كمية الذهب

[المواطن]

اخوان تحية طيبة

اود معرفة مقدار الذهب الذي يستطيع الشخص المسافر ضمن برنامج (IOM)  اخراجه معه .

مع الشكر

[angie-dawood]

اخي العزيز مااعتقد الكل يكولون شكد شايلين ذهب انت خلي كل نفر من العائلة يلبس حاجة والباقي خليها بالجنطة مال يد بس طبعا اذا كمية اكثر من الا معقول اعتقد يحجون ويسجلوها بالاوراق ضمن الحاجات المهمة او ضمن المبلغ المحدد لكل لاجئ بس هم انتظر رائي الاخوة الاعضاء الي سافروا بالجديد

[عاشق تراب العراق]

و الله موضوع حلو و مهم يا ريت الاخوة يفيدونة بمعلوماتهم يعني شنو ينحسب من ضمن المبلغ المسموح نطلعة ؟؟؟؟؟

[Boney M]

أخي العزيز... نصيحتي أنه تحاول تحويل الذهب إلى فلوس لأن الغرب حسب ما أعرف مو لباسين مال ذهب مثل نسواننا الشرقيات وعلى ما أعتقد أنه قيمته هواية أقل مما عدنا ببلداننا العربية....
بس إحنا ما عرفنا انت من أي دولة و بيا مرحلة واصلة شغلتك؟

تحياتي

[مريمانه]

اخوان ....السلام عليكم


الذهب ابد مينحسب من ضمن المبلغ الي تاخذه وياك....المبلغ حال والذهب حال..

واكيد ينلبس منه والباقي ينشال بالجنطه مال الايد ماعلي شي..وحتى ميسالون...بس اذا كميه جبيره اكيد حتثير الانتباه والتساؤل..


مريمانه

[عاشق تراب العراق]

مشكورة اختي مريمانة  هو اكيد الذهب مينلبس مثل الغرب بس شنسوي نسوانة يعجبهم يخلو و اكيد هو كمية كلش كبيرة يعني مو بالكيلوات حتى يجذب الانتباه فهم زين الحمد لله

[درة]

السلام عليكم احب اكلك اخوية ماكو اي تحديد لمقدار الذهب الي تاخذة وياك واصلا محد يسالك عليه او علة الفلوس

[درة]

اني داجاوب الاخ عن تجربتي ومكلت انه انتة مبالغ او تجيب الحجي من كيفك الموضوع هوة ردي ومالة علاقة بردك  اساسا

[ام فائز]

الاخوان الاعزاء
طبعا مطار عن مطار يختلف الاحسن هو اولا ان تسال الموظف الي يقوم باعطاء الدوره التثقيفيه عن الفلوس وعن الذهب اني بنتي من سافرت من مطار عمان بلغوهم انو الحد الاقصى للفلوس هو دفتر والذهب ماكو بيه حدود
 واني اثني على الراي القائل تره الذهب يصير بلوه عليكم هناك ميخالف الوحده اتخلي  فد حاجه اثنين عزيزه عليها والباقي اتسويه فلوس لان الحياة هناك راح اتكون سريعه وعمليه ولازم اتضمون الذهب ابصندوق بالبنك وما شاكل
هذا  مجرد رأئ واتروحون بالسلامه

[الفريدو]

اخويه المواطن تحيه طيبه

بالنسبه الى كمية الذهب ما اله اي علاقه يعني شكد تشيل ذهب عادي بس الفلوس 10000$ فقط للشخص الواحد لان اليوم اني جنت بال اي او ام وسالت الموظفه وكالت الكميه غير محدوده شكد تشيل ذهب عادي ماكو حساب ع الذهب  .. هاي بالنسبه الى الاردن والخبر اليوم جنت بال اي او ام وتاكدت من هذا الخبر





اخوك : الفريدو

[مازولا]

اخواني الاعزاء ... بس عندي فد نقطة صغيرة اريد اكولهه ... تره الذهب سعره بكل العالم نفسه ... يعني اذا تشتريه من الاردن و تريد تبيعه بامريكا يجوز يكون بيه كم دولار فرق ... بس طبعا احسب حسابك انو الصياغه فلوسهه تروح عليك ... يعني تبيع وزن الذهب و نوعه ... و اكو هوايه عراقيين هسه باميركا و شغله البيع و الشرا بينهم ماشيه ... بس حبيت اوضح هاي الشغلة و تحياتي ... اخوكم مازولا

[مريمانه]

اخويه عاشق التراب ..


