استفسار

[عراقية أصييلة]

السلام عليكم

بلا زحمة عليكم

عندي استفسار

اني مطلقة وعندي اطفال ثنين.. موجودة بالاردن.. الأمم المتحدة مغلسة علية ما عندي حتى راتب كل ما اقوللهم يقولون زين شوي يرادلهة وقت.. شنو اسوي؟ وشلون احصل توطين؟ مو اني مستحقة؟

[مريمانه]

حبيبتي...عراقيه اصيله


نورتي المنتدى...وكل الهلا بيج...اختي لتسكتين واخذي اوراق ثبوت طلاقج وجلبي باليو ان ..انت اقامتج شلون على المفوضيه لو على مدارس الجهال..؟؟؟

واحب اكلج معلومه ومتاكده منها ..حاليا اكو اولويه للنساء الارامل والمطلقات..فلتفوتين الفرصه وهذا حقج انت مستحقه هذا التوطين

وياربي يكون بعونج ويفتحها بوجهج  ويستر عليج ويوفقج ويحفظلج جهالج بجاه النبي

اختي واي شي تحتاجي اني جاهزه ..تأمريني..


اختج مريمانه

[عراقية أصييلة]

لج عيني فدوة لعيونج شكرا عالرد

اني ما عندي اقامة قانونية اطفالي وحدة سنتين واحد 3 سنوات ماكو مدارس بس كاعدة على ورقة الأمم.. زين شسوي يا عيني شلون اجلبلهم مو دائما اروح وادخل للاخصائية الاجتماعية واكول واشوفها اوراق وماكو شي انطيني طريقة اذا تعرفين انصحيني والله على الله عايشة وما اشتغل واهلي مرات ابغداد يدزولي مصرف ومرات اروح ادرس الجهال مال الجيران لان اني عندي بكالوريوس انجليزي

[بغداد بقلبي]

مرحبا عراقيه اصيله شلونك وشخبارك المهم اشكد صارلك امسجله على المفوضيه واذا وطلاقكك تم بالاردن او العراق يعني انتي جيتي للاردن انتي واطفالك وبالنسبه للراتب انتي باي منطقه ساكنه اذا اب عمان الغربيه فانسي شب اسمه راتب او مساعدات بس الطبيه موجوده طبعا اذا امكن اتجاوبين وان شاء الله ممكن ان انساعدك

[عراقية أصييلة]

عيني اني تطلقت بالاردن بحكم محكمة غيابي لان عافني وراح ميريدنا وصارلي مسجلة بالمفوضية من شهر 12 الفات يعني 10 اشهر واني ساكنة بصويلح يعني مو عمان الغربية يا غربية على بختك

شكرا اخوية على الرد تسلملي

[بغداد بقلبي]

عراقيه اسمعيني انتي ان شاء الله مقبوله بس لازم يكون عندك بالاضافه الى اوراق طلاقك اوراق تنازل من زوجك بخصوص الاولاد ومعها طبعا فد قصة امرتبه لان بدون اي قصه اوتهديد شخصي الك مستحيل يتم توطينك والمساعده كتلج راجعي الباحثه الاجتماعيه وان شاء الله يقومون بمساعدتك بس الشغله اتطول اشويه واذا تكدري طبعا اكتبي فد مناشده امرتبه وحطيها بالبريد مال المفوضيه اصبري وان شاء الله على التجديدي مال الهويه المره الجايه يتم توطينك واتصلي واساليهم وين وصل ملفك اذا اب قسم الحمايه ان شاء الله  خير

[rafid82]

اختي الكريمة وحدة من الاشياء اللي انصحك بيها تكتبين رسالة  وتوضحين وضعك بيها  و تكتبين رقمك ورقم الملف و تخليها برسالة و تخليها بالبريد مال الامم المتحدة والله كريم
وحاولي كل اسبوعين او أسبوع تسوين نفس الشئ ثاني شئ  ترة الرعاية الاجتماعية ماالهم علاقة بالتوطين وحاولي تكتبين بالرسالة انه انت ماكدرين تعيشين بعد هنا بالاردن
وان شاء الله تتوفقين

[الاريج]

اختي الكريمه اول اقول لكي ياربق تفرج عليكي وانشاء الله اله لي ييسر كل شيئ ارجو ان تتكلمي على الخاص لمساعدتكي هناك للان قبل فتره نفس قضيتك والحمد لله قمنا بحلها ويارب الله سهل امرك ثم نحن نكون سبب وهذا ايميلي الخاص تحياتي ferias_miaged@yahoo.com

[عراقية أصييلة]

اشكركم جدا على التعاون والله ممنونة

اخوية بغداد.. اني ترا طلقتني من زوجي منظمة ميزان هنا بعمان يعني تطلقت غيابي لان ماهو ولا حتى اعرف اذا برا العراق او داخل العراق بس ادري انه حي لان مرات يدز ايميلات يكول انتبهي للجهال بس. اني بصراحة مو مهددة بالعراق بس اطفالي ما الهم مستقبل واني اصلا مترجمة ومحلفة وقانونية يعني اريد اطلع اشوف مستقبيلي ومستقبل اطفالي

[Gillian]

حبيبـتي عرآقيه أصيـله آلله يفكـ ضيـقتج وضيـقه كـل عرآقي وعرآقيه بجآآأه اآلآنبياء

شـووفي آحنا مجآن عدنـآ رآتب همـ وبس آني وآمي بـآلآردن ،،

بس ولـد آبن حلآآل دلآآني على طريقـه حصلنـآ بيهآ رآتب

بآعي ،، ورقه الـ UN الطويلهـ الي بيهآ صورتج وصورهـ آطفآلج

آكـو ليـفوك مكـتوب فآكس وتيلفون تروحين تكتبين رسآله عن حآلتج وركـزي آنه مآعندج دخـل مآدي

ولآآ زوج ولآآ آخ ولآآ معيل تكتبين هذا الحجي كله بظهـر الورقهـ ( تكون مصوره ) وتدزيها للفآكس

المكـتوب رقمـه تروحين على آقرب مكتـبه وتدزيهآ وللـه وآعلمـ ورى يومين آسبوع يخآبروج يسووولـج رآتب

لآآن آحنا وعوآئل هوآية هيج سوو وآذا تنطشين على مـوضوع الرآتب ترة يآخذوه وخلـي ببآلج آنه هاي كلهـ

من بلدج وخيرج مو مـن آحد ،،

سوي آلي كلتلـج عليه حبيبتي وآني رآح آتآبعج

آختـج || جيليـآن

[الاريج]

اخت عراقيه الاصيله لقد كتبت لكي على الخاص ارجو ان تقرأيه وتجاوبي حتى اعرف متى تكوني على النت تحياتي