حصلت فيزا الى فرنسا ولكن اريد الدخول لبريطانيا ما الحل؟

[zaid82t]

مرحبا شباب
لقد حصلت على فيزا بسعر غالي جدا سامحهم الله ولكن ليست هذه المشكلة المشكلةاني لا اعرف كيف اذهب الى بريطانيا من فرنسا لانهم سيعرفون اني قد جئت عن طريق فرنسا هل من الممكن ان اخذ طائرة ترانزيت تمر ببريطانيا قبل فرنسا واذا كان مكن فهل من المعقول ان البريطانين لن يعرفو من خلال الكومبيوتر صورتي و جوازي كان مؤشرا الى فرنسا مسبقا   لاني سمعت انه الترنزت يدخل حاسبة المطار مع الشكر

[mido9]

اخويه  العزيز  من غير الممكن للخطوط  الي راح اطير بيها ينطيك  ترانزيت  كلها الخطوط مباشره الى فرنسا منعا للمشاكل  نصيحتي الك الا طريقه واحده هو توصل فرنسا  وادبر جواز ثاني تبحر بيه من او اطير الى انكلترا  وممكن تسافر من فرنسا او هولندا  او بلجيكا  كلها اطل على انكلترا

[بغدادي76]

والله أخي ولو معلوماتي قديمة شوية بس الي اعرفه انو اكو مدينة او غابة قريبة على القناة الي بين بريطانيا وفرنسا , يتجمع بيها اللاجئين والقجغجية ويحاولون يدخلون بريطانيا منهه
علما ان الحال هناك مزري جدا
ومرة واحد كلي انو جان عنده فرصة دخول بريطانا عن طريق الإختباء في سيارة بريد !
وآني مرة قريت تقرير عن الهجرة في اوربا يكول انو الي يدخل بريطانيا برا ويسلم نفسه يعتبر كيسه ضعيف
والأفضل التسليم في المطار , والله أعلم.
ها وتذكرت شي , آني قبل سنتي من وصلت باريس اجوني مجموعة من السود , كلولي تريد تجي ويانه لبريطانيا ؟ كلتلهم لا اريد اروح للسويد , وخوش سويد كانت هههه رفض وتسفير .

[queen777]

اخي العزيز
يارب يسهل امرك و تنال الي تريدة و حاب اشرحلك كيف توصل انكلترا فهناك طريقين:
1- تسافر الى المغرب و تحجز الى فرنسا على الخطوط البرتش ايرويز و في هاي الحالة راح تنزل ترانزيت في لندن
2- تسافر فرنسا و تروح الى الساحل الشمالي الغربي لفرنسا و تشتري زورق سريع صغير بس يكون وياك نجادات و هاتف ثريا للاحتياط و تحط الزورق السريع الصغير في زورق صيد تاجرة و ياخذك للحدود المياه الاقليمية مع اسكتلندا و تنزل الزورق السريع و من الجي بي اس مال الثريا ينطيك الاتجاه لى كلاسكو و توصل بعد اقل من ساعة انشاء الله و من هناك بعد خلاص تركب الى لندن و تطلب لجوء و لا تروح من يم القناة بين باريس و لندن لان الشرطة البحرية هناك بكثرة و يلزموك و الله يوفقك

[zaid82t]

والله أخي ولو معلوماتي قديمة شوية بس الي اعرفه انو اكو مدينة او غابة قريبة على القناة الي بين بريطانيا وفرنسا , يتجمع بيها اللاجئين والقجغجية ويحاولون يدخلون بريطانيا منهه
علما ان الحال هناك مزري جدا
ومرة واحد كلي انو جان عنده فرصة دخول بريطانا عن طريق الإختباء في سيارة بريد !
وآني مرة قريت تقرير عن الهجرة في اوربا يكول انو الي يدخل بريطانيا برا ويسلم نفسه يعتبر كيسه ضعيف
والأفضل التسليم في المطار , والله أعلم.
ها وتذكرت شي , آني قبل سنتي من وصلت باريس اجوني مجموعة من السود , كلولي تريد تجي ويانه لبريطانيا ؟ كلتلهم لا اريد اروح للسويد , وخوش سويد كانت هههه رفض وتسفير .

