كثير الي تعناني وطلب ودي ولا جيته
ازعلهم وابكيهم واراضي منهو أشقاني
انا بندم على خل رجاني حب وخليته
ولا بندم على من هو رجيته حب وخلاني
صحيح الوقت ياخلي يبين كل مااخفيته
وانا اللي كنت لك وافي تصيب القلب باحزاني
انا من وقت ماشفته عشقته حيل وحبيته
فديته عمري وروحي وملك قلبي ووجداني
عطيته وماحسبت حساب لجروحه وتحاليته
وقلت الله على حبي هدية ربي وجاني
مادام الغدر اسلوبك وحبي لك تناسيته
دخيلك تمسح ارقامي وحتى وصف عنواني
وانا مالي بحب ابكم جيته وكم ترجيته
طلبته يقول احبك بس ولكنه تناساني
غريبه دنيتي والله غريب الحزن عانيته
غريبه حلمي يتحطم وباقي عمري اعاني
انا الطيبه من عيوبي وصدقي طفل ربيته
وعلمته على الاخلاص لكل إنسان ماشاني
خساره مابدر مني لكل إنسان رديته
خساره ليتني فكرت قبل اختار خلاني
انا اسف أنا اسف ياأغلى شخص حبيته
