اخواني اللة ايخليكم ايصير هذا الشي من اي او ام

[hoss]

حبايبي  راح ايحددولي موعد سفر  لكن لحد الان  ما امحددين الولاية  ولا امخابريني  لان كلولي سفرك قريب   اكو هيج حجي 

[ethan texas]

اخوية العزيز

انت غير تكتب باي دولة مقبول والى اي دولة رح اسافر وانت ويين

حتى نكدر انجاوبك

ومع ذالك اذا كانت امريكا فة من غير الممكن ينختم ملفك اصلا وتستعد للسفر اذا مو فايلك خلصان من كلشي موافقة محلفين موافقة اامنية تحديد ولاية و الخ الخ الخ



ارجو الرد


ولك جزيل الشكر

[Abo Andrew]

انت اتككول ما محددين الولاية

ممكان اعرف شلون عرفت؟؟؟

اذا عندك كفيل ولي هسة مرايح موقع معناها فعلا مجاية الولاية

من ايخابرون على كفيلك هذاك الوكت ابدي فكر بموعد السفر اما هسة فانسى

بس انت لا اتخاف لان كلولك

Please note that your medical and security check were cleared and very soon we will contact you to inform you about the travel date

بس وضح شلون ما محددين الولاية حتة نفتهم شنجاوبك

اخي العزيز مرة لخ من تسال سوال اذا مصارت زحمة وضح شوية تفاصيل اكثر حتة الاخوة ايجاويون على سؤالك يعني انت شمرت سوال وطفرت حتة مبقيت اون لاين دتشوف الاجابة

 اللي مشايف سؤالك قبل ميعرف شيجاوبك لذللك اني رحت شفت موضوعك الاول يلة كدرت اجاوبك

تحياتي الك وانشاء الله ايخابروك عن قريب

[عكعك التطوى]

اي يصير اكو احد الاخوه بالمنتدى نطو موعد سفر ومعرف بالولايه الا قبل ايام من سفره

[Baghdady73]

اخي العزيز

صارت مع ثلاثة من اصدقائي في دمشق ولم يعلموا الى اي ولاية سوف يسافرون الا في الدورة التثقيفية وعند التوقيع على ورقة الدفع الشهري لبطاقة الطائرة..حينها يكون مكتوب باسفل الورقة عنوانك الكامل,, اسم الولاية والمدينة والسكن مع رقم تلفون وكالة التوطين واعتقد سوف يحصل معك نفس الشيء..
تحياتي

[مريمانه]

اخويه ب اي او ام مصر ..كلشي توقع لتستغرب...بس خليك الك الصافي..لان شكد متفكر وتقلق مراح يصير غير الي الله رايده ..ونشالله الله كاتبلك السفر القريب والاستقرار





مريمانه

[lionofiraq]

الف الف الف مو مليون مبروك ان شاء الله السفر قريب و اقرب من الفجر آمين يا رب العالمين

[ayadkoo]

الله يسهل الك حبيبي الغالي وانشاء الله يوم السفر

[القرش الاسود]

اول شي مبروك الك وثانيا  عوفه على الله مثل صديقي والله يسر امره وهسه هو في ولاية مينسوتا وكل مرتاح   ويقدمون له كل شي  بس الولاية كل شتاء اصير بيها فيضان بس هو حب الولاية لان البيه كلش طيبين وياي والله سهل امرك اخويه مثل صديقي وترتاح بعون الله

اخوك


القرش الاسود