تدلل...ونشالله السفر القريب....وبالتوفيق يارب


مريمانه

[درة]

صدكني اخ ماجلان محد سالنة لا علة فلوس ولا علة ذهب وكل الويانة هم هيج اني داحجيلك بالنسبة للمرينة بي احنة سافرنة من مصر احتمال اليسافرون من بغداد او عمان او غير مكان اكو اختلاف

[ابو عبد الله التكساسي]

الى صاحب الموضوع ((مو ماجلان )) هع هع هع
محد سالني عن ذهب ولا فلوس ولا اي شي ثاني
سفرتي جانت من بغداد الى عمان الى شيكلغو الى دالاس الى هيوستن
وياريتالبقيه ايذكرون خط السفر حتى ايكون العلم بيا مطار البقيه انسالو وبيا مطار ما انسئلوا
واني حجي عن تجربتي الخاصه
حاولولو توزعون كمية الذهب بين افراد العائله ولا تجيبولهه طاري اذا ما سئلوكم عنها ابد
ولكم تحياتي
اخوكم ابو عبد الله التكساسي

[angie-dawood]

اخوان نصيحة الكم لا تجيبوا  ذهب هواي يعني الي موجود عدكم بدون ما تشترون من دول الجوار ترى هنا محد يشترية منكم هنا وحتى لو اشتروا راح يشتروا بنص القيمة وهنا محد يلبس ذهب بس بالمناسبات هاي مجرد نصيحة  

[مازولا]

ست انجي ... شلونج اختي العزيزة ... مثل ما تكولين الاميركان ما يدورون ذهب ... عدهم الذهب الابيض و الالماس هسه الموده ... بس بالنسبه للذهب ... تره الذهب سعره ثابت ... يعني تقريبا هسه 27 دولار للغرام ... هاي من تشتريه من امريكا لو من العراق ما يفرق ... بس طبعا اكو اضافة سعر الصياغة على القطعة اللي تشتريهه ... و يشتروه منج بامريكا هسه تقريبا 24 دولار للغرام و طبعا يشتروه بس وزن ما الهم علاقه بالصياغة ... و من هاي يطلع الفرق مال البيع و الشراء ... طبعا مثل ما كلتي الذهب المنتشر بامريكا هوه ابو 12 حبايه و ابو التسعة و اكو ابو الـ 18 ... احنه ذهبنه عادة ابو الـ 21 ... لهذا الاميركان كاشخاص قليل يشتروه ... بس اله سوك عند العرب و العراقيين الموجودين هناك ... بس هم مثل ما كتلج ... سعر البيع يختلف عن سعر الشراء ... بس اكو شغله ثانيه ... تره هاي السنين الجايه بالنسبه النه هيه سنين يسموهه عجاف ... يعني صعبه كلش لان احنه هناك راح نبدي و نحتاج مصاريف هوايه يلله نكدر نوكف على رجلينه ... و اكو مثل يكول الذهب زينه و خزينه ... يعني ممكن ان يساعد بالاوقات الحرجة ... فاذا الواحد يكدر يبقيه يم اهله بالعراق ميخالف بس لازم يخلي في باله انو تره ما يكدر شوكت ما يريد يروح و ياخذ غراضه اللي بالعراق ... لان اولا يجوز ما يكدر يوصل للعراق ... و ثانيا ترة اجور السفر عاليه مو سهله يعني النفر روحه رجعه تطلع فد 20 الى 25 ورقه حسب الموسم و يجوز اكتر ... اني رائي انو الواحد يجيب غراضه الخفيفة وياه ... و طبعا كل واحد و رايه الخاص ... مع التحيه ... اخوكم مازولا

[angie-dawood]

اها اخي مازولا اكيد انت صايغ من هيجي بسرع رديت اهاااااااااااااااااا

[مازولا]

اختي العزيزة انتي ست انجي ... لا و الله مو صايغ بس تدرين متزوج و هاي سوالف كل واحد متزوج ما يخلص منهه ... تحياتي الج يا ملاك المنتدى ... اخوج مازولا

[angie-dawood]

ربي يخليك للعائلة ويخلي العائلة الك يااخي الغالي مازولا

[blackwater]

افضل لو تخلي الذهب يم اهلك ويبوعوه الك بساعة العوزة والله لا يشوفها الك ان شاء الله

او تبيع انت الذهب و تجيب فلوسه ...

وتحياتي الك