جماعة هيوستن الوليفر برنامج المساعدات حقيقة ام كذب ارجو موضوع يهم الكل

[storm2]

اصدقائي اعضاء المنتدى الفالي اتصلت بااحد اصدقائي الساكنين في هيوستن اليوم وسالتة اذا كان قد قدم على برنامج الوليفر الذي يمنح المساعدات ولمدة 8 اشهر بعد الاربع اشهر الاولى وكما قال الكثير من الاعضاء لقد نصحت صديقي قبل اشهر مضت على التقديم على هذا البرنامج بعد ان تاكدت من صحة الخبر من منتدانا لكن تفاجئت اليوم وهو يقول لي ان ليس هناك اي برنامج مساعدات بهذا الاسم مع مراعات انو هو يسكن في مجمع يسكن فية حوالي 40 عائلة عراقية يعني لابد وحدة من العوائل سامعة بهيج شي يعني العراقيين متعبر عليهم هيج امور لكنه اكد لي ان الجميع قالو له ان قوانين هيوستن تقضي بمساعدة اللاجئ لمدة 4 اشهر فقط لاغير هل هذا الكلام صحيح اخوان صديقي وباقي اصدقائي باقي لهم شهر واحد على انتهاء فترة المساعدات وهم لحد الان بلا عمل وجميعهم اصحاب عوائل نداء الى كل من يعرف اي شيء عن اي برنامج مساعدات اخر تزويدي بعنوان تفاصيل التقديم وارقام تلفون وارجو ان يكون الموضوع اكيد مية المية

تحياتي للجميع ودمتم في سلام

[George W. Bush]

و الله يا اخي اني اليوم هم كلولي هيك بدائرة الفود ستامب هنا يسموها family support division في ميزوري
و الكثير من الناس تكول المساعدات متنقطع بعد الثمانية اشهر بس دائرة الفود ستامب يكلولي تنقطع المساعدات و ما ادري دخت

[ابو عبد الله التكساسي]

اخواني الاعزاء
تحياتي
ماكو شي اسمه برنامج الوول فير
هاي دائره مو برنامج والضاهر اكو لبس بالموضوع
المهم
اكو برنامجين مساعدات
الاول : الماجنت كرانت وهو للعوائل الي وياهم اولاد قصر وهو برنامج من ضمن برامج الوول فير لمساعده اللاجئين الي يوصلون الولايات المتحده و ماعدهم كلشي وهو مساعدات لمدت اربعه اشهر يدفعولك كلشي ما عدا الكهرباء وبعدين شهرين بدون ايجار بس ينطوك كاش موني و هم ماكو بدل كهرباء وبعدين شهرين اخرى ينطوك مساعدات على برنامج الا ار سي آي وهو البرنامج المخصص للعوائل المحتاجه
زين
ومن اعرف معلومات اكثر راح ادزهه بالمنتدى وبيكم خير وتدللون

خوكم ابو عبد الله التكساسي

[storm2]

يعني اني لحد الان ما افتهمت اكو مساعدات لو لا بعد الاربع اشهر الاولى واذا اكو شلون الواحد يحصل عليها

[ابو عبد الله التكساسي]

أ مثل احمد
ب     مثل   باب
ج      مثل   جمل
د      مثل   دجاجه
ه      مثل   هاي شبيك يمعود صدك تحجي لو جذب
بس ركز بالرد الفوكاك, وبعدين يعني شنو حتى ما بيكم حيل تفكرون بالرد
والله ما اعرف
عموما
8 اشهلر مساعدات وراها تتحول قضيتك على دائره الوول فير

[storm2]

ابو عبد الله انت كنيتك حلوة بالمنتدى بس اذا انت دشوف انو اني غبي ميحتاج اتعب نفسك وتجاوبني على العموم هذا كلامك اني سمعت من عندة هواي وبعدين انت اصلا بعدك اربع اشهر ما مخلص يعني ماعندك خبرة
واخيرا ارجوك ان تقرأ موضوعي زين لان اني كلت سامع بهيج شي وقريت هواي بالمنتدى عن هذا البرنامج بس صديقي يكول ماكو هيج شي لذلك اني اريد شي اكيد عنوان ارقام تلفون او طريقة الواحد يقدم بيها ولا تنسى الموضوع انساني يعني مو عركة


شكرا جزيلا وادري بيك متقصر

[tiger-ALtlkefy]

