ارجوا من اصحاب الخبره في siv الدخول رجااااااءا

[mohammedusa]

السلام عليكم..

رجاءا عندي استفسارات عن ال siv لان اني مقدم جديد وما عندي اي معلومات عن الموضوع ف ارجوا من الاخوان اصحاب الخبره ان يجيبوني واني ممنون الكم مقدما..


اولا..هل العمل ب ال siv مستمر والولايات المتحده مستمره في منح الفيزا عن طريق هذا البرنامج؟

ثانيا..اذا العمل ما زال مستمر  كم هي مدة المعامله من البداااايه لحد مرحلة استلام الفيزا؟؟

ثالثا..اني وصلني مسج يكلي انتظر ال(مشن جيف ابروفال)شكد المدة  لحد ما احصل على الموافقه؟؟لان اني صارلي تقريبا اكثر من 20 يوم وم اجاني مسج ثاني من عدهم؟؟

واني ممنون مقدما لكل الاخوه الي جهودهم بصراحه لاتقدر بثمن.

[Banah09]

الاخ mohammedusa
بعد السلام والتحية الطيبة، اهلا وسهلا بك في هذا المنتدى، اخي بخصوص سؤال هل الولايات المتحده ماتزال تعمل بهذا البرنامج فاطمأن لان ما يزال هذا البرنامج شغال وعليه طلبات كثيره ونتائجه مضمونه لمن يستوفي الشروط.
اما عن الجيف اوف مشن اشكد تاخذ علمه عد الله احنه اللي قدمنه من البداية ما اخذت ويانه غير بس كم اسبوع لكن هسه اسمع انهم امطولين ومتانين لكن اكيد راح ايردون اي انه لا احد يعرف متى يأتيك الرد لهذا اطمئن وانتظر اسبوع اخر اذا ما اجاك رد ابعث لهم ايميل تستفسر السبب ولكن بودي ان ابلغك انه الشغله تحتاج وقت طويل وصبر وقوة اعصاب ولك التوفيق.

ام ياسر

[blackwater]

الاخ العزيز ..

البرنامج مستمر ...

والموافقات والفترات والمواعيد كلها تكدر تشوفها في الارشيف والمواضيع المهمة والقديمة ..وراح تلكه كل اجاباتك هناك ..

[mohammedusa]

والله بصراحه ما ااعرف شلون اشكركم واشكر هذا المنتدى الاكثر من رائع.

الف شكر الكم اخواني على المعلومات وشكرا لان طمنتوني انه البرنامج ما زال فعال ونتائجه مضمونه لمن يستوفي شروط البرنامج.

[storm2]

حبي البرنامج لازال فعال ولحين 2011 عود يقررون شنو الجديد الي راح يصير بي اما عن الان واسالتك

هنانا كلشي تريد تعرف عن المعاملة من البداية ولحد السفر

تحياتي الك تقبل مروري
http://www.ankawa.com/forum/index.php/topic,267544.0.html

[mohammedusa]

الف شكر الك حبي STORM وما قصرت انت والاخوه الاعضاء

[Abo Andrew]

البرنامج والخطة بالتفصيل في المواقع ادناه

SIV 1

Special Immigrant Visas for Iraqi and Afghan Translators/Interpreters

http://travel.state.gov/visa/immigrants/info/info_3738.html

SIV 2

Special Immigrant Visas for Iraqis – Who Worked for/on Behalf of the U.S. Government

http://travel.state.gov/visa/immigrants/info/info_4172.html

عربي

http://www.travel.state.gov/pdf/SIVArabictranslation.pdf

تحياتي

[koka75]

اخي العزيز اكيد الاخوة الاعضاء ماقصرو وياك بس حبيت اوضحلك شغلة وهية انه عليك الصبر والتحمل مثل ماكالو الاخوة الاعضاء وانا حالي من حالك ايضا جديد بالتقديم على برنامج الاس اي في وصارلي تقريبا 3 اشهر ولحد الان ماعبرت الخطوة الاولى وهية موافقة رئيس البعثة والحصول على الكووم ولكن كل حالى تختلف عن الاخرى فانا كان عندي عدة نقوصات باوراقي ودزولي 3 مرات يطلبون مني شغلات جديدة منها وكمثال  معلومات عن الخدمة العسكرية ومنها ارادو تبديل خطاب التوصية واخرها يريدون ان يعرفو ماذا فعلت من سنة 2000 الى سنة 2004 وجاوبتهم عليها كلها ولحد الان انتضر الفرج ونشالله الله يفرجها علينة وعليك وعلى جميع العراقيين
اخوووك ابومحمود