اليوم كنت في IOM مصر

[الطيار]

أخواني الاعزاء
اليوم كنت في IOM مصر أسأل على الكيس الخاصة بية مع ملاحظة اني من جماعة الشهر الثالث محلفين . 
سابقا قالوا لي ان امنية ابنتي لم تصل لحد الان اما البقية موجودة .
اليوم كان جوابهم ابنتي قد وصلت الامنية الخاصة بها وان 2 من اولادي لم تصل لحد الان مع ملاحظة انه المرة السابقة قالوا الامنية الخاصة بهم موجودة وعندما سالتهم لم يردوا علية بشكل وافي وقالوا لم تصل امنية 2 من اولادك .
يتضح انه لا يمكن ان تعرف بالضبط ما هو وضع الكيس الخاص بك الا في حالة قرب موعد سفرك والذي يحدد من قبلهم عندها يعلموك بالاخبار الحقيقية والله اعلم .
فيما يخص الاخوان الذين ينتظرون موعد سفر فقالوا لنا الاسبوع القادم يبداء تحديد مواعيد سفر جديدة وسوف يقومون بابلاغ اصحاب الكيسات الذين ينتظرون السفر .
تم تحديد الولاية الخاصة بي تكساس اوستن .
وتقبلوا تقديري واحتراماتي

اخوكم الطيار

[طوطي]

والله هو اضاهر هيج ديماطلون بالحجي والحجج هواية عدهم اضاهر هيج

[بغداد1975]

مساءالخير اخواني واخواتي
شكرا للاخ الطيار واحنا ضنا كان صحيح واني ذكرت هذا الشي من قبل التاخير كله منا واكو اعداد هائله من الناس تنتظر وهذا اللي يخلي التاخير بشكل غير معقول بس انتو لو تلاحظون ان بكل وجبه سفر مسوين كوكتيل من كل الوجبات من شهر ال11والثالث والسادس لان الخلل منهم لو كل وجبه يخلوصها وبعدين يسوون مقابلات وهكذا جان مصار اللي صار بينا
ماكو حل غير نخلي عينه بعين الله ومن عنده الفرج لان هو صاحب الفرج
اختكم بغداد1975

[عكعك التطوى]

اخي العزيز الطيار

اتصور يوم روحتك للمنظمه لم يكن الاخ لورنس موجود لرد على استفسارك واتصور كان محمود في
هذا اليوم وبراي معلومات محمود غير دقيه دائما حسب تجربتي وتجارب الاخرين وانصحك بمقابله
لورنس الذي عادتا يكون هو من يجيب على الاستفسارات وتكون معلوماته دقيقه جدا وصحيحه

تمنياتي لك بالتوفيق

[بغداد1975]

عيني عكعك كلشيييييييييي ولا محمود على قولتهم المصرين (يكطع الخميرة من البيت)
اول شي هو السبب التاخير بولايه اخوية اللي هي تطلع كلش كلش ب10ايام مثل مصار ويانا احنا العائلة وبمحض الصدفه اسال يقولي وبكل عبط ان الولاية مداز لاحمد يعني لو مواني ادقق ويا لورنس جان معرفت هاي الغلطة الفادحة ولان محمود المسؤول على الولايات اتاخر بارسال طلب الولاية
فياعيني احسنهم لورنس يعني افهمهم نكدر نقول
اختكم بغداد1975

[عكعك التطوى]

عيني عكعك كلشيييييييييي ولا محمود على قولتهم المصرين (يكطع الخميرة من البيت)
اول شي هو السبب التاخير بولايه اخوية اللي هي تطلع كلش كلش ب10ايام مثل مصار ويانا احنا العائلة وبمحض الصدفه اسال يقولي وبكل عبط ان الولاية مداز لاحمد يعني لو مواني ادقق ويا لورنس جان معرفت هاي الغلطة الفادحة ولان محمود المسؤول على الولايات اتاخر بارسال طلب الولاية
فياعيني احسنهم لورنس يعني افهمهم نكدر نقول
اختكم بغداد1975

مشكوره اختي كلامك صحيح هو خوش ولد بس معلوماته ضعيفه

[الطيار]

والله اخ عكعك اروح الاربعاء القادم ان شاء الله واحاول اقابل لورنس وافتهم منة هذا ظلمهة علية اني كلت بعد سنة مراح ايصير شي

الطيار

[الطيار]

اخواني و اخواتي
يوم الخميس اتصلت IOM بمجموعة من الاشخاص وبلغتهم بمواعيد شفر يوم 13 و 19 و20 من هذا الشهر والغريب انو احد الاشخاص الامنية مالتة لحد الان مجاية هذا حسب ما ذكرة هذا الشخص والله اعلم اذا كان صحيح او لا

الطيار

[عكعك التطوى]

تسلم اخي الطيار على المعلومات الله يبارك بيك ويسهل امرك


تحياتي

[مريمانه]

نشالله ياربي كلنا نسمع باخبار حلوه هذا الشهر..وياربي الكل يفرح ويستقر ويرتاح ..امين



مريمانه

[Abo Andrew]

اخوان عندي سوال؟؟

كل اشكد(كم يوم) تنصحون الواحد يتصل بمصر ويجييك على الموافقة الامنية؟؟

تحياتي

[الطيار]

ابو اندرو
اللي افتهمتة منهم انه الامنية ما الهة يوم محدد توصل بي يعني مو شرط الاثنين او الخميس . يعني ممكن في اي يوم توصل فانصحك تتصل يومية او بين يوم ويوم .
الاخت مريمانة ان شاء الله ربي ايسهر عليكي .
الاخ عكعك أسال الله العلي القدير ان يجعل سفر عائلتك سهل ومريح ونرجوا من الله ان يجعل سفرك معاهم امين يا رب العالمين .
عيني بغداد 1975 وشمعة وطوطي  نسأل الله ان يفتح علينة ابواب رحمتة ويسهل امرنة .
الاربعاء ان شاء الله اروح مرة ثانية واشوف بلكي اكدر اشوف لورنس وافتهم منة .

[Abo Andrew]

شكرا اخي الطيار على الاجابة
بارك الله بيك