حصلت على الفيزا وانتظر التذاكر لكن لا أحد يجاوب

[SaMi1975]

مرحبا شباب

استلمت الفيزا بعد سنة مراجعات وايميلات وهوسة وراهة ماكو احد كال شنو الخطوة الجاية علمود التكتات لان اني مقدم على الIOM, فرجعت دزيت ايميل لجماعة الSIV انطوني هذا الايميل BaghdadInfoCenter@iom.int وجماعتي كالو دز لهذا الايميل webhelp@wrapsnet.org فاني هم ماقصرت دزيت الفيزا للاثنين بس صارلي اسبوعين ولا احد جاوبني؟؟؟ فممكن تساعدوني اذا عدكم اي فكرة او ممكن اسوي غير شي؟؟؟

شكرا لمساعدتكم

سامي

[BaghdadGhost]

حبيبي سام ,,,,,

صدك تحجي انته ,,,,, انته مادام مستلم فيزا اس اي في و مقدم على مزايا اعاده التوطين ,,,, غير اول متستلم الفيزا تسويلهه سكنر و تدزهه لجماعه اعادة التوطين ,,,,,,, اخي سوي الي كتلك عليه باقرب فرصة ممكنه ,,,,,,

زين انته مستلم IZ نمبر من جماعه اعاده التوطين ,,,,, ؟

و للتاكد اكثر دز التالي ,,,, نسخه من ال ds-230 ,,, نسخه من ال ds-234 ,,, و نسخه من الفيزا و الجواز الى البريد التالي   Siv @wrapsnet.org

[SaMi1975]

هلو شبح بغداد

اني بالمقابلة بالسفارة قدمت اوراق مال البنفت وية الاوراق الباقية وراهة دزولي الفيزا بالدي اج ال بدون اي تعليمات فاني شسويت دزيت ايميل كتلهم المن ادز كمرحلة اخيرة للتكتات كالولي السفار دز ايميل الىBaghdadInfoCenter@iom.int واصدقائي كالو دز الى webhelp@wrapsnet.org فاني دزيت للاثنين, دزيتلهم الفيزا ونسخة من الريستلمنت؟؟؟؟

الاي زي نمبر هذا مسامع بي شنو عندي بس كبس نمبر؟؟؟
زين شنو هذا الايميل Siv @wrapsnet.org اشو محد انطانيا؟؟؟؟

شكرا عالرد اخوية العزيز

[BaghdadGhost]

اخويه سامي ,,,,,


لا السفارة ولا صديقك مفتهمين شنو المرحله الي انته بيهه حاليها ,,,,,,

سوي الي كتلك عليه و ادعيلي وراها ,,,,,,

[reemobillal]

اخي العزيز
شوف راح اكلك الحجي المضبوط انشاء الله
اذا كنت انت مقدم على المساعدات (البنفت)  لازم تدز ايميل يعد استلام الفيزا مالتك الى ال Siv [Siv@wrapsnet.org] وبيه الفيز مالتك وهمه راح يدزولك بعد تقريبا اسبوعين اي زي نمبر وتنتظر بعد ذلك اسبوعين الى 3 راح يجيك ايميل منهم بيه الاشورنس (الاشورنس يعني تأكيدات بانه انت معاملتك وصلت للمنظمة اللي راح تساعدك وهاي المنظمة وافقت على مساعدتك ) بعدين يجيك ايميل من خلود تطلب منك الفيز والجوازات وتسألك شوكت تريد تسافر ووراها ب اسبوع يجيك موعد السفر انشاء الله...

[SaMi1975]

هلو شباب

زين انتو منين جبتو هذا الايميل؟؟؟ مو كل مرة همة يدزون تعليمات ورة كل مرحلة اشو هالمرة كلشي مكالو بس دزو الفيزا بال دي اج ال وياهة ظرف جوزي مفتوح شوية من احد الاطراف مكتوب علي ممنوع افتحة بس المخولين بقتحه بامريكا ؟؟ يعني ذولة بس دوخة

المهم اني دزيت لهذا العنوانSiv@wrapsnet.org حسب نصيحتكم واجاني الاوتو ربلاي وبعد خلي نشوف بلكي احد يجاوب مع العلم انو الفيزا تصير اكسباير خلال 3 اشهر

