سؤال لذوي الخبرة مع الIOM ... من فضلكم أفتونا مأجورين!!

[Safaa Alkhrkhy]

الموضوع ببساطة هو أنه داعيكم مقدم على الIOM من شهر حزيران 2008 وقابلت المقابلة الاولى قبل سنة تقريبا والفحص الطبي كان بالشهر الواحد من هاي السنة والمقابلة الثانية همين واستلمت نتيجة المحلف يوم 12 آذار 2009 وكانت مؤشرة على الاختيار رقم 4 ... ومن هذاك اليوم لهذا اليوم أخوكم حاطي على الشحن البطيء وكلما أبعثلهم ايميل يجيني الجواب كالاتي:

Thank you for your email. Please note that there still no decision regarding your case this doesn’t mean that your case has been denied. Decision deferrals indicate that further review of your eligibility for refugee resettlement in the United States is necessary.

Your case will continue to be processed.  When there are updates on your case, and a final decision is made, you will be notified. Unfortunately, It is not possible to estimate how long this will take.

علما أن الملف مالتي بي دفع فدية لحادث أختطاف عام 2005 ..  وأني مقدم من بغداد ولذلك اني دا أحس انه الشغلة طولت وصارت على كولت العراقيين بلية ملح ... فما هو رأيكم بالموضوع ؟؟؟ الشغلة بيهة أمل لو اسويلهة delete لو شلون ابقهة على حطتي على الشحن البطيء؟؟؟!!  أفتونا ولكم الاجر والثواب    اخوكم صفاء الكرخي

[ريم عبد]

يااخي الكرخي
الله ايساعدك والله ايصبرك
بس انتوا شنو لاختيارات الي عندك
اولا شغلة الدليت هاي متخدمك بشي حتى لو بعد مااخذوا قرار بشغلتك هم عوفها وشوكت متخلص خلي تخلص لتاخذ قرار تندم عليه وانت مخصران شي اذا عفتها
انت انتضرت سنه و3 اشهر
يعني شكد راح اتطول بعد على الاقل انت مادامك ابغداد يعني كاعد ابيتك وشغلك ماشي احسن من الي متهجرين بدول الجوار وكل يوم عليهم بسنه وهم عدهم اختيارات توطين بغير دول
اما من بغداد فماكو بس هاي الدربونه وانت مالك غير الانتضار ومنكدر انكلك غير ان شاء الله بيها امل ومالنا الا الدعاء ان الله يفرجها عليك
لان اذا احد عنده جواب لحالتك جان الامن القومي اخذ قرار بيها
فيااخي اصبر واحتسب وعوف الموضوع شوكت ميصير خلي ايصير وان شاء الله الفرج قريب
الله ايوفقكم وايصبركم وان شاء الله العاقبه خير
اختكم ريم

[Baghdady73]

ملفك قيد الدراسة وهذا واضح من الرسالة.. ولكن ايضا يجب ان يبت بوضع ملفك ولا اقول لك غير الصبر وما زال انك مقيم ببغداد فلا يوجد اي سبب لالغاء الطلب..
دفع الفدية حسب تجربتي لا يؤثر على سير الملف بشرط ان لا يتعارض مع الخطوط الرئيسية للقصة
وانشاءالله موفق

تحياتي

[مهند هادي]

اخواني الاعزاء

التاشير على الربع الرابع يعني موافقة وانتظار الموافقة الامنية اني عمي نفس الحالة وحتى خابرو كلولة مبروك على المحلفين بمهنى موافقين لن كان عنده نقص بمعلومات الكفيل وهسة دينتظر الموافقة الامنية


التاشير على المربع الرابع هوانتظار الموافقة الامنية فقط يعني موافقة 100%