الاخوة الاعزاء ستورم 2  وابو عبدالله اخوة اتمنى ان ما يكون نفاشنا تجريح احدنا بالاخر
واتمنى ان تتصافى النفوس
اخي العزيز ستورم 2 الولفير هو دائرة تابعة لدولة وليس منظمة  وتسمى الولفير او دائرة المساعدات الاجتماعية 
اخي هذه عنوانين فقط بهيوستن

Texas Whole Health Services‎ 
6630 Harwin Dr, Houston, TX, United States‎ - (713) 782-0937‎

Harris County Social Services‎ 
9418 Jensen Dr, Houston, TX, United States‎ - (713) 696-7900


Houston-City of Health & Human Services Department: Acres Homes‎
6719 W Montgomery Rd, Houston, TX, United States‎ - (713) 694-9274‎
Kategorie: Social Service & Welfare Organizations

وهي بتكساس

County of Galveston: Welfare Department‎
174 Calder Dr # 127, League City, TX, USA‎ - (281) 316-8733‎

State of Texas Texas Department of Health: Seafood Safety in Bacliff‎ 
848 Grand Ave, Bacliff, TX, United States‎ - (281) 559-3187


County of Galveston: Welfare Department‎
2516 Texas Ave, Texas City, TX, United States‎ - (409) 948-2581

‎‎طبعا هناك اكثر بكثير فتكساس بها الكثير من المدن
اتمنى ان تفيدك او تفيد اصدقائك 

تحياتي واحترامي

تايكر

[storm2]

تايجر متالق جدا شكرا جزيلا اخي العزيز واكيد احنة اخوة بس كل واحد يعبر على طريقتةد\


شكرا جزيلا

[عكعك التطوى]

فالكون

في البدأ لااريد ان اثبط من عزيمة الاخوة في منتدانا العزيز واقول لهم اني نادم لأن وقع اختيار ولايتي هيوستن تكساس .. لكني أؤكد واجزم باني غير نادم لوجودي في امريكا.. اما سبب ندمي هو ان هيوستن مدينة كبيرة جدا ..من الصعب التنقل فيها وكل مشوار يطول اكثر من ساعة ويتطلب ركوب باصيين اولا .. ثانيا ان المنظمة قامت باختيار سكن بعيد جدا عن المركز في الاول عجبتنا فكرة الذهاب الى هيوستن بعدما راينا ناطحات السحب .. لكن في الواقع يختارون لك مكان بعيد جدا .. ثالثا ان المنظمة غير متعاونة يدفعون لك اجرة البيت والماء اما الكهرباء انت تدفعها وهي تكسر الظهر لكن 400 دولار اخر الشهر التي يعطوها لك تكفي لسدها .. رابعا المساعدات لمدة اربعة اشهر فقط يبقى فقط الفود ستامب والمدكيت لمدة ثمانية اشهر ...

[storm2]

اخ عكعك شكرا على الرد وهذا الشي اكيد موجود فعلا لان هيوستن صار بيها لاجئين هواي كلش ولهذا السبب بدو يتعاملون بهيج طريقة اني بصراحة بديت اعيد النظر بموضوع هيوستن بس لان اصدقائي هناك مو اكثر

[storm2]

عزيزي ماجلان شكرا جزيلا على التوضيح الموضوع مثل التقديم على السفر يختلف من واحد الواحد بس الصحيح انو بغض النظر عن كون الوليفر شنو هي دائرة موجودة اني صديقي يكلي ماكو هيج شي يعني ماكو هيج دائرة اسمها الولفير واني اتفاجات

[ابو عبد الله التكساسي]

حبي اسف بس والله جنت اتشاقه وياك
عذرا اخ تايكر ولكل الاخوان

ستورم الله يخليك بس لا تطيرنه ليفوك ودكنه بالكاع
ههههههههههههههههههههههه
حبي اجاك جواب شافي من خبير
بعد شتريد هاي وسوينالكياها
تره اني حجيت هيجي علمود اخلي تايكر يجاوبك مو اكثر
هع هع هع هع
تحياتي وتقبل اعتذاري مجددا[/color]
[/b][/size]

[storm2]

هسة ابو عبد الله ديسولف اني عبالي واحد ثاني حبيب كلبي ابو عبد الله الورد ميحتاج اعتذار الكلمة الطيبة صدقة وانت ماشالله كلامك مليان طيبة شكرا جزيلا وماقصرت