منتدى الهجرة واللجوء > الهجرة و واللاجئين
العراقيين المقيمين في الامارات
ملك الحيرة:
كلامك رائع جدا وحقيقي وواقعي
حتى اكو بعض الاخوان يكلك اني اخذ الجواز وارجع اشتغل بس اخلي ضمان الجواز الامريكي بجيبي ...وهوه يدري انه هناك راح يتحمل اعباء الغربه..الي ما تحملها بدراسته بالكليه حتى يحصل الشهادة الي المفروض تكون هيه ضمانه بالحياة...بس بالمقابل تلاكيه يكول اتحمل الغربه حتى احصل على الجواز
قارن ..وكأنما الجواز الامريكي اصبح رغما عنا الضمان المنشود
لا حول ولا قوة الا بالله
لعن الله من ازرى بك ياعراق الى هذا الحد وساعد الله ابنائك اللذين فارقوك رغما عنهم وعنك
مشكور يا اخي على المرور و.................طحت على الجروج
--- مقتبس من: Boney M في 18:42 03/10/2009 ---أخي العزيز:
اللي كاعد تتكلم عنه موضوع كبير ويحتاجله مجلد كامل وربما مجلدات عن تعامل العرب مع العراقيين. راح ألخصلك الموضوع بكم نقطة وأرجو أن لا يتحسس أحد من اللي راح أكوله لأن لكل واحد منا رأيه الخاص بي وهذا المنتدى الرائع ما وجد إلا ليعبر كل منا عن أرائه بحرية ومن دون التجريح بأراء الآخرين وبما يصب في مصلحة أخوه العراقي وقبل ما أبدأ راح اكللك بانه آني تارك العراق منذ 1999 وقد تنقلت بين عدة دول عربية وكذلك تركيا:
1. بصورة عامة إحترام الدول العربية للإنسان العراقي مو مثل ما كان عليه الوضع قبل التسعينات.
2. صار حال العراقي أسوأ من حال الفلسطيني أو الصومالي من جميع النواحي وأولها احترام العرب ونظرتهم.
3. ماكو أحد راح ينظرلك على أساس علمك أو ثقافتك او شهادتك أو خبرتك. الكل تنظرلك أنه أنت عراقي الجنسية وبالتالي راح ينطوك نص بل أقل من نص الراتب اللي ياخذه المصري أو الهندي أو الباكستاني أو اللبناني أو أو أو.... وهذا عن تجارب شخصية. أعطيك مثال: عملت استاذ في جامعة بدولة خليجية وبعد موافقتي على الراتب وبدء العمل اكتشفت أنني أقل الأساتذة راتباً. فذاك الهندي ياخذ ضعف وربع ضعف راتبي وذاك الأمريكي (من أصل مصري) ياخذ ثلاث أضعاف وهكذا علماً أن درجاتهم العلمية ليست بأكثر من درجتي العلمية. ولدي قريب لديه دكتوراه هندسة من لندن وهو في دولة خليجية أيضاً ونفس الشي حاصل وياه.
4. بالنسبة للشارع العربي فلا تغتر بتعاطفهم معاك لأن لما تروح وتشتغل عد واحد منهم (كأن يكون صاحب شركة أو مؤسسة) راح تشوف التمييز بعينك من النواحي المادية وربما غيرها. وأكرر هذا عن تجربة طويلة واحتكاك مباشر بهذي الأمور.
