ماعرف شنو كتب الموضف بالفايل؟؟

[Tik Tak Tik Tak]

مرحبا اخواني وخواتي
اليوم بالاي او ام سالني الموظف هل سبق الك انتميتي للحزب ؟؟اني قتله لا .فهو قالي يمي مكتوب اي شلون اتقولين لا !!!
قتله اي انضميت بالاعداديه بس بالكليه ما انضميت لا اسباب صحيه...
سؤالي من هذ الحجي هسه اني انضميت لو لا ...
يعني بالمقابله مال المحلف شنو راح اقوله ..
انتو شنو شفتوا هسه اني منتميه الى الحزب لو لا ؟؟

[عكعك التطوى]

البعثي بعثي وان لم ينتمي

اختي انتي منتميه واذا سالك المحلف قولي  انضميت بالاعداديه بس بالكليه ما انضميت لا اسباب صحيه...

ودمتم للعقيده والنضال

[نخله عراقية]

هلو حبيبتي تك تاك تيك ...انا بمقابلة التوطين سألتني الموظفة انتي منتمية لحزب البعث ...كلتلهه اي انا مهندسة وبالجامعه لا مفر من الانتماء وانا مؤيده ...فظليت على هاي الحجاية  وهي الحقيقة..شوفي اختج اسوت في مقابلة المحلفين ...سئلني الامريكي المحقق كلي اخذتي اي تدريب عسكري ..كلت لا ...وهم وراها كم سؤال وانا اكله لا لا لا ...اخذني الواهس على كلمة لا ..فسألني منتمية لاي تنظيم ..كتله لا ...صفن بوجهي كلي شلون لا ...انتي كنتي طالبه واحنه نعرف انه الانتماء لحزب البعث شرط للدراسة يعني تحصيل حاصل ...فداركت الموقف وكتله اي منتمية هذا شي منتهين من عنده لانه اصلا احنه نلكيهم مجهزين كل شي من اوراق الانتساب وهنا ظل يدخل بالتفاصيل ...تجتمعين لو لا ...وكم مره بالاسبوع وشيكولون بالاجتماع ...فكتله انه انت اقل شي تصير مؤيد وتبقى مؤيد اذا ما كان اهتمامك العمل الحزبي ...فرجع سألني ..(وهشكل بكل بساطه يتركوج وما يلحون عليج بالانتماء) فجاوبته كتله احنه ناس بسطاء همه من يشوفونك انت همك الدراسة وما تشكل خطر عليهم ولا عندك سوالف منا منا يتركوك لانك غير مؤثر صفر عالشمال...هذا فيما يتعلق بأجاباتي وانتي بعد كيفج حبيبتي انا بس ردت اسردلج اللي صار واتمنالج كل التوفــيــــــــــــــــــق............


هلو عكعك شلونك كل عام وانت بخير  ولو متأخر ....هاي ليش هشكل تدخل لجمعية قيد الدراسة ماادري جمعية الموافقة الامنية وتعايدهم وبالجذب ماتدخل الجمعيتنه مال 11/7 وتكول كل عام وانتو بخير  .......  لا تزعل عكعك عتب بسيط  ;Dاتمنالك كل التــــــــــــــــــــــوفيق
اختكم نخلة عراقية
عمان

[Tik Tak Tik Tak]

تسلمون اخويه عكعك واختي نخله عراقيه انشالله يوم الي تنزرعين نخله عراقيه اب امريكا ...شكرا

[نخله عراقية]

....شكـــــــــــــــــرا يا ورده .....

[BaghdadGhost]

اختي العزيزه ,,,,,

بالنسبه الي اني SIV ,,,, يعني ماعدنه محلفين ,,,,, الي قابلني هو قنصل ,,,, و سالني كنت منتمي للحزب ,,,, اني كتله طبعا كنت منتمي ,,,,, كال ليش ,.,, كتله لان كنت ناوي اكمل كليه ,,,,,,, و هو راسا من تعاليم وجهه و هزه الرقبه مالته اني افتهمت بان عنده معلومات كافيه عن الموضوع ,,,,, اهم شي عدم الكذب و الصدق بالحديث ,,,, لان مو بس اني ولا انتي كنا بالحزب ,,,,,, كل العالم ,,,,, مثل اغنيه هيثم يوسف ,,,,,,

[john simon]

اعزائي الكرام
هذولا من يسئلون عدهم قصد ابهذا السؤال لاجل ان يشوفون اذا انتم صادقين اب اقوالكم الاخرى, هذا نع العلم انه عدهم جميع المعلومات عن الاحزاب, فمن جملت تلاسئلة اهنا في المانيا يشئلوها لمقدمين اللجوء اذا منتمين الى حزب الدعوة مع العلم هذا الحزب يحكم بالعراق, لكن في المانيا مدرسة كحزب ارهابي, لهذا السبب حاولو ان اتجاوبون على الاسئلة بالضبط حتى يحصل عدهم القناعة بانه انتم صادقين, او ثانيا اذا كنت بعثين فرضا هذا سبب على خروجكم من العراق وانتمنى الكم الموفقية والسلام.
جوسي ناشط في حقوق الهجرين والمهاجرين المانيا