اشكرك حبي بس اني اعرف الوصول برا راح يضعف قضيتي ولو جان اكو لجوء بفرنسا جان قدمت 

[zaid82t]

اخويه  العزيز  من غير الممكن للخطوط  الي راح اطير بيها ينطيك  ترانزيت  كلها الخطوط مباشره الى فرنسا منعا للمشاكل  نصيحتي الك الا طريقه واحده هو توصل فرنسا  وادبر جواز ثاني تبحر بيه من او اطير الى انكلترا  وممكن تسافر من فرنسا او هولندا  او بلجيكا  كلها اطل على انكلترا

يعني جوازمزور ؟ منين اجيب هو اني المن اعرف هناك

[zaid82t]

اخي العزيز
يارب يسهل امرك و تنال الي تريدة و حاب اشرحلك كيف توصل انكلترا فهناك طريقين:
1- تسافر الى المغرب و تحجز الى فرنسا على الخطوط البرتش ايرويز و في هاي الحالة راح تنزل ترانزيت في لندن
2- تسافر فرنسا و تروح الى الساحل الشمالي الغربي لفرنسا و تشتري زورق سريع صغير بس يكون وياك نجادات و هاتف ثريا للاحتياط و تحط الزورق السريع الصغير في زورق صيد تاجرة و ياخذك للحدود المياه الاقليمية مع اسكتلندا و تنزل الزورق السريع و من الجي بي اس مال الثريا ينطيك الاتجاه لى كلاسكو و توصل بعد اقل من ساعة انشاء الله و من هناك بعد خلاص تركب الى لندن و تطلب لجوء و لا تروح من يم القناة بين باريس و لندن لان الشرطة البحرية هناك بكثرة و يلزموك و الله يوفقك

مشكور حبي كوين بس اذا نزلت ترانزيت بلندن مراح ايعرفون اني الفيزا مالتي من الفرنسا  حتة لو شكيت الجواز يرجعوني الفرنسا ؟؟

[queen777]

حبيبي
انا جاوبت على سؤالك لانك ردت ترانزيت في لندن حسبت عندك واحد هناك مرتبلك شي؟ بس حاول تسال فد عراقي هناك و سالة شنو يسوولي اذا خبيت جوازي و طلبت اللجوء؟ و اذا خطرة الشغلة فماعندك غير تروح فرنسا و مناك تروح تهريب و اسال الله عز وجل يهديك الطريق الي ما يتعبك و يسهل امرك

للعلم زوجتي سوت الاشتراك و سمتة كوين 77 انا زوجهة مصطفى صاحب الكيس

[Baghdady73]

الاخ زيد

هناك استفسار!!هل لديك احد في بريطانيا تعتمد عليه عند الوصول او يمدك الان باخر اخبار الوضع في بريطانيا ووضع اعطاء الاقامات تحديدا؟ ارجو ان تستفسر اولا عن وضع الاقامات هناك قبل ان تخطط بالسفر. معلوماتي قديمة حول التهريب الى بريطانيا ومثلما ذكر الاخ بغدادي76 كان هناك كامب للاجئين في منطقة معروفة قريبة من القنال "اعذرني على نسيان الاسم" وكان اغلب المهربين يجتمعون هناك لتهريب طالبي اللجوء ولكن الكامب قد اغلق والغى بالكامل من قبل الحكومة الفرنسية من قبل 3 سنوات..بالنسبة الى جوازك ففي حال وصلت الى مطار هيثرو فان عليك الانتظار في الترانزيت لفترة طويلة حتى ياتي موظف المطار ويستفسر منك عن الوجهة لان الادارة سوف تلاحظ في الكاميرا طول انتظارك في الصالة لهذا يجب ان لايكون معك اي وثيقة سفر مثل الجواز او تذكرة السفر والادعاء بالقول بانك لا تعرف الخطوط الجوية التي اتيت على متنها وان ليس لديك اي شخص تعرفه في انكلترا وتود بطلب اللجوء هناك..
تحياتي

[john simon]

عزيزي زيد
انت ليش اتريد ان اتقدم لجوء في بريطانيا, مع العلم انه في بريطانيا اكو الاف العراقيين مرفوضة طلبات لجوئهم او مهددين بالطرد, او بعد اجمالا اتريد تدخل قجخ انتا ايش الك بهذي البهدلة.
نصيحتي عندك فيزة مال فرنسا وهذي الفيزة يشموها شلنكن او تكدر ان اتروح اغلب الدول الاوربية او اتقدم لجوء او اذا حالفك الحظ يقبلون لجوئك او بدون مجازفة مع تحياتي