5. للأسف فإن بعض أصحاب النفوس الضعيفة من جماعتنة العراقيين (وأقول البعض) قد عاثوا فساداً في الديار. فمنهم من قام بالتزوير ومنهم من ليس لديه أي خبرة في أي مجال سوى القيل والقال ويشتغللك حاروكة (تشولة) فتشوفة أول ما يشتغل يروح ينكز هذا ويحرق ذاك وبالتالي انطوا انطباع غير جيد لدى الناس عن العراقيين. ولهذا تشوف بعض العراقيين ينصحك بأن تبتعد قدر الإمكان عن العراقيين في الغربة. وطبعاً كلامي هذا ما يشمل الكل فمثل ما دتشوف بهذا المنتدى أكو الروح الأخوية اللي تنطي الإنطباع الجيد عن الإنسان العراقي مثل حب الخير للآخرين والتعاون. هذا الإنطباع اللي ينطبع بأذهان الناس تجاه فئة معينة ضروري يا جماعة مو بس بالدول العربية بل حتى في الدول الغربية. قبل كم يوم خلصت الدورة التثقيفية، تعرف الإنطباع اللي ماخذيه الأمريكان عن العراقيين شنو؟ أنه العراقي متميز بالتململ بالعمل وما يعجبه أي عمل يعرض عليه في بداية حياته كلاجئ في أمريكا يعني يريد أول ما يروح لازم يشتغل باختصاصه ولازم بمكان مرموق وراتب ممتاز بالإضافة إلى اتكاله على المساعدات اللي يريد ياخذهة طول عمره. طبعاً هذا مو كلامي بل كلام الأمريكية اللي كانت تلقي المحاضرة علينا. فإنت من هاية وقيس شلون يأثر عليك انت كشخص لا بيهة ولا عليهة وخيرك كافي شرك تصرف البعض من اللي انطو الأخرين هذي الإنطباعات السلبية عن العراقيين. بس لما تكون أمريكي ومن أي أصل كان فإخواننه العرب راح يغضون النظر عن التصرفات السلبية لأخوانك الأمريكان ومهما كانت هذي التصرفات.
آسف على الإطالة ولكن يا أخي الموضوع و مابيه أنه صار عندي قناعة تامة غير قابلة للنقاش أو التنازل مهما كانت التضحيات بأن أحصل على الجنسية اللي تخليني فارض احترامي وبقوة على إخوانه العرب و حقوقي تجيني ليمي وفوقها بوسة على قندرتي (آسف على التعبير ومكرم السامع) ليششششش.... لأن آني أحمل الجنسية الأمريكية.
فيا جلالة ملك الحيرة أرجو أن تكون وضحتلك الفكرة منو الأفضل إلك: ملك بجواز عراقي لو مواطن بسيط بجواز أمريكي.
تحياتي لك واعتزازي بكل عراقي
--- نهاية الإقتباس ---
amori75:
صح لسانك يا أخوية بوني أم .... الله يرحم ايام زمان وأيام بوني أم .
--- مقتبس من: Boney M في 18:42 03/10/2009 ---أخي العزيز:
اللي كاعد تتكلم عنه موضوع كبير ويحتاجله مجلد كامل وربما مجلدات عن تعامل العرب مع العراقيين. راح ألخصلك الموضوع بكم نقطة وأرجو أن لا يتحسس أحد من اللي راح أكوله لأن لكل واحد منا رأيه الخاص بي وهذا المنتدى الرائع ما وجد إلا ليعبر كل منا عن أرائه بحرية ومن دون التجريح بأراء الآخرين وبما يصب في مصلحة أخوه العراقي وقبل ما أبدأ راح اكللك بانه آني تارك العراق منذ 1999 وقد تنقلت بين عدة دول عربية وكذلك تركيا:
1. بصورة عامة إحترام الدول العربية للإنسان العراقي مو مثل ما كان عليه الوضع قبل التسعينات.
2. صار حال العراقي أسوأ من حال الفلسطيني أو الصومالي من جميع النواحي وأولها احترام العرب ونظرتهم.
3. ماكو أحد راح ينظرلك على أساس علمك أو ثقافتك او شهادتك أو خبرتك. الكل تنظرلك أنه أنت عراقي الجنسية وبالتالي راح ينطوك نص بل أقل من نص الراتب اللي ياخذه المصري أو الهندي أو الباكستاني أو اللبناني أو أو أو.... وهذا عن تجارب شخصية. أعطيك مثال: عملت استاذ في جامعة بدولة خليجية وبعد موافقتي على الراتب وبدء العمل اكتشفت أنني أقل الأساتذة راتباً. فذاك الهندي ياخذ ضعف وربع ضعف راتبي وذاك الأمريكي (من أصل مصري) ياخذ ثلاث أضعاف وهكذا علماً أن درجاتهم العلمية ليست بأكثر من درجتي العلمية. ولدي قريب لديه دكتوراه هندسة من لندن وهو في دولة خليجية أيضاً ونفس الشي حاصل وياه.