زين سؤال يطرح نفسة هنا: اني دزيت الاستمارة مال الريستلمنت يمكن 3 مرات, مرة وية الI-360 مرة وية ال DS-230 و DS-234 والمرة الثالثة بالمقابلة مال السفارة, يعني كل هالمرات ماتنحسب؟؟؟

شكرا لنصائحكم يا BaghdadGhost و reemobillal اني جدا ممنون منكم

[storm2]

اخي العزيز كلام الاخوة مظبوط مية بالمية ومايقبل خطأ الكل طلعت بنفس الطريقة وماكو اي تغيير لحد الان

[fox13]

الاخ العزيز سامي .. تحية طيبة ..

اولا مرحبا بك في منتدانا الجميل .. و ان شاء الله كل التوفيق ..

ثانيا مبروك على الفيسا ..

ثالثا جماعة البنفتس دازيلك ايميل ( بعد ما دزيتلهم DS-230 , DS-234 )  بنفس الايام اللي حددو وياك موعد المقابلة .. هذا الايميل يكول ( رجاءً دزلنة المناطق و اسماء الاشخاص اللي تريد تروح يمهم و ايظا دزلنة الكيس نمبر من يصدرولكياه و قصدهم نسخة من الفيسا ) فانتة جاوبهم على هذا الايميل اللي هوة نفسة اللي ذكروه الاخوة اعلاه .. و يصير خير انشاء الله ..

حبي سامي عندي سؤال .. شكد المدة اللي بين المقابلة و استلام الفيسا ؟؟

اخوكم
FoX 13

[SaMi1975]

هلو Fox 13

شكرا على الترحيب وعلة المعلومات, اني انطوني موعد يوم 24-8-2009 والفيزا كملت يوم 15-9-2009 بس يمكن استلمتهة اني من الDHL يوم 24-9 لان جان فترة عيد وبالكوة حصلت عليهة!!!

انتة وين واصل

[fox13]

اخي سامي .. تحية طيبة .. اني قابلت يوم 13-9-2009 و لحد اليوم كلشي ماكو .. الله كريم ..


اخوك
FoX 13

[SaMi1975]

هلو شباب

شنو انتو؟؟ طبعا حسب تعليماتكم دزيت الDS-230 و 234 وية الفيزا لعنوان مال SIV راسا اجاني ايميل منهم اول شي اوتو ربلاي وراهة راسا دزيت الثاني فوكة فوكة .... جان راسا يدزولي رقم IZ هاي الفضل الكم شباب... ما اعرف شلون اشكركم

[storm2]

الي يسال ميتوه اخوية وانت اجيت للمكان الصحيح بالتوفيق انشالله

تحياتي الك

[SaMi1975]

شكرا الى كل من ساعدني في مشواري الطويل... اخيرا حددولي يوم الاربعاء 28-10 للسفر بغداد - عمان - نيويورك ...... والحقيقة اني بدون مساعدتكم يمكن جان فاتني هواية اشياء ويمكن بعدني ادز ايميلات وارجع ليورة بس بمساعدتكم كلشي سهل شكرا مرة ثانية

تحياتي للجميع

اخوكم سامي

[Ross son of iraq]

اخوية مبروك والف مبروك بس اريد اعرف انت عندك كفيل لو همة دبرولك من يمهم ياريت اتفهمني عندي كم سؤال شوية مدوختني لان اني صارلي فوك الست اسابيع من قدمت عل مساعدات ولحد الان بس اي زي نمبر انطوني فياريت اشوية اتفهمني. اخوك روس ابن العراق

[SaMi1975]

هلو روز

اني عينولي منظمة تصير الكفيل مالتي منظمة الكنائس العالمية, والكفيل المساعد اخوية اللي خليت عنوانة بالDS-234 بس همة يردون الكفيل المساعد حتة بس يدزولة بعض الاوراق ويسالو عنك اذا عندك احتياجات شي وهمين يطلبون منة يساعدهم يدور علة السكن يعني همة يدورون وهوة وياهم ومن يلكون مكان يسالو اذا يقبل بهالسكن لو يشوفون غيرة هيج شغلات يعني...

[Ross son of iraq]

ممنون يا اخي شكرا على الاجابة