيقه مقابله وحده بنفس اليوم بس مقسميها فقرتين وراها تجي مقابلة المحلفين والفحص الطبي احيانا ايكون قبل واحيانا بعد لان يمشي بجدول منفصل ممرتبط ويه المحلفين
بالنسبه النا جان الفتره 3اشهر و5 ايام بين المقابلتين
وان شاء الله اتكون اقرب بالنسبه الكم
اختكم ريم

[MAJIDAMEDI]

الف مبروك  حبيبي  انشاء الله المقابلة الاخير بعد شهرين

[عكعك التطوى]

الف مبروك وبالتوفيق انشاءالله

[sakoa]

شكرااااا على الردود و التهاني من الجميع 
من ردودكم استنتجت محد يدري وره اشكد مقابله المحلفين من المقابله الاولى
زين المحلف يريد ادله على قصه التهديد لو ماله علاقه؟؟؟؟؟ شنو نوع الاسئله؟؟؟؟

[السومري]

مبروك والله يفتحا بوجهكم ..انا حسب علمي ان بعد المقابلة الاولى بشهر يكون الفحص و وراها بشهرين ونص المقابلة الثانية هكذا كما حدث لعديلي وهو انطو موعد سفر يوم 1/10/2009 ....اخوان ادعولي باجر مقابلتي الاولى بالمنطقة الخضراء ..ادعوووولي..اخوكم السومري