4. بالنسبة للشارع العربي فلا تغتر بتعاطفهم معاك لأن لما تروح وتشتغل عد واحد منهم (كأن يكون صاحب شركة أو مؤسسة) راح تشوف التمييز بعينك من النواحي المادية وربما غيرها. وأكرر هذا عن تجربة طويلة واحتكاك مباشر بهذي الأمور.
5. للأسف فإن بعض أصحاب النفوس الضعيفة من جماعتنة العراقيين (وأقول البعض) قد عاثوا فساداً في الديار. فمنهم من قام بالتزوير ومنهم من ليس لديه أي خبرة في أي مجال سوى القيل والقال ويشتغللك حاروكة (تشولة) فتشوفة أول ما يشتغل يروح ينكز هذا ويحرق ذاك وبالتالي انطوا انطباع غير جيد لدى الناس عن العراقيين. ولهذا تشوف بعض العراقيين ينصحك بأن تبتعد قدر الإمكان عن العراقيين في الغربة. وطبعاً كلامي هذا ما يشمل الكل فمثل ما دتشوف بهذا المنتدى أكو الروح الأخوية اللي تنطي الإنطباع الجيد عن الإنسان العراقي مثل حب الخير للآخرين والتعاون. هذا الإنطباع اللي ينطبع بأذهان الناس تجاه فئة معينة ضروري يا جماعة مو بس بالدول العربية بل حتى في الدول الغربية. قبل كم يوم خلصت الدورة التثقيفية، تعرف الإنطباع اللي ماخذيه الأمريكان عن العراقيين شنو؟ أنه العراقي متميز بالتململ بالعمل وما يعجبه أي عمل يعرض عليه في بداية حياته كلاجئ في أمريكا يعني يريد أول ما يروح لازم يشتغل باختصاصه ولازم بمكان مرموق وراتب ممتاز بالإضافة إلى اتكاله على المساعدات اللي يريد ياخذهة طول عمره. طبعاً هذا مو كلامي بل كلام الأمريكية اللي كانت تلقي المحاضرة علينا. فإنت من هاية وقيس شلون يأثر عليك انت كشخص لا بيهة ولا عليهة وخيرك كافي شرك تصرف البعض من اللي انطو الأخرين هذي الإنطباعات السلبية عن العراقيين. بس لما تكون أمريكي ومن أي أصل كان فإخواننه العرب راح يغضون النظر عن التصرفات السلبية لأخوانك الأمريكان ومهما كانت هذي التصرفات.
آسف على الإطالة ولكن يا أخي الموضوع و مابيه أنه صار عندي قناعة تامة غير قابلة للنقاش أو التنازل مهما كانت التضحيات بأن أحصل على الجنسية اللي تخليني فارض احترامي وبقوة على إخوانه العرب و حقوقي تجيني ليمي وفوقها بوسة على قندرتي (آسف على التعبير ومكرم السامع) ليششششش.... لأن آني أحمل الجنسية الأمريكية.
فيا جلالة ملك الحيرة أرجو أن تكون وضحتلك الفكرة منو الأفضل إلك: ملك بجواز عراقي لو مواطن بسيط بجواز أمريكي.
