اكو SIV مسافر على حسابه و محصل باقي المساعدات....الرجاء المساعده

[EZE]

السلام عليكم شباب
اني اخوكم مقدم على SIV و كملت مقابله و دانتظر الفيزا و ايضا اني مقدم على المساعدات بس اريد اسافر على حسابي و اني احدد الموعد
شنو الطريقه الافضل حتى احصل على المساعدات بس اسافر على حسابي و هل المنظمه ما راح تعترض و هل راح يدزون احد يستقبلني بالمطار و شكد راح تاخذ الترتيبات مال السكن من وقت؟؟؟
و شكرا مقدما

[ابو عبد الله التكساسي]

اخي العزيز
ممكن جدا ولا تدوخ نفسك
اتسافر على حسابك شي عادي بس لازم تذكر هذا الشي (( المعلومه))بخانه خاصه بالملاحضات بالفورم الخاص باعادة التوطين
DS-234
 بالتوفيق اخي 

[BaghdadGhost]

اخي العزيز ايزي .....


مع احترامي الكبير براي الاخ شوقي ,,,, ولكن من غير الممكن السفر بالطريقة الي انته ذكرتهه ,,,, وذلك لكونك مقدم على المساعدات ,,,, و الدليل بان كل الايميلات الي تستلمهه من جماعه اعاده التوطين (الرابس نت) بيهه بالاخير ملاحظه و بالخط العريض كاتبيهه ,,, يعني موضوع غير قابل للتقاش ,,,,

و الملاحظه هي التالي


NOTE:  You must travel on an IOM arranged flight in order to qualify for Department of State benefits.  Should any of the information you provided on the DS-0234 change prior to your arrival in the United States , please notify the Refugee Processing Center as soon as possible.

[EZE]

شكرا اخواني على الردود بس برايكم شنو الحل لان اني ما اكدر انتظر السفر مال الIOM لان زوجتي حامل بالسابع و راح تطب على الثامن و اذا انتظر راح تصيرلي مشاكل ويه المطارات الرجاء المساعده اخوان

[BaghdadGhost]

الحل هو التالي ,,,,

ان تستلم الفيزا و تعوف سالفه المساعدات ,,,,, توصل لهناك و تروح بنفسك ويه مساعده من الي دايرمدايرك تروح لدائرة السوشل و تقدم عليه ,,,, وراها تروح للولفير و هم تقدم عليه و تستلم الفود ستامب و تنشمل بالمديكل .,,,,,,,,

الي يريد شي يعوف شي و مرات من تحاول تشيل اكثر من بيضة بايد وحده ,,,,, يوكع كل البيض ويتكسر ,,,,,,,,,

[ابو عبد الله التكساسي]

بعد شتريد
اجاك رد من علاوي  وهو الخبير مال امنتدى وربك احجايته راس مال
تسلم ابو حسين الورده اريدك ذخر عمي

[Sasy]

 نصيحه مني الك واني اجيت على حسابي وهسه متبهذله بسبب المنظمه مدتقبل تدعمني وبس رح احصل مساعده الولفر الي هي مبلغ مالي بسيط جداااا وفود ستاب والمدكل كوبون وهاي كلها مسوي حق تاأجر شقه لان لازم عندك شغل يسد الاايجار او عندك كفيل امريكي بنفس الولايه او تدفع ايجار مال ٦ اشهر  يعني بهذله اني هسه دايخه ورح انزل موضوع بس من تكمل هاي القصه

تحياتي
ساسي

[powerless]

ست ساس اني همين اريد اسافر على حسابي اشرحيلي اني ما عندي احد هناك شنو لازم اجر فندق لو اكدر اجر شقة وادفع 6 شهر بدون كفيل وصدق شنو المنمة ما اساععد احد بلكي شرح وافي رجاءا ومحد يقدر ايحصل فد شريك وياه بالسكن هناك شكرا

[MONSTER]

اخي العزيز...

بحاله رفض مساعدات الاي او ام تكدر تسافر على حسابك الخاص الي هوه 1300 دولار طيران ومن توصل بالسلامه للولايه التعجبك تكدر تقدم على نوعين من المساعدات والي هيه HHS/ORR

وتشمل
 Reception and Placement (R&P) Program
Cash and Medical Assistance (CMA) Program
employment services
English language instruction
 skills recertification

وهذا الموقع لعنوان المنظمه في كل الولايات....وارقام الهواتف وكلشي
 http://www.acf.hhs.gov/programs/orr/partners/state_coordina.htm


بالنسبه للسوشيل سكيورتي ..

https://secure.ssa.gov/apps6z/FOLO/fo001.jsp

العناوين في كل الولايات...

هذه المساعدات مموله من قبل الولايه يعني (تعتمد على اقتصاد الولايه)

الفرق بينهة وبين الرسلتمنت بنفت وبحر ظلمات خلود الحموي...هوه التالي..

تكاليف الطيران 1300 والي تدفعه بعدين+ايجار لمده 4 اشهر ومن يلكولك شغل يشيلون ايدهم ومتكدر ترفض الشغل اليعرضو عليك+يخلوك ويه واحد او عائله بنفس الشقه.

واذا ماعندك كفيل يشمروك باي ولايه على مزاجهم

بالنسبه للكيس ووركر:

اذا عراقي يريد يستفاد باي طريقه
اذا عربي يغار +يريد يستفاد باي طريقه..

والقرار راجع الك..
تحياتي

[amori75]

اخوية مونستر شنو انت العيد ؟ رحم الله والديك على هلتفاصيل .

[MONSTER]

اخي العزيز عموري اني بخدمه الطيبين..

[Ross son of iraq]

مداخلة صغيرونة وية راي الاخ الوحش كلة الكلام صحيح وللفائدة البارحة رحت لشارع السعدون وشفت شركة الهاتف عدهم تذاكر مباشرة للطيران من بغداد لامريكا, عن طريق عمان او عن طريق دبي والسعر كلش معقول للنفر الواحد الف دولار فقط.اني مثل متعرفون بأنتظار المساعدات واشوف اذا اتأخروا علية فأمري لله الواحد القهار اروح على حسابي وهناك اكعد ادوخ بالمساعدات احسن من ابقة هنا وفيزتي راح تخلص.

[powerless]

مرحبا روز ممكن سوال اذا تاخرت مساعداتك شنو اتروحين على حساك عندك احد هناك ايساعدك اني ما عندي احد ولازم اكعد بالفندق يعني اشوية صعبة وممكن توضيح شنو مساعدات الاو  ار ار او  الاج الاج اس شتشمل شكرا

[Ross son of iraq]

هلو حب عديم الطاقة
اني اروح على حسابي اذا اتأخرت المساعدات, صحيح اني عندي كفيل هناك ولكن هوة مجرد ضابط بالجيش الامريكي يعني هوة صديقي وليس فرد من افراد العائلة, بس كلت اروح وطبعا حشاكم راح ايطيح حظي من الصرف والغلاء لان اني رايح لكاليفورنيا , سان خوسه. بس مراح ابقة ساكت واشوف الفيزا مالتي تخلص وتقترب من نهاية مدة الصلاحية.

[powerless]

شكرا جزيلا على ردك والله صار امتب اكثر من موضوع على شخص اكدر اسكن وياه حتلى النفقات اتقل ماكو المهم الله يسعد الجميع يا رب