اخوكم بحاجة لمساعدتكم

[الحبار]

السلام عليكم اخوانى الاعزاء ...بالبداية اعتذر عن عدم  الكتابة والتواصل وياكم لاسباب عديدة ومشاكل ...
اخوانى انى حاليا بولاية تكساس مدينة سان انتونيو ,,صارلى 3 شهور اهنا ,,طبعا المساعدات كلونا 4 اشهر جذبو علينا بس ثلاثة وهسة قطعو كل المساعدات والايجار,,المنظمة جدا مو متعاونة وغير انسانية ,,الوضع كلة بصورة عامة مو زين والعراقين حالتهم صعبة ويرثى لها اهنا            
وطبعا افرقون بين الطوائف ويهتمون بالنيبالين والبورما واشغلوهم وتاركين العراقين حايرين بنفسهم ,,,
اخوانى اريد استفسر عن ولايات زينة وبيهاشغل رجاء اريد مساعدتكم انى ما عندى احد انتو اخوتى اطلب منكم المساعدة اذا احد يعرف عن ولايات زينة وبيها شغل ويكدر اسعدنى فيا ريت يراسلنى وانى الممنون
واريد اعرف اذا اكو احد بولاية نبراسكا اكولون المساعدات بيها زينة بس اريد اعرف شلونها الولاية بيها شغل لا وجوها شلونه كل السنة ثلوج...ولكم منة كل الشكر والامتنان,,
اخوكم الحبار

[angie-dawood]

اعتقد اخونا نور2 بنبراسكا بس ما متاكدة خلي ادور بالارشيف بلكن اكون شخص من الاعضاء هناك

[الحبار]

مشكورة كل الشكر اختى العزيزة ,,,
بدون زحمة انتى بمشكان مو ,, زين اذا اريد اجى على مشيكان المنظمة يمكم توافق

[angie-dawood]

اخي  العزيز..الذي  من خلالهة سوف  تعرف اي الولايات احسن  من ناحية المساعدات

http://www.ankawa.com/forum/index.php/topic,305446.0.html

[angie-dawood]

نعم اخي يصير تنقل الى مشكن وبدون كفالة او كفيل لانه انت داخل امريكا ما يحتاج كفيل بس تحتاج رقم الشوسل نمبر وايجازة سياقة اذا عندك واذا ماكو بدل ايجازة الوايت كات لانه اذا انت مو داخل امريكا مايصير تجي لمشكن بس درجة الولى وكفيل وبما انه انت داخل امريكا ما يحتاج كفيل ولا مانع لتنقلك الى مشكن
     

[rafid82]

اخي الكريم
اللي اعرفه انه ولاية تكساس اكبر من العراق فانت ليش مااتشوفلك غير مدينه بنفس الولاية اكو هواي عراقيين بهيوستن لان ترة والشغل حسب ماسمعت هناك متوفر لو كنت بامريكا كان ساعدتك اكثر فكر زين لان تغيير الولاية ترة صعبه و خاصة من البدايه ففكر بغير مدينه
موفق ان شاء الله

[الحبار]

الف شكر اخوان بار ك الله بيكم ,,اخوية ماجلان انى عائلة وعندى زوجة واطفال بدون زحمة شنو هو الولفير ,,

[angie-dawood]

مساعدات الحكومة للاجئيين وغير الاجئيين للدخل المحدود  هاي معنى كلمة الولفر
والمدكيت يعني تامين صحي والفود ستام يعني كارت لشراء مواد الغذائية وكلها هاي تكون مساعدات الحكومة وهم الكاش يعني مبلغ من المال حسب افراد العائلة ينطوهم للاجئيين من يجون الى الولاية لمدة 8 اشهر او حسب قانون الولاية اكو قسم ينطون بس 4 اشهر وقسم 6 اشهر حسب قانون الولاية وهم للناس الي راتبهم قليل او مديشتغلون هم ياخذون مساعدات من الحكومة مو بس الاجئيين واي شي اخر تريد تعرفه ادلل اخي العزيز

[الحبار]

الف الف شكر عالتوضيح اختى ,,احنا اهنا انطونا راتب لمدة 3 اشهر وهاذوة قطعو علينا كلشى والله ولا مساعدات حكومة ولا شى بس دنااخذ الفود ستامب والمدكيت والايجار ايدونا اندفعة شهر الجاى واحنا كاعدين بدون شغل ,,,

[الحبار]

والله اخوية مو ساكتين كل نروح للمنظمة ونحجى ونشكى وماكو فائدة هى المشكلة المنظمة مو زينة والكيس وركر كلما تسالة عنشى يكول ما اعرف ,,,الله كريم واشكرك عالاهتمام
بس الى اعرفة الوليفر للحالات المرضية يمكن
زين اكو فقرة اسمها سكشن a هاى شنو وايكولون اهنا ماكو هاى الفقرة,,
حتى البيوت الحكومة الى حد\ الان ما سجلنا ,,