تحياتي لك واعتزازي بكل عراقي
--- نهاية الإقتباس ---
lionofiraq:
اخي العزيز بالنسبة الى رأي اني افضل الدول الأجنبية و خصوصا امريكا و كندا و استراليا لأن هذه الدول انت ممكن تبني بيها نفسك و اذا تبقى بيها باالتاكيد راح اتحصل على جنسية و تستقر و يكون الأنسان محترم و اله قيمة و لكن مع الأسف في الدول العربية ما ممكن او من سابع المستحيلات ان تكون في نفس المكانة التي ممكن ان تحضى بها في الدول الغربية و ممكن انت تعمل في اي دولة عربية و فجأة يسفروك و ياخذون الي عندك و ما عندك .......................فالمسألة واضحة و ميرادلها جدل
تقبلوا مرور اخوكم
اريد وطن:
اخونا وعزيزي مللك الحيره (يمعود غير اسمك ناقصين حيره )
اخي العزيز انا مع الاستقرار وبناء مستقبل في الغرب لعدت اسباب
1- شخصيا انا في الاردن 20 سنه تقريبا من 1991 يعني بدات حياتي وشبابي في الاردن وبلحظه تم سحب الاقامه يعني لديه اقامه مستمره من اول يوم دخولي اجددها في مركز الشرطه فقط بس تزوجت كنت بحاجه لتقديم من داخليه وبعدين وبسهوله يطين الاقامه الى وزوجتي لا يعني بس لدفع الغرامات ويمن تراجه دوائر الدوله مخابرات بكل لطف يسئلك ليش ماطو الزوجتك اقامه دكول مو دائلرته هي الرافضه
2- العمل ومادراك ما العمل في بلاد مثل دولنا العربيه مثل ماكال احد اخوانا انت تعمل بجد وتاخذ نص الراتب هاي اذا قبل يطيكيا الى تتوسل بيه تكول تكدي
3- من تجربه وصدقني دائما اتمناها تكون بالعراق مثل في الامارات او الاردن القانون مهما كان يقف مع ابن البلد وانا سامعها هنا في الاردن من شخص قاضي عند النضر في قضيه يكون توجهي حمايه المواطن وهاي على مستوى اجار شقه
4- من ناحيه استقرار لايوجد اي استقرار او امان لانه اي لحظه مهدد ولايوجد اي شي يدعمك يعني لاسامح الله تمرضت ماعندك فلوس تموت احسن بس في الغراب امريكا او الغرب بشكل عام يوجد تامين صحي يوجد حد ادنا بس متموت من الجوع بينما في دولنا العربيه يادوب تدعم مواطنيها
5- نضرت المجتمع العربي لك المصيبه خاصه في الاردن كامن يشوفك عراقي يعني لازم عندك فلوس يعني ابويه لازم صاحب بنك او تكول عندك بير نفط خاص بيك وصدق من تجربه عندي سياراه فوكس 1971 زين منها تمشي كل ميشوفني شرطي او صديق او اعرضها للبيع يكولولي معقوله عراقي راكب هيجي سياراه يعني شنوا ابوك لو لازم كلنا تجار (ربنا وزعك الارزاق والحمد لله واحد بتعبه وعرق جبينه كدر يركب هيج سياراه وهذا الشي غير عيب)
اخواني في المنتدى الله يعلم اني مو كاعد احجي على الاردنيين او الامارتيه او السوريين اني عتبي وعتبي وشده قهري والمي من الععععععععععععععععععراق لانه ومع الاسف لم تلم بلده والخط والله ليس بالنضام السابق صدام او ربعه _( والله يعلم انا من اشد الكارهين والمعارضين ولا السبب النضام الحالي ( علما من منتخبيهم كنت مندفع وفرحان بيهم مع الاسف )
السبب وهذا رائي شخصي وارجوا لايعتبر التجريح او اهانه لاسامح الله لاحد السبب فينا نحن العراقيين الاكثر لايوجد عندنا وطنيه ولاخوف ولانضام لاْعرف ماهو السبب علما مثقف والعالم والكاتب والمفكر هو من العراق وللعلم مقوله بالسبعينات تقول ( مصر تكتب ولبنان تطبع والعراق يقراء ) ممكن هذا النفط والخيرات في البلد هي جابت اللعنه على العراق
اسف على اطالتي واعتذر من اي شخص يخالف رائي اتمنى ارى العراق وبكل صدق مثل منتدى عنكاوا
لايوجد فقط مساعده والتوجيه ومحد يعرف الاخر بس حب المساعده يعني مو هذا مسيحي او سني او شيعي او كردي بس نعرف هذا عراقي والبلد يطور ويصير شمعه تتمنى والله حتى الغرب يتمنى ينقاد بينا يارب نشوف هذا النور ولو لاولادنا
اخوكم اريد وطن
مقدم من عمان اللجوء الى كندا انتضار اجراءات سفاره الصبر مع التحيه
صابرين:
لا عاب حلقكم كل الحجي صحيح .... واضيف عليه كنا الشعب الوحيد اللي اكرم العرب عنده ودارت الايام وصرنا عندهم وعرفنا الفرق ... دول الغرب تحترم الانسان وهذا اهم شئ
اختكم صابرين
تصفح
[0] فهرس الرسائل
[#] الصفحة التالية
[*] الصفحة السابقة
الذهاب الى النسخة الكاملة