منتدى الهجرة واللجوء > الهجرة و واللاجئين
العراقيين المقيمين في الامارات
ayadkoo:
الحمدلله صيت الغنى ولاصيت الفقر والشكوى لغير الله مذله واني الغلطان الي ابررلك اخويه توتاتي هذا رقم un الي في ابو ظبي 97126677668 والايميل box3490 www.unhcr.org واشكر اخواني الي في الامارات والله ياخويه عموري الله يعينك اكو مجموعه اصدقاء مثل حالتك والله الستار
ملك الحيرة:
عزيزي
اذا انته مقيم بدوله خليجية تكدر تدخل الامارات وتقدم عنوان الموفضية (قرب السفارة البحرينية-ابو ظبي) الفاكس مالتهم 026676615 المهم قصتك تكون مقبولة ولازم تخلي رقم للأتصال بيك تكدر تتفاهم وياهم بهذا الخصوص ..اما اذا اجيت وتيهت بابو ظبي تكدر تبعثلي رسالة على الخاص اني موجود هناك او تتصل على 700017000 وهمة يدلوك بالمضبوط..واي استفسارات اني حاضر
--- مقتبس من: توتاتي في 22:21 17/10/2009 ---اخواني ارجو الرد الشافي للموضوع الله ينطيكم العافية الي مقيم بدولة خليجية ويريد يقدم على الiomمن الامارات شنو المطلوب وشنو المستمسكات المطلوبة واكو امل بالقبول لو شلون لاتستكتون الله يخليكم عنوان ورقم iom بالامارات والي قدمو اوقابلو لا يحرمونة المعلومات
--- نهاية الإقتباس ---
ملك الحيرة:
اخوي العزيز
احنا لو فلبينيين..اكلك ماشي...لو هنود..هم ماشي...لو بنغاليين...عمي هم ماشي..مو بس يجتمعون اثنين عراقيين كالوا سووا حزب ..عمي الاجتماع بامريكا ابيتي وخلي يكولون سووا حزب..واذا ما سويتها صير انته الملك واني الراعي...راضي..؟؟
--- مقتبس من: مراد علم دار في 12:14 17/10/2009 ---سلم عليكم اخي ملك الحيره اشوفك كلامك متناقض لن اخونا كوين كالك خلي نجتمع ونساعد بعضنا سحبت نفسك وكتله خلي ناكل ونوصوص مو انت صاحب الفكره لعد من تروح للخارج يمكن بعد محد يشوفك
ومن ناحيه اخرى بل نسبه الى الاخ فايو انت تريد بلد تنام وينطوك راتب حبيبي ترى مو هيج السالفه تدري شكد ادفع وعندي 3 اطفال للمدرسه بسنه بحدودا اكثر من 3000 دولار من ملبس وقرطاسيه وانشالله من توصل راح تدبدل نضريتك
اريد اكلك يا ملك الحيره اني جنت بتركيا عام 98 وحنا اللاجئين قررنا ان نقيم مضاهر امام باب مقر الموفوضيه الي كان بانقره و كامرات وصحافه وشرطه و ثاني يوم احنه بجرايد شو ماصار بينا شي
لاتزعل يا ملك الحيره ولا ترد احد طلبه لانك ملك ;)
--- نهاية الإقتباس ---
ملك الحيرة:
صح والله الغلاء صار فاحش وما ينطاق
--- مقتبس من: ayadkoo في 12:30 17/10/2009 ---الى الاخ مراد اني عندي ثلاث اولاد وساكن في الامارات وادفع الى المدرسه8000دولار صدقوني اخواني الامارات الغلاء البيها اكثر من امريكا اومثلها ومثل قوانينها ترى العايشيين في الامارات يشتغلون يوميا 14 ساعه وما يكفي المصاريف والي يسمعنا احنه ملوك في الامارات والمصاريف الشهريه انت ماتصرف وتقصر على نفسك تصرف1500 دولار وايجار وماء وكهرباء 1200دولار وما دبرييه والبنوك تطلبنا من ساسنا الى راسنا وكل هاي الحمد لله انت تصرف على المدرسه 3000دولار يااخويه احنه هاي عيشتنا في الامارات يااخويه وبالاضافه والي هيه الاتعس ما كومستقبل لكل العائله
--- نهاية الإقتباس ---
ملك الحيرة:
اضم صوتي الى صوتك ولكن بدون التجريح بالاخرين
كلنا تعبنا ونحتاج الى وطن ينطينا مثل ما ننطيه قاتلنا من اجل الوطن بالعراق وصرنا بعدين صداميين...ضاع عمرنا من اجل خدمة الوطن وبعدين صرنا مطاردين..احنا ما نبحث عن الخبز بس الخبز موجود بالعراق ...العراق خبزته ما تخلص والحمد لله بس نحتاج نامن مستقبلنا ومستقبل اطفالنا ونحس احنا مواطنين النا وطن...وعدنا سفارات بالخارج تحمي مصالحنا مو مصالح الساسة الكاعدين على الكراسي
صحيح الي عايش بالامارات ومدبر اموره مثل لاعب الحديد الي يشيل 300 كيلو...من يوصل لامريكا او غيرها ما راح يشيل غير 200 ...فاتصور الي يشيل 300 سهلة عليه يشيل 200..........مو لو مو مو؟؟؟؟ ;)
--- مقتبس من: vaio في 13:38 17/10/2009 --- الاخ مراد علم دار ارجو من حضرتك ان ما تفترض علينا افتراضات لم نقلها ويمكن انت فهمت غلط انا او احنا في الامارات مو ناس خاملين ولا عجوزية حتى نريد بلد انام بيه (حسب ما كلت ) وينطونا راتب ونصير عالة على البلد الي نروحله لاننا وبكل فخر نشتغل ونكافح ونتعب واكيد اكثر منك لا تفكر ان النجاح بالامارات شي سهل والناجح في الامارات هو الذي يستطيع ان يعيش فيها ويسكن ويدخل اولاده المدرسة وهاي انا صارلي اكثر من تسع سنوات وما اعتقد انت لو بمكاني راح تقدر تقاوم
واكيد هسة راح اتكلي اذا انت امورك طاكة وعدلة (مثل ما كلت لاخونا ايادكوو ) لعد ابقا بالامارات احسن الك والجواب لا اخي العزيز مو بس المادة هي هدفنا هدفنا اكبر من هذا احنا انريد نروح لبلد يصير بينا وبينه عطاء مو بس ناخذ منه او بس نعطيه .
الامارات هاي الي تسمع عنها هاي انبنت بجهد كبير واطنان من العرق صبت من جبيننا واحنا في مكان توصل درجة حرارته 49 والرطوبة 90 بالمية واحنا تحت هاي الضروف ونشتغل ساعات طويلة .
وما احب اسمع منك ان تزاود على الاخرين على التعب الي تعبته انت لان كل العراقيين تعبو ولاقو الامرين سواء كانو بالامارات او بالعراق او في اي مكان واذا انت معتبر انك تصرف على اولادك فهذا واجبك اتجاههم ولا تعتقد ان الثلاث آلاف دولار بالسنة شي كبير
الرجاء من الاخ ملك الحيرة اعطاء رايه بالموضوع وتحية للاخ ايادكو وربنا يعينك .
واخيرا اشكرك اخي مراد على تفاعلك مع الموضوع وتقبل اعتذاري مقدما وادعيلك بالتوفيق .
تحملو اخوكم فايــــــو
--- نهاية الإقتباس ---
تصفح
[0] فهرس الرسائل
[#] الصفحة التالية
[*] الصفحة السابقة
الذهاب الى النسخة الكاملة