شهادة الجنسية وهوية الاحوال المدنية رجاءا الدخول

[سين جيم]

اعزائي اني عضو جديد بالمنتدى
ارجو من اللذين عدهم معلومات اكيدة حول موضوعي     الاجابة رجاءا
اني وعائلتي قابلنه بالهجره الدولية  اي او ام  مقابلتين للتوطين بامريكا    /  ففي المقابلة الاولى  سألوني اذا عدكم اختلاف بالمعلومات بين هويه الاحوال المدنيه  وشهادة الجنسية العراقية
فجاوبتهم   بان الهويه وشهاده الجنسيه مال زوجتي بيهه اختلاف فقط بمكان الولاده يعني بالهويه نينوى  وبالشهادة بغداد
فقام الشاب الذي قابلنه وسجلها ملاحظة عندهم ولا ادري هل هذا الخطاء راح يؤثر بمقابلة المحلفين  ام لا
وهل سيطلبون منا تصحيح الخطأ والذهاب الى العراق لهذا الغرض ام لا

تحياتي لكم مقدما

[عكعك التطوى]

اهلا وسهلا بيك اخي وعلى الرحب والسعه

اخي الفاضل هذه النقطه لا تؤثر على موافقه المحلف ولكنها تؤثر على تاخر الموافقه الامنيه

ولا يطلبون منك التصيح او الرجوع الى العراق لهذا الغرض

تحياتي

[hussein5582]

اخي العزيز اني بنتى ولادة الاردن و هوية الاحوال مكتوب بغداد و مسوو شي

[سين جيم]

شكرا للاخوان على الاجابة
وارجو من الاخوه الاخرين كتابه اي شيء يعرفونه حول هذا الموضوع من خلال تجاربهم

[عراقيةوافتخر]

اني عندي جواز اخوية من سوينا الG  تعرفون كلكم شكد اخطاء صارت

فتغير تاريخ الميلاد بالجواز وصار يختلف عن الهوية الشخصية

بس من سوينة القصة حتى نقدمها باليو ان اكو ولد كندي الي كتبلنا القصة وشاف الاختلاف

اقترح على اهلي ان يبقى تاريخ ميلادة على التاريخ المكتوب بالجواز  لان الجواز هو الي يمشى ونكدر نكوللهم ا

ن الهوية التاريخ الي بيهه خطا والجواز هو الصحيح وهسه مشى الموضوع الحمدلله وطلعت امنيته

ان شاءالله ماكوشي
واتمنالك الموفقية

[سين جيم]

شكرا للاخوة اللذين اجابو على استفساري
ولكن اتمنى المزيد من الاجابات لأطمئن اكثر لانني سأقابل الوفد الامريكي
علما ان الجواز مكتوب نينوى مثل الاحوال المدنية اما شهاده الجنسية مكتوب بغداد
تحياتي للجميع

[العربيد الأزرق]

اخوية العزيز ممكن اتفهمنا انت بيا بلد؟ و بعدين مثل ما كالوا الأعضاء يمكن هاي الشغلة اتخر الموافقة